ಬರ್ಟ್, ಸಕ್ಮನ್ –(1944-) 1991
Bert , Sakmann
ಜರ್ಮನಿ-ವೈದ್ಯಕೀಯ-ಮೆದುಳಿನಲ್ಲಿ ನರತಂತುಗಳಿಂದ ಬಂದ ವೈದ್ಯುತ್ ಪ್ರವಾಹಗಳನ್ನು ದಾಖಲಿಸುವ ವಿಧಾನ ರೂಪಿಸಿದಾತ.
ಸಕ್ಮನ್, ತಂದೆ ಜರ್ಮನ್ ಮೂಲದವನಾಗಿದ್ದು, ತಾಯಿಯ ಪೂರ್ವಿಕರು ಪ್ರಷ್ಯಾದಲ್ಲಿದ್ದರು. ಈತನ ತಾತ ಸಯಾಮಿನ ರಾಜನ ವೈದ್ಯನಾಗಿದ್ದನಲ್ಲದೆ, ಸಯಾಮಿನ ಮೊದಲ ಸಾರ್ವಜನಿಕ ಆಸ್ಪತ್ರೆಯ ಸಂಸ್ಥಾಪಕನೂ ಸಹ. ಸಕ್ಮನ್ ಸ್ಟುರ್ಟ್ಗರ್ಟ್ನಲ್ಲಿ ಜನಿಸಿದನಾದರೂ ಪ್ರಾಥಮಿಕ ಶಿಕ್ಷಣವನ್ನು ಸನಿಹದ ಲಿಂಡೌ ಹಳ್ಳಿಯಲ್ಲಿ ಮುಗಿಸಿದನು. ಬಾಲ್ಯದಿಂದಲೇ ಸಕ್ಮನ್ಗೆ ಇಂಜಿನಿಯರ್ನಾಗಬೇಕೆಂದು ಹಂಬಲವಿದ್ದಿತು. ಜೀವಿಗಳನ್ನು ಇಂಜಿನಿಯರಿಂಗ್ ತತ್ತ್ವಗಳಿಂದ ಅರಿಯುವುದು ಸಾಧ್ಯವೆಂದು ಸಕ್ಮನ್ ದೃಢವಾಗಿ ನಂಬಿದ್ದನು. ಆದ್ದರಿಂದ ಪದವಿಯಲ್ಲಿ ಭೌತಶಾಸ್ತ್ರ ಮತ್ತು ಜೀವಶಾಸ್ತ್ರದಲ್ಲಿ ಯಾವುದನ್ನು ಆರಿಸಿಕೊಳ್ಳಬೇಕೆಂಬ ದ್ವಂದ್ವದಲ್ಲಿ ಬಿದ್ದನು. ಅಂತಿಮವಾಗಿ ಟುಬಿನ್ಜೆನ್ ವಿಶ್ವವಿದ್ಯಾಲಯದಲ್ಲಿ ವೈದ್ಯಕೀಯ ವಿಭಾಗ ಸೇರಿದನು.ಇಂಜಿನಿಯರಿಂಗ್ಗೆ ಹತ್ತಿರದ ವಿಷಯವಾಗಿದ್ದ ವೈದ್ಯುತ್ ಅಂಗಕ್ರಿಯಾಶಾಸ್ತ್ರದಲ್ಲಿ ಸಕ್ಮನ್ಗೆ ತೀವ್ರವಾದ ಆಸಕ್ತಿಯಿದ್ದಿತು. ಈ ಕಾಲದಲ್ಲಿ ವಿದ್ಯಾರ್ಥಿಗಳು ಏಕಕಾಲದಲ್ಲಿ ಹಲವಾರು ವೈದ್ಯಕೀಯ ಕಾಲೇಜುಗಳಲ್ಲಿ ಅಧ್ಯಯನ ಮುಂದುವರೆಸುವ ಅವಕಾಶವಿದ್ದಿತು. ಆದ್ದರಿಂದ ಫಿû್ರೀಬರ್ಗ್ ಬರ್ಲಿನ್, ಪ್ಯಾರಿಸ್ಗಳಲ್ಲಿ ವ್ಯಾಸಂಗ ಮುಂದುವರೆಸಿ ಮ್ಯೂನಿಕ್ನಿಂದ ಪದವಿ ಪಡೆದನು. ಈ ವೇಳೆಯಲ್ಲಿ ಕೀಟದ ದೃಗ್ ಪ್ರತಿಕ್ರಿಯೆಯನ್ನು , ಮಾಹಿತಿ ಸಿದ್ಧಾಂತದ ನೆರವಿನಿಂದ ಅರಿಯಲು ಹಲವಾರು ಜನ ಯತ್ನಿಸುತ್ತಿದ್ದರು. ಸಕ್ಮನ್, ಮ್ಯೂನಿಕ್ನಲ್ಲಿದ್ದ ಒಟ್ಟೋ ಕ್ರುಟ್ ಫೆಲ್ಡ್ ಕ್ರೆಪೆಟಿನ್ ಸಂಸ್ಥೆ ಸೇರಿದನು. ನರಜೀವಶಾಸ್ತ್ರದಲ್ಲಿನ ಸಂಶೋಧನೆಗೆ ಬೇಕಾದ ಎಲ್ಲಾ ಮೂಲ ಸೌಕರ್ಯಗಳೂ ಇಲ್ಲಿದ್ದವು. ಅಂಗಕ್ರಿಯಾಶಾಸ್ತ್ರದಲ್ಲಿ ಅಣ್ವಯಿಕ ಜೀವಶಾಸ್ತ್ರದ ಮೂಲ ತತ್ತ್ವಗಳನ್ನು ಅಳವಡಿಸಿಕೊಳ್ಳುವ ಪದ್ಧತಿಯನ್ನು ಸಕ್ಮನ್ ಬಳಕೆಗೆ ತಂದನು. ಮೆದುಳಿನಲ್ಲಿ ನರತಂತುಗಳಿಂದ ಬಂದ ವೈದ್ಯುತ್ ಪ್ರವಾಹಗಳನ್ನು ದಾಖಲಿಸುವ ವಿಧಾನ ರೂಪಿಸುವಲ್ಲಿ ಟೊಮೊಯುಕಿ ತಕಾಹಸಿಯೊಂದಿಗೆ ಸಕ್ಮನ್ ವಿಸ್ತೃತ ಸಂಶೋಧನೆಗಳನ್ನು ಕೈಗೊಂಡನು. ಇದಕ್ಕಾಗಿ 1991ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ರಿಚರ್ಡ್ ಆರ್.ಎರ್ನ್ಸ್ಟ್ (1933--) 1991
Richard , Ernst
ಸ್ವಿಟ್ಸಲ್ರ್ಯಾಂಡ್-ರಸಾಯನಶಾಸ್ತ್ರ-ಬೈಜಿಕ ಕಾಂತೀಯ ಅನುರಣನದಲ್ಲಿ ಫೂರೆ ರೂಪಾಂತರ ವಿಧಾನಗಳನ್ನು ( Fourier Transformation Methods) ಪರಿಚಯಿಸಿದಾತ.
ರಿಚರ್ಡ್ನ ತಂದೆ ವಿಂಟರ್ಥರ್ ಪಟ್ಟಣದಲ್ಲಿ ವಾಸ್ತುಶಿಲ್ಪಿಯಾಗಿದ್ದನು. ಈ ಪಟ್ಟಣ ಕೈಗಾರಿಕೆ ಹಾಗೂ ಕಲೆಗಳ ಅಪೂರ್ವ ಸಂಗಮವಾಗಿದ್ದಿತು. ಇಲ್ಲಿನ ಸಂಗೀತ ಗೋಷ್ಟಿಗಳ ಕೀರ್ತಿ ಯುರೋಪಿನ ಎಲ್ಲೆ ಮೀರಿ ಹಬ್ಬಿದ್ದಿತು. ಇಲ್ಲಿ ತಯಾರಾಗುತ್ತಿದ್ದ ಡೀಸೆಲ್ ಮೋಟಾರ್ ಹಾಗೂ ರೈಲ್ವೇ ಇಂಜಿನ್ಗಳಿಗೆ ಉತ್ತಮ ಮಾರುಕಟ್ಟೆಯಿದ್ದಿತು. ಈ ಪರಿಸರದಿಂದಾಗಿ ರಿಚರ್ಡ್ ಕಲಾಪ್ರೇಮಿಯೂ , ತಾಂತ್ರಿಕ ಆಸಕ್ತನೂ ಆಗಿ ಬೆಳೆದನು. ರಿಚರ್ಡ್ನ ಚಿಕ್ಕಪ್ಪ ಲೋಹಶಾಸ್ತ್ರದಲ್ಲಿ ಇಂಜಿನಿಯರ್ ಆಗಿದ್ದನು. ಈತ ಉಳಿಸಿದ್ದ ಕೆಲ ರಾಸಾಯನಿಕಗಳು ರಿಚರ್ಡ್ಗೆ ದಕ್ಕಿ, ಅದರಲ್ಲಿ ಆತನಿಗೆ ಅಪಾರ ಆಸಕ್ತಿ ಮೂಡಿತು. ಇವುಗಳನ್ನು ಬಳಸಿ ನಡೆಸಿದ ಹಲವು ಪ್ರಯೋಗಗಳಿಂದ ಹಲವಾರು ಬಾರಿ ಸ್ಪೋಟಗಳು ಸಂಭವಿಸಿ ವಿಷಾನಿಲಗಳು ತುಂಬಿದವು. ಇದರಿಂದ ರಿಚರ್ಡ್ನ ತಂದೆ ಈತನ ಪ್ರಯೋಗಗಳನ್ನು ನಿಗ್ರಹಿಸಿದನು. ಹಲವಾರು ಪುಸ್ತಕಗಳನ್ನು ಸಂಗ್ರಹಿಸಿ, ರಸಾಯನಶಾಸ್ತ್ರವನ್ನು ಆಳವಾಗಿ ಅರಿಯಲು ಯತ್ನಿಸಿದನು. ಪ್ರೌಢ ಶಿಕ್ಷಣ ಮುಗಿಸಿದ ಮೇಲೆ ರಸಾಯನಶಾಸ್ತ್ರದ ಕಲಿಕೆಗಾಗಿ ಝೂರಿಕ್ನಲ್ಲಿರುವ ಸ್ವಿಸ್ಫೆಡರಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸೇರಿದನು. ಆ ಕಾಲಕ್ಕೆ ಇಲ್ಲಿ ರಸಾಯನ ಶಾಸ್ತ್ರದ ಸೂತ್ರಗಳನ್ನು, ಪ್ರತಿಕ್ರಿಯೆಯ ಸಮೀಕರಣಗಳನ್ನು ನೆನಪಿನಲ್ಲಿಟ್ಟುಕೊಳ್ಳಲು ಅಪಾರ ಆದ್ಯತೆ ನೀಡಲಾಗುತ್ತಿತ್ತು. ಇದು ರಿಚರ್ಡ್ಗೆ ಭಾರಿ ನಿರಾಸೆಯುಂಟುಮಾಡಿತು. ಇದರ ಪರಿಹಾರಕ್ಕಾಗಿ ರಿಚರ್ಡ್ ತಾನೇ ಸ್ವಂತ , ಕೈಗೆಟುಕುವ ಪುಸ್ತಕಗಳನ್ನು ಓದತೊಡಗಿದನು. ಇದರಿಂದಾಗಿ ಕ್ವಾಂಟಂ ಬಲವಿಜ್ಞಾನ ರೋಹಿತಶಾಸ್ತ್ರ, ಔಷ್ಣೀಯ ಗತಿಶಾಸ್ತ್ರದಲ್ಲಿನ ಮೂಲ ತತ್ತ್ವಗಳು ಮನದಟ್ಟಾದವು. ಗುಂಟ್ ಹಾರ್ಡ್ನ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ಗಾಗಿ ಪ್ರಯೋಗಗಳನ್ನು ರಿಚರ್ಡ್ ಪ್ರಾರಂಭಿಸಿದನು. ಈ ಕಾಲದಲ್ಲಿ ಬೈಜಿಕ ಕಾಂತೀಯ ಅನುರಣನ ವಿಧಾನಗಳು ಶೈಶಾವಸ್ಥೆಯಲ್ಲಿದ್ದವು. ಇದಕ್ಕೆ ಬೇಕಾದ ನಿಖರವಾದ ನಿಷ್ಕಷ್ಟ ರೋಹಿತದರ್ಶಕ, ಹಾಗೂ ಸಹಸಾಧನಗಳನ್ನು ನಿರ್ಮಿಸಲು ರಿಚರ್ಡ್ ಶ್ರಮಿಸಿದನು. ಇದರೊಂದಿಗೆ ಪ್ರಯೋಗಗಳಲ್ಲಿ ದೊರೆತ ಫಲಿತಾಂಶಗಳಿಗೆ ಸೈದ್ಧಾಂತಿಕ ವಿವರಣೆ ನೀಡುವ ಅನಿವಾರ್ಯತೆಯೂ ಬಂದೊದಗಿತು. ಈ ದಿಶೆಯಲ್ಲಿ ರಿಚರ್ಡ್ಗೆ ಹ್ಯಾನ್ಸ್ ಪ್ರೈಮಾಸ್ನಂತಹ ಪ್ರತಿಭಾವಂತ ವಿಜ್ಞಾನಿಯ ನೆರವು ದಕ್ಕಿತು. ರಿಚರ್ಡ್ ಹಾಗೂ ಹ್ಯಾನ್ಸ್ನಿಂದ ನಿರ್ದೇಶಿಸಲ್ಪಟ್ಟ ರೀತಿಯಲ್ಲಿ ಬೈಜಿಕ ಕಾಂತೀಯ ಅನುರಣನ ವಿಧಾನಕ್ಕೆ ಬೇಕಾದ ರೋಹಿತ ದರ್ಶಕಗಳನ್ನು ಸ್ವಿಟ್ಸಲ್ರ್ಯಾಂಡಿನ ಟ್ರಬ್, ಟೌನೆಕ್ ಕಂಪನಿ ತಯಾರಿಸಿ, ಮಾರತೊಡಗಿತು. ರಿಚರ್ಡ್ನ ಬಹುತೇಕ ಪರಿಶ್ರಮ ಅತ್ಯಧಿಕ ಸಂವೇದನೆ ಹೊಂದಿದ ರೇಡಿಯೋ ಆವರ್ತನೆಯ ಪೂರ್ವವರ್ಧಕಗಳನ್ನು. (Radio Frequency PreAmplifiess) ತಯಾರಿಸುವಲ್ಲಿ ವಿನಿಯೋಗವಾಯಿತು. 1962ರಲ್ಲಿ ಡಾಕ್ಟರೇಟ್ ಗಳಿಸಿದ ರಿಚರ್ಡ್, ಶೈಕ್ಷಣಿಕ ವಲಯ ತೊರೆದು ಕೈಗಾರಿಕಾ ವಲಯಕ್ಕೆ ಹೋಗಲು ಬಯಸಿದನು. ಇದಕ್ಕಾಗಿ ಅಸಂಸಂದಲ್ಲಿನ ಪಾಲೋ ಆಲ್ಟೋದಲ್ಲಿರುವ ವೇರಿಯನ್ ಅಸೋಸಿಯೇಟ್ಸ್ ಕಂಪನಿ ಸೇರಿದನು. ಇಲ್ಲಿ ಹಲವಾರು ಖ್ಯಾತ ವಿಜ್ಞಾನಿಗಳು ನಿರ್ದಿಷ್ಟ ವೈಜ್ಞಾನಿಕ ಸಂಶೋಧನೆಯನ್ನು ವಾಣಿಜ್ಯೀಕರಣಗೊಳಿಸುವ ಗುರಿಯಿರಿಸಿಕೊಂಡು ಕೆಲಸ ಮಾಡುತ್ತಿದ್ದರು,. ಇಲ್ಲಿ ಲೆಸ್ಟನ್ ಎ ಅ್ಯಂಡರ್ಸ್ನ್ನ ನೇತೃತ್ವದಲ್ಲಿ ರಿಚರ್ಡ್ ಹಾಗೂ ಸಂಗಡಿಗರು ಹಲವಾರು ಆವರ್ತನೆಗಳನ್ನು ಸಮಾಂತರದಲ್ಲಿ ಪತ್ತೆ ಹಚ್ಚಿ ಓದಿ ದಾಖಲಿಸಬಲ್ಲ ಬೈಜಿಕ ಕಾಂತೀಯ ಅನುರಣನ (NMR-Nuclear Magnetic Resonance) ಸಾಧನವನ್ನು ¥sóÀÇರೇ ರೂಪಾಂತರ ವಿಧಾನದಲ್ಲಿ ನಿರ್ಮಿಸಲು ಯತ್ನಿಸಿದರು. ಇವರ ಶ್ರಮಕ್ಕೆ ಪ್ರತಿಫಲ ದಕ್ಕಿತಾದರೂ ವಿಜ್ಞಾನಿಗಳಿಂದ ನೀರಸ ಪ್ರತಿಕ್ರಿಯೆ ವ್ಯಕ್ತವಾಯಿತು ¥sóÀÇರೇ ವಿಧಾನದಲ್ಲಿ ನಿರ್ಮಿಸಿದ ಬೈಜಿಕ ಕಾಂತೀಯ ಅನುರಣನ ತಂತ್ರವನ್ನು ವಿವರಿಸಿ ಇವರು ಬರೆದ ಲೇಖನ ಎರಡು ಬಾರಿ ಜರ್ನಲ್ ಆಫ್ಕೆಮಿಕಲ್ ಫಿûಸಿಕ್ಸ್ನಿಂದ ತಿರಸ್ಕೃತಗೊಂಡು ಅಂತಿಮವಾಗಿ ರಿವ್ಯೂ ಆಫ್ಕೆಮಿಕಲ್ ಇನ್ಸ್ಟ್ರುಮೆಂಟ್ ಪತ್ರಿಕೆಯಲ್ಲಿ ಪ್ರಕಟಗೊಂಡಿತು. ರಿಚರ್ಡ್ ಹಾಗೂ ಸಂಗಡಿಗರ ಹೊಸ ಸಾಧನವನ್ನು ಪೂರ್ಣ ಪ್ರಮಾಣದಲ್ಲಿ ರೋಹಿತದರ್ಶಕದೊಂದಿಗೆ ತಯಾರಿಸಲು ವೇರಿಯನ್ ಕಂಪನಿ ನಿರಾಕರಿಸಿತು. ಇದಾದ ಏಳು ವರ್ಷಗಳ ನಂತರ ವೇರಿಯನ್ ಕಂಪನಿಯ ಪ್ರತಿಸ್ಪರ್ಧಿಯಾದ ಬ್ರುಕಲ್ ಅನ್ಯಾಲಿಟಿಷ ಮೆಸ್ ಟೆಕ್ನಿಕ್ ಕಂಪನಿ ಟೋನಿ ಕೆಲ್ಲರ್ ಮುಂದಾಳತ್ವದಲ್ಲಿ ಇಂತಹುದೇ ಸಾಧನ ತಯಾರಿಸಿ ಮಾರಿತಲ್ಲದೆ ವೇರಿಯನ್ ಕಂಪನಿಗಿಂತಲೂ ಮೊದಲೇ ಅದು ಈ ತಂತ್ರಜ್ಞಾನಕ್ಕೆ ಏಕಸ್ವಾಮ್ಯ ಹೊಂದಿರುವುದು ನಂತರ ಬೆಳಕಿಗೆ ಬಂದಿತು. 1968ರಲ್ಲಿ ಸ್ವಿಟ್ಸಲ್ರ್ಯಾಂಡಿಗೆ ಮರಳಿದ ರಿಚರ್ಡ್ ಬೈಜಿಕ ಕಾಂತೀಯ ಅನುರಣನ ತಂತ್ರಗಳಲಿ ಸುಧಾರಣೆಗೆ ತರಲು ಯತ್ನಿಸಿದನು. ಪೌಲ್ ಲೌಟೆರ್ಬರ್ ದ್ವಿ ಆಯಾಮದ ರೋಹಿತದರ್ಶಕದ ತತ್ತ್ವಗಳನ್ನು ಎನ್ಎಂಆರ್ ಬಿಂಬಗಳಿಗೂ ಅನ್ವಯಿಸಬಹುದೆಂದು ಸೂಚಿಸಿದ್ದನು. ಈ ಮಾರ್ಗದಲ್ಲಿನ ಮೊದಲ ಪ್ರಯೋಗಗಳನ್ನು ರಿಚರ್ಡ್, ಡೈಟಿಕ್ ವೆಲ್ಟ್ ಹಾಗೂ ಅನಿಲ್ ಕುಮಾರ್ ನಡೆಸಿದರು. ಮುಂದೆ ಇದು ಹಲವು ಅಯಾಮದ ರೋಹಿತಶಾಸ್ತ್ರಕ್ಕೆ ಅಡಿಗಲ್ಲಾಯಿತು. ಜೀವ ರಸಾಯನಶಾಸ್ತ್ರದಲ್ಲಿ ಅಣ್ವಯಿಕ ರಾಚನಿಕ ಸ್ವರೂಪ ಅರಿಯಲು ನೆರವಾಯಿತು. ಬೈಜಿಕ ಕಾಂತೀಯ ಅನುರಣನದಲ್ಲಿ ಫೂರೆ ರೂಪಾಂತರ ವಿಧಾನಗಳನ್ನು ಪರಿಚಯಿಸಿದುದ್ದಕ್ಕಾಗಿ ರಿಚರ್ಡ್ 1991ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ಆಲ್ಫ್ರೆಡ್ ,ಜಿ. ಗಿಲ್ಮನ್ –(1941--) 1994
Alfred , G.Gillmann
ಅಸಂಸಂ-ಔಷಧಶಾಸ್ತ್ರ- ಜೈವಿಕ ಪೆÇರೆಗಳ ಸಂಕೀರ್ಣ ರಚನೆಯ ತಿಳುವಳಿಕೆಗಾಗಿ ಶ್ರಮಿಸಿದಾತ.
ಗಿಲ್ಮನ್ನ ತಾತ ಸಂಗೀತೋಪಕರಣಗಳ ವ್ಯಾಪಾರಿಯಾಗಿದ್ದನು. ತಾಯಿ ಶ್ರೇಷ್ಟ ಮಟ್ಟದ ಪಿಯಾನೋ ವಾದಕಿಯಾಗಿದ್ದಳು. ಬಾಲ್ಯದಲ್ಲಿ ಸ್ವಲ್ಪ ಕಾಲ ತಂದೆ ತಾಯಿಗಳಿಂದ ಬಂದ ಸಂಗೀತದ ಅಭಿರುûಚಿ ಕ್ರಿಯಾಶೀಲವಾಗಿದ್ದು ಬರ ಬರುತ್ತಾ ಅದು ಗಿಲ್ಮನ್ನಲ್ಲಿ ಮಾಸಿಹೋಯಿತು. ಗಿಲ್ಮನ್ ತಂದೆ ಅಂಗ ಕ್ರಿಯಾ ರಸಾಯನಶಾಸ್ತ್ರದಲ್ಲಿ ಡಾಕ್ಟರೇಟ್ ಗಳಿಸಿ ಯೇಲ್ ವೈದ್ಯಕೀಯ ಶಾಲೆಯ ಔಷಧ ಶಾಸ್ತ್ರ ವಿಭಾಗದಲ್ಲಿ ಸಿಬ್ಬಂದಿಯಾಗಿದ್ದನು. 1941ರಲ್ಲಿ ಈತ ತನ್ನ ಸ್ನೇಹಿತನಾದ ಗುಡ್ಮನ್ ನೊಂದಿಗೆ ಔಷಧಿಶಾಸ್ತ್ರದ ಪುಸ್ತಕ ಪ್ರಕಟಿಸಿದನು. ಈ ಗ್ರಂಥ ಕತೃಗಳ ಜಂಟಿ ಹೆಸರಾದ ಆಲ್ಫ್ರೆಡ್ ಗುಡ್ಮನ್ ಗಿಲ್ಮನ್ ಎಂದು ಮಗನಿಗೆ ನಾಮಕರಣ ಮಾಡಿದನು. ತಂದೆಯೊಂದಿಗೆ ಆಗಾಗ್ಗೆ ಪ್ರಯೋಗಾಲಯಗಳಿಗೆ ಭೇಟಿ ನೀಡುತ್ತಿದ್ದ ಗಿಲ್ಮನ್ಗೆ ಜೀವಶಾಸ್ತ್ರ, ವೈದ್ಯಕೀಯದಲ್ಲಿ ಅಭಿರುಚಿ ಚಿಗುರೊಡೆಯಿತು. 1962ರಲ್ಲಿ ಕ್ಲೀವ್ಲ್ಯಾಂಡ್ನಲ್ಲಿರುವ ಕೋಸ್ಟ್ ವೆಸ್ಟರ್ನ್ ರಿಸರ್ವ್ ಯೂನಿವರ್ಸಿಟಿ ಸೇರಿದ ಗಿಲ್ಮನ್ ಚಕ್ರೀಯ ಎಎಮ್ಪಿ ಕುರಿತಾಗಿ ಸಂಶೋಧನೆಗೆ ನೊಂದಾಯಿಸಿಕೊಂಡನು ಇದೇ ಕಾಲಕ್ಕೆ ರ್ಯಾಲ್ ಮೆದುಳಿನಲ್ಲಿರುವ ಚಕ್ರೀಯ ಎಎಮ್ಪಿ (Cyclic AMP) ಕುರಿತಾಗಿ ಅಧ್ಯಯನ ನಡೆಸಿದರೆ ಗಿಲ್ಮನ್ ಥೈರಾಯಿಡ್ ಗ್ರಂಥಿಯನ್ನು ಅರಿಯಲು ಯತ್ನಿಸಿದನು. 1971ರಲ್ಲಿ ಚಾರ್ಲೊಟ್ಜ್ ವಿಲ್ಲೆಯಲ್ಲಿರುವ ವರ್ಜೀನಿಯಾ ವಿಶ್ವವಿದ್ಯಾಲಯದಿಂದ ಔಷಧಶಾಸ್ತ್ರ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕನಾದನು. ಇಲ್ಲಿ ಎಲಿಮಾಲ್ ರಾಸ್ನೊಂದಿಗೆ ಜೈವಿಕ ಪೆÇರೆಗಳ ಸಂಕೀರ್ಣ ರಚನೆಯ ತಿಳುವಳಿಕೆಗಾಗಿ ಶ್ರಮಿಸಿದನು. ಇವುಗಳಲ್ಲಿನ ಸಂಶೋಧನೆಗಳಿಗಾಗಿ 1994ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಕ್ರಿಶ್ಚಿಯಾನೆ , ನುಸ್ಲೀನ್ ವೊಲ್ಹಾರ್ಡ್ –(1942) 1995
Christian , Nusslein-Volhard
ಜರ್ಮನಿ -ವೈದ್ಯಕೀಯ-ಪರಿಶುದ್ಧ ಅರ್ಎನ್ಎ ಪಾಲಿಮರೇಸ್ನ್ನು ಪಡೆಯುವ ವಿಧಾನವನ್ನು ರೂಪಿಸಿದಾಕೆ.
ಕ್ರಿಶ್ಚಿಯಾನೆ 20ಅಕ್ಟೋಬರ್ 1942ರಂದು ಫ್ರಾಂಕ್’ಫರ್ಟ್ ಜನಿಸಿದಳು. ಈಕೆಯ ತಂದೆ ವೈದ್ಯಕೀಯದಲ್ಲಿ ಪ್ರಾಧ್ಯಾಪಕನಾಗಿದ್ದನು. ಪ್ರೌಢಶಾಲೆಯಲ್ಲಿರುವಾಗ ಕ್ರಿಶ್ಚಿಯಾನೆ ಜೀವಶಾಸ್ತ್ರದಲ್ಲಿ ಕುತೂಹಲ ತಾಳಿ, ತನ್ನದೇ ಆದ ವಿಕಾಸ ಸಿದ್ಧಾಂತವನ್ನು ಚಿಂತಿಸಿದಳು. 1964ರಲ್ಲಿ ಟುಬಿನ್ಜೆನ್ ವಿಶ್ವವಿದ್ಯಾಲಯದಲ್ಲಿ ಮೊಟ್ಟ ಮೊದಲ, ಏಕೈಕ ಜೀವ ರಸಾಯನಶಾಸ್ತ್ರದ ವಿಭಾಗ ಪ್ರಾರಂಭವಾಯಿತು. ಕ್ರಿಶ್ಚಿಯಾನ್ ಇಲ್ಲಿ ಪದವಿಗೆ ಸೇರಿದಳು. ಅಂತಿಮ ವರ್ಷದಲ್ಲಿ ಸೂಕ್ಷ್ಮಜೀವಿಶಾಸ್ತ್ರ ಮತ್ತು ರಸಾಯನಶಾಸ್ತ್ರಗಳನ್ನು ಅಭ್ಯಸಿಸಿದನು. 1969ರಲ್ಲಿ ಪದವಿ ಪಡೆದಳು. ನಂತರ ಸಂಶೋಧನೆಯ ಅಂಗವಾಗಿ ಪರಿಶುದ್ಧ ಅರ್ಎನ್ಎ ಪಾಲಿಮರೇಸ್ನ್ನು ಪಡೆಯುವ ವಿಧಾನವನ್ನು ಕ್ರಿಶ್ಚಿಯಾನೆ ರೂಪಿಸಿದಳು.
ರಾಬರ್ಟ್, ಎಫ್ ಕರ್ಲ್ ಜೂ (1933--) 1996
Robert F. Curl Jr
ಅಸಂಸಂ-ರಸಾಯನಶಾಸ್ತ್ರ- ಇಂಗಾಲದ ಹೊಸ ಬಹುರೂಪಿಯನ್ನು (Allotropy) ಅನಾವರಣಗೊಳಿಸಿದಾತ.
ರಾಬರ್ಟ್, 1933 ಆಗಸ್ಟ್ 23ರಂದು ಟೆಕ್ಸಾಸ್ ಪ್ರಾಂತದ ಅಲೈಸ್ನಲ್ಲಿ ಜನಿಸಿದನು. ಈತನ ತಂದೆ, ಚರ್ಚ್ನಲ್ಲಿ ಮೆಥಾಡಿಸ್ಟ ಮಿನಿಸ್ಟರ್ನಾಗಿದ್ದನು. ದಕ್ಷಿಣ ಟೆಕ್ಸಾಸ್, ಅಲೈಸ್, ಬ್ರಾಡಿ, ಸ್ಯಾನ್ ಅ್ಯಂಟೋನಿಯೋ ಕಿಂಗ್ಸ್ ವಿಲ್ಲೆಯಂತಹ ಪಟ್ಟಣಗಳಲ್ಲಿ ಬಾಲ್ಯವನ್ನು ಕಳೆದ ರಾಬರ್ಟ್, ಒಂಬತ್ತು ವರ್ಷದವನಿರುವಾಗ ರಾಸಾಯನಿಕ ಉಪಕರಣಗಳನ್ನು ಉಡುಗೊರೆಯಾಗಿ ಪಡೆದನು. ಇವುಗಳೊಂದಿಗೆ ಒಂದು ವಾರ ಕಾಲ ಆಟವಾಡಿದ ರಾಬರ್ಟ್ ಮುಂದೆ ತಾನೊಬ್ಬ ದೊಡ್ಡ ರಸಾಯನಶಾಸ್ತ್ರಜ್ಞನಾಗಬೇಕೆಂದು ಕನಸು ಕಂಡನು. ಪ್ರೌಢಶಾಲೆಯ ವೇಳೆಗೆ ಈ ಕನಸನ್ನು ನನಸಾಗಿಸಲು ಯತ್ನಿಸಿದ ರಾಬರ್ಟ್ಗೆ ಉಪಧ್ಯಾಯಿನಿ ಲೊರೆನಾ ಡೇವಿಸ್ನಿಂದ ಭಾರಿ ಬೆಂಬಲ ದಕ್ಕಿತು. ರಾಬರ್ಟ್ನ ತಂದೆ ಉತ್ತಮ ಸ್ಥಾನದಲ್ಲಿದ್ದರೂ, ಆರ್ಥಿಕವಾಗಿ ಅಂತಹ ಸ್ಥಿತಿವಂತನಾಗಿರಲಿಲ್ಲ. ರಾಬರ್ಟ್ ಶಿಕ್ಷಣ ಶುಲ್ಕವಿಲ್ಲದ ರೈಸ್ ಸಂಸ್ಥೆ ಸೇರಿ ರಸಾಯನಶಾಸ್ತ್ರವನ್ನು ಆರಿಸಿಕೊಂಡನು. ಇಲ್ಲಿ ವಿದ್ಯಾಭ್ಯಾಸಮುಗಿಸಿ, ಫಿûಟ್ಜರ್ ಮಾರ್ಗದರ್ಶನದಲ್ಲಿ ಉನ್ನತ ವಿದ್ಯಾಭ್ಯಾಸ ಮಾಡಲು ಬಕ್ರ್ಲೆಯ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ ಸೇರಿದನು. ರಸಾಯನಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಗಳಿಸಿ, ಹಾರ್ವರ್ಡ್ನಲ್ಲಿ ಇ.ಬ್ರೈಟ್ನೊಂದಿಗೆ ವೃತ್ತಿ ಜೀವನ ಪ್ರಾರಂಭಿಸಿದನು. ನಂತರ ರೈಸ್ ವಿಶ್ವವಿದ್ಯಾಲಯದ ಆಹ್ವಾನಕ್ಕೆ ಓಗೊಟ್ಟು ಉಪ ಪ್ರಧ್ಯಾಪಕನಾದನು. ಇಲ್ಲಿ ವಿದ್ಯಾರ್ಥಿಯಾಗಿದ್ದ ಜಿಮ್ ಕಿನ್ಸ್ ಸಹಕಾರದಲ್ಲಿ ಸ್ಥಿರ ಮುಕ್ತಾಣು (radicle) ರೋಹಿತಗಳ (Spectrum) ಅಧ್ಯಯನ ನಡೆಸಿದನು. 1958ರಿಂದ ರೈಸ್ ಸಂಸ್ಥೆಯಲ್ಲಿರುವಾಗ ರಾಬರ್ಟ್ ಭೌತ ರಸಾಯನಶಾಸ್ತ್ರದಲ್ಲಿನ ಹಲವಾರು ಸಮಸ್ಯೆಗಳ ಪರಿಹಾರಕ್ಕೆ ಯತ್ನಿಸತೊಡಗಿದನು. ಕಾಲ್ಚೆಂಡಿನ ಆಕಾರದಲ್ಲಿ ಅಣುಗಳು ಜೋಡಣೆಗೊಂಡಿರುವ ಇಂಗಾಲದ ಹೊಸ ಬಗೆಯ ಬಹುರೂಪಿಯನ್ನು ಅನಾವರಣಗೊಳಿಸಿದ್ದಕ್ಕಾಗಿ ರಾಬರ್ಟ್, ರಿಚರ್ಡ್ ಸ್ಮಾಲಿ ಹಾಗೂ ಹ್ಯಾರಿ ಕ್ರೋಟೋರೊಂದಿಗೆ 1996ರ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿ ಗಳಿಸಿದನು.
ಆರ್ವಿಡ್, ಕಾರ್ಲ್ಸನ್ –(1926--) 2000
Arvid , Carlsson
ಸ್ವೀಡನ್-ವೈದ್ಯಕೀಯ-ಕ್ಯಾಲ್ಸಿಯಂ ಚಯಾಪಚಯ, ಮೂಳೆಗಳಲ್ಲಿ ಖನಿಜಗಳ ಸಂಚಯನದ ಅಧ್ಯಯನ ನಡೆಸಿದಾತ.
ಆರ್ವಿಡ್ನ ತಂದೆ ಉಪ್ಸಾಲ ವಿಶ್ವವಿದ್ಯಾಲಯದಲ್ಲಿ ಡಾಕ್ಟರೇಟ್ ಗಳಿಸಿ ಪ್ರಾಧ್ಯಾಪಕನಾಗಿದ್ದನು , 75ನೇ ವಯಸ್ಸಿನಲ್ಲಿ ಆರ್ವಿಡ್ ತಂದೆ ಮೃತನಾದ ನಂತರ ಆಗ 71 ನೇ ವರ್ಷದವಳಾಗಿದ್ದ ಆರ್ವಿಡ್ನ ತಾಯಿ ಕಾನೂನಿನಲ್ಲಿ ದೃಷ್ಟಿಯಲ್ಲಿ ಸ್ತ್ರೀಯರನ್ನು ಕುರಿತಾಗಿ ಲೇಖನಗಳನ್ನು ಪ್ರಕಟಿಸಿ ಗೌರವ ಡಾಕ್ಟರೇಟ್ ಪಡೆದಿದ್ದಳು. ಈ ಕುಟುಂಬದಲ್ಲಿ ಮಾನವಿಕಗಳ ಅಧ್ಯಯನ ಪ್ರಾಶಸ್ತ್ಯ ಪಡೆದಿದ್ದು ವಿಜ್ಞಾನಕ್ಕೆ ಸ್ಥಾನವಿರಲಿಲ್ಲ. ಆರ್ವಿಡ್ ವೈದ್ಯಕೀಯ ಪದವಿ ಗಳಿಸುವುದರೊಂದಿಗೆ ಇದು ಬದಲಾಯಿತು. ಲುಂಡ್ ವಿಶ್ವ ವಿದ್ಯಾಲ್ಯದ ವೈದ್ಯಕೀಯ ಕಾಲೇಜಿನಲ್ಲಿ ಟಾರ್ಸ್ಟನ್ ಥನ್ಬರ್ಗ್ನ ಉಪನ್ಯಾಸಗಳು ಆರ್ವಿಡ್ಗೆ ಬಹು ಪ್ರಿಯವಾಗಿದ್ದವು. ಅಂಗಾಂಶಗಳ ಉಸಿರಾಟ ಅದರ ತೀವ್ರತೆಯ ಅಳೆಯುವಿಕೆಯನ್ನು ಅಳೆಯುವ ವಿಧಾನವನ್ನು ಟಾರ್ಸ್ಟನ್ ರೂಪಿಸಿದ್ದನು. ಇದೇ ಸಾಧನೆಗಾಗಿ, ಸರಿ ಸುಮಾರು ಇದೇ ಕಾಲದಲ್ಲಿ ಸ್ವತಂತ್ರವಾಗಿ ಕ್ರಿಯಾಶೀಲವಾಗಿದ್ದ ವಾರ್ಬರ್ಗ್ಗೆ ನೊಬೆಲ್ ಪ್ರಶಸ್ತಿ ದಕ್ಕಿದ್ದಿತು. ಇಲ್ಲಿಯೇ ಪ್ರಾಧ್ಯಾಪಕನಾಗಿದ್ದ ಎರ್ನೆಸ್ಟ್ ಓವೆರ್ಟನ್ ಕೋಶ ಪೊರೆಗಳ ಸಂರಚನೆ ಹಾಗೂ ಲಿಪಿಡ್ ಗುಣಗಳ ಬಗೆಗೆ ಸಂಶೋಧಿಸಿ ಖ್ಯಾತನಾಗಿದ್ದನು. ತನ್ನ ಸಾಧನೆಗೆ ನೊಬೆಲ್ ಪ್ರಶಸ್ತಿ ದಕ್ಕದಿದ್ದುದರಿಂದ ಓವರ್ಟನ್ ಮಾನಸಿಕ ಖಿನ್ನತೆಗೆ ಒಳಗಾಗಿ ಅಸ್ವಸ್ಥನಾದನು. ಜಗತ್ತಿನ ಮೊದಲ ಕೃತಕ ಮೂತ್ರಪಿಂಡ ನಿರ್ಮಿಸಿದ ನಿಲ್ಸ್ ಆಲ್ವಾಲ್ ಸಹ ಈ ವಿಶ್ವವಿದ್ಯಾಲಯದಲ್ಲಿದ್ದನು . ಆಲ್ವಾನ್ನ ತಂತ್ರದಿಂದ ಗ್ಯಾಂಬ್ರೋ ಕಂಪನಿ ಮೊದಲ ಕೃತಕ ಮೂತ್ರ ಪಿಂಡಗಳನ್ನು ಮೂತ್ರದ ಆಪೋಹನಕ್ಕೆ ತಯಾರಿಸಿತು. ಟಾರ್ಸ್ಟನ್ನ ಶಿಷ್ಯನಾಗಿದ್ದ ಜೊರ್ಗೆನ್ ಲೆಹ್ಮಾನ್, ವಕ್ಸ್ಮನ್ನೊಂದಿಗೆ ಪ್ಯಾರಾ ಅಮೈನೋ ಸ್ಯಾಲಿಸೈಲಿಕ್ ಆಮ್ಲವನ್ನು ಮತ್ತು ಸ್ಟ್ರೆಪ್ಟೋಮೈಸಿನ್ ಕಂಡು ಹಿಡಿದಿದ್ದನು. ಆದರೆ ವಕ್ಸ್ಮನ್ಗೆ ಮಾತ್ರ ನೊಬೆಲ್ ಪ್ರಶಸ್ತಿ ದಕ್ಕಿದ್ದಿತು. ಇಂತಹ ಹಲವು ಹತ್ತಾರು ಖ್ಯಾತದ ಪ್ರಭಾವ ಆರ್ವಿಡ್ ಮೇಲೆ ಬಿದ್ದಿತು. ಪದವಿ ಗಳಿಸಿದ ನಂತರ ಆರ್ವಿಡ್ ದೇಹದ ಮೇಲೆ ಔಷಧಿಗಳ ಪ್ರಭಾವವನ್ನು ಕುರಿತಾಗಿ ಅಧ್ಯಯನ ಕೈಗೊಂಡನು. ಆರಂಭದಲ್ಲಿ ಮಾದಕ ದ್ರವ್ಯ ಸೇವಿಸಿದವರನ್ನು ಎಚ್ಚರಿಸುವ ಪೆಂಟಿಲೊನೆಟಿಟ್ರಿಜೋಲ್ನ ಕ್ರಿಯಾಶೀಲತೆ ಖಿನ್ನತೆ ನಿವಾರಣೆಯ ವಿಧಾನಗಳನ್ನು ಅರಿಯಲು ಆರ್ವಿಡ್ ಯತ್ನಿಸಿದನು. ಪೊಕ್'ಸೆರಿನ್ ಜೊತೆಯಲ್ಲಿ ಆರ್ವಿಡ್ ನಿಕೆಥಮೈಡ್ನ ಮಾದಕ ಪರಿಣಾಮಗಳನ್ನು ಅಭ್ಯಸಿಸಿದನು. 1948ರಲ್ಲಿ ಕ್ಯಾಲ್ಸಿಯಂ ಚಯಾಪಚಯ (Metabolism), ನುಂಗುವ ಕ್ಯಾಲ್ಷಿಯಂ ಲವಣ ಮಾತ್ರೆಗಳು, ಮೂಳೆಗಳಲ್ಲಿ ಖನಿಜಗಳ ಸಂಚಯನದ ವಿಟಮಿನ್-ಡಿಯ ಪ್ರಾಮುಖ್ಯತೆ ಮತ್ತು ಹೀರಿಕೆ ಕುರಿತಾಗಿ ಆರ್ವಿಡ್ ಗಮನಾರ್ಹ ಸಂಶೋಧನೆಗಳನ್ನು ನಡೆಸಿದ್ದಾನೆ. 2000ರಲ್ಲಿ ಆರ್ವಿಡ್ ನೊಬೆಲ್ ಪ್ರಶಸ್ತಿಗೆ ಪಾತ್ರನಾದನು.
Bert , Sakmann
ಜರ್ಮನಿ-ವೈದ್ಯಕೀಯ-ಮೆದುಳಿನಲ್ಲಿ ನರತಂತುಗಳಿಂದ ಬಂದ ವೈದ್ಯುತ್ ಪ್ರವಾಹಗಳನ್ನು ದಾಖಲಿಸುವ ವಿಧಾನ ರೂಪಿಸಿದಾತ.
ಸಕ್ಮನ್, ತಂದೆ ಜರ್ಮನ್ ಮೂಲದವನಾಗಿದ್ದು, ತಾಯಿಯ ಪೂರ್ವಿಕರು ಪ್ರಷ್ಯಾದಲ್ಲಿದ್ದರು. ಈತನ ತಾತ ಸಯಾಮಿನ ರಾಜನ ವೈದ್ಯನಾಗಿದ್ದನಲ್ಲದೆ, ಸಯಾಮಿನ ಮೊದಲ ಸಾರ್ವಜನಿಕ ಆಸ್ಪತ್ರೆಯ ಸಂಸ್ಥಾಪಕನೂ ಸಹ. ಸಕ್ಮನ್ ಸ್ಟುರ್ಟ್ಗರ್ಟ್ನಲ್ಲಿ ಜನಿಸಿದನಾದರೂ ಪ್ರಾಥಮಿಕ ಶಿಕ್ಷಣವನ್ನು ಸನಿಹದ ಲಿಂಡೌ ಹಳ್ಳಿಯಲ್ಲಿ ಮುಗಿಸಿದನು. ಬಾಲ್ಯದಿಂದಲೇ ಸಕ್ಮನ್ಗೆ ಇಂಜಿನಿಯರ್ನಾಗಬೇಕೆಂದು ಹಂಬಲವಿದ್ದಿತು. ಜೀವಿಗಳನ್ನು ಇಂಜಿನಿಯರಿಂಗ್ ತತ್ತ್ವಗಳಿಂದ ಅರಿಯುವುದು ಸಾಧ್ಯವೆಂದು ಸಕ್ಮನ್ ದೃಢವಾಗಿ ನಂಬಿದ್ದನು. ಆದ್ದರಿಂದ ಪದವಿಯಲ್ಲಿ ಭೌತಶಾಸ್ತ್ರ ಮತ್ತು ಜೀವಶಾಸ್ತ್ರದಲ್ಲಿ ಯಾವುದನ್ನು ಆರಿಸಿಕೊಳ್ಳಬೇಕೆಂಬ ದ್ವಂದ್ವದಲ್ಲಿ ಬಿದ್ದನು. ಅಂತಿಮವಾಗಿ ಟುಬಿನ್ಜೆನ್ ವಿಶ್ವವಿದ್ಯಾಲಯದಲ್ಲಿ ವೈದ್ಯಕೀಯ ವಿಭಾಗ ಸೇರಿದನು.ಇಂಜಿನಿಯರಿಂಗ್ಗೆ ಹತ್ತಿರದ ವಿಷಯವಾಗಿದ್ದ ವೈದ್ಯುತ್ ಅಂಗಕ್ರಿಯಾಶಾಸ್ತ್ರದಲ್ಲಿ ಸಕ್ಮನ್ಗೆ ತೀವ್ರವಾದ ಆಸಕ್ತಿಯಿದ್ದಿತು. ಈ ಕಾಲದಲ್ಲಿ ವಿದ್ಯಾರ್ಥಿಗಳು ಏಕಕಾಲದಲ್ಲಿ ಹಲವಾರು ವೈದ್ಯಕೀಯ ಕಾಲೇಜುಗಳಲ್ಲಿ ಅಧ್ಯಯನ ಮುಂದುವರೆಸುವ ಅವಕಾಶವಿದ್ದಿತು. ಆದ್ದರಿಂದ ಫಿû್ರೀಬರ್ಗ್ ಬರ್ಲಿನ್, ಪ್ಯಾರಿಸ್ಗಳಲ್ಲಿ ವ್ಯಾಸಂಗ ಮುಂದುವರೆಸಿ ಮ್ಯೂನಿಕ್ನಿಂದ ಪದವಿ ಪಡೆದನು. ಈ ವೇಳೆಯಲ್ಲಿ ಕೀಟದ ದೃಗ್ ಪ್ರತಿಕ್ರಿಯೆಯನ್ನು , ಮಾಹಿತಿ ಸಿದ್ಧಾಂತದ ನೆರವಿನಿಂದ ಅರಿಯಲು ಹಲವಾರು ಜನ ಯತ್ನಿಸುತ್ತಿದ್ದರು. ಸಕ್ಮನ್, ಮ್ಯೂನಿಕ್ನಲ್ಲಿದ್ದ ಒಟ್ಟೋ ಕ್ರುಟ್ ಫೆಲ್ಡ್ ಕ್ರೆಪೆಟಿನ್ ಸಂಸ್ಥೆ ಸೇರಿದನು. ನರಜೀವಶಾಸ್ತ್ರದಲ್ಲಿನ ಸಂಶೋಧನೆಗೆ ಬೇಕಾದ ಎಲ್ಲಾ ಮೂಲ ಸೌಕರ್ಯಗಳೂ ಇಲ್ಲಿದ್ದವು. ಅಂಗಕ್ರಿಯಾಶಾಸ್ತ್ರದಲ್ಲಿ ಅಣ್ವಯಿಕ ಜೀವಶಾಸ್ತ್ರದ ಮೂಲ ತತ್ತ್ವಗಳನ್ನು ಅಳವಡಿಸಿಕೊಳ್ಳುವ ಪದ್ಧತಿಯನ್ನು ಸಕ್ಮನ್ ಬಳಕೆಗೆ ತಂದನು. ಮೆದುಳಿನಲ್ಲಿ ನರತಂತುಗಳಿಂದ ಬಂದ ವೈದ್ಯುತ್ ಪ್ರವಾಹಗಳನ್ನು ದಾಖಲಿಸುವ ವಿಧಾನ ರೂಪಿಸುವಲ್ಲಿ ಟೊಮೊಯುಕಿ ತಕಾಹಸಿಯೊಂದಿಗೆ ಸಕ್ಮನ್ ವಿಸ್ತೃತ ಸಂಶೋಧನೆಗಳನ್ನು ಕೈಗೊಂಡನು. ಇದಕ್ಕಾಗಿ 1991ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ರಿಚರ್ಡ್ ಆರ್.ಎರ್ನ್ಸ್ಟ್ (1933--) 1991
Richard , Ernst
ಸ್ವಿಟ್ಸಲ್ರ್ಯಾಂಡ್-ರಸಾಯನಶಾಸ್ತ್ರ-ಬೈಜಿಕ ಕಾಂತೀಯ ಅನುರಣನದಲ್ಲಿ ಫೂರೆ ರೂಪಾಂತರ ವಿಧಾನಗಳನ್ನು ( Fourier Transformation Methods) ಪರಿಚಯಿಸಿದಾತ.
ರಿಚರ್ಡ್ನ ತಂದೆ ವಿಂಟರ್ಥರ್ ಪಟ್ಟಣದಲ್ಲಿ ವಾಸ್ತುಶಿಲ್ಪಿಯಾಗಿದ್ದನು. ಈ ಪಟ್ಟಣ ಕೈಗಾರಿಕೆ ಹಾಗೂ ಕಲೆಗಳ ಅಪೂರ್ವ ಸಂಗಮವಾಗಿದ್ದಿತು. ಇಲ್ಲಿನ ಸಂಗೀತ ಗೋಷ್ಟಿಗಳ ಕೀರ್ತಿ ಯುರೋಪಿನ ಎಲ್ಲೆ ಮೀರಿ ಹಬ್ಬಿದ್ದಿತು. ಇಲ್ಲಿ ತಯಾರಾಗುತ್ತಿದ್ದ ಡೀಸೆಲ್ ಮೋಟಾರ್ ಹಾಗೂ ರೈಲ್ವೇ ಇಂಜಿನ್ಗಳಿಗೆ ಉತ್ತಮ ಮಾರುಕಟ್ಟೆಯಿದ್ದಿತು. ಈ ಪರಿಸರದಿಂದಾಗಿ ರಿಚರ್ಡ್ ಕಲಾಪ್ರೇಮಿಯೂ , ತಾಂತ್ರಿಕ ಆಸಕ್ತನೂ ಆಗಿ ಬೆಳೆದನು. ರಿಚರ್ಡ್ನ ಚಿಕ್ಕಪ್ಪ ಲೋಹಶಾಸ್ತ್ರದಲ್ಲಿ ಇಂಜಿನಿಯರ್ ಆಗಿದ್ದನು. ಈತ ಉಳಿಸಿದ್ದ ಕೆಲ ರಾಸಾಯನಿಕಗಳು ರಿಚರ್ಡ್ಗೆ ದಕ್ಕಿ, ಅದರಲ್ಲಿ ಆತನಿಗೆ ಅಪಾರ ಆಸಕ್ತಿ ಮೂಡಿತು. ಇವುಗಳನ್ನು ಬಳಸಿ ನಡೆಸಿದ ಹಲವು ಪ್ರಯೋಗಗಳಿಂದ ಹಲವಾರು ಬಾರಿ ಸ್ಪೋಟಗಳು ಸಂಭವಿಸಿ ವಿಷಾನಿಲಗಳು ತುಂಬಿದವು. ಇದರಿಂದ ರಿಚರ್ಡ್ನ ತಂದೆ ಈತನ ಪ್ರಯೋಗಗಳನ್ನು ನಿಗ್ರಹಿಸಿದನು. ಹಲವಾರು ಪುಸ್ತಕಗಳನ್ನು ಸಂಗ್ರಹಿಸಿ, ರಸಾಯನಶಾಸ್ತ್ರವನ್ನು ಆಳವಾಗಿ ಅರಿಯಲು ಯತ್ನಿಸಿದನು. ಪ್ರೌಢ ಶಿಕ್ಷಣ ಮುಗಿಸಿದ ಮೇಲೆ ರಸಾಯನಶಾಸ್ತ್ರದ ಕಲಿಕೆಗಾಗಿ ಝೂರಿಕ್ನಲ್ಲಿರುವ ಸ್ವಿಸ್ಫೆಡರಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸೇರಿದನು. ಆ ಕಾಲಕ್ಕೆ ಇಲ್ಲಿ ರಸಾಯನ ಶಾಸ್ತ್ರದ ಸೂತ್ರಗಳನ್ನು, ಪ್ರತಿಕ್ರಿಯೆಯ ಸಮೀಕರಣಗಳನ್ನು ನೆನಪಿನಲ್ಲಿಟ್ಟುಕೊಳ್ಳಲು ಅಪಾರ ಆದ್ಯತೆ ನೀಡಲಾಗುತ್ತಿತ್ತು. ಇದು ರಿಚರ್ಡ್ಗೆ ಭಾರಿ ನಿರಾಸೆಯುಂಟುಮಾಡಿತು. ಇದರ ಪರಿಹಾರಕ್ಕಾಗಿ ರಿಚರ್ಡ್ ತಾನೇ ಸ್ವಂತ , ಕೈಗೆಟುಕುವ ಪುಸ್ತಕಗಳನ್ನು ಓದತೊಡಗಿದನು. ಇದರಿಂದಾಗಿ ಕ್ವಾಂಟಂ ಬಲವಿಜ್ಞಾನ ರೋಹಿತಶಾಸ್ತ್ರ, ಔಷ್ಣೀಯ ಗತಿಶಾಸ್ತ್ರದಲ್ಲಿನ ಮೂಲ ತತ್ತ್ವಗಳು ಮನದಟ್ಟಾದವು. ಗುಂಟ್ ಹಾರ್ಡ್ನ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ಗಾಗಿ ಪ್ರಯೋಗಗಳನ್ನು ರಿಚರ್ಡ್ ಪ್ರಾರಂಭಿಸಿದನು. ಈ ಕಾಲದಲ್ಲಿ ಬೈಜಿಕ ಕಾಂತೀಯ ಅನುರಣನ ವಿಧಾನಗಳು ಶೈಶಾವಸ್ಥೆಯಲ್ಲಿದ್ದವು. ಇದಕ್ಕೆ ಬೇಕಾದ ನಿಖರವಾದ ನಿಷ್ಕಷ್ಟ ರೋಹಿತದರ್ಶಕ, ಹಾಗೂ ಸಹಸಾಧನಗಳನ್ನು ನಿರ್ಮಿಸಲು ರಿಚರ್ಡ್ ಶ್ರಮಿಸಿದನು. ಇದರೊಂದಿಗೆ ಪ್ರಯೋಗಗಳಲ್ಲಿ ದೊರೆತ ಫಲಿತಾಂಶಗಳಿಗೆ ಸೈದ್ಧಾಂತಿಕ ವಿವರಣೆ ನೀಡುವ ಅನಿವಾರ್ಯತೆಯೂ ಬಂದೊದಗಿತು. ಈ ದಿಶೆಯಲ್ಲಿ ರಿಚರ್ಡ್ಗೆ ಹ್ಯಾನ್ಸ್ ಪ್ರೈಮಾಸ್ನಂತಹ ಪ್ರತಿಭಾವಂತ ವಿಜ್ಞಾನಿಯ ನೆರವು ದಕ್ಕಿತು. ರಿಚರ್ಡ್ ಹಾಗೂ ಹ್ಯಾನ್ಸ್ನಿಂದ ನಿರ್ದೇಶಿಸಲ್ಪಟ್ಟ ರೀತಿಯಲ್ಲಿ ಬೈಜಿಕ ಕಾಂತೀಯ ಅನುರಣನ ವಿಧಾನಕ್ಕೆ ಬೇಕಾದ ರೋಹಿತ ದರ್ಶಕಗಳನ್ನು ಸ್ವಿಟ್ಸಲ್ರ್ಯಾಂಡಿನ ಟ್ರಬ್, ಟೌನೆಕ್ ಕಂಪನಿ ತಯಾರಿಸಿ, ಮಾರತೊಡಗಿತು. ರಿಚರ್ಡ್ನ ಬಹುತೇಕ ಪರಿಶ್ರಮ ಅತ್ಯಧಿಕ ಸಂವೇದನೆ ಹೊಂದಿದ ರೇಡಿಯೋ ಆವರ್ತನೆಯ ಪೂರ್ವವರ್ಧಕಗಳನ್ನು. (Radio Frequency PreAmplifiess) ತಯಾರಿಸುವಲ್ಲಿ ವಿನಿಯೋಗವಾಯಿತು. 1962ರಲ್ಲಿ ಡಾಕ್ಟರೇಟ್ ಗಳಿಸಿದ ರಿಚರ್ಡ್, ಶೈಕ್ಷಣಿಕ ವಲಯ ತೊರೆದು ಕೈಗಾರಿಕಾ ವಲಯಕ್ಕೆ ಹೋಗಲು ಬಯಸಿದನು. ಇದಕ್ಕಾಗಿ ಅಸಂಸಂದಲ್ಲಿನ ಪಾಲೋ ಆಲ್ಟೋದಲ್ಲಿರುವ ವೇರಿಯನ್ ಅಸೋಸಿಯೇಟ್ಸ್ ಕಂಪನಿ ಸೇರಿದನು. ಇಲ್ಲಿ ಹಲವಾರು ಖ್ಯಾತ ವಿಜ್ಞಾನಿಗಳು ನಿರ್ದಿಷ್ಟ ವೈಜ್ಞಾನಿಕ ಸಂಶೋಧನೆಯನ್ನು ವಾಣಿಜ್ಯೀಕರಣಗೊಳಿಸುವ ಗುರಿಯಿರಿಸಿಕೊಂಡು ಕೆಲಸ ಮಾಡುತ್ತಿದ್ದರು,. ಇಲ್ಲಿ ಲೆಸ್ಟನ್ ಎ ಅ್ಯಂಡರ್ಸ್ನ್ನ ನೇತೃತ್ವದಲ್ಲಿ ರಿಚರ್ಡ್ ಹಾಗೂ ಸಂಗಡಿಗರು ಹಲವಾರು ಆವರ್ತನೆಗಳನ್ನು ಸಮಾಂತರದಲ್ಲಿ ಪತ್ತೆ ಹಚ್ಚಿ ಓದಿ ದಾಖಲಿಸಬಲ್ಲ ಬೈಜಿಕ ಕಾಂತೀಯ ಅನುರಣನ (NMR-Nuclear Magnetic Resonance) ಸಾಧನವನ್ನು ¥sóÀÇರೇ ರೂಪಾಂತರ ವಿಧಾನದಲ್ಲಿ ನಿರ್ಮಿಸಲು ಯತ್ನಿಸಿದರು. ಇವರ ಶ್ರಮಕ್ಕೆ ಪ್ರತಿಫಲ ದಕ್ಕಿತಾದರೂ ವಿಜ್ಞಾನಿಗಳಿಂದ ನೀರಸ ಪ್ರತಿಕ್ರಿಯೆ ವ್ಯಕ್ತವಾಯಿತು ¥sóÀÇರೇ ವಿಧಾನದಲ್ಲಿ ನಿರ್ಮಿಸಿದ ಬೈಜಿಕ ಕಾಂತೀಯ ಅನುರಣನ ತಂತ್ರವನ್ನು ವಿವರಿಸಿ ಇವರು ಬರೆದ ಲೇಖನ ಎರಡು ಬಾರಿ ಜರ್ನಲ್ ಆಫ್ಕೆಮಿಕಲ್ ಫಿûಸಿಕ್ಸ್ನಿಂದ ತಿರಸ್ಕೃತಗೊಂಡು ಅಂತಿಮವಾಗಿ ರಿವ್ಯೂ ಆಫ್ಕೆಮಿಕಲ್ ಇನ್ಸ್ಟ್ರುಮೆಂಟ್ ಪತ್ರಿಕೆಯಲ್ಲಿ ಪ್ರಕಟಗೊಂಡಿತು. ರಿಚರ್ಡ್ ಹಾಗೂ ಸಂಗಡಿಗರ ಹೊಸ ಸಾಧನವನ್ನು ಪೂರ್ಣ ಪ್ರಮಾಣದಲ್ಲಿ ರೋಹಿತದರ್ಶಕದೊಂದಿಗೆ ತಯಾರಿಸಲು ವೇರಿಯನ್ ಕಂಪನಿ ನಿರಾಕರಿಸಿತು. ಇದಾದ ಏಳು ವರ್ಷಗಳ ನಂತರ ವೇರಿಯನ್ ಕಂಪನಿಯ ಪ್ರತಿಸ್ಪರ್ಧಿಯಾದ ಬ್ರುಕಲ್ ಅನ್ಯಾಲಿಟಿಷ ಮೆಸ್ ಟೆಕ್ನಿಕ್ ಕಂಪನಿ ಟೋನಿ ಕೆಲ್ಲರ್ ಮುಂದಾಳತ್ವದಲ್ಲಿ ಇಂತಹುದೇ ಸಾಧನ ತಯಾರಿಸಿ ಮಾರಿತಲ್ಲದೆ ವೇರಿಯನ್ ಕಂಪನಿಗಿಂತಲೂ ಮೊದಲೇ ಅದು ಈ ತಂತ್ರಜ್ಞಾನಕ್ಕೆ ಏಕಸ್ವಾಮ್ಯ ಹೊಂದಿರುವುದು ನಂತರ ಬೆಳಕಿಗೆ ಬಂದಿತು. 1968ರಲ್ಲಿ ಸ್ವಿಟ್ಸಲ್ರ್ಯಾಂಡಿಗೆ ಮರಳಿದ ರಿಚರ್ಡ್ ಬೈಜಿಕ ಕಾಂತೀಯ ಅನುರಣನ ತಂತ್ರಗಳಲಿ ಸುಧಾರಣೆಗೆ ತರಲು ಯತ್ನಿಸಿದನು. ಪೌಲ್ ಲೌಟೆರ್ಬರ್ ದ್ವಿ ಆಯಾಮದ ರೋಹಿತದರ್ಶಕದ ತತ್ತ್ವಗಳನ್ನು ಎನ್ಎಂಆರ್ ಬಿಂಬಗಳಿಗೂ ಅನ್ವಯಿಸಬಹುದೆಂದು ಸೂಚಿಸಿದ್ದನು. ಈ ಮಾರ್ಗದಲ್ಲಿನ ಮೊದಲ ಪ್ರಯೋಗಗಳನ್ನು ರಿಚರ್ಡ್, ಡೈಟಿಕ್ ವೆಲ್ಟ್ ಹಾಗೂ ಅನಿಲ್ ಕುಮಾರ್ ನಡೆಸಿದರು. ಮುಂದೆ ಇದು ಹಲವು ಅಯಾಮದ ರೋಹಿತಶಾಸ್ತ್ರಕ್ಕೆ ಅಡಿಗಲ್ಲಾಯಿತು. ಜೀವ ರಸಾಯನಶಾಸ್ತ್ರದಲ್ಲಿ ಅಣ್ವಯಿಕ ರಾಚನಿಕ ಸ್ವರೂಪ ಅರಿಯಲು ನೆರವಾಯಿತು. ಬೈಜಿಕ ಕಾಂತೀಯ ಅನುರಣನದಲ್ಲಿ ಫೂರೆ ರೂಪಾಂತರ ವಿಧಾನಗಳನ್ನು ಪರಿಚಯಿಸಿದುದ್ದಕ್ಕಾಗಿ ರಿಚರ್ಡ್ 1991ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ಆಲ್ಫ್ರೆಡ್ ,ಜಿ. ಗಿಲ್ಮನ್ –(1941--) 1994
Alfred , G.Gillmann
ಅಸಂಸಂ-ಔಷಧಶಾಸ್ತ್ರ- ಜೈವಿಕ ಪೆÇರೆಗಳ ಸಂಕೀರ್ಣ ರಚನೆಯ ತಿಳುವಳಿಕೆಗಾಗಿ ಶ್ರಮಿಸಿದಾತ.
ಗಿಲ್ಮನ್ನ ತಾತ ಸಂಗೀತೋಪಕರಣಗಳ ವ್ಯಾಪಾರಿಯಾಗಿದ್ದನು. ತಾಯಿ ಶ್ರೇಷ್ಟ ಮಟ್ಟದ ಪಿಯಾನೋ ವಾದಕಿಯಾಗಿದ್ದಳು. ಬಾಲ್ಯದಲ್ಲಿ ಸ್ವಲ್ಪ ಕಾಲ ತಂದೆ ತಾಯಿಗಳಿಂದ ಬಂದ ಸಂಗೀತದ ಅಭಿರುûಚಿ ಕ್ರಿಯಾಶೀಲವಾಗಿದ್ದು ಬರ ಬರುತ್ತಾ ಅದು ಗಿಲ್ಮನ್ನಲ್ಲಿ ಮಾಸಿಹೋಯಿತು. ಗಿಲ್ಮನ್ ತಂದೆ ಅಂಗ ಕ್ರಿಯಾ ರಸಾಯನಶಾಸ್ತ್ರದಲ್ಲಿ ಡಾಕ್ಟರೇಟ್ ಗಳಿಸಿ ಯೇಲ್ ವೈದ್ಯಕೀಯ ಶಾಲೆಯ ಔಷಧ ಶಾಸ್ತ್ರ ವಿಭಾಗದಲ್ಲಿ ಸಿಬ್ಬಂದಿಯಾಗಿದ್ದನು. 1941ರಲ್ಲಿ ಈತ ತನ್ನ ಸ್ನೇಹಿತನಾದ ಗುಡ್ಮನ್ ನೊಂದಿಗೆ ಔಷಧಿಶಾಸ್ತ್ರದ ಪುಸ್ತಕ ಪ್ರಕಟಿಸಿದನು. ಈ ಗ್ರಂಥ ಕತೃಗಳ ಜಂಟಿ ಹೆಸರಾದ ಆಲ್ಫ್ರೆಡ್ ಗುಡ್ಮನ್ ಗಿಲ್ಮನ್ ಎಂದು ಮಗನಿಗೆ ನಾಮಕರಣ ಮಾಡಿದನು. ತಂದೆಯೊಂದಿಗೆ ಆಗಾಗ್ಗೆ ಪ್ರಯೋಗಾಲಯಗಳಿಗೆ ಭೇಟಿ ನೀಡುತ್ತಿದ್ದ ಗಿಲ್ಮನ್ಗೆ ಜೀವಶಾಸ್ತ್ರ, ವೈದ್ಯಕೀಯದಲ್ಲಿ ಅಭಿರುಚಿ ಚಿಗುರೊಡೆಯಿತು. 1962ರಲ್ಲಿ ಕ್ಲೀವ್ಲ್ಯಾಂಡ್ನಲ್ಲಿರುವ ಕೋಸ್ಟ್ ವೆಸ್ಟರ್ನ್ ರಿಸರ್ವ್ ಯೂನಿವರ್ಸಿಟಿ ಸೇರಿದ ಗಿಲ್ಮನ್ ಚಕ್ರೀಯ ಎಎಮ್ಪಿ ಕುರಿತಾಗಿ ಸಂಶೋಧನೆಗೆ ನೊಂದಾಯಿಸಿಕೊಂಡನು ಇದೇ ಕಾಲಕ್ಕೆ ರ್ಯಾಲ್ ಮೆದುಳಿನಲ್ಲಿರುವ ಚಕ್ರೀಯ ಎಎಮ್ಪಿ (Cyclic AMP) ಕುರಿತಾಗಿ ಅಧ್ಯಯನ ನಡೆಸಿದರೆ ಗಿಲ್ಮನ್ ಥೈರಾಯಿಡ್ ಗ್ರಂಥಿಯನ್ನು ಅರಿಯಲು ಯತ್ನಿಸಿದನು. 1971ರಲ್ಲಿ ಚಾರ್ಲೊಟ್ಜ್ ವಿಲ್ಲೆಯಲ್ಲಿರುವ ವರ್ಜೀನಿಯಾ ವಿಶ್ವವಿದ್ಯಾಲಯದಿಂದ ಔಷಧಶಾಸ್ತ್ರ ವಿಭಾಗದಲ್ಲಿ ಸಹಾಯಕ ಪ್ರಾಧ್ಯಾಪಕನಾದನು. ಇಲ್ಲಿ ಎಲಿಮಾಲ್ ರಾಸ್ನೊಂದಿಗೆ ಜೈವಿಕ ಪೆÇರೆಗಳ ಸಂಕೀರ್ಣ ರಚನೆಯ ತಿಳುವಳಿಕೆಗಾಗಿ ಶ್ರಮಿಸಿದನು. ಇವುಗಳಲ್ಲಿನ ಸಂಶೋಧನೆಗಳಿಗಾಗಿ 1994ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಕ್ರಿಶ್ಚಿಯಾನೆ , ನುಸ್ಲೀನ್ ವೊಲ್ಹಾರ್ಡ್ –(1942) 1995
Christian , Nusslein-Volhard
ಜರ್ಮನಿ -ವೈದ್ಯಕೀಯ-ಪರಿಶುದ್ಧ ಅರ್ಎನ್ಎ ಪಾಲಿಮರೇಸ್ನ್ನು ಪಡೆಯುವ ವಿಧಾನವನ್ನು ರೂಪಿಸಿದಾಕೆ.
ಕ್ರಿಶ್ಚಿಯಾನೆ 20ಅಕ್ಟೋಬರ್ 1942ರಂದು ಫ್ರಾಂಕ್’ಫರ್ಟ್ ಜನಿಸಿದಳು. ಈಕೆಯ ತಂದೆ ವೈದ್ಯಕೀಯದಲ್ಲಿ ಪ್ರಾಧ್ಯಾಪಕನಾಗಿದ್ದನು. ಪ್ರೌಢಶಾಲೆಯಲ್ಲಿರುವಾಗ ಕ್ರಿಶ್ಚಿಯಾನೆ ಜೀವಶಾಸ್ತ್ರದಲ್ಲಿ ಕುತೂಹಲ ತಾಳಿ, ತನ್ನದೇ ಆದ ವಿಕಾಸ ಸಿದ್ಧಾಂತವನ್ನು ಚಿಂತಿಸಿದಳು. 1964ರಲ್ಲಿ ಟುಬಿನ್ಜೆನ್ ವಿಶ್ವವಿದ್ಯಾಲಯದಲ್ಲಿ ಮೊಟ್ಟ ಮೊದಲ, ಏಕೈಕ ಜೀವ ರಸಾಯನಶಾಸ್ತ್ರದ ವಿಭಾಗ ಪ್ರಾರಂಭವಾಯಿತು. ಕ್ರಿಶ್ಚಿಯಾನ್ ಇಲ್ಲಿ ಪದವಿಗೆ ಸೇರಿದಳು. ಅಂತಿಮ ವರ್ಷದಲ್ಲಿ ಸೂಕ್ಷ್ಮಜೀವಿಶಾಸ್ತ್ರ ಮತ್ತು ರಸಾಯನಶಾಸ್ತ್ರಗಳನ್ನು ಅಭ್ಯಸಿಸಿದನು. 1969ರಲ್ಲಿ ಪದವಿ ಪಡೆದಳು. ನಂತರ ಸಂಶೋಧನೆಯ ಅಂಗವಾಗಿ ಪರಿಶುದ್ಧ ಅರ್ಎನ್ಎ ಪಾಲಿಮರೇಸ್ನ್ನು ಪಡೆಯುವ ವಿಧಾನವನ್ನು ಕ್ರಿಶ್ಚಿಯಾನೆ ರೂಪಿಸಿದಳು.
ರಾಬರ್ಟ್, ಎಫ್ ಕರ್ಲ್ ಜೂ (1933--) 1996
Robert F. Curl Jr
ಅಸಂಸಂ-ರಸಾಯನಶಾಸ್ತ್ರ- ಇಂಗಾಲದ ಹೊಸ ಬಹುರೂಪಿಯನ್ನು (Allotropy) ಅನಾವರಣಗೊಳಿಸಿದಾತ.
ರಾಬರ್ಟ್, 1933 ಆಗಸ್ಟ್ 23ರಂದು ಟೆಕ್ಸಾಸ್ ಪ್ರಾಂತದ ಅಲೈಸ್ನಲ್ಲಿ ಜನಿಸಿದನು. ಈತನ ತಂದೆ, ಚರ್ಚ್ನಲ್ಲಿ ಮೆಥಾಡಿಸ್ಟ ಮಿನಿಸ್ಟರ್ನಾಗಿದ್ದನು. ದಕ್ಷಿಣ ಟೆಕ್ಸಾಸ್, ಅಲೈಸ್, ಬ್ರಾಡಿ, ಸ್ಯಾನ್ ಅ್ಯಂಟೋನಿಯೋ ಕಿಂಗ್ಸ್ ವಿಲ್ಲೆಯಂತಹ ಪಟ್ಟಣಗಳಲ್ಲಿ ಬಾಲ್ಯವನ್ನು ಕಳೆದ ರಾಬರ್ಟ್, ಒಂಬತ್ತು ವರ್ಷದವನಿರುವಾಗ ರಾಸಾಯನಿಕ ಉಪಕರಣಗಳನ್ನು ಉಡುಗೊರೆಯಾಗಿ ಪಡೆದನು. ಇವುಗಳೊಂದಿಗೆ ಒಂದು ವಾರ ಕಾಲ ಆಟವಾಡಿದ ರಾಬರ್ಟ್ ಮುಂದೆ ತಾನೊಬ್ಬ ದೊಡ್ಡ ರಸಾಯನಶಾಸ್ತ್ರಜ್ಞನಾಗಬೇಕೆಂದು ಕನಸು ಕಂಡನು. ಪ್ರೌಢಶಾಲೆಯ ವೇಳೆಗೆ ಈ ಕನಸನ್ನು ನನಸಾಗಿಸಲು ಯತ್ನಿಸಿದ ರಾಬರ್ಟ್ಗೆ ಉಪಧ್ಯಾಯಿನಿ ಲೊರೆನಾ ಡೇವಿಸ್ನಿಂದ ಭಾರಿ ಬೆಂಬಲ ದಕ್ಕಿತು. ರಾಬರ್ಟ್ನ ತಂದೆ ಉತ್ತಮ ಸ್ಥಾನದಲ್ಲಿದ್ದರೂ, ಆರ್ಥಿಕವಾಗಿ ಅಂತಹ ಸ್ಥಿತಿವಂತನಾಗಿರಲಿಲ್ಲ. ರಾಬರ್ಟ್ ಶಿಕ್ಷಣ ಶುಲ್ಕವಿಲ್ಲದ ರೈಸ್ ಸಂಸ್ಥೆ ಸೇರಿ ರಸಾಯನಶಾಸ್ತ್ರವನ್ನು ಆರಿಸಿಕೊಂಡನು. ಇಲ್ಲಿ ವಿದ್ಯಾಭ್ಯಾಸಮುಗಿಸಿ, ಫಿûಟ್ಜರ್ ಮಾರ್ಗದರ್ಶನದಲ್ಲಿ ಉನ್ನತ ವಿದ್ಯಾಭ್ಯಾಸ ಮಾಡಲು ಬಕ್ರ್ಲೆಯ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ ಸೇರಿದನು. ರಸಾಯನಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಗಳಿಸಿ, ಹಾರ್ವರ್ಡ್ನಲ್ಲಿ ಇ.ಬ್ರೈಟ್ನೊಂದಿಗೆ ವೃತ್ತಿ ಜೀವನ ಪ್ರಾರಂಭಿಸಿದನು. ನಂತರ ರೈಸ್ ವಿಶ್ವವಿದ್ಯಾಲಯದ ಆಹ್ವಾನಕ್ಕೆ ಓಗೊಟ್ಟು ಉಪ ಪ್ರಧ್ಯಾಪಕನಾದನು. ಇಲ್ಲಿ ವಿದ್ಯಾರ್ಥಿಯಾಗಿದ್ದ ಜಿಮ್ ಕಿನ್ಸ್ ಸಹಕಾರದಲ್ಲಿ ಸ್ಥಿರ ಮುಕ್ತಾಣು (radicle) ರೋಹಿತಗಳ (Spectrum) ಅಧ್ಯಯನ ನಡೆಸಿದನು. 1958ರಿಂದ ರೈಸ್ ಸಂಸ್ಥೆಯಲ್ಲಿರುವಾಗ ರಾಬರ್ಟ್ ಭೌತ ರಸಾಯನಶಾಸ್ತ್ರದಲ್ಲಿನ ಹಲವಾರು ಸಮಸ್ಯೆಗಳ ಪರಿಹಾರಕ್ಕೆ ಯತ್ನಿಸತೊಡಗಿದನು. ಕಾಲ್ಚೆಂಡಿನ ಆಕಾರದಲ್ಲಿ ಅಣುಗಳು ಜೋಡಣೆಗೊಂಡಿರುವ ಇಂಗಾಲದ ಹೊಸ ಬಗೆಯ ಬಹುರೂಪಿಯನ್ನು ಅನಾವರಣಗೊಳಿಸಿದ್ದಕ್ಕಾಗಿ ರಾಬರ್ಟ್, ರಿಚರ್ಡ್ ಸ್ಮಾಲಿ ಹಾಗೂ ಹ್ಯಾರಿ ಕ್ರೋಟೋರೊಂದಿಗೆ 1996ರ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿ ಗಳಿಸಿದನು.
ಆರ್ವಿಡ್, ಕಾರ್ಲ್ಸನ್ –(1926--) 2000
Arvid , Carlsson
ಸ್ವೀಡನ್-ವೈದ್ಯಕೀಯ-ಕ್ಯಾಲ್ಸಿಯಂ ಚಯಾಪಚಯ, ಮೂಳೆಗಳಲ್ಲಿ ಖನಿಜಗಳ ಸಂಚಯನದ ಅಧ್ಯಯನ ನಡೆಸಿದಾತ.
ಆರ್ವಿಡ್ನ ತಂದೆ ಉಪ್ಸಾಲ ವಿಶ್ವವಿದ್ಯಾಲಯದಲ್ಲಿ ಡಾಕ್ಟರೇಟ್ ಗಳಿಸಿ ಪ್ರಾಧ್ಯಾಪಕನಾಗಿದ್ದನು , 75ನೇ ವಯಸ್ಸಿನಲ್ಲಿ ಆರ್ವಿಡ್ ತಂದೆ ಮೃತನಾದ ನಂತರ ಆಗ 71 ನೇ ವರ್ಷದವಳಾಗಿದ್ದ ಆರ್ವಿಡ್ನ ತಾಯಿ ಕಾನೂನಿನಲ್ಲಿ ದೃಷ್ಟಿಯಲ್ಲಿ ಸ್ತ್ರೀಯರನ್ನು ಕುರಿತಾಗಿ ಲೇಖನಗಳನ್ನು ಪ್ರಕಟಿಸಿ ಗೌರವ ಡಾಕ್ಟರೇಟ್ ಪಡೆದಿದ್ದಳು. ಈ ಕುಟುಂಬದಲ್ಲಿ ಮಾನವಿಕಗಳ ಅಧ್ಯಯನ ಪ್ರಾಶಸ್ತ್ಯ ಪಡೆದಿದ್ದು ವಿಜ್ಞಾನಕ್ಕೆ ಸ್ಥಾನವಿರಲಿಲ್ಲ. ಆರ್ವಿಡ್ ವೈದ್ಯಕೀಯ ಪದವಿ ಗಳಿಸುವುದರೊಂದಿಗೆ ಇದು ಬದಲಾಯಿತು. ಲುಂಡ್ ವಿಶ್ವ ವಿದ್ಯಾಲ್ಯದ ವೈದ್ಯಕೀಯ ಕಾಲೇಜಿನಲ್ಲಿ ಟಾರ್ಸ್ಟನ್ ಥನ್ಬರ್ಗ್ನ ಉಪನ್ಯಾಸಗಳು ಆರ್ವಿಡ್ಗೆ ಬಹು ಪ್ರಿಯವಾಗಿದ್ದವು. ಅಂಗಾಂಶಗಳ ಉಸಿರಾಟ ಅದರ ತೀವ್ರತೆಯ ಅಳೆಯುವಿಕೆಯನ್ನು ಅಳೆಯುವ ವಿಧಾನವನ್ನು ಟಾರ್ಸ್ಟನ್ ರೂಪಿಸಿದ್ದನು. ಇದೇ ಸಾಧನೆಗಾಗಿ, ಸರಿ ಸುಮಾರು ಇದೇ ಕಾಲದಲ್ಲಿ ಸ್ವತಂತ್ರವಾಗಿ ಕ್ರಿಯಾಶೀಲವಾಗಿದ್ದ ವಾರ್ಬರ್ಗ್ಗೆ ನೊಬೆಲ್ ಪ್ರಶಸ್ತಿ ದಕ್ಕಿದ್ದಿತು. ಇಲ್ಲಿಯೇ ಪ್ರಾಧ್ಯಾಪಕನಾಗಿದ್ದ ಎರ್ನೆಸ್ಟ್ ಓವೆರ್ಟನ್ ಕೋಶ ಪೊರೆಗಳ ಸಂರಚನೆ ಹಾಗೂ ಲಿಪಿಡ್ ಗುಣಗಳ ಬಗೆಗೆ ಸಂಶೋಧಿಸಿ ಖ್ಯಾತನಾಗಿದ್ದನು. ತನ್ನ ಸಾಧನೆಗೆ ನೊಬೆಲ್ ಪ್ರಶಸ್ತಿ ದಕ್ಕದಿದ್ದುದರಿಂದ ಓವರ್ಟನ್ ಮಾನಸಿಕ ಖಿನ್ನತೆಗೆ ಒಳಗಾಗಿ ಅಸ್ವಸ್ಥನಾದನು. ಜಗತ್ತಿನ ಮೊದಲ ಕೃತಕ ಮೂತ್ರಪಿಂಡ ನಿರ್ಮಿಸಿದ ನಿಲ್ಸ್ ಆಲ್ವಾಲ್ ಸಹ ಈ ವಿಶ್ವವಿದ್ಯಾಲಯದಲ್ಲಿದ್ದನು . ಆಲ್ವಾನ್ನ ತಂತ್ರದಿಂದ ಗ್ಯಾಂಬ್ರೋ ಕಂಪನಿ ಮೊದಲ ಕೃತಕ ಮೂತ್ರ ಪಿಂಡಗಳನ್ನು ಮೂತ್ರದ ಆಪೋಹನಕ್ಕೆ ತಯಾರಿಸಿತು. ಟಾರ್ಸ್ಟನ್ನ ಶಿಷ್ಯನಾಗಿದ್ದ ಜೊರ್ಗೆನ್ ಲೆಹ್ಮಾನ್, ವಕ್ಸ್ಮನ್ನೊಂದಿಗೆ ಪ್ಯಾರಾ ಅಮೈನೋ ಸ್ಯಾಲಿಸೈಲಿಕ್ ಆಮ್ಲವನ್ನು ಮತ್ತು ಸ್ಟ್ರೆಪ್ಟೋಮೈಸಿನ್ ಕಂಡು ಹಿಡಿದಿದ್ದನು. ಆದರೆ ವಕ್ಸ್ಮನ್ಗೆ ಮಾತ್ರ ನೊಬೆಲ್ ಪ್ರಶಸ್ತಿ ದಕ್ಕಿದ್ದಿತು. ಇಂತಹ ಹಲವು ಹತ್ತಾರು ಖ್ಯಾತದ ಪ್ರಭಾವ ಆರ್ವಿಡ್ ಮೇಲೆ ಬಿದ್ದಿತು. ಪದವಿ ಗಳಿಸಿದ ನಂತರ ಆರ್ವಿಡ್ ದೇಹದ ಮೇಲೆ ಔಷಧಿಗಳ ಪ್ರಭಾವವನ್ನು ಕುರಿತಾಗಿ ಅಧ್ಯಯನ ಕೈಗೊಂಡನು. ಆರಂಭದಲ್ಲಿ ಮಾದಕ ದ್ರವ್ಯ ಸೇವಿಸಿದವರನ್ನು ಎಚ್ಚರಿಸುವ ಪೆಂಟಿಲೊನೆಟಿಟ್ರಿಜೋಲ್ನ ಕ್ರಿಯಾಶೀಲತೆ ಖಿನ್ನತೆ ನಿವಾರಣೆಯ ವಿಧಾನಗಳನ್ನು ಅರಿಯಲು ಆರ್ವಿಡ್ ಯತ್ನಿಸಿದನು. ಪೊಕ್'ಸೆರಿನ್ ಜೊತೆಯಲ್ಲಿ ಆರ್ವಿಡ್ ನಿಕೆಥಮೈಡ್ನ ಮಾದಕ ಪರಿಣಾಮಗಳನ್ನು ಅಭ್ಯಸಿಸಿದನು. 1948ರಲ್ಲಿ ಕ್ಯಾಲ್ಸಿಯಂ ಚಯಾಪಚಯ (Metabolism), ನುಂಗುವ ಕ್ಯಾಲ್ಷಿಯಂ ಲವಣ ಮಾತ್ರೆಗಳು, ಮೂಳೆಗಳಲ್ಲಿ ಖನಿಜಗಳ ಸಂಚಯನದ ವಿಟಮಿನ್-ಡಿಯ ಪ್ರಾಮುಖ್ಯತೆ ಮತ್ತು ಹೀರಿಕೆ ಕುರಿತಾಗಿ ಆರ್ವಿಡ್ ಗಮನಾರ್ಹ ಸಂಶೋಧನೆಗಳನ್ನು ನಡೆಸಿದ್ದಾನೆ. 2000ರಲ್ಲಿ ಆರ್ವಿಡ್ ನೊಬೆಲ್ ಪ್ರಶಸ್ತಿಗೆ ಪಾತ್ರನಾದನು.