ಪೀರೆ-ಗಿಲ್ಲೆಂಡ್ ಗೆನ್ನೆಸ್ –(1932--) 1991
Pierre - Gilles de Gennes
ಫ್ರಾನ್ದ್-ಇಂಜಿನಿಯರ್-ಸಮತಲಗಳ ಅಂತಕ್ರಿಯೆ , ಸಂಲಗ್ನತೆ, ಸಂಸ್ನಿಗ್ಧತೆಗಳನ್ನು ಕುರಿತಾಗಿ ಸಂಶೊಧಿಸಿದಾತ.
ಪೀರೆ 1932ರಲ್ಲಿ ಪ್ಯಾರಿಸ್ನಲ್ಲಿ ಜನಿಸಿದನು. 1955ರಲ್ಲಿ ಎಕೊಲೆ ನಾರ್ಮಲೆಯಿಂದ ಪದವಿ ಗಳಿಸಿದನು. 1959ರಿಂದ 1959ರವರೆಗೆ ಸಾಕ್ಲೆಯಲ್ಲಿರುವ ಪರಮಾಣು ಚೈತನ್ಯ ವಿಭಾಗದಲ್ಲಿ ಸಂಶೋಧಕ ಇಂಜಿನಿಯರ್ ಆಗಿದ್ದನು. ಇಲ್ಲಿ ಕಾಂತತ್ವ ಹಾಗೂ ನ್ಯೂಟ್ರಾನ್ ಚದುರಿಕೆಯನ್ನು ಕುರಿತಾಗಿ ಅಧ್ಯಯನ ಮಾಡಿದನು. 1959ರಲ್ಲಿ ಬಕ್ರ್ಲೆಯಲ್ಲಿ ಕೆಲಸ ಮಾಡಿದನು. ಇದಾದ ನಂತರ ಫ್ರಾನ್ಸ್’ಗೆ ಮರಳಿ, ಸುಮಾರು ಎರಡು ವರ್ಷಗಳ ಕಾಲ ಫ್ರೆಂಚ್ ನೌಕಾದಳದಲ್ಲಿ ಸೇವೆ ಸಲ್ಲಿಸಿದನು. 1961ರಲ್ಲಿ ಓರ್ಸೆಯಲ್ಲಿ ಸಹಾಯಕ ಪ್ರಾಧ್ಯಾಪಕನಾದ ಪೀರೆ ಕೆಲ ಕಾಲದಲ್ಲೇ ಓರ್ಸೆ ಸಂಘ ಸ್ಥಾಪಿಸಿ, ಅತಿರಿಕ್ತ ವಾಹಕಗಳ (Hyper Conductors) ಅಧ್ಯಯನ ನಡೆಸಿದನು. 1968ರಲ್ಲಿ ದ್ರವ ಸ್ಪಟಿಕಗಳ ಸಂಶೋಧನೆಗೆ ತೊಡಗಿದನು. 1971ರಲ್ಲಿ ಕಾಲೇಜೆ ಡೆ ಫ್ರಾನ್ಸ್’ನಲ್ಲಿ ಪ್ರಾಧ್ಯಾಪಕನಾದನು. 1980ರಿಂದ, ಸಮತಲಗಳ ಅಂತಕ್ರಿಯೆ, ಅವುಗಳು ಒದ್ದೆಯಾಗುವ ವಿದ್ಯಾಮಾನ, ಅಂಟುವ ಕ್ರಿಯೆಯ ಹಿಂದಿರುವ ಭೌತಿಕ ಹಾಗೂ ರಾಸಾಯನಿಕ ಕಾರಣಗಳತ್ತ ಆಕರ್ಷಿತನಾದನು. ಬ್ರಿಟಿಷ್ ಹಾಗೂ ಫ್ರೆಂಚ್ ಫಿಸಿಕಲ್ ಸೊಸೈಟಿಗಳ ಜಂಟಿಯಾದ ಹೊಲ್ವೆಕ್ ಪ್ರಶಸ್ತಿ ಪಡೆದ ಪೀರೆ, ಫ್ರೆಂಚ್ ಅಕಾಡೆಮಿ ಆಫ್ ಸೈನ್ಸಸ್ ಸ್ವರ್ಣ ಪದಕ ಸಹ ಪಡೆದನು. 1976ರಿಂದ 2000ರವರೆಗೆ ಪೀರೆ ಎಕೊಲೆ ಡೆ ಫಿಸಿಕ್ ಎಟ್ ಷಾಮಿಯ ನಿರ್ದೇಶಕನಾದನು. ಈ ಸಂಸ್ಥೆ ಇಂಜಿನಿಯರ್ಗಳನ್ನು ಭೌತ ಹಾಗೂ ರಸಾಯನಶಾಸ್ತ್ರದಲ್ಲಿ ಸಂಶೋಧನೆ ಮಾಡಲು ಉತ್ತೇಜಿಸುತ್ತದೆ. ಪೀರೆ, ಮೇಲೈ ಹಾಗೂ ಸಮತಲಗಳ ಅಂತಕ್ರಿಯೆ ಸಂಲಗ್ನತೆ (Cohesion), ಸಂಸ್ನಿಗ್ಧತೆಗಳ (Viscosity) ಮೇಲೆ ನಡೆಸಿದ ಸಂಶೋಧನೆಗಳು ಜೀವಶಾಸ್ತ್ರದಲ್ಲಿ, ಕೋಶಗಳ ಕಾರ್ಯವಿಧಾನ ಅರಿಯಲು ನೆರವಾದವು. ಇದಕ್ಕಾಗಿ ಪೀರೆ 1991ರಲ್ಲಿ ನೊಬೆಲ್ ಪ್ರಶಸ್ತಿಗೆ ಪಾತ್ರವಾದನು. ಪೀರೆ, ಈಗ ಪ್ಯಾರಿಸ್ನಲ್ಲಿರುವ ಅಂತರ್ ಶಿಸ್ತೀಯ ಕೇಂದ್ರ ಹಾಗೂ ಕ್ಯಾನ್ಸರ್ ಆಸ್ಪತ್ರೆ ಹೊಂದಿರುವ ಕ್ಯೂರಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾನೆ. ಪ್ರೌಢಶಾಲೆಗಳಿಗೆ ಹೋಗಿ, ಬಾಲಕರಲ್ಲಿ ವಿಜ್ಞಾನದ ಬಗೆಗೆ ಆಸಕ್ತಿ ಮೂಡುವಂತಹ ಕಾರ್ಯಕ್ರಮಗಳನ್ನು ನೀಡುವುದು ಪೀರೆಯ ನೆಚ್ಚಿನ ಹವ್ಯಾಸವಾಗಿದೆ.ಲೇಖಕರು : ಎನ್.ಶಂಕರಪ್ಪ ತೋರಣಗಲ್ಲು
ಜಾರ್ಜ್, ಚಾರ್ಪಾಕ್ (1946--) 1992
Georgges , Charpak
ಪೋಲೆಂಡ್-ಭೌತಶಾಸ್ತ್ರ- ಕಣಗಳ ಪತ್ತೆ ಹಚ್ಚುವ ತಂತ್ರಗಳ ಅಭಿವೃದ್ಧಿಗೆ ಶ್ರಮಿಸಿದಾತ.
ಜಾರ್ಜ್ 1 ಆಗಸ್ಟ್ 1924ರಲ್ಲಿ ಡೆಬ್ರೊವಿಕಾ ಪಟ್ಟಣದಲ್ಲಿ ಜನಿಸಿದನು. ಫ್ರಾನ್ಸ್’ನ ಲೈಸಿಸೇಂಟ್ ಲೂಯಿಸ್ ಹಾಗೂ ಲೈಸೀ ಡೆ ಮೌಂಟ್ ಪೆಲ್ಲರ್ಗಳಲ್ಲಿ ಶಿಕ್ಷಣ ಗಳಿಸಿ, ಪ್ಯಾರಿಸ್ನ ಎಕೊಲೆ ಡೇ ಮೈನ್ಸ್ನಿಂದ 1948ರಲ್ಲಿ ಪದವಿ ಗಳಿಸಿದನು. 1946ರಲ್ಲಿ ಫ್ರಾನ್ಸ್’ನ ನಾಗರಿಕನಾದನು. ಇದಾದ ನಂತರ ಕಾಲೇಜ್ ಡೆ ಫ್ರಾನ್ಸ್’ನಲ್ಲಿ ಸಂಶೋಧಕನಾಗಿ ಸೇರಿ, ಬೈಜಿಕ ಭೌತಶಾಸ್ತ್ರದಲ್ಲಿ ವಿಸ್ತೃತ ಅಧ್ಯಯನ ನಡೆಸಿ, ಡಾಕ್ಟರೇಟ್ ಗಳಿಸಿದನು. 1960ರಲ್ಲಿ ಮ್ಯುಯಾನ್ನ ಕಾಂತೀಂಯ ಭ್ರಾಮ್ಯತೆಯನ್ನು (Magnetic Moment) ಅಳೆಯಲು ರೂಪಿಸಿದ್ದ ಮೊಟ್ಟ ಮೊದಲ ಪ್ರಯೋಗದಲ್ಲಿ ಭಾಗಿಯಾದನು. ಜಾರ್ಜ್ ಕ್ಷ ಕಿರಣ ವಿವರ್ತನ ನೆರವಿನಿಂದ ಗೋಳೀಯ ಪಲ್ಲಟ ಕೋಠಿಯಲ್ಲಿ ಪೆÇ್ರೀಟೀನ್ಗಳ ರಾಚನಿಕ ಸ್ವರೂಪ ನಿರ್ಧರಿಸುವ ಹೊಸ ವಿಧಾನ ಪರಿಚಯಿಸಿದನು. 1979 ರಿಂದ 1989ರ ದಶಕದ ಅವಧಿಯಲ್ಲಿ ಅಯಾನೀಕರಣಗೊಂಡ ವಿಕರಣತೆಯ ಬಿಂಬ ಪಡೆಯಲು ಪ್ರೋಟಾನ್ ಎಣಿಕೆಕಾರಗಳನ್ನು (Counter) ಬಳಸಿದನು. ನಂತರ ಜೀವ ವೈದ್ಯಕೀಯ ಸಂಶೋಧನೆಗಾಗಿ ಸ್ಪಷ್ಟವಾದ ಬಿಂಬಗಳನ್ನು ಪಡೆಯುವ ತಂತ್ರಗಳನ್ನು ಪರಿಚಯಿಸುವಲ್ಲಿ ಗಣನೀಯ ಪಾತ್ರ ವಹಿಸಿದನು. ಕಣಗಳ ಪತ್ತೆ ಹಚ್ಚುವ ತಂತ್ರಗಳ ಅಭಿವೃದ್ಧಿಯಲ್ಲಿನ ಸಾಧನೆಗಾಗಿ 1992ರಲ್ಲಿ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿ, ಜಾರ್ಜ್ಗೆ ನೀಡಲಾಯಿತು.
ಜೋಸೆಫ್. ಎಚ್ ಟೇಲರ್ (1941--) 1993
Joseph , H.Taylor
ಅಸಂಸಂ-ಖಗೋಳಶಾಸ್ತ್ರ-ರೇಡಿಯೋ ಖಗೋಳ ಶಾಸ್ತ್ರದಲ್ಲಿ ಹೊಸ ತಂತ್ರಗಳನ್ನು ಪರಿಚಯಿಸಿದಾತ.
ಜೋಸೆಫ್29 ಮಾರ್ಚ್ 1941ರಂದು ಪೆನ್ಸಿಲ್ವೇನಿಯಾದ ಫಿಲೆಡೆಲ್ಫಿಯಾದಲ್ಲಿ ಜನಿಸಿದನು. ಜೋಸೆಫ್ಏಳು ವರ್ಷದವನಿರುವಾಗ ಆತನ ಕುಟುಂಬ ನ್ಯೂಜರ್ಸಿಯ ಸಿನ್ನಾಮಿನ್ಸನ್ ಪಟ್ಟಣಕ್ಕೆ ಹೋಗಿ ನೆಲೆಸಿತು. ಇಲ್ಲಿ ಡೆಲಾವೇರ್ ನದಿ ದಂಡೆಯ ತಾತನ ತೋಟದಲ್ಲಿ ಜೋಸೆಫ್ಹಾಗೂ ಇನ್ನಿತರ ಎಂಟು ಜನ ದಾಯಾದಿಗಳು ಮುಕ್ತ ವಾತಾವರಣದಲ್ಲಿ ಬೆಳೆದರು. ಬಾಲಕನಾಗಿದ್ದ ಜೋಸೆಫ್ಅಣ್ಣಂದಿರೊಂದಿಗೆ ಹವ್ಯಾಸಿ ರೇಡಿಯೋ ಕೇಂದ್ರ ಸ್ಥಾಪಿಸಿದ್ದನು. ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಮೂರ್ಸಟಾನ್ ಫೆ್ರಂಡ್ಸ್ ಸ್ಕೂಲ್ನಲ್ಲಿ ಪೂರ್ಣಗೊಳಿ¸, ಹೇವರ್ ಫೋರ್ಡ್ ಕಾಲೇಜನ್ನು ಸೇರಿದನು. ಹಿಎಯ ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಯೋಗಗಳನ್ನು ಗಮನಿಸಿದ ಜೋಸೆಫ್ತನ್ನದೇ ಆದ ರೂಕ್ಷ ರೇಡಿಯೋ ದೂರದರ್ಶಕ ನಿರ್ಮಿಸಿಕೊಂಡಿದ್ದನು. ಮುಂದೆ ಹಾವರ್ಡ್ನ ಖಗೋಳಶಾಸ್ತ್ರ, ವಿಭಾಗ ಸೇರಿ ಅಲ್ಲಿ ಅಲ್ಯನ್ ಮಾಕ್ಸಾವೇಲ್ನ ಮಾರ್ಗದರ್ಶನದಲ್ಲಿ ರೇಡಿಯೋ ಖಗೋಳಶಾಸ್ತ್ರ ಒಳ ಹೊರಗುಗಳನ್ನು ಅರಿತನು. ಎಂ.ಐ.ಟಿ ಹಾಗೂ ಪ್ರಿನ್ಸ್ಟನ್ನಲ್ಲಿ ಖ್ಯಾತ ಖಗೋಳಶಾಸ್ತ್ರದೊಂದಿಗೆ ಕೆಲಸಮಾಡುವ ಅವಕಾಶ ಜೋಸೆಫ್’ಗೆ ದಕ್ಕಿತು. ಇಲ್ಲಿ ಜೋಸೆಫ್ರೇಡಿಯೋ ಖಗೋಳಶಾಸ್ತ್ರದ ತತ್ವ , ದತ್ತ ಸಂಕೇತಗಳ ವಿಶ್ಲೇಷಣೆ, ಗಣಿತೀಯ ಅರ್ಥೈಸಿಕೆಯಲ್ಲಿ ಪರಿಣಿತಿ ಗಳಿಸಿದನು. ಪಲ್ಸಾರ್ ತಾರೆಗಳಿಂದ ದಕ್ಕಿದ ಸಂಜ್~ಗಳ ಪರಿಷ್ಕರಣೆಯಲ್ಲಿ ಮತ್ತು ಪಲ್ಸಾರ್ಗಳನ್ನು ಅರಿಯುವಲ್ಲಿ ಜೋಸೆಫ್ಪರಿಚಯಿಸಿದ ತಂತ್ರಗಳು ಮನ್ನಣೆ ಗಳಿಸಿದವು. ಇದಕ್ಕಾಗಿ ಜೋಸೆಫ್ 1993ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು. ಈಗಿನ ಯುವಕರು ಸಂಶೋಧನೆಗಳಿಗಿಂತಲೂ ತಮ್ಮ ಭವಿಷ್ಯ , ತಾವು ಕೆಲಸ ಮಾಡುವ ಸಂಸ್ಥೆಯ ಪ್ರತಿಷ್ಟಿತತೆ, ಮಾರ್ಗದರ್ಶಕರ ಖ್ಯಾತಿಯನ್ನು ಗಂಭೀರವಾಗಿ ಪರಿಗಣಿಸುತ್ತಿರುವರೆಂಬ ವಿಷಾದ ವ್ಯಕ್ತಪಡಿಸಿದ್ದಾನೆ.
ರಸೆಲ್, ಹಲ್ಸ್ (1950--) 1993
Russel , Hulse
ಅಸಂಸಂ-ಭೌತಶಾಸ್ತ್ರ-ಹೊಸ ಬಗೆಯ ಪಲ್ಸಾರ್ಗಳ ಹಾಗೂ ಗುರುತ್ವದ ವಿಕಿರಣತೆಯ ಅನಾವರಣಗೊಳಿಸಿದಾತ.
ಹಲ್ಸ್, 28 ನವೆಂಬರ್ 1950ರಲ್ಲಿ ನ್ಯೂಯಾರ್ಕ್ನಲ್ಲಿ ಜನಿಸಿದನು. ಚಿಕ್ಕಂದಿನಿಂದಲೇ ಬಾಹ್ಯ ಜಗತ್ತನ್ನು ಕುರಿತಾಗಿ ಹಲ್ಸ್ ಅಪಾರ ಕುತೂಹಲ ಹೊಂದಿದ್ದನು. ಈತನ ವೈಜ್ಞಾನಿಕ ಹಂಬಲಕ್ಕೆ ತಂದೆ, ತಾಯಿಯ ಪ್ರೋತ್ಸಾಹ ದಕ್ಕಿತು. ಹಲ್ಸ್ ಪ್ರೌಢಶಾಲೆಗೆ ಬರುವ ವೇಳೆಗೆ ಭೌತ, ರಸಾಯನ, ಜೀವಶಾಸ್ತ್ರ ಗಣಿತಗಳಲ್ಲಿ ಅಪಾರ ಆಸಕ್ತಿ ಹೊಂದಿದ್ದನು. ಇಂತಹ ಕುತೂಹಲ, ಹೊಂದಿದ್ದ ಹಲ್ಸಗೆ ಶಾಲಾ ಪಠ್ಯಕ್ರಮ, ಚಟುವಟಿಕೆ ಆಕರ್ಷಕವಾಗಿ ಕಾಣುತ್ತಿರಲಿಲ್ಲ. ತಂದೆ ತಾಯಿಗಳಿಗೆ ಆರ್ಥಿಕ ಹೊರೆಯಾಗದಂತಹ ಕಾಲೇಜನ್ನು ಆರಿಸಿಕೊಂಡ ಹಲ್ಸ್ ಶುಲ್ಕರಹಿತವಾದ ಕೂಪರ್ ಯೂನಿಯನ್ ಕಾಲೇಜನ್ನು ಸೇರಿದನು. ಇಲ್ಲಿ ಐಬಿಎಂ-1620 ಗಣಕ ಲಭ್ಯವಿದ್ದಿತು. ಫೋರ್ಟ್ರಾನ್ (ForTran=Formula TRANslation) ಕ್ರಮವಿಧಿ ಭಾಷೆ ಕಲಿತ ಹಲ್ಸ್ ಸಮಸ್ಯೆಗಳ ಪರಿಹಾರಕ್ಕೆ ಗಣಕ ಬಳಸುವ ಅನುಕೂಲ ಕಂಡುಕೊಂಡನು. ಭೌತಶಾಸ್ತ್ರದ ಅಧ್ಯಯನಕ್ಕಾಗಿ 1970ರಲ್ಲಿ ಮೆಸಾಚುಸೆಟ್ಸ್ ವಿಶ್ವವಿದ್ಯಾಲಯ ಸೇರಿ ರೇಡಿಯೋ ಖಗೋಳಶಾಸ್ತ್ರದಲ್ಲಿ ಪರಿಶ್ರಮಿಸಬೇಕೆಂದು ಬಯಸಿದನಾದರೂ ಮೂಲ ಸೌಕರ್ಯಗಳ ಕೊರತೆಯಿಂದ ಅದು ಸಾಧ್ಯವಾಗದೇ ಹೋಂiತು. 1975ರಲ್ಲಿ ಡಾಕ್ಟರೇಟ್ ಗಳಿಸಿದ ಹಲ್ಸ್, ವರ್ಜೀನಿಯಾದ ಚಾರ್ಲೊಟ್ಸ್ವಿಲ್ಲೆಯಲ್ಲಿರುವ ರೇಡಿಯೋ ಅಸ್ಟ್ರಾನಮಿ ಅಬ್ಸರ್ವೇಟರಿ ಸೇರಿ ಪಲ್ಸಾರ್ಗಳ ಅಧ್ಯಯನದತ್ತ ಗಮನವನ್ನು ಕೇಂದ್ರೀಕರಿಸಿದನು. 1977ರಲ್ಲಿ ಪ್ರಿನ್ಸ್’ಟನ್ ವಿಶ್ವವಿದ್ಯಾಲಯದ ಪ್ಲಾಸ್ಮಾ ಫಿಸಿಕ್ಸ್ ಲ್ಯಾಬೋರೇಟರಿಯಲ್ಲಿನ ಸೈದ್ಧಾಂತಿಕ ಸಂಶೋಧನಾ ತಂಡ ಸೇರಿದನು. ಇಲ್ಲಿ ಔಷ್ಣಿಕಬೈಜಿಕ ಸದಳನ (ThermoNuclear Fusion) , ಅಧಿಕ ತಾಪಮಾನ ಪ್ಲಾಸ್ಮಾದಲ್ಲಿನ ಕಲುಷಿತಗಳ ನಿವಾರಣೆ ಕುರಿತಾಗಿ ಪರಿಶ್ರಮಿಸಿದನು. ಇದರಫಲವಾಗಿ ತಟಸ್ಥ ಜಲಜನಕ ಮತ್ತು ಆವಿಷ್ಟಿತ ಅಯಾನ್ಗಳ ಮಧ್ಯದ ಪ್ರತಿಕ್ರಿಯೆಗಳನ್ನು ಅರಿಯಲು ಗಣಕ ಕ್ರಮವಿಧಿಗಳನ್ನು ತಯಾರಿಸಿದನು. ಈ ಕ್ರಮ ವಿಧಿಯನ್ನು ಈಗ ಅಂತಾರಾಷ್ಟ್ರೀಯ ಪರಮಾಣು ಚೈತನ್ಯ ಸಂಸ್ಥೆ ಶಿಷ್ಟ ಮಾದರಿಯಾಗಿ ಅಂಗೀಕರಿಸಿದೆ. ಹಲ್ಸ್ ಪ್ಯೂರ್ಟೋರಿಕೊದಲ್ಲಿರುವ ಅರೆಸಿಬೋ ವೀಕ್ಷಣಾಲಯದಲ್ಲಿ ಟೇಲರ್ ಸಾಂಗತ್ಯದಲ್ಲಿ ಪಲ್ಸಾರ್ಗಳ ವ್ಯಾಪಕ ಸರ್ವೆ ನಡೆಸಿದನು. ಈ ಕಾರ್ಯದಿಂದಾಗಿ 1974ರಲ್ಲಿ ದ್ವಿಕಾಯ ಪಲ್ಸಾರ್ (Binary Pulsar) ಪಿಎಸ್ಅರ್ಬಿ 1913+16 ಪತ್ತೆಯಾಯಿತು. ಈ ಪಲ್ಸಾರ್ ಜೋಡಿ ಕಾಯಗಳಿಂದಾಗಿದೆ. ಇದರಲ್ಲಿ ಪಲ್ಸಾರ್ನೊಂದಿಗೆ ದೃಗ್ಗೋಚರವಾಗದ ಕಪ್ಪು ತಾರೆಯೊಂದು ಸಮ್ಮಿಳಿತಗೊಂಡಿದೆ. ಪಲ್ಸಾರ್ನೊಂದಿಗೆ ಸಮ್ಮಿಳಿತಗೊಂಡಿರುವ ಈ ಕಪ್ಪು ನ್ಯೂಟ್ರಾನ್ ತಾರೆಯ ಆವರ್ತನೆಯಿಂದ ನಿರ್ದಿಷ್ಟಾವಧಿಯಲ್ಲಿ ರೇಡಿಯೋ ತರಂಗಗಳ ವ್ಯಾಪ್ತಿಯ ಉತ್ಸರ್ಜನೆಗಳು (Emissions) ಸಾಂದ್ರಿತ ವಲಯದ ಸನಿಹದಲ್ಲಾಗುತ್ತಿದೆ. ಈ ದ್ವಿಕಾಯ ಪಲ್ಸಾರ್ಗಳ ಮೇಲೆ ಬಹು ನಿಖರವಾದ ಪರೀಕ್ಷೆಗಳನ್ನು ನಡೆಸಿ ಹಲ್ಸ್ ಹಾಗೂ ಟೇಲರ್ ಸಾಮಾನ್ಯ ಸಾಪೇಕ್ಷ ಸಿದ್ಧಾಂತ ಮುನ್ನುಡಿದಂತೆ ಗುರುತ್ವ ವಿಕಿರಣತೆಯನ್ನು ಗುರುತಿಸಿದ್ದಾರೆ. 1918ರಲ್ಲಿ ಇಂತಹ ಸ್ಥಿತಿಗಳ ಕಾಯದಿಂದ ಗುರುತ್ವ ವಿಕಿರಣಗಳು ಹೊರ ಹೊಮ್ಮುವುದೆಂದು ತನ್ನ ಸಾಪೇಕ್ಷ ಸಿದ್ಧಾಂತದಲ್ಲಿ ಐನ್ಸ್ಟೀನ್ ವಿವರಿಸಿದ್ದನು. 1979ರಲ್ಲಿ ಇತರ ವಿಜ್ಞಾನಿಗಳು ಈ ಬಗೆಯ ಪಲ್ಸಾರ್ ಕಕ್ಷೆಗಳಲ್ಲಿನ ಚಲನೆಗಳಲ್ಲಿ ಅಲ್ಪ ವೇಗೋತ್ಕರ್ಷಗಳನ್ನು ಗುರುತಿಸಿ ಇವುಗಳು ಗುರುತ್ವದ ಅಲೆಗಳನ್ನು ಹೊಮ್ಮಿಸುವುದೆಂದು ಖಚಿತಪಡಿಸಿದ್ದಾರೆ. ಹೊಸ ಬಗೆಯ ಪಲ್ಸಾರ್ಗಳ ಹಾಗೂ ಗುರುತ್ವದ ವಿಕಿರಣತೆಯ ಅನಾವರಣಕ್ಕಾಗಿ ಹಲ್ಸ್ 1993ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಬೆರ್’ಟ್ರ್ಯಾಮ್, ಎನ್ ಬ್ರೊಕ್ಹೌಸ್ (1918--) 1994
Bertram,N. Brockhouse (PHY.) 1994
ಕೆನಡಾ-ಭೌತಶಾಸ್ತ್ರ
ಬೆರ್’ಟ್ರ್ಯಾಮ್ 15 ಜುಲೈ 1918ರಂದು ಅಲ್ಯೆಟ್ಟಾ ಪ್ರಾಂತದ ಲೆಥೆ ಬ್ರಿಜ್ನಲ್ಲಿ ಜನಿಸಿದನು. ಬೆರ್’ಟ್ರ್ಯಾಮ್ ಕುಟುಂಬ ಕೃಷಿ ಹಾಗೂ ಜಾನುವಾರು ಸಾಕಣೆಯಲ್ಲಿ ನಿರತವಾಗಿದ್ದಿತು. ತಮ್ಮ ಹೊಲದಿಂದ ಒಂದೆರಡು ಕಿ,ಮೀ ದೂರದಲ್ಲಿದ್ದ ಏಕಕೊಠಡಿ ಶಾಲೆಗೆ ಬೆರ್’ಟ್ರ್ಯಾಮ್ ಸೇರಿದನು. ಓದಿನಲ್ಲಿ ಓರಗೆಯವರಿಗಿಂತ ಹಿಂದುಳಿದಿದ್ದ ಬೆರ್’ಟ್ರ್ಯಾಮ್ ಪ್ರಾಥಮಿಕ ಶಿಕ್ಷಣ ಪೂರೈಸುವ ವಯಸ್ಸಿಗೆ ಸ್ವಲ್ಪ ಸುಧಾರಿಸಿ, ಪ್ರೌಢಶಾಲೆಗೆ ಬಂದಾಗ ಸಾಮಾನ್ಯ ಮಟ್ಟಕ್ಕೇರಿದನು. ಬೆರ್’ಟ್ರ್ಯಾಮ್ ಕುಟುಂಬ ಆರ್ಥಿಕ ಸಂಕಷ್ಟದಲ್ಲಿದ್ದುದರಿಂದ, ವೃತ್ತ ಪತ್ರಿಕೆಯನ್ನು ಹಾಕುವ ಕೆಲಸಕ್ಕೆ ಸೇರಿದನು. 1935ರಲ್ಲಿ ಕಾಣಿಸಿಕೊಂಡ ಆರ್ಥಿಕ ಖಿನ್ನತೆಯ ಸ್ಥಿತಿಯಿಂದ ಪಾರಾಗಲು ಬೆರ್’ಟ್ರ್ಯಾಮ್ ಕುಟುಂಬ ಚಿಕಾಗೋಗೆ ಪ್ರಯಾಣ ಮಾಡಿತು. ಇಲ್ಲಿ ಈಗ ರೂಸ್ವೆಲ್ಟ್ ವಿಶ್ವವಿದ್ಯಾಲಯವಾಗಿರುವ ಆಗಿನ ವೈಎಂಸಿಎ ಕಾಲೇಜಿನಲ್ಲಿ ಸಾಯಂಕಾಲದ ತರಗತಿಗಳಿಗೆ ಬೆರ್’ಟ್ರ್ಯಾಮ್ ಹಾಜರಾದನು. ಇಲ್ಲಿ ರೇಡಿಯೋ ದುರಸ್ತಿಯಲ್ಲಿ ಪರಿಣಿತಿ ಗಳಿಸಿದನು. ಚಿಕಾಗೋದಲ್ಲಿನ ಆಲ್ಬರ್ಟ್ ಕಂಟ್ರೋಲ್ ಕಾಪೆರ್Çೀರೇಷನ್ ಹೆಸರಿನ ಸಣ್ಣ ಸಂಸ್ಥೆಯಲ್ಲಿ ಪ್ರಯೋಗಾಲಯದ ಸಹಾಯಕನಾದನು. 1937ರ ಆರ್ಥಿಕ ಸಂಕಷ್ಟದ ದಿನಗಳಲ್ಲಿ ಈ ಕಂಪೆನಿ ಮುಚ್ಚಿತು. ಅಸಂಸಂಗಳಲ್ಲಿ ಹೆಚ್ಚಿನ ಸಮೃದ್ಧಿ, ಕಾಣದೆ ಬೆರ್’ಟ್ರ್ಯಾಮ್ ಕುಟುಂಬ 1938ರಲ್ಲಿ ಕೆನಡಾದ ವ್ಯಾಂಕೋವರ್ಗೆ ಮರಳಿತು. ಇಲ್ಲಿ ಈ ಕುಟುಂಬ ಚಿಕ್ಕ ದಿನಸಿ ಅಂಗಡಿ ತೆರೆದರೆ ಬೆರ್’ಟ್ರ್ಯಾಮ್ ರೇಡಿಯೋ ದುರಸ್ತಿ ಅಂಗಡಿ ಪ್ರಾರಂಭಿಸಿದನು. ಇವು ವ್ಯಾಪಾರದಲ್ಲಿ ಯಶಸ್ಸನ್ನು ಕಾಣಲಿಲ್ಲ. ಈ ಸ್ಥಿತಿಯಲ್ಲಿ ಬೆರ್’ಟ್ರ್ಯಾಮ್ ಕಮ್ಯುನಿಸ್ಟ್ ಪಕ್ಷದ ಸ್ವಯಂ ಸೇವಕನಾದನು. ಚಾಲ್ಕ್ ಪ್ರಯೋಗಾಲಯ ಸೇರಿದ ನಂತರ ಸರ್ಕಾರಿ ನೌಕರಿಯಲ್ಲಿದ್ದು, ಯಾವುದೇ ಪಕ್ಷದ ಸಿದ್ಧಾಂತದತ್ತ ವಾಲುವುದು ಅನೈತಿಕವಾದುದೆಂದು ತಟಸ್ಥ ರಾಜಕೀಯ ಧೋರಣೆ ತಳೆಯುವುದೇ ಸರಿಯಾದ ಮಾರ್ಗವೆಂದು ನಿರ್ಧರಿಸಿದನು. ಸರ್ವಾಧಿಕಾರದ ವಿರೋಧಿಯಾಗಿದ್ದ ಬೆರ್’ಟ್ರ್ಯಾಮ್, ಎರಡನೇ ಜಾಗತಿಕ ಯುದ್ದದಲ್ಲಿ ರಾಯಲ್ ಕೆನಡಿಯನ್ ನೌಕಾದಳ ಸೇರಿ, ರೇಡಿಯೋ ಟೆಲಿಗ್ರಾಫರ್ ಆದನು.
1944ರಲ್ಲಿ ನೋವಾಸ್ಕೋಷಿಯಾದ ತಾಂತ್ರಿಕ ಕಾಲೇಜಿನಲ್ಲಿ ವೈದ್ಯುತ್ ಇಂಜಿನಿಯರಿಂಗ್ನಲ್ಲಿ ತರಬೇತಿ ಹೊಂದಿದನು. ಎರಡನೇ ಜಾಗತಿಕ ಯುದ್ದ ಕೊನೆಗೊಂಡಾಗ ನೌಕಾದಳ ಸೇವೆಯಿಂದ ಹೊರಬಂದ ಬೆರ್’ಟ್ರ್ಯಾಮ್ ಗಣಿತ ಹಾಗೂ ಭೌತಶಾಸ್ತ್ರದಲ್ಲಿ ಹೆಚ್ಚಿನ ಶಿಕ್ಷಣ ಗಳಿಸಲು ಬ್ರಿಟೀಷ್ ಕೊಲಂಬಿಯಾ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿಯೂ ನಾನಾ ತೊಂದರೆಗಳಿಂದ ಪದವಿ ಪೂರೈಸಿ ರಾಷ್ಟ್ರೀಯ ಸಂಶೋಧನಾ ಸಮಿತಿಯ ಪ್ರಯೋಗಾಲಯ ಸೇರಿದನು. ಇದಾದ ಕೆಲ ಕಾಲದಲ್ಲೇ ಟೊರಂಟೋದ ನಿಮ್ನ ತಾಪಮಾನ ಪ್ರಯೋಗಾಲಯ ಸೇರಿದನು. ಇಲ್ಲಿ ಹಫ್ ಗ್ರೇಸನ್ ಸ್ಮಿತ್ ಹಾಗೂ ಜೇಮ್ಸ್ ರೀಕಿಯ ಮಾರ್ಗದರ್ಶನದಲ್ಲಿ ಒತ್ತಾಯ ಹಾಗೂ ತಾಪಮಾನಗಳು ಫೆರೋ ಕಾಂತೀಯತೆಯ ಮೇಲೆ ಬೀರುವ ಪರಿಣಾಮಗಳನ್ನು ಅಭ್ಯಸಿಸಿ ಸ್ನಾತಕೋತ್ತರ ಪದವಿ ಗಳಿಸಿದನು. ಇಲ್ಲಿ ಬೆರ್’ಟ್ರ್ಯಾಮ್ ಮಾರ್ಗದರ್ಶಕರಾಗಿದ್ದವರು, ಉನ್ನತ ಹುದ್ದೆಗಳ ಅಹ್ವಾನದ ಮೇರೆಗೆ, ಬೇರೆ ವಿಶ್ವವಿದ್ಯಾಲಯಗಳಿಗೆ ತೆರಳಿದರೆ, ಅದೇ ಕಾಲಕ್ಕೆ ಭೂಕಾಂತತ್ವದಲ್ಲಿ ಖ್ಯಾತಿವೆತ್ತ ಎಡ್ವರ್ಡ್ ಬುಲ್ಲಾರ್ಡ್, ಪ್ರಾಧ್ಯಾಪಕ ಹಾಗೂ ಮುಖ್ಯಸ್ಥನಾಗಿ ಬಂದನು. ಈತನ ಕೈ ಕೆಳಗೆ ಡಾಕ್ಟರೇಟ್ ಗಳಿಸಿದ ಬೆರ್’ಟ್ರ್ಯಾಮ್ ಹಲವಾರು ಸಂಸ್ಥೆಗಳಲ್ಲಿ ಕೆಲಸ ಮಾಡಿ 1951ರಲ್ಲಿ ಮರಳಿ ಜಾಕ್ ರಿವರ್ ಪ್ರಾಯೋಗಾಲಯಕ್ಕೆ ಬಂದನು. ಇಲ್ಲಿ ಅಧಿಕ ಹೀರಿಕೆಯ ಧಾತುಗಳಿಂದಾಗುವ ನ್ಯೂಟ್ರಾನ್ ಚದುರಿಕೆಯನ್ನು ಕುರಿತಾಗಿ ಮೈಯರ್ಬೂಮ್, ಹಾಗೂ ಡಿ.ಜಿ ಹಟ್ರ್ಸ್ರೊಂದಿಗೆ ಸಂಶೋಧನೆ ಪ್ರಾರಂಭಿಸಿದನು. 1956ರಲ್ಲಿ ಮೂರು ಅಕ್ಷದ ಸ್ಪಟಿಕ ರೋಹಿತ ಮಾಪಕದ ನಿರ್ಮಾಣ ಪೂರ್ಣಗೊಳಿಸಿದ ಬೆರ್’ಟ್ರ್ಯಾಮ್ ಹಾಗೂ ಸಂಗಡಿಗರು, 1958ರಲ್ಲಿ ಸ್ಥಿರ ಕ್ಯು-ವಿಧಾನ ರೂಪಿಸಿದರು. 1962ರಲ್ಲಿ ಒಂಟೋರಿಯಾದ ಮೆಕ್ ಮಾಸ್ಟರ್ ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕನಾದನು. ಬೆರ್’ಟ್ರ್ಯಾಮ್ ದೀರ್ಘವಾದ ವೈಯಕ್ತಿಕ ಹಾಗೂ ವೈಜ್ಞಾನಿಕ ಸಂಶೋಧನೆಗಳೆರಡೂ ಏಳು ಬೀಳಿನ ಹಾದಿಯಲ್ಲಿ ಸಾಗಿದವು. 1994ರಲ್ಲಿ ಬೆರ್’ಟ್ರ್ಯಾಮ್ ಕ್ಲಿಫರ್ಡ್ ಜಿ.ಷುಲ್ನೊಂದಿಗೆ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಕ್ಲಿಫರ್ಡ್ ಜಿ. ಷುಲ್ –(1915-2001) 1994
Clifford ,G. Schull
ಅಸಂಸಂ-ಭೌತಶಾಸ್ತ್ರ-ನ್ಯೂಟ್ರಾನ್ ರೂಪಕ್ರಮಗಳನ್ನು ಗುರುತಿಸಿದಾತ
ಕ್ಲಿಫರ್ಡ್ 23 ಸೆಪ್ಟಂಬರ್ 1915ರಂದು ಪೆನ್ಸೆಲ್ವೇನಿಯಾದ ಪಿಟ್ಸ್ಬರ್ಗ್ನಲ್ಲಿ ಜನಿಸಿದನು. ಕ್ಲಿಫರ್ಡ್ ತಂದೆ ಸಣ್ಣ ಕೃಷಿಕನಾಗಿದ್ದು ಹಳ್ಳಿಯಿಂದ ಪಿಟ್ಸ್ಬರ್ಗ್ಗೆ ಹೋಗಿ ಚಿಕ್ಕದಾದ ವ್ಯಾಪಾರ ಪ್ರಾರಂಭಿಸಿದನು. ಪ್ರೌಢಶಾಲೆಯಲ್ಲಿರುವಾಗ ವಿಜ್ಞಾನದ ಉಪಾಧ್ಯಾಯನಾಗಿದ್ದ ಪೌಲ್ ಡೆಸಟ್ರನ ಬೊಧನೆಯಿಂದ ಭೌತಶಾಸ್ತ್ರದಲ್ಲಿ ಆಸಕ್ತಿ ಹೊಂದಿದನು. ವಾಯುಗತಿ ಇಂಜಿನಿಯರಿಂಗ್ನಲ್ಲಿ ಕುತೂಹಲವೂ ಇದರೊಂದಿಗೆ ಬೆರೆತಿತು. ಕಾರ್ನೆಗಿ ಮೆಲ್ಲನ್ ವಿಶ್ವವಿದ್ಯಾಲಯ ಸೇರಿದ ಕ್ಲಿಫರ್ಡ್, ಭೌತಶಾಸ್ತ್ರವನ್ನು ಪ್ರಮುಖವಾಗಿ ಆರಿಸಿಕೊಂಡನು. ಇಲ್ಲಿ ಭೌತಶಾಸ್ತ್ರದ ಮುಖ್ಯಸ್ಥನಾಗಿದ್ದ ಹ್ಯಾರ್ ಓವರ್ ಪ್ರಭಾವಕ್ಕೊಳಗಾಗಿ, ದೃಗ್ಗೋಪಕರಣಗಳಲ್ಲಿ ಪರಿಣಿತಿ ಗಳಿಸಿದನು. ಮುಂದೆ ನ್ಯೂಯಾರ್ಕ್ ವಿಶ್ವವಿದ್ಯಾಲಯ ಸೇರಿದ ಕ್ಲಿಫರ್ಡ್, ಅಲ್ಲಿ ಪ್ರಯೋಗಾಲಯ ಹಾಗೂ ಬೋಧನಾ ಸಹಾಯಕನಾದನು. ಇಲ್ಲಿ ಫ್ರಾಂಕ್ ಮೇಯರ್ ಹಾಗೂ ರಾಬರ್ಟ್ ಹಂಬೂನ್ಸ್ ನೇತೃತ್ವದಲ್ಲಿ ಡ್ಯುಟೆರಾನ್ಗಳ ವೇಗೋತ್ಕರ್ಷಣೆಗಾಗಿ 220ಕೆವಿ ಸಾಮಥ್ರ್ಯದ ಕಾಕ್ರಾಫ್ಟ್-ವಾಲ್ಟನ್ ವಿದ್ಯುಜ್ಜನಕದ ನಿರ್ಮಾಣದಲ್ಲಿ ಕ್ಲಿಫರ್ಡ್ ಭಾಗಿಯಾದನು. ಅದಾದ ಎರಡು ವರ್ಷಗಳ ನಂತರ ನ್ಯೂಯಾರ್ಕ್ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ವಿಭಾಗ ಎಲೆಕ್ಟ್ರಾನ್ಗಳ ವೇಗೋತ್ಕರ್ಷನೆಗಾಗಿ ಹೊಸ ವಿದ್ಯುಜ್ಜನಕವನ್ನು ನಿರ್ಮಿಸುವ ಹೊಣೆಯನ್ನು ಫ್ರಾಂ ಮೇಯರ್’ಗೆ ವಹಿಸಿತು. ಈತ ಕ್ಲಿಪರ್ಡ್ನನ್ನು ತನ್ನ ಸಹಾಯಕನಾಗಿ ಸೇರಿಸಿಕೊಂಡನು. ಇಲ್ಲಿ ಕ್ಲಿಫರ್ಡ್ ಎಲೆಕ್ಟ್ರಾನ್ ದ್ವಿ ಚದುರಿಕೆಯನ್ನು ಕುರಿತಾಗಿ ಸಂಶೋಧನೆ ಮಾಡಿ ಸಂಪ್ರಬಂಧ ಮಂಡಿಸಿ 1941ರಲ್ಲಿ ಡಾಕ್ಟರೇಟ್ ಗಳಿಸಿದನು. ಇದಾದ ನಂತರ ಟೆಕ್ಸಾಸ್ ಮೂಲದ , ನ್ಯೂಯಾರ್ಕ್ನಲ್ಲಿ ಕಛೇರಿ ಹೊಂದಿದ್ದ ಪೆಟ್ರೋಲಿಯಂ ಇಂಧನ ಸಂಸ್ಕರಣ ಸಂಸ್ಥೆಯ ಪ್ರಯೋಗಾಲಯವನ್ನು ಕ್ಲಿಫರ್ಡ್ ಸೇರಿದನು. ಇಲ್ಲಿ ಪೆಟ್ರೋಲಿಯಂ ಹಾಗೂ ವಾಹನ ಸ್ನೇಹಕಗಳ ಸ್ವರೂಪವನ್ನು ಅನಿಲ ಹೀರಿಕೆಯನ್ನು ಕ್ಷ ಕಿರಣ ವಿವರ್ತನ ಹಾಗೂ ಚದುರಿಕೆ ಮೂಲಕ ನಿರ್ಧರಿಸುವ ಹೊಣೆ ಕ್ಲಿಫರ್ಡ್ ಹಾಗೂ ಸಂಗಡಿಗರ ಹೆಗಲೇರಿತು. ಇಂಧನಗಳ ಕ್ಷಮತೆಯನ್ನು ಸುಧಾರಿಸುವ ವೇಗವರ್ಧಕಗಳ ಸಂಶೋಧನೆಯೂ ಇದರಲ್ಲಿ ಸೇರಿತು. 1941ರ ಡಿಸೆಂಬರ್ನಲ್ಲಿ ಅಸಂಸಂ ಎರಡನೇ ಜಾಗತಿಕ ಯುದ್ದವನ್ನು ಪ್ರವೇಶಿಸಿತು. ಪರಮಾಣು ಅಸ್ತ್ರ ತಯಾರಿಕೆಗಾಗಿ ಮ್ಯಾನ್ಹಟ್ಟನ್ ಯೋಜನೆಯನ್ನು ಅಸಂಸಂಗಳ ಸರ್ಕಾರ ಕೈಗೆತ್ತಿಕೊಂಡಿತು. ಇದಕ್ಕಾಗಿ ಅಸಂಸಂಗಳಲ್ಲಿದ್ದ ಸಹಸ್ರಾರು ವಿಜ್ಞಾನಿಗಳಿಗೆ ಆಹ್ವಾನ ನೀಡಲÁಯಿತು. ಕ್ಲಿಫರ್ಡ್ ಸಹ ಇದರಲ್ಲಿ ಪಾಲ್ಗೊಳ್ಳಲು ಯತ್ನಿಸಿದನು. ಆದರೆ ಟೆಕ್ಸಾಸ್ ಕಂಪನಿ, ನ್ಯಾಯಾಲಯದ ಮೆಟ್ಟಲೇರಿ ಕ್ಲಿಫರ್ಡ್ನನ್ನು ತನ್ನಲೇ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಯಿತು. ಟೆಕ್ಸಾಸ್ ಕಂಪನಿಯ ಪ್ರಯೋಗಾಲಯದಲ್ಲಿ ಘನಸ್ಥಿತಿ ಭೌತಶಾಸ್ತ್ರ, ಕ್ಷ ಕಿರಣ ವಿವರ್ತನ (Diffraction) ಸ್ಪಟಿಕ ಶಾಸ್ತ್ರದಲ್ಲಿ ಕ್ಲಿಫರ್ಡ್ ಅಪಾರ ಜ್ಞಾನ ಗಳಿಸಿದನು. 1946ರಲ್ಲಿ ಈಗ ಓಕ್ಲ್ಯಾಂಡ್ ರಿಜ್ ನ್ಯಾಷನಲ್ ಲ್ಯಾಬೋರೇಟರಿ ಎಂದು ಹೆಸರಿಸಲಾಗಿರುವ ಆಗಿನ, ಟೆನಸ್ಸಿ ಕ್ಲಿಂಟನ್, ಪ್ರಯೋಗಾಲಯ ಸೇರಿದನು. ಇಲ್ಲಿ ಅರ್ನೆಸ್ಟ್ ವುಲನ್ ಜೊತೆಗೆ ನೂಟ್ರಾನ್ ರೂಪಕ್ರಮಗಳನ್ನು (Pattern) ಕ್ಷ-ಕಿರಣಗಳ ಫಲಿತಾಂಶಗಳೊಂದಿಗೆ ತಾಳೆ ನೋಡುವ ಸಾಧ್ಯತೆಯತ್ತ ಗಮನ ಹರಿಸಿದನು. ಸುಮಾರು ಒಂಬತ್ತು ವರ್ಷಗಳ ಕಾಲ ಇವರಿಬ್ಬರ ಸಂಶೋಧನಾ ಸಾಂಗತ್ಯ ಮುಂದುವರೆಯಿತು. ಬೆರ್ಟ್ರ್ಯಾಮ್ ಬಾರ್ಕ್ಹೌಸ್ನೊಂದಿಗೆ ಕ್ಲಿಫರ್ಡ್ 1994ರ ನೊಬೆಲ್ ಪ್ರಶಸ್ತಿ, ಸ್ವೀಕರಿಸುವಾಗ, ಅರ್ನೆಸ್ಟ್ ವುಲನ್ಗೂ ಸಹ ಈ ಗೌರವ ದಕ್ಕ ಬೇಕಾಗಿದ್ದಿತೆಂದು ಭಾವಿಸಿದ್ದನು. ಅದರೆ ಅರ್ನೆಸ್ಟ್ ವುಲನ್ 1984ರಲ್ಲಿಯೇ ಮೃತನಾಗಿದ್ದನು. 1956ರಲ್ಲಿ ಎಂ ಐಟಿ ಸೇರಿ ಪ್ರಾಧ್ಯಾಪಕನಾದ ಕ್ಲಿಫರ್ಡ್ ಇಲ್ಲಿ ತನ್ನ ಸಂಶೋಧಕ ವಿದ್ಯಾರ್ಥಿಗಳೊಂದಿಗೆ ಸ್ಪಟಿಕಗಳ ಆಂತರಿಕ ಕಾಂತೀಕರಣ, ಧೃವೀಕೃತ ದೂಲ ತಂತ್ರಜ್ಞಾನ ಅಭಿವೃದ್ಧಿ ಪರಿಶುದ್ದ ಸ್ಪಟಿಕಗಳಲ್ಲಿ ಗತಿಶೀಲ ಚದುರಿಕೆ, ನ್ಯೂಟ್ರಾನ್ಗಳ ಮೂಲ ಗುಣಗಳನ್ನು ಕುರಿತಾಗಿ ಸಂಶೋಧನೆ ನಡೆಸಿದನು.
ಫ್ರೆಡರಿಕ್, ರೀನೆಸ್ (1918--) 1995
Frederick , Reins
ಅಸಂಸಂ-ಭೌತಶಾಸ್ತ್ರ-ಪ್ರತಿನ್ಯೂಟ್ರಿನೋ ವೀಕ್ಷಿಸಿದಾತ-ಕಣ ಸಂಶೋಧನೆಯ ಮುಂದಾಳು.
ಫ್ರೆಡರಿಕ್ 16 ಮಾರ್ಚ್ 1918 ರಂದು ನ್ಯೂಜೆರ್ಸಿಯ ಪ್ಯಾಟರ್ಸನ್ನಲ್ಲಿ ಜನಿಸಿದನು. ಈತನ ತಂದೆ ರಷ್ಯಾದಿಂದ ಅಸಂಸಂಗಳಿಗೆ ವಲಸೆ ಬಂದಿದ್ದನು. ಫ್ರೆಡರಿಕ್ ನ್ಯೂಜೆರ್ಸಿಯ ಯೂನಿಯನ್ ಹೈ ಸ್ಕೂಲ್ನಲ್ಲಿ ಪ್ರೌಢ ಶಿಕ್ಷಣ ಮುಗಿಸಿದನು. ಈ ಶಾಲೆ ವಿಜ್ಞಾನಕ್ಕಿಂತಲೂ ಕಲೆ ಹಾಗೂ ಮಾನವಿಕಗಳಲ್ಲಿ ಪ್ರಸಿದ್ದಿ ಹೊಂದಿದ್ದಿತು. ಇಲ್ಲಿ ಸಾಹಿತ್ಯ , ಕಲೆಗಳಲ್ಲಿ ಅಭಿರುಚಿ ತಳೆದ ಫ್ರೆಡರಿಕ್ಗೆ ವಿಜ್ಞಾನದ ಅಧ್ಯಯನದಲ್ಲಿ ಅಸಕ್ತಿ ಇರಲಿಲ್ಲ. ಭೌತಶಾಸ್ತ್ರ ಹಾಗೂ ಗಣಿತದ ಅಧ್ಯಾಪಕರಿಂದಾಗಿಫ್ರೆಡರಿಕ್ ವಿಜ್ಞಾನದತ್ತ ಸಾಕಷ್ಟು ಆಕರ್ಷಿತನಾದನು. ಸ್ಟೀವೆನ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸೇರಿದಫ್ರೆಡರಿಕ್ 1939 ರಲ್ಲಿ ಇಂಜಿನಿಯರಿಂಗ್ ಪದವಿ ಗಳಿಸಿದನು. 1941ರಲ್ಲಿ ಗಣಿತೀಯ ಭೌತಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದನು. ನ್ಯೂಯಾರ್ಕ್ ವಿಶ್ವವಿದ್ಯಾಲಯದಲ್ಲಿ ವಿದ್ಯಾಭ್ಯಾಸ ಮುಂದುವರೆಸಿ, ಎಸ್.ಎ.ಕೊರ್ಫ್ ಮಾರ್ಗದರ್ಶನದಲ್ಲಿ ವಿಶ್ವಕಿರಣ ಭೌತಶಾಸ್ತ್ರದ ಬಗೆಗೆ ಸಂಶೋಧನೆ ನಡೆಸಿ 1944 ವೇಳೆಗೆ ಸಂಪ್ರಬಂಧ ಸಿದ್ದ ಪಡಿಸಿದನು. ಡಾಕ್ಟರೇಟ್ ಪದವಿ ಪೂರ್ಣಗೊಳ್ಳುವ ಮೊದಲೇ ಲಾಸ್ ಅಲ್ಮೋಸ್ನಲ್ಲಿ ಪ್ರಾರಂಭವಾಗಿದ್ದ ಮ್ಯಾನ್ಹಟ್ಟನ್ ಯೋಜನೆಯಲ್ಲಿ ರಿಚರ್ಡ್ ಫೆಯ್ನ್’ಮನ್ ಸಹಾಯಕನಾಗಿ ಸೈದ್ದಾಂತಿಕ ಭೌತಶಾಸ್ತ್ರ ವಿಭಾಗಕ್ಕೆ ನೇಮಕಗೊಂಡನು. ಇಲ್ಲಿಂದ ಮುಂದೆ ಹದಿನೈದು ವರ್ಷಗಳ ಕಾಲ ಜಗದ್ವಿಖ್ಯಾತ ವಿಜ್ಞಾನಿಗಳೊಂದಿಗೆ ಕೆಲಸ ಮಾಡುವ ಅವಕಾಶ ಫ್ರೆಡರಿಕ್ಗೆ ದಕ್ಕಿತು. ಫ್ರೆಡರಿಕ್ ಪರಮಾಣು ಅಸ್ತ್ರ ಸಮಿತಿಯ ಸದಸ್ಯನಾಗಿ ಪರಮಾಣು ಅಸ್ತ್ರದ ನಂತರದ ಪರಿಣಾಮಗಳನ್ನು ಕುರಿತಾದ ಅಧ್ಯಯನ ನಡೆಸಿದನು. 1958ರಲ್ಲಿ ಜಿನೇವಾದಲ್ಲಿ ಶಾಂತಿಗಾಗಿ ಪರಮಾಣು ಶಕ್ತಿಯನ್ನು ಕುರಿತಾದ ಅಂತರಾಷ್ಟೀಯ ಸಮ್ಮೇಳನದಲ್ಲಿ ಭಾಗವಹಿಸಿದನು. 1951ರಿಂದ ನ್ಯೂಟ್ರಿನೋ ವೀಕ್ಷಿಸುವ ಪ್ರಯತ್ನದಲ್ಲಿಫ್ರೆಡರಿಕ್ ತಲ್ಲೀನನಾದನು. ಕ್ಲೈಡ್ ಕೊವನ್ ಸಂಗಡ ಹ್ಯಾನ್’ಪೋರ್ಡ್ ಸ್ಥಾವರದಲ್ಲಿ ಹಲವಾರು ಪ್ರಯೋಗ ಕೈಗೊಂಡ ಫ್ರೆಡರಿಕ್ಗೆ 1953ರ ವೇಳೆಗೆ ಅಶಾದಾಯಕಫಲಿತಾಂಶಗಳು ದಕ್ಕತೊಡಗಿದವು. ಈ ಕಾಲಕ್ಕೆ ದಕ್ಷಿಣ ಕೆರೋಲಿನಾದ ಸವನ್ನಾ ನದಿ ತೀರದ ಪ್ರತಿಕ್ರಿಯಾಕಾರಕ (Reactor) ಸಿದ್ದಗೊಂಡಿತು. 1955ರಿಂದ ಈ ಸ್ಥಾವರದಲ್ಲಿಫ್ರೆಡರಿಕ್ ಹಾಗೂ ಕ್ಲೈಡ್ ಕೊವೆನ್, ನ್ಯೂಟ್ರಿನೋ ಹುಡುಕಾಟ ಮುಂದುವರೆಸಿದರು. 1956ರಲ್ಲಿ ಇವರು ಎಲೆಕ್ಟ್ರಾನ್ ಪ್ರತಿ ನ್ಯೂಟ್ರಿನೋ ವೀಕ್ಷಿಸುವಲ್ಲಿ ಯಶಸ್ಸನ್ನು ಕಂಡರು. ಇದಾದ ಮೇಲೆ ಅಲ್ಪಾವಧಿಯಲ್ಲೇ ಕ್ಲೈಡ್ ಕೊವೆನ್ ಲಾಸ್ ಅಲ್ಮಾಸ್ಗೆ ವರ್ಗಾವಣೆಗೊಂಡನು. ಇದಾದ ಮೇಲೆಫ್ರೆಡರಿಕ್ ಒಂಟಿಯಾಗಿ ನ್ಯೂಟ್ರಿನೋಗಳ ಗುಣಗಳ ಅಧ್ಯಯನಕ್ಕೆ ತೊಡಗಿದನು. 1959ರಲ್ಲಿ ಕ್ಲೀವ್ಲ್ಯಾಂಡ್ನಲ್ಲಿರುವ ಈಗ ಭೌತಶಾಸ್ತ್ರ ವಿಭಾಗವೆಂದು ಕರೆಯಲಾಗುತ್ತಿರುವ ಆಗಿನ ಕೇಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಪ್ರಾಧ್ಯಾಪಕನಾದನು. ಇಲ್ಲಿ ಏಳು ವರ್ಷಗಳ ಸೇವೆ ಸಲ್ಲಿಸಿದಫ್ರೆಡರಿಕ್, ಇಲ್ಲಿ ನ್ಯೂಟ್ರಿನೋ ಭೌತಶಾಸ್ತ್ರ, ದ್ವಿ ಬೀಟಾ ಶೈಥಿಲ್ಯ (Decay) ಎಲೆಕ್ಟ್ರಾನ್ನ ಅಸ್ತಿತ್ವದ ಅವಧಿ, ನ್ಯೂಕ್ಲಿಯಾನ್ ಶೈಥಿಲ್ಯಗಳನ್ನು ಕುರಿತಾಗಿ ಹಲವು ಹತ್ತಾರು ಪ್ರಯೋಗಗಳನ್ನು ಕೈಗೊಂಡನು. ನ್ಯೂಕ್ಲಿಯಾನ್ಗಳ ಶೈಥಿಲ್ಯದ ವೀಕ್ಷಣೆಗಾಗಿಫ್ರೆಡರಿಕ್ ತಂಡ, ದಕ್ಷಿಣ ಆಫಿû್ರಕಾದ ಚಿನ್ನದ ಗಣಿಯ ಆಳ ಸುರಂಗವನ್ನು ಆಯ್ದಕೊಂಡಿತು. ಇಲ್ಲಿ ಮೊಟ್ಟ ಮೊದಲ ಬಾರಿಗೆ ವಾತಾವರಣವನ್ನು ಪ್ರವೇಶಿಸುವ ವಿಶ್ವ ಕಿರಣಗಳಿಂದ ಉತ್ಪನ್ನವಾಗುವ ನ್ಯೂಟ್ರಿನೋಗಳನ್ನು ಗುರುತಿಸಿದರು. ಫ್ರೆಡರಿಕ್ ತಂಡ ನೆಲದಾಳದ ಪ್ರಯೋಗಗಳಿಗಾಗಿ ಅಲ್ಪ ಕಾಲದಲ್ಲೇ ವಿಶ್ವ ವಿಖ್ಯಾತವಾಯಿತು. ಮೂಲಕಣಗಳ ಪತ್ತೆಗಾಗಿ ಈ ತಂಡ ಬೃಹತ್ ದ್ರವ ಮಿನುಗುಕಾರಕ (Liquid Scintillator) ಅಭಿವೃದ್ಧಿಗೊಳಿಸಿತು. 1966ರಲ್ಲಿ ಕ್ಯಾಲಿಫೋರ್ನಿಯಾವಿಶ್ವವಿದ್ಯಾಲಯದ ಇರ್ವಿನ್ ಆವರಣದಲ್ಲಿನ ಭೌತಶಾಸ್ತ್ರದ ಶಾಲೆಯ ಪ್ರಾರಂಭಕ್ಕೆ ಕಾರಣನಾಗಿ, ಅದರ ಪ್ರಥಮ ಮುಖ್ಯಸ್ಥನಾಗಿ ನೇಮಕಗೊಂಡ ಫ್ರೆಡರಿಕ್ 1974ರಲ್ಲಿ ಅಲ್ಲಿಂದ ನಿವೃತ್ತನಾದನು. ಫ್ರೆಡರಿಕ್ನಿಂದ ಪ್ರೇರಿತವಾದ ವಿಜ್ಞಾನಿಗಳ ತಂಡ ಮೂಲ ಕಣಗಳನ್ನು ಅರಿಯುವ ನೂರಾರು ಪ್ರಯೋಗಗಳನ್ನು ರೂಪಿಸಿ ನಿರ್ವಹಿಸಿತು. ಈ ತಂಡ ಮೊದಲ ಬಾರಿಗೆ ದ್ವಿ-ಬೀಟಾ ಶೈಥಿಲ್ಯವನ್ನು ಪ್ರಯೋಗಾಲಯದಲ್ಲಿ ಗುರುತಿಸಿತು. ಸೂಪರ್ ನೋವಾ 1987-ಎಯಿಂದ ಹೊಮ್ಮಿದ ನ್ಯೂಟ್ರಿನೋಗಳನ್ನು ಜಪಾನ್ನ ಕಾಮಿಯೋ ಕಾಂಡೆಯೊಂದಿಗೆ ಮೊದಲ ಬಾರಿಗೆ ವೀಕ್ಷಿಸಿ, ವರದಿ ಮಾಡಿದುದ್ದನ್ನು ಗುರುತಿಸಿ, ಅಮೆರಿಕಾದ ಖಗೋಳಶಾಸ್ತ್ರ ಸಮಾಜ 1989ರಲ್ಲಿ ಬ್ರುನೋ ರಸ್ಸಿ ಪ್ರಶಸ್ತಿ ನೀಡಿ ಗೌರವಿಸಿತು. ಪ್ರೋಟಾನ್ಗೆ ಬದಲು ನ್ಯೂಟ್ರಿನೋ ಮರುಸ್ಥಾನ ಹೊಂದಾಣಿಕೆಯಾಗುವ ನ್ಯೂಟ್ರಿನೋ ಮೋಸ್ಬೌವರ್ ಪರಿಣಾಮದಿಂದಾದ ಉಳಿಕೆ ನ್ಯೂಟ್ರಿನೋಗಳನ್ನು ಪತ್ತೆ ಹಚ್ಚುವ ಪ್ರಯತ್ನದಲ್ಲಿಫ್ರೆಡರಿಕ್ ಶ್ರಮಿಸಿದನು. ಗುರುತ್ವಾಕರ್ಷಣೆಯ ವಿಶ್ವ ಸ್ಥಿರಾಂಕದ ಖಚಿತ ನಿರ್ಧಾರ, ಗೋಳೀಯ ಮಸೂರ ಹೊಂದಿದ ಮೂರು ಆಯಾಮದ ದೂರದರ್ಶಕನಂತಹ ಹಲವಾರು ವಿಷಯಗಳಲ್ಲಿಫ್ರೆಡರಿಕ್ ಪ್ರಯತ್ನಗಳು ಸಾಗಿದವು.ಫ್ರೆಡರಿಕ್ 1995 ರಲ್ಲಿ ಮಾರ್ಟಿನ್ ಪರ್ಲ್ನೊಂದಿಗೆ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಮಾರ್ಟಿನ್, ಪರ್ಲ್ (1920--) 1995
Martin , Perl
ಅಸಂಸಂ-ಭೌತಶಾಸ್ತ್ರ-ಕಣ ಭೌತಶಾಸ್ತ್ರಕ್ಕೆ ಗಮನಾರ್ಹ ಕೊಡುಗೆ ನೀಡಿದಾತ.
ಮಾರ್ಟಿನ್ ತಂದೆ ತಾಯಿ ರಷ್ಯಾ ಹಿಡಿತದಲ್ಲಿದ್ದ ಪೋಲೆಂಡ್ ಮೂಲದವರಾಗಿದ್ದು 1900 ಸುಮಾರಿಗೆ ಉತ್ತಮ ಜೀವನವನ್ನು ಅರಸಿ ಅಸಂಸಂಗಳಿಗೆ ಬಂದು ನೆಲೆಸಿದ್ದರು. ಯಹೂದಿಗಳಾಗಿದ್ದ ಇವರು ನ್ಯೂಯಾರ್ಕ್ನ ಬಹು ಹಿಂದುಳಿದ ಪ್ರದೇಶದಲ್ಲಿ ಉಳಿದರು. ಹೇಗಾದರೂ ತಾವು ಮಧ್ಯಮವರ್ಗದ ಮಟ್ಟಕ್ಕೇರಬೇಕೆಂದು ಇವರು ಸದಾ ಶ್ರಮಿಸುತ್ತಿದ್ದರು. ಇದರ ಫಲವಾಗಿ ಮಾರ್ಟಿನ್ ಬೇರೆ ಯಹೋದಿಗಳಿಗಿಂತ ಭಿನ್ನವಾಗಿ ಯಾವುದೇ ಆಡಚಣೆಯಿಲ್ಲದೆ ಶಾಲಾ ವಿದ್ಯಾಭ್ಯಾಸ ಮಾಡುವಂತಾಯಿತು. ಮಾರ್ಟಿನ್ ತಂದೆ ತಾಯಿಗಳು ಶಿಕ್ಷಣಕ್ಕೆ ಭಾರಿ ಮಹತ್ವ ನೀಡಿದ್ದರಲ್ಲದೆ ಉಪಾಧ್ಯಾಯರುಗಳನ್ನು ಅತ್ಯುಚ್ಛ ಮಟ್ಟದಲ್ಲಿ ಪರಿಗಣಿಸುತ್ತಿದ್ದರು. ಮಾರ್ಟಿನ್ ಶಾಲಾ ಜೀವನದುದ್ದಕ್ಕೂ ಪುಸ್ತಕ ಪ್ರೇಮಿಯಾಗಿದ್ದನು. ಕಾವ್ಯ, ಕಥೆ, ವಿಜ್ಞಾನ, ಹಾಸ್ಯ ಎಲ್ಲವುದರಲ್ಲೂ ಅಭಿರುಚಿ ಬೆಳೆಸಿಕೊಂಡನು. ಗ್ರಂಥಾಲಯದಲ್ಲಿ ಕಾಲ ಕಳೆಯುವುದು ಆತನ ನೆಚ್ಚಿನ ಹವ್ಯಾಸವಾಗಿದ್ದಿತು. ಮಾರ್ಟಿನ್ಗೆ ಎಂದೂ ವಿಜ್ಞಾನಿಯಾಗಬೇಕೆಂಬ ಹಂಬಲವಿರಲಿಲ್ಲ. ಉತ್ತಮ ಪದವಿ ಗಳಿಸಿ ಆಕರ್ಷಕ ಸಂಬಳ ಪಡೆಯುವುದು ಆತನ ಗುರಿಯಾಗಿದ್ದಿತು. ಹೀಗಾಗಿ ಮಾರ್ಟಿನ್ ರಾಸಾಯನಿಕ ಇಂಜಿನಿಯರಿಂಗ್ನಲ್ಲಿ ಪದವಿಗೆ ಸೇರಲು ನಿರ್ಧರಿಸಿದನು. ವಿದ್ಯಾಭ್ಯಾಸ ಮುಗಿಸಿದ ನಂತರ ಜನರಲ್ ಎಲೆಕ್ಟ್ರಿಕ್ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿದನು. ಇಲ್ಲಿ ಅಲ್ಪ ಕಾಲವಿದ್ದ ಮಾರ್ಟಿನ್ಗೆ ಭೌತಶಾಸ್ತ್ರದಲ್ಲಿ ಆಸಕ್ತಿ ಮೂಡ ತೊಡಗಿತು. 1950ರಲ್ಲಿ ಕೊಲಂಬಿಯಾ ವಿಶ್ವವಿದ್ಯಾಲಯದಲ್ಲಿ ಭೌತಶಾಸ್ತ್ರದ ಅಧ್ಯಯನಕ್ಕೆ ಸೇರಿದನು. ಇಲ್ಲಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ಲಭ್ಯವಿರಲಿಲ್ಲ. ಒಂದೇ ವರ್ಷದಲ್ಲಿ ಮಾರ್ಟಿನ್ಗೆ ತಾನು ಭೌತಶಾಸ್ತ್ರದಲ್ಲಿ ಮುಂದುವರೆಯಲಾರನೆಂದು, ಅದು ಐನ್ಸ್ಟೀನ್ರಂತಹುವರಿಗೆ ಮಾತ್ರ ಸಾಧ್ಯವೆಂದು ತೀರ್ಮಾನಿಸಿ ಮನೆಗೆ ಮರಳಿದನು. ಮಾರ್ಟಿನ್ ತಂದೆ ತಾಯಿ, ಐನ್ಸ್ಟೀನ್ಗೆ ಸಾಧ್ಯವಾದುದು ಮಾರ್ಟಿನ್ಗೆ ಏಕಾಗದೆಂದು ಪ್ರಶ್ನಿಸಿ ಹಿಂದಕ್ಕೆ ಕಾಲೇಜಿಗೆ ಕಳಿಸಿದರು. ಇಲ್ಲಿ ನೊಬೆಲ್ ಪ್ರಶಸ್ತಿ ವಿಜೇತನಾದ ರಬಿಯ ಮಾರ್ಗದರ್ಶನ ದಕ್ಕಿತು. 1955ರಲ್ಲಿ ಡಾಕ್ಟರೇಟ್ ಪಡೆದ ಮಾರ್ಟಿನ್ ಮಿಷಿಗನ್ ವಿಶ್ವ ವಿದ್ಯಾಲಯದ ಭೌತಶಾಸ್ತ್ರ ವಿಭಾಗದ ಬೋಧಕನಾದನು. ಇಲ್ಲಿ ಡೊನಾಲ್ಡ್ ಗ್ಲೇಸರ್ನೊಂದಿಗೆ ಕೆಲಕಾಲ ಗುಳ್ಳೆ ಕೋಠಿಯಲ್ಲಿ (Bubble Chamber)ಕಾರ್ಯ ನಿರ್ವಹಿಸಿದನು. ಕಣ ಭೌತಶಾಸ್ತ್ರದಲ್ಲಿ ಮಾರ್ಟಿನ್ ಗಮನಾರ್ಹ ಸಂಶೋಧನೆಗಲನ್ನು ಮಾಡಿದ್ದಾನೆ. ಇದಕ್ಕಾಗಿ 1995ರಲ್ಲಿ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿ ಮಾರ್ಟಿನ್ಗೆ ದಕ್ಕಿತು.
ಡೇವಿಡ್ ,ಎಂ. ಲೀ (1931--) 1996
David , M. Lee (PHY.) 1996
ಅಸಂಸಂ-ಭೌತಶಾಸ್ತ್ರ-ನಿಮ್ನ ತಾಪಮಾನ, ಅತಿಪ್ರವಾಹಿತತೆಯ ಸಂಶೋಧನೆಗಳ ಮುಂದಾಳು.
ಇಂಗ್ಲೆಂಡ್ ಹಾಗೂ ಲಿಥುವೇನಿಯಾ ಮೂಲದ ಯಹೂದಿ ವಲಸೆಗಾರ ಕುಟುಂಬದ ಇಂಜಿನಿಯರ್ ತಂದೆ, ಶಿಕ್ಷಕಿ ತಾಯಿಯರ ಮಗನಾಗಿ 20 ಜನವರಿ 1931 ರಂದು ನ್ಯೂಯಾರ್ಕ್ ಬಳಿಯ ಸಣ್ಣ ಹಳ್ಳಿಯಲ್ಲಿ ಡೇವಿಡ್ ಜನಿಸಿದನು. ಡೇವಿಡ್ ಬಾಲ್ಯ ಮನೆ ಸನಿಹದಲ್ಲಿದ್ದ ಸಮುದ್ರ ತೀರದಲ್ಲಿ ಕಪ್ಪೆ ಚಿಪ್ಪು, ಶಂಖು ಹಾಗೂ ಬಗೆ ಬಗೆಯ ಜೀವಿ, ಸಸ್ಯಗಳನ್ನು ಸಂಗ್ರಹದಲ್ಲಿ ಕಳೆಯಿತು. ರೈಲುಗಳ ಬಗೆಗೆ ಬಹು ಕುತೂಹಲ ಹೊಂದಿದ್ದ ಡೇವಿಡ್, ಬಾಲಕನಾಗಿದ್ದಾಗಲೇ ನೂರಾರು ರೈಲು ಬರುವ ಹಾಗೂ ಬಿಡುವ ವೇಳೆಗಳನ್ನು ಜ್ಞಾಪಕದಲ್ಲಿಟ್ಟುಕೊಂಡಿದ್ದನು. ಪ್ರೌಢಶಾಲೆಗೆ ಬಂದಾಗ ಹವಾಗುಣ, ಹವಾಮಾನಗಳ ಬಗೆಗೆ ಅಸಕ್ತಿ ಹೊಂದಿದ್ದನು. ಮಳೆ ಬಿಸಿಲುಗಳನ್ನು ಸೂಚಿಸುವ ತನ್ನದೇ ದಾಖಲೆಗಳನ್ನು ಹೊಂದಿದ್ದನು. ಡೇವಿಡ್ ಪ್ರೌಢಶಾಲೆಯಲ್ಲಿದ್ದಾಗ ಗ್ರಂಥಾಲಯದಿಂದ ಸರ್ ಜೇಮ್ಸ್ ಜೀನ್ಸ್ನ ದಿ ಮಿಸ್ಟೀರಿಯಸ್ ಯೂನಿವರ್ಸ್ನ ಪುಸ್ತಕವನ್ನು ತಂದುಕೊಡುವಂತೆ ಕೇಳಿದನು. ಈ ಪುಸ್ತಕವನ್ನು ಬಹು ಜನ ಓದಿರುವರಾದರೂ, ಅದನ್ನು ಅರ್ಥಮಾಡಿಕೊಂಡಿರುವವರು, ಕಡಿಮೆ ಜನವೆಂದು ಹೇಳಿದ ಆತನ ತಂದೆ, ಡೇವಿಡ್ನ ಆಸೆಯನ್ನು ಮೊಟಕುಗೊಳಿಸಲಿಲ್ಲ. ಡೇವಿಡ್ ಈ ಪುಸ್ತಕ ಓದಿ ಆಗಿನ ಆಧುನಿಕ ಬ್ರಹ್ಮಾಂಡ ವಿಜ್ಞಾನದ ರೂಪು ರೇಷೆಗಳನ್ನು ಅರಿತನು. 1948ರಲ್ಲಿ ಪ್ರೌಢಶಿಕ್ಷಣ ಮುಗಿಸಿ, ಹಾರ್ವರ್ಡ್ ವಿಶ್ವವಿದ್ಯಾಲಯ ಸೇರಿ ಪ್ರಮುಖವಾಗಿ ಭೌತಶಾಸ್ತ್ರವನ್ನು ಆರಿಸಿಕೊಂಡನು. ವೈದ್ಯನಾಗಬೇಕೆಂದು ಕೆಲಕಾಲ ಆಶಿಸಿದ ಡೇವಿಡ್, ಕೆಲ ಕಾಲ ಇದರಲ್ಲಿ ತರಬೇತಿ ಹೊಂದಿದನಾದರೂ, ನಂತರ ಇದರಲ್ಲಿ ಪೂರ್ಣ ಅಭಿರುಚಿ ಹೊಂದದೆ ದೂರ ಉಳಿದನು. 1952ರಲ್ಲಿ ಹಾರ್ವರ್ಡ್ನಿಂದ ಪದವಿ ಗಳಿಸಿದ ಡೇವಿಡ್, ಅಸಂಸಂ ಸೇನೆಗೆ ಸೇರಿ 22 ತಿಂಗಳುಗಳ ಕಾಲ ಸೇವೆ ಸಲ್ಲಿಸಿದನು. ಉತ್ತರ ಕೊರಿಯಾದ ಯುದ್ದದ ಅಂತಿಮ ಘಟ್ಟಗಳಲ್ಲಿ ಭಾಗವಹಿಸಿದ್ದನು. ಸೇನೆಯಲ್ಲಿರುವಾಗ ಹರ್ಬಟ್ ಬ್ರೌನ್ ಎಂಬ ಸೈನಿಕನ ಪರಿಚಯವಾಯಿತು. ಈತ ಕನೆಕ್ಟಿಕಟ್ ವಿಶ್ವವಿದ್ಯಾಲಯದಲ್ಲಿ ಪೌಲ್ ಜಿಲ್ಸೆಲ್ ಕೆಳಗೆ ಅತಿ ಪ್ರವಾಹಿತ್ವದ (Superfluidity) ಬಗೆಗೆ ವಿಶೇಷ ಅಧ್ಯಯನ ನಡೆಸಿದ್ದನು. ಇವರಿಬ್ಬರು ವಿಜ್ಞಾನ ಕುರಿತಾಗಿ ಬಹು ಫಲಪ್ರಧ ಚರ್ಚೆ ಸಾಗಿಸುತ್ತಿದ್ದರು. ಮುಂದೆ ಹರ್ಬರ್ಟ್ ಬ್ರೌನ್ ವಿಶ್ವವಿದ್ಯಾಲಯದಲ್ಲಿ ಸೈದ್ಧಾಂತಿಕ ಭೌತಶಾಸ್ತ್ರದ ಪ್ರಾಧ್ಯಾಪಕನಾದನು. 1954ರಲ್ಲಿ ಸೇನೆಯ ಸೇವೆ ಪೂರ್ಣಗೊಳಿಸಿದ ಡೇವಿಡ್ ಕನೆಕ್ಟಿಕಟ್ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿ ಪ್ರಯೋಗಶೀಲ ಭೌತಶಾಸ್ತ್ರದ ಮೂಲ ತತ್ತ್ವಗಳನ್ನು ಕಲಿತನು. ಇಲ್ಲಿ ಪ್ರಾಧ್ಯಾಪಕನಾಗಿದ್ದ ಎಡ್ಗರ್ ಎವರ್ಹಾರ್ಟ್ ನಿರ್ಮಿಸುತ್ತಿದ್ದ ಕಾಕ್ರಾಫ್ಟ್-ವಾಲ್ಟನ್ ವೇಗೋತ್ಕರ್ಷಕಕ್ಕೆ (Accelerator) ಅಯಾನೀಕರಣ ಮಾಪಕ ವಿನ್ಯಾಸಗೊಳಿಸುವ ಹೊಣೆ ಡೇವಿಡ್ಗೆ ಬಂದಿತು. ಇದೇ ವಿಶ್ವವಿದ್ಯಾಲಯದಲ್ಲಿದ್ದ ಪ್ರಾಧ್ಯಾಪಕ ರೆನಾಲ್ಡ್ಸ್ನಿಂದಾಗಿ ಅತಿದ್ರಾವಕತೆ, ನಿಮ್ನ ತಾಪಮಾನಗಳ, ಭೌತಶಾಸ್ತ್ರದತ್ತ ಒಲವು ಬೆಳೆಯಿತು. ಇಲ್ಲಿರುವಾಗಲೇ ಪ್ರಯೋಗ ಪರಿಣಿತನಾದ ಜಾನ್ ರೆಪ್ಟ್ನ ಸ್ನೇಹ ದಕ್ಕಿತು. ಈ ಸ್ನೇಹ ಅತ್ಯಂತ ಫಲಪ್ರದವಾದುದ್ದಾಗಿದ್ದಿತು. ಜಾನ್ ರೆಪ್ಟ್, ಅತ್ಯುತ್ತಮ ಪರ್ವತಾರೋಹಿಯಾಗಿದ್ದು, ಡೇವಿಡ್ ಸಹ ಅದರಲ್ಲಿ ಗಮಾನಾರ್ಹವಾಗಿ ತೊಡಗಿಕೊಳ್ಳುವಂತೆ ಮಾಡಿದನು. ಕನೆಕ್ಟಿನಟ್ನಲ್ಲಿ ಸ್ನಾತಕೋತ್ತರ ಪದವಿ ಮುಗಿಸಿದ ಡೇವಿಡ್ 1955ರಲ್ಲಿ ಯೇಲ್ ವಿಶ್ವವಿದ್ಯಾಲಯದಲ್ಲಿ ಡಾಕ್ಟರೇಟ್ ಗಳಿಕೆಗೆ ನೊಂದಾಯಿಸಿಕೊಂಡನು. ಯೇಲ್ ವಿಶ್ವವಿದ್ಯಾಲಯದಲ್ಲಿ ನಿರ್ಮಾಣ ಹಂತದಲ್ಲಿದ್ದ ಭಾರ ಆಯಾನ್ ಸರೇಖೀಯ ವೇಗೋತ್ಕರ್ಷಕದಲ್ಲಿ ಅಯಾನ್ನಿಂದ ಎಲೆಕ್ಟ್ರಾನ್ಗಳನ್ನು ಹೊರತೆಗೆಯುವ ವಿಧಾನದ ಅಧ್ಯಯನಕ್ಕೆ ಡೇವಿಡ್ ನಿಯೋಜಿತನಾದನು. ಅಯಾನ್ಗಳಿಂದ, ಹೆಚ್ಚು ಎಲೆಕ್ಟ್ರಾನ್ಗಳನ್ನು ತೆಗೆದಂತೆಲ್ಲಾ, ನಿವ್ವಳ ಆವಿಷ್ಟವನ್ನು ಹೆಚ್ಚಿಸಿ ಅವುಗಳನ್ನು ವೇಗವರ್ಧನೆಗೊಳಿಸಿ ಅಧಿಕ ಚೈತನ್ಯ ಗಳಿಸುವಂತೆ ಮಾಡಬಹುದು. ಈ ಕಾರ್ಯದಲ್ಲಿ ಡೇವಿಡ್ಗೆ ಗಮನಾರ್ಹ ಯಶಸ್ಸು ಲಭಿಸಿತು. ಯೇಲ್ನಲ್ಲಿ ಹಿರಿಯ ಸಂಶೋಧಕ ವಿದ್ಯಾರ್ಥಿಯಾಗಿದ್ದ ರಸೆಲ್ ಡೊನೆಲ್ನ ಪರಿಚಯವಾಗಿ, ಆತನಿಗೆ ಪ್ರಯೋಗಗಳಲ್ಲಿ ನೆರವಾಗುತ್ತ ನಿಮ್ನ ತಾಪಮಾನ ಭೌತಶಾಸ್ತ್ರದಲ್ಲಿ ಡೇವಿಡ್ ತನ್ನ ಭವಿಷ್ಯವನ್ನು ಗುರುತಿಸಿಕೊಂಡನು. 1959ರಲ್ಲಿ ಡಾಕ್ಟರೇಟ್ ಗಳಿಸಿದ ಡೇವಿಡ್, ಕಾರ್ನೆಲ್ ವಿಶ್ವವಿದ್ಯಾಲಯದಲ್ಲಿ ಅಧ್ಯಾಪಕನಾದನು. ಇಲ್ಲಿ ಹೀಲಿಯಂ ದ್ರವಕಾರಕದ ನಿರ್ಮಾಣಕ್ಕೆ ಕಾರಣನಾದನು. ಡೇವಿಡ್ ಹಾಗೂ ಆತನ ವಿದ್ಯಾರ್ಥಿಗಳ ಪ್ರಯೋಗಗಳಿಂದ , ಘನಗಳಲ್ಲಿ ಪ್ರತಿ,ಫೆರೋ ಕಾಂತೀಯ ಕ್ರಮಗಳು ಅನಾವರಣಗೊಳಿಸಲ್ಪಟ್ಟವು. ಹೀಲಿಯಂನ ಅತಿ ದ್ರಾವಕತೆಯ (Superliquidity) ಬಗೆಗೆ ಡೇವಿಡ್ ಹಾಗೂ ಸಂಗಡಿಗರಿಂದ ನೂರಾರು ಪ್ರಯೋಗಗಳು ರೂಪುಗೊಂಡು ಹೊಸ ವಿದ್ಯಾಮಾನಗಳನ್ನು ಬೆಳಕಿಗೆ ತಂದವು. ಡೇವಿಡ್ ಹಾಗೂ ಜಾನ್ ರೆಪ್ಟ್ ಅಸಂಸಂದ ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್ ಆಯ್ಕೆಯಾದರು. ನಿಮ್ನ ತಾಪಮಾನ ಭೌತಶಾಸ್ತ್ರದಲ್ಲಿನ ಸಾಧನೆಗಾಗಿ ಡೇವಿಡ್ 1996ರ ನೊಬೆಲ್ ಪ್ರಶಸ್ತಿ ಗಳಿಸಿದನು.
ಡಗ್ಲಾಸ್. ಡಿ ಒಷೆರಾಫ್ 1996
Douglass , D.Oshoroff
ಅಸಂಸಂ-ಭೌತಶಾಸ್ತ್ರ-ಅತಿಪ್ರವಾಹಿತ್ವ ಅಧ್ಯಯನದ ಮುಂದಾಳು.
ಒಷೆರಾಫ್ ತಂದೆ ರಷ್ಯಾ ಮೂಲದವನಾಗಿದ್ದರೆ ತಾಯಿ ಸ್ಲೊವಾಕಿಯದವಳು . ಇವರು ಇಪ್ಪತ್ತನೇ ಶತಮಾನದ ಆದಿಯಲ್ಲಿ ಅಸಂಸಂಗಳಿಗೆ ವಲಸೆ ಬಮ್ದು ನೆಲೆಸಿದ್ದರು. ಒಷೆರ ತಂದೆ ವೈದ್ಯನಾಗಿದ್ದರೆ ತಾಯಿ ದಾದಿಯಾಗಿದ್ದಳು. ಇವರ ಐದು ಮಕ್ಕಳಲಿ ಎರಡನೆಯವಾದ ಒಷೆರಾ¥sóï, ವಾಷಿಂಗ್ಟನ್ ಸನಿಹದ ಅಬೆರ್ಡೀನ್ ಪಟ್ಟಣದಲ್ಲಿ ಬಾಲ್ಯವನ್ನು ಕಳೆದನು. ತಂದೆ ವೈದ್ಯನಾಗಿದ್ದರೂ ರಕ್ತ, ಮಾಂಸಗಳೆಂದರೆ ಒಷೆರಾ¥sóï ಹಿಂಜರಿಯುತ್ತಿದ್ದನು. ಪ್ರೌಢಶಾಲೆಗೆ ಬರುವ ವೇಳೆಗೆ ನಾನಾ ತರದ ಯಾಂತ್ರಿಕ ಉಪಕರಣಗಳನ್ನು ಸಂಗ್ರಹಿಸುವುದು ತಾನೇ ಸ್ವಯಂ ಜೋಡಿಸುವುದು ನಿರ್ಮಿಸುವುದು ಒಷೆರಾಫ್ನ ನೆಚ್ಚಿನ ಹವ್ಯಾಸವಾಗಿದ್ದಿತು. ಒಷೆರಾಪ್ಫ಼ ಭೌತಶಾಸ್ತ್ರದ ಪದವಿಗಾಗಿ ಕ್ಯಾಲ್ಟೆಕ್ ವಿಶ್ವ ವಿದ್ಯಾಲಯ ಸೇರಿದನು. ಇಲ್ಲಿ ಖ್ಯಾತ ವಿಜ್ಞಾನಿ ಮುಂದೆ ನೊಬೆಲ್ ಪ್ರಶಸ್ತಿ ವಿಜೇತನಾದ ಫೆಯ್ನಮನ್ ಉಪನ್ಯಾಸ ನೀಡುತ್ತಿದ್ದನು. ಫೆಯ್ನ್ಮನ್ ಒಡ್ಡುತ್ತಿದ್ದ ಭೌತಶಾಸ್ತ್ರದ ಸಮಸ್ಯೆಗಳಿಗೆ ಪರಿಹಾರಗಳನ್ನು ಚಿಂತಿಸುತ್ತಾ ಒಷೆರಾಫ್ ಪದವಿಯಲ್ಲಿ ಮುಂದುವರೆದನು. ಇದೇ ಸಮಯದಲ್ಲಿ ಡಾನ್ ಮೆಕ್ಕಾಲ್ಮ್ ಮತ್ತು ವಾಲ್ಟರ್ ಒಗಿಯರ್, ಅತಿನಿಮ್ನ ತಾಪಮಾನ ಗಳಿಸಿ ಹೀಲಿಯಂನ್ನು 0.5 ಕೆಲ್ವಿನ್ ತಾಪಮಾನಕ್ಕಿಳಿಸಲು ಪ್ರಯೋಗಗಳನ್ನು ಹಮ್ಮಿಕೊಂಡಿದ್ದರು. ಒಷೆರಾಫ್ ಇವರ ತಂಡ ಸೇರಿ ನಿಮ್ನ ತಾಪಮಾನದ ಬಗೆಗೆ ಗಮನಾರ್ಹ ಜ್ಞಾನ ಸಂಪಾದಿಸಿದನು. ಪದವಿಯ ನಂತರ ಕಾರ್ನೆಲ್ ವಿಶ್ವವಿದ್ಯಾಲಯ ಸೇರಿದ ಒಷೆರಾಫ್ ಇಲ್ಲಿ ಡೇವಿಡ್ ಲೀಯೊಂದಿಗೆ ನಿಮ್ನ ತಾಪಮಾನ ಸಂಶೋಧನಾ ತಂಡ ಸೇರಿದನು. ನಂತರ ಬೆಲ್ ಪ್ರಯೋಗಾಲಯದಲ್ಲಿ ಹೀಲಿಯಂ ಅತಿಪ್ರವಾಹಿತತೆಯ (Superfluidity) ಸಂಶೋಧನೆಗೆ ನಿಯೋಜಿತನಾದನು. 1974ರ ಅವಧಿಯಲ್ಲಿ ಒಷೆರಾಫ್ ಹಾಗೂ ಸಂಗಡಿಗರು ಕ್ರಮಭಂಗಿತ (Disordered) ಘನ 3Heನಲ್ಲಿ ಪ್ರತಿಫೆರೋಕಾಂತೀಯ ಅನುರಣನವಿರುವುದನ್ನು ಪತ್ತೆ ಹಚ್ಚಿದರು. ಇದೇ ವಿದ್ಯಾಮಾನವನ್ನು ಫ್ಲೊರಿಡಾ ವಿಶ್ವ ವಿದ್ಯಾಲಯದ ವಿಜ್ಞಾನಿಗಳು ಸಹ ಗುರುತಿಸಿದ್ದರು. ಒಷೆರಾಫ್ 1987ರಲ್ಲಿ ಬೆಲ್ ಪ್ರಯೋಗಾಲಯ ತೊರೆದು ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ವಿಭಾಗ ಸೇರಿದನು. ಇಲ್ಲಿ ನಡೆಸಿದ ಪ್ರಯೋಗಗಳಿಂದ 3He ಅತಿಪ್ರವಾಹಿತ್ವದ ಸಂಪೂರ್ಣ ಸ್ವರೂಪ ತಿಳಿದು ಬಂದಿತು. ಇದಕ್ಕಾಗಿ ಒಷೆರಾಫ್ 1996ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ರೊಲ್ಫ್ ,ಎಂ. ಝಿಂಕರೇಂಜೆಲ್ (1944--) 1996
Rolf . M. Zinckerangel
ಸ್ವಿಟ್ಸಲ್ರ್ಯಾಂಡ್-ವೈದ್ಯಕೀಯ-
ರೋಲ್ಫ್ ಬೇಸೆಲ್ ಹತ್ತಿರದ ರೀಹೆನ್ ಹಳ್ಳಿಯಲ್ಲಿ 1944 ರಂದು ಜನಿಸಿದನು. ತನ್ನ ಜೀವನದ ಮೊದಲ 25 ವರ್ಷಗಳನ್ನು ಇಲ್ಲಿಯೇ ಕಳೆದನು. ರೋಲ್ಫ್ನ ಪೂರ್ವಜರು ಮೂಲತ ಜರ್ಮನಿಯವರಾಗಿದ್ದು 1918ರಲ್ಲಿ ಬೇಸಲ್ಗೆ ಬಂದು ನೆಲೆಸಿದ್ದರು. ರೋಲ್ಫ್ನ ತಂದೆ ಬೇಸಲ್ನಲ್ಲಿದ್ದು ಖ್ಯಾತ ಔಷಧಿ ಕಂಪನಿ ಜೆ.ಅರ್.ಗೀಗೈ ಕಂಪನಿಯಲ್ಲಿ ಡಾಕ್ಟರೇಟ್ ಹೊಂದಿ ಕೆಲಸಕ್ಕೆ ಸೇರಿದ ಪ್ರಥಮ ವ್ಯಕ್ತಿಯೆಂದು ದಾಖಲಾಗಿದ್ದಾನೆ. 1968ರಲ್ಲಿ ರೋಲ್ಫ್ ವೈದ್ಯಕೀಯ ಪದವಿ ಗಳಿಸಿದನು. ಇದೇ ವರ್ಷ ತನ್ನ ಸಹ ಪಾಠಿಯಾಗಿದ್ದ ವೈದ್ಯ ಕ್ಯಾಥರಿನ್ಳನ್ನು ಮದುವೆಯಾದನು. ಕುಷ್ಟರೋಗ ಕುರಿತು ಹೆಚ್ಚಿನ ಸಂಶೋಧನೆಗಾಗಿ ಆಫ್ರಿಕಾ ಖಂಡಕ್ಕೆ ಹೋಗಬೇಕೆಂದು ಈ ದಂಪತಿಗಳು, ವಿಶ್ವ ಸಂಸ್ಥೆಯ ಆರೋಗ್ಯ ಇಲಾಖೆಗೆ ಹಾಗೂ ಇತರ ಅಂತರಾಷ್ಟ್ರೀಯ ಅರೋಗ್ಯ ಸಂಸ್ಥೆಗಳಿಗೆ ಅರ್ಜಿ ಸಲ್ಲಿಸಿದರು. ಆದರೆ ಇವರ ಅನನುಭವದಿಂದ ಎಲ್ಲಿಯೂ ಕೆಲಸ ದಕ್ಕಲಿಲ್ಲ. 1969ರಿಂದ ರೋಲ್ಫ್ ಬೇಸೆಲ್ನ ಆಸ್ಪತ್ರೆಯೊಂದರಲ್ಲಿ ವೈದ್ಯನಾಗಿ ವೃತ್ತಿ ಜೀವನ ಪ್ರಾರಂಭಿಸಿದನು. ಅಲ್ಪಾವಧಿಯಲ್ಲೇ ಝೂರಿಕ್ ವಿಶ್ವವಿದ್ಯಾಲಯದಲ್ಲಿ ಪ್ರಾಯೋಗಿಕ ವೈದ್ಯಕೀಯದಲ್ಲಿ ಸ್ನಾತಕೋತ್ತರ ಪದವಿಗೆ ಸೇರಿದನು. ಇಲ್ಲಿರುವಾಗಲೇ ಅಣ್ವಯಿಕ ಜೀವಶಾಸ್ತ್ರ, ಜೀವ ರಸಾಯನಶಾಸ್ತ್ರ, ತಳಿಶಾಸ್ತ್ರ ನರಜೀವಶಾಸ್ತ್ರ, ರೋಗರೋಧಶಾಸ್ತ್ರದಲ್ಲಿನ ಮೂಲ ಅಂಶಗಳು ರಾಲ್ಫ್’ಗೆ ಮನದಟ್ಟಾದವು. 1970ರಲ್ಲಿ ತೌಸೆನೆ “ವಿಶ್ವವಿದ್ಯಾಲಯದಲ್ಲಿ ಜೀವ ರಸಾಯನಶಾಸ್ತ್ರದಲ್ಲಿ ಹೆಚ್ಚಿನ ವ್ಯಾಸಂಗ ಮುಂದುವರೆಸಿದನು. ಅತಿಥೇಯ ಕೋಶಗಳ ರೋಗರೋಧಕ ಶಕ್ತಿ ವ್ಯತ್ಯಯಕ್ಕೆ ಕಾರಣಗಳ ಹುಡುಕಾಟದಲ್ಲಿ ಕೋಶಗಳನ್ನು ರೇಡಿಯೋ ಸಮಸ್ಥಾನಿಗಳಿಂದ (Isotope) ಗುರುತಿಸಿ ಹಲವಾರು ಪ್ರಯೋಗಗಳನ್ನು ನಡೆಸಿದನು. ಆದರೆ ಇವುಗಳಿಂದ ಯಾವುದೇ ನಿರ್ಣಾಯಕ ಫಲಿತಾಂಶಗಳು ದಕ್ಕಲಿಲ್ಲ. ರೋಗ ರೋಧತ್ವದ (Immunity) ಕ್ರಿಯಾಶೀಲತೆಯ ಬಗೆಗೆ ಹೆಚ್ಚಿನ ಅಧ್ಯಯನ ಹಾಗೂ ಸಂಶೋಧನೆ ಬಯಸಿ ರಾಲ್ಫ್ ದಂಪತಿಗಳು ಜಗತ್ತಿನಾದ್ಯಂತ ಐವತ್ತಕ್ಕೂ ಹೆಚ್ಚು ಕಡೆ ಪ್ರವೇಶ ಬಯಸಿದರಾದರೂ ಅವರಿಗೆ ನಿರಾಶೆ ಕಾದಿದ್ದಿತು. ರಾಲ್ಫ್ 1972ರಲ್ಲಿ ಕ್ಯಾನ್ಬೆರಾದ ಸೂಕ್ಷ್ಮ ಜೀವಿ ವಿಭಾಗದಲ್ಲಿ ಕೋಶ ಮೂಲದ ಹಾಗೂ ಪ್ರತಿಕಾಯ (Antibody) ಮೂಲದ ಮೇಲೆ ಅವಲಂಬಿತವಾಗಿರುವ ರೋಗರೋಧ ವ್ಯವಸ್ಥೆಗಳ ತೌಲನಿಕ ಅಧ್ಯಯನ ಪ್ರಾರಂಭಿಸಿದನು. ಇಲ್ಲಿನ ಜಾನ್ ಕುಟಿನ್ ಶಾಲಾ ವಿಭಾಗದಲ್ಲಿದ್ದು ಪೀಟರ್ ಡೊಹೆರ್ತಿ ಸೆಮ್ಲಿಕಿ ಕಾಡಿನ ವೈರಸ್ ಪೀಡಿತ ಇಲಿಗಳ ಮೆದುಳಿನಲ್ಲಿನ ಊತಕಗಳನ್ನು ಕುರಿತಾಗಿ ಸಂಶೋಧನೆ ನಡೆಸಿದ್ದನು. ರೋಲ್ಫ್ ಈತನೊಂದಿಗೆ ಸೇರಿದನು. ಇವರಿಬ್ಬರು ಸೇರಿ ಇಲಿಯ ಮೆದುಳು ಬಳ್ಳಿಯ ರಸವನ್ನು ಸಂಗ್ರಹಿಸಿ ಮೆದುಳಿನ ಊತಕದ ರೋಗರೋಧಕಾರಣಗಳ ವಿಶ್ಲೇಷಣೆ ಪ್ರಾರಂಭಿಸಿದರು. ರೋಲ್ಫ್ ಮುಂದೆ ಹಲವಾರು ಜನ ಬೇರೆಯ ವಿಜ್ಞಾನಿಗಳೊಂದಿಗೆ ವೈರಸ್ ಸೋಂಕಿತ ಅತಿಥೇಯದ ರೋಗ ರೋಧವ್ಯವಸ್ಥೆ, ಅದರ ಕ್ರಿಯಾಶೀಲತೆ ವೈರಸ್ನ ಆಕ್ರಮಣ ವ್ಯವಸ್ಥೆಯೊಂದಿಗೆ ಹೇಗೆ ವಿಕಸಿಸಿದೆಯೆಂದು ಅರಿಯಲು ವಿಸ್ತೃತವಾದ ಸಂಶೋಧನೆ ನಡೆಸಿದನು. ಇದಕ್ಕಾಗಿ 1996ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ರಾಬರ್ಟ್, ಸಿ. ರಿಚರ್ಡ್ಸನ್ –(1937--) 1996
Robert , C.Richardson
ಅಸಂಸಂ-ಇಂಜಿನಿಯರ್-ಭೌತಶಾಸ್ತ್ರ-ನಿಮ್ನ ತಾಪಮಾನದ ಸಂಶೋಧನಾ ಮುಂದಾಳು.
ರಿಚರ್ಡ್ಸನ್ 26 ಜೂನ್ 1937ರಂದು ವಾಷಿಂಗ್ಟನ್ನಲ್ಲಿ ಜನಿಸಿದನು. ರಿಚರ್ಡ್ಸನ್ ತಂದೆ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದನು. ತಾಯಿ ಅನಾಥಳಾಗಿ ಬೆಳೆದು ಕಾಲೇಜಿಗೆ ಸೇರುವ ಮುನ್ನ ಕೇವಲ ಒಂದು ವರ್ಷದ ಔಪಚಾರಿಕ ಶಿಕ್ಷಣ ಪೂರೈಸಿದ್ದಳು. ಆದರೆ ಮುಂದೆ ತನ್ನ ಸ್ವಂತ ಪರಿಶ್ರಮದಿಂದ ಆಕೆ ಕಾಲೇಜು ವಿದ್ಯಾಭ್ಯಾಸವನ್ನು ಸಹ ಪೂರೈಸಿದ್ದಳು. ರಿಚರ್ಡ್ಸನ್ ತಂದೆ, ಎರಡನೇ ಜಾಗತಿಕ ಯುದ್ದ ಹಾಗೂ ಕೊರಿಯಾ ಯುದ್ದಗಳಲ್ಲಿ ಭಾಗಿಯಾದುದರಿಂದ, ಸೇನೆಯಿಂದ ಲಭಿಸಿದ ಸವಲತ್ತುಗಳನ್ನು ಬಳಸಿಕೊಂಡು, 1955ರಲ್ಲಿ ಮೇರಿಲ್ಯಾಂಡ್ ವಿಶ್ವವಿದ್ಯಾಲಯದಿಂದ ಪದವಿ ಪಡೆದನು. ರಿಚರ್ಡ್ಸನ್ ಪ್ರಾಥಮಿಕ ಶಿಕ್ಷಣ ಮುಗಿಸಿ, ಪ್ರೌಧಶಾಲೆಗೆ ಸೇರಿದಾಗ ಸ್ಕಾಟ್ ದಳಕ್ಕೆ ಸೇರಿದನು. ಸ್ಕೌಟ್ ಶಿಬಿರಾರ್ಥಿಯಾಗಿ ಮೇರಿಲ್ಯಾಂಡ್ನ ವಿಶಾಲ ಜಾಗಗಳಲ್ಲಿ ಪ್ರಾಣಿ, ಪಕ್ಷಿ , ವೈವಿದ್ಯಗಳನ್ನು ಕಂಡು, ಅವುಗಳ ಬಗೆಗೆ ಕುತೂಹಲ ತಳೆದಿದ್ದನು. ನೂರಾರು ಹಕ್ಕಿಗಳ ವಸತಿ, ಜೀವನ ವಿಧಾನ, ಕಲರವಗಳು ರಿಚರ್ಡ್ಸನ್ಗೆ ಚಿರಪರಿತವಾಗಿದ್ದವು. ವಾಷಿಂಗ್ಟನ್ ಲೀ ಹೈ ಪ್ರೌಢಶಾಲೆಯಲ್ಲಿದ್ದಾಗ ರಿಚರ್ಡ್ಸನ್ಗೆ ವಿಜ್ಞಾನದಲ್ಲಿ ಅಂತಹ ಉತ್ತಮವಾದ ಶಿಕ್ಷಣವೇನೂ ಸಿಗಲಿಲ್ಲ. 1953ರಲ್ಲಿ ಆ ಶಾಲೆಯಲ್ಲಿನ ಕೆಲ ಉಪಾಧ್ಯಾಯರು ಪ್ರೋಟಾನ್ನ ಪರಿಕಲ್ಪನೆಯನ್ನು ವಿವಾದಾಸ್ಪದವೆಂದು ಪರಿಗಣಿಸಿದ್ದರು. 1954ರಲ್ಲಿ ವರ್ಜೀನಿಯಾ ಪಾಲಿಟೆಕ್ನಿಕ್ ಇನ್ಸ್ಟಿಟ್ಯೂಟ್ನಲ್ಲಿ ವೈದ್ಯುತ್ ಇಂಜಿನಿಯರಿಂಗ್ ಕಲಿಯಲು ಸೇರಿದನು. ಅತ್ಯಲ್ಪಕಾಲದಲ್ಲೇ ಇಂಜಿನಿಯರಿಂಗ್ ಡ್ರಾಯಿಂಗ್ನಿಂದ ಬೇಸರಗೊಂಡು ಆಸಕ್ತಿ ಕಳೆದುಕೊಂಡು, ರಸಾಯನಶಾಸ್ತ್ರಕ್ಕೆ ವರ್ಗಾವಣೆ ಪಡೆದನು. ಇಲ್ಲಿ ರಿಚರ್ಡ್ಸನ್ಗೆ ಎದುರಾದ ತೊಂದರೆಗಳು ಹಲವಾರು ಪ್ರಯೋಗಗಳಲ್ಲಿ ಅಗತ್ಯಕ್ಕಿಂತಲೂ ಹೆಚ್ಚಾಗಿ ಆಮ್ಲಗಳನ್ನು ಬೆರೆಸಿದನು, ವರ್ಣಗುರುಡಿನಿಂದಾಗಿ, ರಾಸಾಯನಿಕ ಕ್ರಿಯೆ ಪೂರ್ತಿಗೊಂಡಿದೆಯೇ ಇಲ್ಲವೋ ಎಂದು ನಿರ್ಧರಿಸಲಾರದ ಸ್ಥಿತಿಗೆ ಬಂದನು. ಹೀಗಾಗಿ ರಿಚರ್ಡ್ಸನ್ , ಭೌತಶಾಸ್ತ್ರ ವಿಭಾಗ ಸೇರಿದನು. ಇಲ್ಲಿಯೂ ಅಂತಹ ಉತ್ತಮ ವಿದ್ಯಾರ್ಥಿಯೆನಿಸಿಕೊಳ್ಳದೆ ಎರಡನೇ ಶ್ರೇಣಿ ಪಡೆದನು. ಕಾಲೇಜಿನಲ್ಲಿರುವಾಗ ಬೇಸಿಗೆ ರಜಾ ದಿನಗಳನ್ನು ಕಳೆಯಲು ನ್ಯಾಷನಲ್ ಬ್ಯೂರೋ ಆಫ್ ಸ್ಟ್ಯಾಂಡರ್ಡ್ರ್ಸ್ ಸೇರಿದನು. ಇಲ್ಲಿ ತಪಾಸಣೆಗಾಗಿ ಬರುತ್ತಿದ್ದ ವೈದ್ಯುತ್ ಉಪಕರಣಗಳನ್ನು ಪರಿಶೀಲಿಸುವ ಕೆಲಸಕ್ಕೆ ನಿಯೋಜಿತನಾದನು. ಅತ್ಯಲ್ಪ ಕಾಲದಲ್ಲೇ ಇದರಲ್ಲಿ ಆಸಕ್ತಿ ಮೂಡಿ, ಬಿಡುವಿನ ವೇಳೆಯಲ್ಲಿ ವೈದ್ಯುತ್ ಇಂಜಿನಿಯರಿಂಗ್ ತತ್ತ್ವಗಳನ್ನು ಓದಿ ಅರಗಿಸಿಕೊಂಡನು. ಪದವಿ ಮುಗಿದ ಮೇಲೆ ದೊಡ್ಡ ವ್ಯಾಪಾರಸ್ಥನಾಗಬೇಕೆಂದು ಬಯಸಿದನು. ಸ್ವಲ್ಪ ದಿನಗಳಲ್ಲೇ ಇನ್ನೂ ವಿದ್ಯಾಭ್ಯಾಸ ಮುಂದುವರೆಸಿ, ಸ್ನಾತಕೋತ್ತರ ಪದವಿ ಪಡೆಯುವ ಆಸೆಯೂ ರಿಚರ್ಡ್ಸನ್ ತಲೆಯಲ್ಲಿ ಮಿಂಚಿ ಮಾಯವಾಯಿತು. ಮಿಲಿಟರಿ ಸೇರಿ, ಅಲ್ಲಿನ ಹಲವಾರು ಕಾರ್ಯಕ್ರಮಗಳಲ್ಲಿ ರಿಚರ್ಡ್ಸನ್ ಭಾಗಿಯಾದನು. ಇಲ್ಲಿನ ತರಬೇತಿಯಿಂದಾಗಿ, ವೃತ್ತಿ ತೃಪ್ತಿ ದಕ್ಕದೆ ಜುಗುಪ್ಸೆಗೊಂಡನು. ಇವೆಲ್ಲವನ್ನೂ ಹಿಂದಿಟ್ಟು 1960ರಲ್ಲಿ ಹಾಸ್ರ್ಟ್ ಮೇಯರ್ನ ಕೆಳಗೆ ಸಂಶೋಧನಾ ವಿದ್ಯಾರ್ಥಿಯಾಗಿ ಡ್ಯೂಕ್ ವಿಶ್ವವಿದ್ಯಾಲಯ ನಿಮ್ನ ತಾಪಮಾನದ ವಿಭಾಗದಲ್ಲಿ ಅಧ್ಯಯನ ಪ್ರಾರಂಭಿಸಿದನು. ಇಲ್ಲಿಗೆ ಸಂಶೋಧನಾ ಸಹಾಯಕನಾಗಿ ಸೇರಿದ ಅರ್ಲ್ ಹಂಟ್ನಿಂದ, ಬೈಜಿಕ ಕಾಂತೀಯ ಅನುರಣನ (Nuclear Magnetic Resonance) ವಿದ್ಯಾಮಾನದ ಪರಿಚಯವಾಯಿತು. ಘನ ಹೀಲಿಯಂನಲ್ಲಿನ ಅಂತಕ್ರಿಯೆಗಳನ್ನು ಕುರಿತಾಗಿ ಸಂಪ್ರಬಂಧ ಮಂಡಿಸಿ 1965ರಲ್ಲಿ ಡಾಕ್ಟರೇಟ್ ಗಳಿಸಿದನು. 1966ರಲ್ಲಿ ಕಾರ್ನೆಲ್ ವಿಶ್ವವಿದ್ಯಾಲಯದ ಪರಮಾಣು ಹಾಗೂ ಘನಸ್ಥಿತಿ ಭೌತಶಾಸ್ತ್ರದ ಪ್ರಯೋಗಾಲಯ ಸೇರಿ, ಡೇವ್ ಲೀ ಮತ್ತು ಜಾನ್ ರೆಪ್ಪಿಯವರೊಂದಿಗೆ ನಿಮ್ನ ತಾಪಮಾನ ಭೌತಶಾಸ್ತ್ರದಲ್ಲಿ ಸಂಶೋಧನೆಯಲ್ಲಿ ಶ್ರಮಿಸಿದನು. ಈ ಮೂವರು ಸೇರಿ, ಅತ್ಯಲ್ಪ ತಾಪಮಾನದಲ್ಲಿರುವ ಹೀಲಿಯಂನ ಗುಣ ಸ್ವಭಾವಗಳನ್ನು ವಿಶದಪಡಿಸಿದರು ಇದಕ್ಕಾಗಿ ರಿಚರ್ಡ್ಸನ್ 1996ರ ನೊಬೆಲ್ ಪ್ರಶಸ್ತಿ ಪಡೆದನು.
ಕ್ಲಾಯುಡೆ, ಕೊಹೆನ್ ತನ್ನಡ್ಜಿ –(1933--) 1997
Claude , Cohen-Tannoudji
ಫ್ರಾನ್ಸ್–ಅಲ್ಜಿರಿಯಾ -ಭೌತಶಾಸ್ತ್ರ-ನಿಮ್ನ ತಾಪಮಾನ ಶಾಸ್ತ್ರ-ನ್ಯಾನೋ ಕೆಲ್ವಿನ್ ತಾಪಮಾನ ಸಾಧಿಸಿದಾತ.
ಕ್ಲಾಯುಡೆ 1 ಏಪ್ರಿಲ್ 1933 ರಂದು ಆಗಫ್ರಾನ್ಸ್’ನಲ್ಲಿದ್ದ ಈಗಿನ ಆಲ್ಜಿರಿಯಾದ ಕಾನ್ಸ್ಟ್ಯಾಟಿನ್ನಲ್ಲಿ ಜನಿಸಿದನು. ಕ್ಲಾಯುಡೆಯದು ಕೆಳ ಮಧ್ಯಮ ವರ್ಗದ ಕುಟುಂಬವಾಗಿದ್ದರೂ ಆತನ ತಂದೆ ತಾಯಿಗಳು ವಿದ್ಯಾಭ್ಯಾಸಕ್ಕಾಗಿ ಬಹು ಪ್ರಾಮುಖ್ಯತೆ ನೀಡಿದ್ದರು. 1942ರಲ್ಲಿ ಆಲ್ಜೀರಿಯಾ ನಾಝಿಗಳ ವಶವಾಗಿ, ಯಹೂದಿಗಳು ಅಪಾಯದಲ್ಲಿ ಸಿಲುಕಿದರು. ಆದರೆ ಸಕಾಲಕ್ಕೆ ಆಗಮಿಸಿದ ಅಸಂಸಂಗಳ ಸೇನೆಯಿಂದ ಕ್ಲಾಯುಡೆ ಕುಟುಂಬ ನಿರ್ನಾಮವಾಗದೆ ಉಳಿಯಿತು. ಈ ಕಾಲದಲ್ಲಿ ಕ್ಲಾಯುಡೆ ಪ್ರೌಢಶಾಲಾ ಶಿಕ್ಷಣ ಮುಗಿಸಿದ್ದನು. ಎರಡನೇ ಜಾಗತಿಕ ಯುದ್ದ ಮುಗಿಯಿತಾದರೂ ಫ್ರಾನ್ಸ್’ನಿಂದ ಆಲ್ಜಿರಿಯಾದ ಬಿಡುಗಡೆಗಾಗಿ ಹೋರಾಟಗಳು ಮುಂದುವರೆದಿದ್ದವು. ಇದಎಂದಾಗಿ 1953ರಲ್ಲಿ ಕ್ಲಾಯುಡೆ ಕುಟುಂಬ ಸುರಕ್ಷಿತ ತಾಣವೆಂದು ಪ್ಯಾರಿಸ್ಗೆ ಹೋಗಿ ನೆಲೆಸಿತು. ಸುಮಾರು ಇನ್ನೂರು ವರ್ಷಗಳ ಹಿಂದೆ ಫ್ರೆಂಚ್ ಕ್ರಾಂತಿಯ ಸಂದರ್ಭದಲ್ಲಿ ಸ್ಥಾಪನೆಗೊಂಡಿದ್ದ ಪ್ಯಾರಿಸ್ನ ಎಕೊಲೆ ನಾರ್ಮಲೆಗೆ ಸೇರಲು ಕ್ಲಾಯುಡೆ ಯತ್ನಿಸಿದನು. ಅತ್ಯುತ್ತಮರಾದ ವಿದ್ಯಾರ್ಥಿಗಳಿಗೆ ಮಾತ್ರ ಇಲ್ಲಿ ಪ್ರವೇಶ ದೊರೆಯುತ್ತಿತ್ತು. 1953ರಿಂದ 1957ರವರೆಗೆ ಇಲ್ಲಿ ವ್ಯಾಸಂಗ ಮಾಡಿದ ಕ್ಲಾಯುಡೆ ಹೆನ್ರಿ ಕಾರ್ಟನ್, ಲೌರೆಂಟ್ ಷ್ಯಾಟ್ರ್ಸ್, ಆಲ್ಫ್ರೆಡ್ ಕ್ಯಾಸ್ಟ್ಲರ್ನಂತಹ ಖ್ಯಾತ ವಿಜ್ಞಾನಿಗಳಿಂದ ಭೌತಶಾಸ್ತ್ರ, ಗಣಿತದ ಪಾಠಗಳನ್ನು ಕಲಿತನು. 1955ರಲ್ಲಿ ಕ್ಯಾಸ್ಟ್ಲರ್ ಕೆಳಗೆ ಡಿಪ್ಲೊಮಾ ಪಡೆಯಲು ಕ್ಲಾಯುಡೆ ನೋಂದಾಯಿಸಿಕೊಂಡನು. ವಾರಾಂತ್ಯದಲ್ಲಿ ಸಕ್ಲೆಯಲ್ಲಿ ಅಲ್ಬರ್ಟ್ ಮೆಸಾಯ್ ಕ್ವಾಂಟಂ ಭೌತಶಾಸ್ತ್ರ, ಆಂಟೋಲೆ ಅಬ್ರಹಂ ಬೈಜಿಕ ಪ್ರಯೋಗ ವಿಧಾನ, ಕ್ಲಾಡೆ ಬ್ಲಾಖ್ ಬೈಜಿಕ ಭೌತಶಾಸ್ತ್ರದಲ್ಲಿ ನೀಡುತ್ತಿದ್ದ ಉಪನ್ಯಾಸಗಳಿಂದ ಕ್ಲಾಯುಡೆ ಪ್ರಭಾವಿತನಾದನು. ಫ್ರಾನ್ಸ್’ನಲ್ಲಿ ಸೈದ್ಧಾಂತಿಕ ಭೌತಶಾಸ್ತ್ರಕ್ಕೆ ಅಡಿಗಲ್ಲು ಹಾಕಿದ ಲೆ ಹೌಕೆಸ್ ಸಮ್ಮರ್ ಸ್ಕೂಲ್ನಲ್ಲಿ ಎರಡು ತಿಂಗಳಿದ್ದ ಕ್ಲಾಯುಡೆ, ಆಧುನಿಕ ಭೌತಶಾಸ್ತ್ರದ ಸ್ವರೂಪವನ್ನು ಸ್ಪಷ್ಟವಾಗಿ ಗ್ರಹಿಸಲು ಸಾಧ್ಯವಾಯಿತು. ಎಕೊಲೆ ನಾರ್ಮಲೆಯಿಂದ ಪದವಿ ಪಡೆದು,ಫ್ರಾನ್ಸ್ಹಾಗೂ ಆಲ್ಜಿರಿಯಾಗಳ ನಡುವೆ ನಡೆದ ಕದನದಲ್ಲಿ ಸುಮಾರು 28 ತಿಂಗಳು ಕಾಲ ಕಳೆದನು. ಇಲ್ಲಿ ಸೂರ್ಯಾಸ್ತದ ವೇಳೆಯಲ್ಲಿ ಬಲೂನ್ನಿಂದ ಸೋಡಿಯಂ ಧೂಳನ್ನು ಹಾರಿಸಿ ಅವುಗಳ ಪರಮಾಣುಗಳು ಸೂರ್ಯನಿಂದ ಚದುರಿಸಲ್ಪಟ್ಟು ಪ್ರದೀಪ್ತಗೊಳ್ಳುವುದನ್ನು ಅಳೆದು ಭೂಮಿಯಿಂದ ವಿವಿಧ ಔನ್ಯತ್ಯಗಳಲ್ಲಿರುವ ಹಲವಾರು ಪ್ರಾಚಲಗಳನ್ನು (Parameters) ಅರಿಯುವ ಪ್ರಯೋಗ ನಡೆಸುತ್ತಿದ್ದರು. 1960ರಲ್ಲಿ ಕ್ಯಾಸ್ಟಲರ್ನ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ ಗಳಿಸಲು ಫ್ರಾನ್ಸ್’ನ ವೈಜ್ಞಾನಿಕ ಸಂಶೋಧನಾ ಕೇಂದ್ರವನ್ನು ಕ್ಲಾಯುಡೆ ಸೇರಿದನು. ಇಲ್ಲಿ ನಡೆಸಿದ ಕೆಲ ಪ್ರಯೋಗಗಳಲ್ಲಿ ಝೀಮನ್ ಉಪಮಟ್ಟಗಳಲ್ಲಿ ನಿರೀಕ್ಷೆಗೆ ಹೊರತಾದ ದ್ಯುತಿ ಪಲ್ಲಟಗಳು ವೀಕ್ಷಣೆಯಾಗಿದ್ದವು. ಇವುಗಳಿಗೆ ಕಾರಣ ಹುಡುಕಿದ ಕ್ಲಾಯುಡೆ 1962ರಲ್ಲಿ ಡಾಕ್ಟರೇಟ್ ಗಳಿಸಿದನು. ಇದಾದ ನಂತರ ಪ್ಯಾರಿಸ್ “ವಿಶ್ವವಿದ್ಯಾಲಯದಲ್ಲಿ ಬೋಧಕನಾದನು. ಇಲ್ಲಿ ಕ್ಲಾಯುಡೆ ತನ್ನ ವಿದ್ಯಾರ್ಥಿಗಳೊಂದಿಗೆ ಪರಮಾಣು ಪೆÇ್ರೀಟಾನ್ ಅಂತಕ್ರಿಯೆಯನ್ನು ವಿವರಿಸಿದನು. 1984ರಲ್ಲಿ ಅಲೇಸ್ ಆ್ಯಸ್ಪೆಕ್ಟ್ನೊಂದಿಗೆ ಲೇಸರ್ ತಂಪಿಸಿಕೆ ಹಾಗೆ ಸೆರೆ ಹಿಡಿಕೆಯನ್ನು ಕುರಿತಾಗಿ ಸಂಶೋಧನೆ ನಡೆಸತೊಡಗಿದನು. ಇವರು ಕ್ವಾಂಟಂ ವ್ಯತಿಕರಣ (Quantum Interference) ವಿಧಾನ ಬಳಸಿ, ಪರಮಾಣುಗಳನ್ನು ಅವುಗಳ ಎಲ್ಲಾ ಚಲನ ಚೈತನ್ಯ ನಷ್ಟವಾಗುವಂತಹ ಅವುಗಳ ಹಿಂಪುಟಿತ ಸ್ಥಿತಿಗಿಂತಲೂ ಕೆಳಗಿನ ಅತ್ಯಲ್ಪ ತಾಪಮಾನಕ್ಕೆ ಇಳಿಸಿದ ಮೊದಲಿಗರೆನಿಸಿದರು. ಇದು ಪರಮಾಣುಗಳನ್ನು ನ್ಯಾನೋಕೆಲ್ವಿನ್ ತಾಪಮಾನಕ್ಕೆ ಇಳಿಸುವ ಸಾಧ್ಯತೆ, ಭೌತಶಾಸ್ತ್ರದ ಹೊಸ ಚಿಂತನೆಗಳಿಗೆ ಕಾರಣವಾಯಿತು. ಈ ಸಾಧನೆಗಾಗಿ 1997ರಲ್ಲಿ ಕ್ಲಾಯುಡೆ ನೊಬೆಲ್ ಪ್ರಶಸ್ತಿಗೆ ಪಾತ್ರನಾದನು.
ವಿಲಿಯಂ , ಡಿ ಫಿಲೆಪ್ಸ್ (1948--) 1997
William , D. Phillips
ಅಸಂಸಂ-ಭೌತಶಾಸ್ತ್ರ-
ವಿಲಿಯಂ ಪೆನ್ಸೆಲ್ವೇನಿಯಾದ ವಿಲ್ಕ ಸ್ ಬ್ಯಾರೆಯಲ್ಲಿ 5 ನವಂಬರ್ 1948 ರಂದು ಜನಿಸಿದನು. ಈತನ ತಂದೆ ತಾಯಿಗಳು ಇಟಲಿಯಿಂದ ಅಸಂಸಂಗಳಿಗೆ ವಲಸೆ ಬಂದು ನೆಲೆಸಿದ್ದನು. ಈತನ ತಂದೆ, ತಾಯಿಯಿಬ್ಬರೂ ವೃತ್ತಿ ಪರ ಸಾಮಾಜಿಕ ಕಾರ್ಯಕರ್ತರಾಗಿದ್ದರು. ಇವರು ತಮ್ಮ ಮಕ್ಕಳಿಗೆ ವಿದ್ಯಾಭ್ಯಾಸದ ಮಹತ್ವವನ್ನು ವಿವರಿಸಿ, ಓದಲು ಉತ್ತೇಜಿಸುತ್ತಿದ್ದರು. ವಿಜ್ಞಾನ, ಟೆನಿಸ್ ಆಟ ವಿಲಿಯಂನ ನೆಚ್ಚಿನ ಆಸಕ್ತಿ ಹಾಗೂ ಹವ್ಯಾಸಗಳಾಗಿದ್ದವು. ಪದವಿ ಪೂರ್ವ ಕಾಲೇಜಿನಲ್ಲಿರುವಾಗ ಭೌತಶಾಸ್ತ್ರದ ಅಧ್ಯಾಪಕ ಖ್ಯಾತ ವಿಜ್ಞಾನಿ ಫೆಯ್ನ್’ಮನ್ ಭೌತಶಾಸ್ತ್ರದ ಬಗೆಗೆ ನೀಡಿದ ಉಪನ್ಯಾಸಗಳ ಸಾಕ್ಷ್ಯ ಚಿತ್ರಗಳನ್ನು ಪ್ರದರ್ಶಿಸುತ್ತಿದ್ದನು. ಇದನ್ನು ಕೇಳಿದ ನಂತರ ವಿಲಿಯಂಗೆ ಭೌತಶಾಸ್ತ್ರದಲ್ಲಿ ಆಸಕ್ತಿ ಮೂಡತೊಡಗಿತು. 1970ರಲ್ಲಿ ಮೆಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಭೌತಶಾಸ್ತ್ರ ವಿಭಾಗದಲ್ಲಿ ಫೆ್ರಡ್ ವಾಲ್ಟರ್ನ ಮಾರ್ಗದರ್ಶನದಲ್ಲಿ ಜಲಜನಕದ ಮೇಸರ್, ಕ್ಷ-ಕಿರಣ ಕಾಂತೀಯ ಅನುರಣನ ರೋಹಿತದರ್ಶಕದಲ್ಲಿ (Magnetic Resonance Spectroscopy ) ಪರಿಣಿತಿ ಗಳಿಸಿದನು. ನಂತರ ನೀರಿನಲ್ಲಿರುವ ಪ್ರೋಟಾನ್ ಕಣದ ಕಾಂತೀಯ ಭ್ರಾಮ್ಯತೆಯನ್ನು (Magnetic Moment) ಅಳೆದನು. 1976ರಲ್ಲಿ ಲೇಸರ್ ಸಂಘಾತದಿಂದ ಉದ್ರಿಕ್ತಗೊಂಡ ಪರಮಾಣುಗಳನ್ನು ಕುರಿತಾದ ಸಂಶೋಧನೆ ಪ್ರಾರಂಭಿಸಿದನು. ಡ್ಯಾನ್ ಹಾಗೂ ಟಾಮ್ ಗ್ರೆಯ್ಟರ್ರೊಂದಿಗೆ ಗಿರಕಿ ಧೃವೀಕೃತ (Spin Polarised) ಜಲಜನಕದಲ್ಲಿ ಬೋಸ್-ಐನ್ಸ್ಟೀನ್ ಸಾಂದ್ರೀಕರಣದ (ಅoಟಿಜeಟಿsಚಿಣioಟಿ) ಕುರಿತಾದ ಪ್ರಯೋಗಗಳನ್ನು ಕೈಗೊಂಡನು. ರಾಷ್ಟ್ರೀಯ ಮಾನಕ ಬ್ಯೂರೋದಲ್ಲಿ ನೇವಲ್ ಸಂಶೋಧನಾ ಸಂಸ್ಥೆಯ ನೆರವಿನೊಂದಿಗೆ ಲೇಸರ್ ತಂಪಿಸಿಕೆಯ ಯೋಜನೆಯಲ್ಲಿ ಭಾಗಿಯಾದನು. ಇಲ್ಲಿಯೇ ಲೇಸರ್ ಬೆಳಕಿನಿಂದ, ತಂಪಿಸಿ, ಪರಮಾಣುಗಳನ್ನು ಸೆರೆಹಿಡಿಯುವ ವಿಧಾನವನ್ನು ಅಭಿವೃದ್ಧಿಗೊಳಿಸಿದನು. ಇದಕ್ಕಾಗಿ 1997ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ಸ್ಟೆವೆನ್ ಚು –(1933--) 1997
Steven , Chu
ಅಸಂಸಂ-ಭೌತಶಾಸ್ತ್ರ-ಪರಮಾಣುಗಳನ್ನು ಬೆಳಕಿನ ಕಿರಣಗಳಿಂದ ಸೆರೆ ಹಿಡಿದಾತ -–ಒಂಟಿ ಡಿಎನ್ಎ ಅಣು ವೀಕ್ಷಿಸಿದಾತ.
ಸ್ಟೆವೆನ್ ಚು ತಂದೆ ಜು ಚಿನ್ ಚು 1943ರಲ್ಲಿ ರಾಸಾಯನಿಕ ಇಂಜಿನಿಯರಿಂಗ್ನಲ್ಲಿ ವಿದ್ಯಾಭ್ಯಾಸ ಮುಂದುವರಿಸಲು ಎಂಐಟಿಗೆ ಬಂದು ಸೇರಿದನು. ಈತನ ತಂದೆ, ಕಾರ್ನೆಲ್ “ವಿಶ್ವವಿದ್ಯಾಲಯದಿಂದ ಸಿವಿಲ್ ಇಂಜಿನಿಯರಿಂಗ್ನಲ್ಲಿ ಪದವಿ ಗಳಿಸಿ, ತಾಯ್ನಾಡಿಗೆ ಮರಳಿದ್ದನು. 1945ರಲ್ಲಿ ಚೀನಾದಲ್ಲಿ ರಾಜಕೀಯ ಅಸ್ಥಿರತೆ ತಲೆದೋರಿದ್ದರಿಂದ, ಜು ಚಿನ್ ಚು ಚೀನಾಕ್ಕೆ ಹಿಂದುರುಗಲಿಲ್ಲ. ಸ್ಟೆವೆನ್, 1948ರಲ್ಲಿ ಸೇಂಟ್ ಲೂಯಿಯಲ್ಲಿ ಜನಿಸಿದನು. 1950ರಲ್ಲಿ ಸ್ಟೆವೆನ್ ಕುಟುಂಬ ನ್ಯೂಯಾರ್ಕ್ ಸನಿಹದ ಗಾರ್ಡನ್ ಸಿಟಿಯಲ್ಲಿ ನೆಲೆಸಿತು. ಸ್ಟೆವೆನ್ ತಾತ, ಕಿರಿತಾತ, ತಂದೆ , ಚಿಕ್ಕಪ್ಪ, ಹಾಗೂ ಇನ್ನಿತರು ಅತ್ಯುನ್ನತ ವಿದ್ಯಾಭ್ಯಾಸ ಮಾಡಿ, ಹೆಚ್ಚಿನವರು ಡಾಕ್ಟರೇಟ್ ಗಳಿಸಿದ್ದರು. ಇದೇ ಮಟ್ಟದ ಸಾಧನೆಯನ್ನು ಇವರು ಸ್ಟೆವೆನ್ನಿಂದ ನಿರೀಕ್ಷಿಸಿದರು. ಆದರೆ ಅವರಿಗೆ ನಿರಾಸೆಯಾಗುವಂತೆ ಸ್ಟೆವೆನ್ ಪದವಿ ಪೂರ್ಣಗೊಳಿಸಿದ ನಂತರ ವಿದ್ಯಾಭ್ಯಾಸ ಮುಂದುವರೆಸಲಿಲ್ಲ. ಆದರೆ ಸ್ಟೆವೆನ್ ತನ್ನ ವಿಜ್ಞಾನದ ಅಧ್ಯಾಪಕರುಗಳಿಂದ, ಮೂಲ ತತ್ತ್ವಗಳನ್ನು ಬಳಸಿಕೊಂಡು ಹೇಗೆ ಸ್ವತಂತ್ರವಾಗಿ ಚಿಂತಿಸುವುದೆಂದು ಕಲಿತಿದ್ದನು. ಮುಕ್ತವಾಗಿ ಚಿಂತಿಸಲು ಪ್ರೇರಣೆ ನೀಡುತ್ತಿದ್ದ ಗಣಿತ ಸ್ಟೆವೆನ್ಗೆ ಪ್ರಿಯವೆನಿಸಿತು. ರೊಚೆಸ್ಟರ್ “ವಿಶ್ವವಿದ್ಯಾಲಯದಲ್ಲಿರುವಾಗ ಫೆಯ್ನ್ಮನ್ನಿಂದ ಕೊಡಲ್ಪಟ್ಟ ಭೌತಶಾಸ್ತ್ರದ ಉಪನ್ಯಾಸಗಳು ಸ್ಟೆವೆನ್ಗೆ ವಿಜ್ಞಾನದ ಅಂತರಂಗದ ದರ್ಶನ ಮಾಡಿಸಿದವು. ಅಲ್ಪಕಾಲದಲ್ಲೇ ನ್ಯೂಟನ್, ಮಾಕ್ಸ್ವೆಲ್, ಐನ್ಸ್ಟೀನ್,ಫೆಯ್ನ್’ಮನ್, ಸ್ಟೆವೆನ್ನ ಆದರ್ಶ ವ್ಯಕ್ತಿಗಳಾದರು. ಸೈದ್ಧಾಂತಿಕ ಭೌತಶಾಸ್ತ್ರದಲ್ಲಿನ ಶಿಕ್ಷಣ ಮುಂದುವರೆಸಲು ಸ್ಟೆವೆನ್ 1970ರಲ್ಲಿ ಬಕ್ರ್ಲೆ ವಿಶ್ವವಿದ್ಯಾಲಯ ಸೇರಿದನು. ಆದರೆ ಅಲ್ಪ ಕಾಲದಲ್ಲೇ ಪ್ರಯೋಗಶೀಲ ಭೌತಶಾಸ್ತ್ರವೇ ತನಗೆ ಸೂಕ್ತವೆಂದು ಭಾವಿಸಿ, ತನ್ನ ಮಾರ್ಗದರ್ಶಕರಿಗೆ ತಿಳಿಸಿದರು. ಇದಕ್ಕೆ ಒಪ್ಪಿಗೆ ಸಿಕ್ಕು ಸ್ಟೆವೆನ್ ಜಲಜನಕದಂತಹ ಅಯಾನುಗಳಲ್ಲಿನ ಲ್ಯಾಂಬ್ ಪಲ್ಲಟ ಅಳೆಯಲು ಯತ್ನಿಸಿದನು. 1974ರಲ್ಲಿ ಕ್ಲೌಡೆ ಹಾಗೂ ಮಾರಿ ಬುಖಾರೆಟ್ ಪರಮಾಣ್ವಿಕ ಸ್ಥಿತ್ಯಂತರಗಳಲ್ಲಿ ಸಾಮ್ಯತೆ ಭಂಗವಾಗುವುದೆಂದು ತಿಳಿಸಿದ್ದರು. ವೀನ್ಬರ್ಗ್, ಅಬ್ದಸ್ ಸಲಾಂ ಹಾಗೂ ಗ್ಲಾಷೋ, ಕ್ಷೀಣ ಬೈಜಿಕ ಕ್ರಿಯೆಗಳು ಜರುಗುವಾಗ, ಸಧ್ಯಕ್ಕೆ ಗೊತ್ತಿರುವ ಅವಿಷ್ಟಿತ ಬಲಗಳಲ್ಲದೆ ತಟಸ್ಥ ಮಧ್ಯವರ್ತಿ ಬಲಗಳಿರುವುವೆಂದು ಸೂಚಿಸಿ ವೈದ್ಯುತ್ ಕಾಂತೀಯ ಹಾಗೂ ಕ್ಷೀಣ ಬೈಜಿಕ ಬಲಗಳ ಐಕ್ಯತಾ ಸಿದ್ಧಾಂತ ಮಂಡಿಸಿದ್ದರು. ಇಂತಹ ಮಧ್ಯವರ್ತಿ ಬಲದಿಂದಾಗಿ ಕಾಂತೀಯ ದ್ವಿ ಧೃವ ಸ್ಥಿತ್ಯಂತರದಲ್ಲಿ (Bipole Transition), ಎಡ ಹಾಗೂ ಬಲ ದಿಶೆಯ ಧೃವೀಕೃತ ಬೆಳಕಿನ ಹೀರಿಕೆ ಅಸಮಾಂಗೀಯವಾಗಿರುವುದೆಂದು (Unsymmetrical), ಸೂಚಿಸಿದ್ದರು. ಇದಕ್ಕಾಗಿ ಸ್ಟೆವೆನ್ ಚು ಹಾಗೂ ಇತರರು ಹಲವಾರು ಪ್ರಯೋಗಗಳನ್ನು ಕೈಗೊಂಡರು. ಆದರೆ ಇದೇ ವೇಳೆಗೆ ಸ್ಟ್ಯಾನ್’ಫೋರ್ಡ್’ ವಿಶ್ವವಿದ್ಯಾಲಯದಲ್ಲಿದ್ದ ಸರೇಖೀಯ ಸಂಘಟ್ಟಕದಲ್ಲಿ ಕ್ಷೀಣ ಬೈಜಿಕ ಅಂತಕ್ರಿಯೆಗಳಲ್ಲಿ (Weak Nuclear Interactions), ಪಾಲ್ಗೊಳ್ಳುವ ಮಧ್ಯವರ್ತಿ ತಟಸ್ಥ ಬಲದ ಅಸ್ತಿತ್ವವನ್ನು ಸಾರುವ ಫಲಿತಾಂಶಗಳು ದೊರೆತವು. 1978ರಲ್ಲಿ ಸ್ಟೆವೆನ್ ಚು ಬಕ್ರ್ಲೆಯಲ್ಲಿ ಸಹಾಯಕ ಪ್ರಾಧ್ಯಾಪಕನಾದನು. ಇದೇ ವರ್ಷ ಬೆಲ್ ಪ್ರಯೋಗಾಲಯಗಳಿಗೆ ಆಯ್ಕೆಯಾಗಿ, ಎಲೆಕ್ಟ್ರಾನ್ ಹಾಗೂ ಅದರ ಪ್ರತಿಕಣದ ಸಂಯೋಜಿತ ಪಾಸಿಟ್ರಾನ್ ಕಣವನ್ನು ಹುಡುಕುವ ಪ್ರಯತ್ನಗಳನ್ನು ಪ್ರಾರಂಭಿಸಿದನು.1950ರಲ್ಲಿ ಪರಮಾಣುಗಳ ಆವಿಷ್ಕಾರವಾದ ನಂತರ ಅಸ್ತಿತ್ವದಲ್ಲಿರಬಹುದಾದ ಇಂತಹ ಕಣದ ಚೈತನ್ಯವನ್ನು ನಿಖರವಾಗಿ ನಿರ್ಧರಿಸಲು ಹಲವಾರು ಜನ ಯತ್ನಿಸಿದ್ದರು. ಪಾಸಿಟ್ರಾನ್ ಪರಮಾಣುವಿನ ಸನಿಹಕ್ಕೆ ಬಂದ 14x10-9 ಸೆಕೆಂಡ್ಗಳಲ್ಲಿ ಗಾಮಾ ವಿಕಿರಣಗಳಾಗಿ ನಿರ್ಮೂಲನಗೊಳ್ಳುತ್ತದೆ. ಅಷ್ಟೇ ಅಲ್ಲದೆ ಪ್ರಯೋಗಾಲಯದಲ್ಲಿ ಪರಿಶೀಲನೆಗೆ ಬೇಕಾದಷ್ಟು ಪಾಸಿಟ್ರಾನ್ಗಳನ್ನು, ಉತ್ಪಾದಿಸುವುದೂ ಸಹ ಕಠಿಣ. ಸ್ಟುವೆನ್ ಚು ಈ ದಿಶೆಯಲ್ಲಿ ಪ್ರಯತ್ನ ನಡೆಸುವುದಕ್ಕಿಂತ ಮುಂಚೆ 12 ವಿಫಲ ಪ್ರಯೋಗಗಳಾಗಿದ್ದವು. ಎರಡು ವರ್ಷಗಳ ಸತತ ಪರಿಶ್ರಮ, ಪ್ರಯೋಗಗಳ ನಂತರವೂ ಸ್ಟೆವೆನ್ಗೆ ಯಾವ ಫಲಿತಾಂಶಗಳೂ ದಕ್ಕದೆ, ಬೆಲ್ ಪ್ರಯೋಗಾಲಯದ ಆಡಳಿತ ಮಂಡಳಿ, ಸಂಶೋಧನೆಯನ್ನು ಮೊಟಕುಗಳಿಸುವಂತೆ ಸೂಚಿಸಿತು. ಛಲ ಬಿಡದ ಸ್ಟೆವೆನ್ ಅಲೆನ್ಸ್ ಮಿಲ್ನ ಜೊತೆಗೂಡಿ, ಕ್ವಾಂಟಂ ಮಟ್ಟದ ವೈದ್ಯುತ್ಗತೀಯ ಕ್ರಿಯೆಗಳನ್ನು ಕರಾರುವಕ್ಕಾಗಿ ಅಳೆಯುವ ಸಾಧನ ತಯಾರಿಸಿನು. 1983ರಲ್ಲಿ ಬೆಲ್ ಪ್ರಯೋಗಾಲಯದ ಕ್ವಾಂಟಂ ಎಲೆಕ್ಟ್ರಾನಿಕ್ಸ್ ಸಂಶೋಧನಾ ವಿಭಾಗದ ಮುಖ್ಯಸ್ಥನಾಗಿ ಬಡ್ತಿ ಹೊಂದಿದ ಸ್ಟೆವೆನ್ನ್ನು ನ್ಯೂಜೆರ್ಸಿಯ ಹೋಮ್ಡೆಲ್ಗೆ ವರ್ಗಾಯಿಸಲಾಯಿತು. ಇಲ್ಲಿ ಎಲೆಕ್ಟ್ರಾನ್ ರೋಹಿತ ಮಾಪಕ (Electron Spectometer), ನಿರ್ಮಿಸಿದ ಸ್ಟೆವೆನ್ಗೆ ಆರ್ಟ್ ಆ್ಯಸ್ಟಿನ್ನ ಪರಿಚಯವಾಯಿತು. ಆರ್ಟ್ ಬೆಳಕಿನ ಕಿರಣಗಳಿಂದ ಪರಮಾಣುಗಳನ್ನು ಸೆರೆ ಹಿಡಿಯುವ ಯೋಜನೆಯಲ್ಲಿದ್ದನು. ಬೆಲ್ ಆಡಳಿತ ಮಂಡಳಿ ಇದಕ್ಕೆ ನಾಲ್ಕು ವರ್ಷಗಳ ಹಿಂದೆಯೇ ಇಂತಹ ಯೋಜನೆಯನ್ನು ನಿಲ್ಲಿಸುವಂತೆ ಹೇಳಿದ್ದಿತು. ಪರಮಾಣುಗಳನ್ನು ಲೇಸರ್ ಮೂಲಕ ಪೂರ್ಣವಾಗಿ ತಂಪಿರಿಸಿದರೆ ಮಾತ್ರ ಇದು ಸಾಧ್ಯವೆಂದು ಸ್ಟೆವೆನ್ಗೆ ಮನದಟ್ಟಾಯಿತು. ಹೊಲ್ಬರ್ಗ್ ,ಅಲೆಕ್ಸ್ ಕೇಬಲ್ರ ನೆರವಿನೊಂದಿಗೆ ಸ್ಟೆವೆನ್ ಇದರಲ್ಲಿ ಯಶಸ್ಸನ್ನು ಗಳಿಸಿ 1997ರಲ್ಲಿ ನೊಬೆಲ್ ಪ್ರಶಸ್ತಿಗೆ ಪಾತ್ರನಾದನು. ಸ್ಟೆವನ್ ಚು ಇಂದಿಗೂ ಲೇಸರ್ ತಂಪಿರಿಸಿಕೆಯ ಮೂಲಕ ಪರಮಾಣುಗಳನ್ನು ಸೆರೆ ಹಿಡಿಯುವ ನಾನಾ ಪ್ರಯೋಗಗಳಲ್ಲಿ ನಿರತನಾಗಿದ್ದಾನೆ. 1986ರಲ್ಲಿ ಆರ್ಟ್ ಆ್ಯಸ್ಟಿನ್ ಬೆಲ್ ಪ್ರಯೋಗಾಲಯದಲ್ಲಿ ಬೆಳಕಿನಿಂದ, ಪರಮಾಣು ಸೆರೆ ಹಿಡಿದುದನ್ನು ಪ್ರದರ್ಶಿಸಿದನು . 1987ರಲ್ಲಿ ಸ್ಟೆವೆನ್ ಚು ಸ್ಟ್ಯಾನ್’ಫೋರ್ಡ್ಗೆ ಬಂದು ಸೇರಿದನು. ವೈದ್ಯಕೀಯ ವಿಜ್ಞಾನದಲ್ಲಿ ಡಾಕ್ಟರೇಟ್ ಗಳಿಸಿದ್ದ ಸ್ಟೀವ್ಕ್ರೋನ್ನಿಂದ ಸ್ಟೆವೆನ್ಗೆ ಅಣ್ವಯಿಕ ಭೌತಶಾಸ್ತ್ರದ ಪರಿಚಯವಾಯಿತು. 1990ರಲ್ಲಿ ಪ್ರದೀಪ್ತಿಯಿಂದ ಎದ್ದು ಕಾಣುವಂತೆ ಮಾಡಿದ ಒಂಟಿ ಡಿಎನ್ಎ ಅಣುವನ್ನು ಸ್ಟೆವೆನ್ ಹಾಗೂ ಸ್ಟೀವ್ಕ್ರೋನ್ ವೀಕ್ಷಿಸಿದರು. ಇದರಿಂದ ಡಿಎನ್ಎಯಂತಹ ಬೈಜಿಕ ಅಣುವನ್ನು , ಪ್ರತ್ಯೇಕಿಸಿ ವೀಕ್ಷಿಸುವ ಹಾಗೂ ಅದನ್ನು ಮಾರ್ಪಡಿಸುವ ಹೊಸ ಸಾಧ್ಯತೆಗಳು ದಕ್ಕಿದವು. ದಶಕಗಳಿಂದ ಪಾಲಿಮರ್ ಗತಿಶಾಸ್ತ್ರದಲ್ಲಿ ಅಪರಿಹಾರ್ಯವಾಗದೇ ಉಳಿದಿದ್ದ ಪ್ರಶ್ನೆಗಳಿಗೆ ಈ ಮೂಲಕ ಉತ್ತರ ಕಂಡು ಕೊಳ್ಳುವುದು ಸಾಧ್ಯವಾಯಿತು.
ಡೇನಿಯಲ್-ಸಿ ಸುಯಿ ಆಚಿಟಿ 1998
Daniel C. Tsui (PHY.) 1998
ಚೀನಾದ ಕುಗ್ರಾಮದಲ್ಲಿ ಬರಪೀಡಿತ ಬಾಲ್ಯ, ಹಾಂಗ್ಕಾಂಘ್ನಲ್ಲಿನ ವಿದ್ಯಾರ್ಥಿ ಜೀವನ ಮತ್ತು ಕಾಲೇಜು ಶಿಕ್ಷಣದ ನಂತರ ಅಸಂಸಂಗಳ ಅವಕಾಶಪೂರಿತ ನೆನಪುಗಳಿಂದ ನನ್ನ ಜೀವನ ಸಾಗಿ ಬಂದಿದೆಯೆಂದು ಸಿ-ಸುಯಿ ಹೇಳಿದ್ದಾನೆ. ಅಕ್ಷರಜ್ಞಾನದಿಂದ ವಂಚಿತರಾಗಿದ್ದ ಸುಯಿಯ ತಂದೆ ತಾಯಿಗಳು ತಮ್ಮ ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ಕೊಡಿಸಲು ಹೆಣಗಿದರು. 1958ರಲ್ಲಿ ಉನ್ನತ ವಿಧ್ಯಾಭ್ಯಾಸಕ್ಕಾಗಿ ಅಸಂಸಂಗಳ ಚಿಕಾಗೊ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿಂದ ಭೌತಶಾಸ್ತ್ರದಲ್ಲಿ ಡಾಕ್ಟರೇಟ್ ಗಳಿಸಿದನು . 1968ರಲ್ಲಿ ಸಿ-ಸುಯಿ ಬೆಲ್ ಲ್ಯಾಬೊರೇಟರೀಸ್ ಸೇರಿದನು. ಇಲ್ಲಿ ಅರೆವಾಹಕಳ ವಾಹಕತ್ವ ಕುರಿತಾಗಿ ನಡೆಸಿದ ಸಂಶೋಧನೆಗಳಿಂದ ಅಂಶಿಕ ಕ್ವಾಂಟಂ ಹಾಲ್ ಪರಿಣಾಮಗಳ ಅನಾವರನ ಮಾಡಿದನು. ಇದಕ್ಕಾಗಿ ಸಿ-ಸುಯಿ 1998ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಹೊರ್ಸ್ಟ್ ಎಲ್ ಸ್ಟೋರ್ಮರ್ (19490--) 1998
Horst , L.Störmer
ಜರ್ಮನಿ-ಭೌತಶಾಸ್ತ್ರ-ಅಂಶಿಕ ಕ್ವಾಂಟಂ ಹಾಲ್ ಪರಿಣಾಮ ಅನಾವರಣಗೊಳಿಸಿದಾತ.
ಸ್ಟೊರ್ಮರ್ 6 ಏಪ್ರಿಲ್ 1949ರಂದು ಫ್ರಾಂಕ್ಫರ್ಟ್ನಲ್ಲಿ ಜನಿಸಿದನು. ಸ್ಟೊರ್ಮರ್ ಹುಟ್ಟಿದಾಗ ಹೊಕ್ಕಳಬಳ್ಳಿ ತಲೆಯನ್ನು ಬಿಗಿದಿದ್ದರಿಂದ ಮಗ ಮುಂದೆ ವಿಕಲಮತಿಯಾಗುವ ಭಯ ಆತನ ತಂದೆ ತಾಯಿಗಳಿಗಿದ್ದಿತು. ಸ್ಟೊರ್ಮರ್ನ ಪೂರ್ವಿಕರು ಕೃಷಿ , ಕಮ್ಮಾರಿಕೆ, ಮರಗೆಲಸಗಳಲ್ಲಿ ಪ್ರವೀಣರಾಗಿದ್ದರು. ಸ್ಟ್ರೆಂಡ್ಲಿನ್ಜೆನ್ ಎಂಬ ಸಣ್ಣ ಪಟ್ಟಣದಲ್ಲಿ ಬೆಳೆದ ಸ್ಟೊರ್ಮರ್ ಅಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪೂರೈಸಿದನು. ಸ್ಟೊರ್ಮರ್ ಪೂರ್ವಿಕರಲ್ಲಿ ಯಾರೂ ಪ್ರೌಢಶಾಲೆಯ ಮೆಟ್ಟಿಲನ್ನೇ ಹತ್ತಿರದ ಕಾರಣ ತಮ್ಮ ಮಗನು ಹೆಚ್ಚಿನ ವಿದ್ಯಾಭ್ಯಾಸ ಮಾಡುವನೋ ಇಲವೋ ಎಂ¨ ಚಿಂತೆ ಸ್ಟೊರ್ಮರ್ನ ತಾಯಿ ತಂದೆಯನ್ನು ಕಾಡಿತು. ಸಾಮಾಜಿಕವಾಗಿ ಆರ್ಥಿಕವಾಗಿ ಮುಂದುವರೆಯಲು ಶಿಕ್ಷಣದಂತಹ ಬೇರೊಂದು ಮಾರ್ಗವಿಲ್ಲವೆಂದು ಅವರು ಅರಿತಿದ್ದರು. ಪ್ರವೇಶ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ ಸ್ಟೊರ್ಮರ್ ನ್ಯೂ ಐಸೆನ್ಬರ್ಗ ಸನಿಹದ ಗೊಥೆ ಜೆಮ್ನಾಷಿಯಂ ಸೇರಿದನು. ಸ್ಟೊರ್ಮರ್ ಅಂತಹ ಉತ್ತಮ ವಿದ್ಯಾರ್ಥಿಯಾಗಿರದಿದ್ದುದರಿಂದ ಅಲ್ಲಿನ ಶಿಕ್ಷಣ ಮಟ್ಟ ಅವನಿಗೆ ಕಠಿಣವೆನಿಸಿತು. ಇಲ್ಲಿ ಗಣಿತ, ವಿಜ್ಞಾನವನ್ನು ಹೇಗೋ ನಿಭಾಯಿಸಿದ ಸ್ಟೊರ್ಮರ್ಗೆ ಜರ್ಮನ್, ಫ್ರೆಂಚ್ ಹಾಗೂ ಇಂಗ್ಲೀಷ್ ಭಾಷೆಗಳು ಕಬ್ಬಿಣದ ಕಡಲೆಯಾಗಿದ್ದವು. ಇವುಗಳಿಂದ ಹಲವಾರು ಸಲ ಓದಿದ ತರಗತಿಯಲ್ಲೇ ಮತ್ತೊಮ್ಮೆ ಓದಬೇಕಾದ ಪರಿಸ್ಥಿತಿ ಅಗಾಗ ಎದುರಾಗುತ್ತಿದ್ದಿತು. ಒಂದು ವಿಷಯದಲ್ಲಿ ಬಂದ ಹೆಚ್ಚಿನ ಅಂಕಗಳನ್ನು ಇನ್ನೊಂದು ಅಲ್ಪ ಗಳಿಕೆಯ ವಿಷಯಕ್ಕೆ ಸೇರಿಸುವ ಪರಿಸ್ಥಿತಿಯಿಂದಾಗಿ ಸ್ಟೊರ್ಮರ್ ಶಿಕ್ಷಣ ಮುಂದೆ ಸಾಗಿತು. ಪ್ರೌಢಶಾಲೆಯಲ್ಲಿರುವಾಗ ರೇಡಿಯೋ ನಿರ್ಮಾಣ ಕಲಿತ ಸ್ಟೊರ್ಮರ್ ಘನ ಇಂಧನ ಬಳಸಿ ತಯಾರಿಸಿದ ರಾಕೆಟ್ ಮಾದರಿ ಸಿಡಿದು ಹೆಬ್ಬೆರಳನ್ನು ಕಳೆದುಕೊಂಡನು. ವಾಸ್ತುಶಿಲ್ಪಶಾಸ್ತ್ರಕ್ಕೆ ನೋಂದಾಯಿಸಿಕೊಂಡ ಸ್ಟೊರ್ಮರ್ ಇಂಜಿನಿಯರಿಂಗ್ ಡ್ರಾಯಿಂಗ್ನಲ್ಲಿ ಪರಿಣಿತನಿದ್ದರೂ ಮುಕ್ತ ಚಿತ್ರಗಳನ್ನು ಬರೆಯುವುದರಲ್ಲಿ ಎಂದಿಗೂ ಯಶಸ್ಸನ್ನು ಕಾಣಲಿಲ್ಲ. ಈ ಕಾರಣದಿಂದಾಗಿ 1968ರಲ್ಲಿ ಭೌತಶಾಸ್ತ್ರದ ಅಧ್ಯಯನಕ್ಕೆ ಸ್ಟೊರ್ಮರ್ ಬದಲಾಯಿಸಿಕೊಂಡನು. ಇದೇ ವರ್ಷ ವಿದ್ಯಾರ್ಥಿಗಳು ಜರ್ಮನಿಯಾದ್ಯಂತ ಮುಷ್ಕರ ಪ್ರಾರಂಭಿಸಿದರು. ಜರ್ಮನಿಯ ವಿಶ್ವವಿದ್ಯಾಲಯ, ಬೋಧಕ ಸಿಬ್ಬಂದಿ, ಸರ್ಕಾರದ ಆಸ್ತಿಪಾಸ್ತಿಗಳು ವಿದ್ಯಾರ್ಥಿಗಳ ಕೆಂಗಣ್ಣಿಗೆ ಗುರಿಯಾದವು. ಮುಂದೆ ಇದು ಶಿಕ್ಷಣ ಪದ್ದತಿಯ ಸುಧಾರಣೆಗೆ ನಾಂದಿ ಹಾಡಿತು. ಕಾಲೇಜಿನಲ್ಲಿ ಭೌತಶಾಸ್ತ್ರದಲ್ಲಿ ಎ ಶ್ರೇಣಿ ಪಡೆದ ಸ್ಟೊರ್ಮರ್ ರಸಾಯನಶಾಸ್ತ್ರದಲ್ಲಿ ಯಾವಾಗಲೂ ಹಿಂದಿರುತ್ತಿದ್ದನು. ನೂರಾರು ರಾಸಾಯನಿಕ ಸೂತ್ರಗಳನ್ನು ನೆನಪಿನಲ್ಲಿರಿಸಿಕೊಳ್ಳುವುದು ಅವುಗಳ ಗುಣ ಲಕ್ಷಣಗಳನ್ನು ವಿವರಿಸುವುದು ಅಸಂಬದ್ಧವೆಂದು ಸ್ಟೊರ್ಮರ್ಗೆ ಭಾಸವಾಗುತ್ತಿದ್ದಿತು. ಆದರೆ ಮುಂದೆ ಭೌತಶಾಸ್ತ್ರದಲ್ಲಿ ಕ್ವಾಂಟಂ ಬಲವಿಜ್ಞಾನ ಕಲಿತ ನಂತರ ಇದರ ಪ್ರಾಮುಖ್ಯತೆ ಸ್ಟೊರ್ಮರ್ಗೆ ಮನದಟ್ಟಾಯಿತು. ಪದವಿ ಪೂರೈಸಿದ ನಂತರ ಡಾಕ್ಟರೇಟ್ ಗಳಿಸಲು ಸ್ಟೊರ್ಮರ್ ಪ್ರೊಫೆಸರ್ ವೆರ್ನರ್ ಮಾರ್ಟಿಯೆನ್ಸನ್ ಫಿûಸಿಕಲ್ ಇನ್ಸ್ಟಿಟ್ಯೂಟ್ ಸೇರಿದನು. ಇಲ್ಲಿ ಎಕ್ ಹಾರ್ಡಲ್ ಹೋನಿ ಮಾರ್ಗದರ್ಶನದಲ್ಲಿ ಬಹು ಸೂಕ್ಷ್ಮ ಸಂವೇದನಾಶೀಲವಾದ ಪತ್ತೆಕಾರಕಗಳನ್ನು (Detector) ಬಳಸಿ ಹಲವಾರು ಪ್ರಯೋಗಗಳನ್ನು ಕೈಗೊಂಡನು. ಹಿಮೋಗ್ಲೋಬಿನ್ ಆಮ್ಲಜನಕದೊಂದಿಗೆ ಹೊಂದಿರುವ ಬಂಧದ ನಿರ್ಧಾರವನ್ನು ಅದರ ಕಾಂತೀಯ ಗುಣಗಳ ಮೂಲಕ ಅರಿಯುವ ಹೊಣೆ ಸ್ಟೊರ್ಮರ್ ಹೆಗಲಿಗೆ ಬಂದಿತು. ಇದರೊಂದಿಗೆ ನಿಮ್ನ ತಾಪಮಾನದ ತಂತ್ರಗಳು ಸ್ಟೊರ್ಮರ್ ಕೈವಶವಾದವು. ಮುಂದೆ ಒಂದು ವರ್ಷದ ಪ್ರಯತ್ನದ ನಂತರವೂ ಹಿಮೋಗ್ಲೋಬಿನ್ ಮೇಲೆ ನಡೆಸಿದ ಪ್ರಯೋಗಗಳು ಫಲ ಪ್ರಧವಾಗಲಿಲ್ಲ. ಹಾಗಾಗಿ ಸ್ಟೊರ್ಮರ್ ಕಬ್ಬಿಣದ ಕಲುಷಿತಗಳ (Dopes) ಕಾಂತೀಯ ಅಸಮದೈಶಿಕತೆಯ (Anisotropy) ಮೇಲೆ ಸಂಪ್ರಂಬಂಧ ಬರೆದು ಡಾಕ್ಟರೇಟ್ ಗಳಿಸಿದನು. ಸ್ಟುರ್ಟ್ಗರ್ಟ್ನಿಂದ ಡಾಕ್ಟರೇಟ್ ಗಳಿಸಿ ಜೊತೆಗೆ ಫ್ರೆಂಚ್ ಭಾಷೆಯನ್ನು ಸಹಕಲಿತನು. ಸ್ಟೊರ್ಮರ್ಗೆ ಮಾರ್ಗದರ್ಶಕನಾಗಿದ್ದ ಕ್ವೇಸರ್, ಅಸಂಸಂದ ಬೆಲ್ ಪ್ರಯೋಗಾಲಯಗಳಿಗೆ ಹೋಗಿ ಸಂಶೋಧನೆ ಮಾಡಬೇಕೆಂದು ಸ್ಟೊರ್ಮರ್ಗೆ ಒತ್ತಾಯಿಸಿದನು. ಇಲ್ಲಿ ಅಂಶಿಕ ಕ್ವಾಂಟಂ ಹಾಲ್ ಪರಿಣಾಮವನ್ನು ಸ್ಟೊರ್ಮರ್ ಹಾಗೂ ಸಂಗಡಿಗರು ಅನಾವರಣಗೊಳಿಸಿದರು. ಇವರ ಕಾರ್ಯಚಟುವಟಿಕೆಗಳು ಸೂಕ್ಷ್ಮಾತಿಸೂಕ್ಷ್ಮವಾದ ಭೌತ ವಿದ್ಯಾಮಾನಗಳನ್ನು ಅರಿಯಲು ನೆರವಾದವು. ಇದಕ್ಕಾಗಿ ಸ್ಟೊರ್ಮರ್ 1998ರಲ್ಲಿ ನೊಬೆಲ್ ಪ್ರಶಸ್ತಿ ಗಳಿಸಿದನು.
ರಾಬರ್ಟ್ ಬಿ. ಲಾಘ್ಲಿನ್ (1950--) 1998
Robert B.Laughlin
ಅಸಂಸಂ-ಭೌತಶಾಸ್ತ್ರ-ಸಮಗ್ರ ಕ್ವಾಂಟಂ ಹಾಲ್ ಪರಿಣಾಮಕ್ಕೆ ಸೈದ್ಧಾಂತಿಕ ವಿವರಣೆ ನೀಡಿದಾತ.
ರಾಬರ್ಟ್ ನವೆಂಬರ್ 1950 ರಂದು ಕ್ಯಾಲಿಫ್ಲೋರ್ನಿಯಾದ ವಿಸಾಲಿಯ ಹಳ್ಳಿಯಲ್ಲಿ ಜನಿಸಿದನು. ಈತನ ತಂದೆ ವಕೀಲನಾಗಿದ್ದನು. ಬಾಲ್ಯದಿಂದಲೇ ತಂದೆಯಿಂದ, ವೈಚಾರಿಕ ನಿಲುವು, ಗಣಿತದಲ್ಲಿನ ಆಸಕ್ತಿಗಳನ್ನು ಬಳುವಳಿಯಾಗಿ ಪಡೆದನು. ಪ್ರೌಢ ಶಿಕ್ಷಣ ಮುಗಿಸಿ, ವೈದ್ಯುತ್ ಇಂಜಿನಿಯರಿಂಗ್ನಲ್ಲಿ ಪದವಿ ಗಳಿಸಲು ರಾಬರ್ಟ್ ಬಕ್ರ್ಲೆ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿ ಈ ಹಿಂದೆ , ಹಲವಾರು ಜಗದ್ವಿಖ್ಯಾತ ಭೌತಶಾಸ್ತ್ರಜ್ಞರು ಇದ್ದುದನ್ನು ಅರಿತ ರಾಬರ್ಟ್ ಅವರಂತೆಯೇ ತಾನಾಗಬೇಕೆಂದು ಕನಸು ಕಂಡನು. ಇಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತರಾದ ಚಾಲ್ರ್ಸ್ ಟೌನೆಸ್, ಓವೆನ್ ಛೇಂಬರ್ಲಿನ್ರಂತಹವರನ್ನು ಕಾಣುವ ಅವರ ಉಪನ್ಯಾಸಗಳನ್ನು ಕೇಳುವ ಅವಕಾಶಗಳು ರಾಬರ್ಟ್ಗೆ ಬಂದೊದಗಿದವು. ಪ್ರತಿಪ್ರೋಟಾನ್ ಅಸ್ತಿತ್ವವನ್ನು ಅನಾವರಣಗೊಳಿಸಿ, ನೊಬೆಲ್ ಪ್ರಶಸ್ತಿ ಗಳಿಸಿದ್ದ ಎಮಿಲೋ ಸೆಗ್ರೆಯಿಂದಲೂ ರಾಬರ್ಟ್ ಪ್ರಭಾವಿತನಾದನು. ವಿಯೆಟ್ನಾಂ ಯುದ್ದ ಪ್ರಾರಂಭವಾಗಿ, ಅದು ಅಸಂಸಂದಲ್ಲಿನ ವಿದ್ಯಾರ್ಥಿಗಳ ಜೀವನದ ಮೇಲೂ ಅಪಾರ ಪರಿಣಾಮ ಬೀರಿತು. ಚಿಂತಕರನ್ನೂ, ಸ್ವತಂತ್ರ ವಿಚಾರಧಾರೆ ಹೊಂದಿದ್ದ ವಿದ್ಯಾರ್ಥಿಗಳನ್ನು ವಿಯೆಟ್ನಾಂ ಯುದ್ದದಲ್ಲಿ ಸರ್ಕಾರವನ್ನು ಬೆಂಬಲಿಸಬೇಕೆ ? ಅಥವಾ ಬೇಡವೇ ಎಂಬ ತುಮುಲ ಕಾಡಿತು. ಇಂತಹ ಸಂದಿಗ್ಥದಲ್ಲಿ ಮುಳುಗಿದ ರಾಬರ್ಟ್ಗೆ ವಿದ್ಯಾಭ್ಯಾಸದಲ್ಲಿ ಗಮನಾರ್ಹ ಸಾಧನೆ ಮಾಡಲಾಗಲಿಲ್ಲ. ವಿಯೆಟ್ನಾಂ ಯುದ್ದ ಪಡೆಯಲ್ಲಿ ಕೆಳ ಹಂತದಲ್ಲಿ ನೇಮಕಗೊಂಡ ರಾಬರ್ಟ್ ಸೈದ್ಧಾಂತಿಕ ಭೌತಶಾಸ್ತ್ರಜ್ಞನಾಗಿದ್ದರೂ, ಗಣಕ, ದೂರವಾಣಿ, ರೇಡಿಯೋದಂತಹ ಉಪಕರಣಗಳನ್ನು ಬಳಸುವ ಅನುಮತಿಯಿರಲಿಲ್ಲ. ಕೆಲಕಾಲದ ನಂತರ ಕ್ಷಿಪಣಿ ದಳಗಳಿಗೆ ರಾಬರ್ಟ್ ವರ್ಗಾವಣೆಗೊಂಡನು. ಇಲ್ಲಿ ಯುದ್ದ, ಸರ್ಕಾರದ ರೀತಿ, ನೀತಿ, ಶಿಸ್ತು , ಏಕತೆ, ವರ್ಣ ದ್ವೇಷಗಳ ನಿಕಟ, ದಟ್ಟ ಪರಿಚಯವಾಗಿ ರಾಬರ್ಟ್ನ ಅನುಭವ ಕೋಶ ಹಿಗ್ಗಿತು. ಇಲ್ಲಿಂದ ಜರ್ಮನಿಯ ಸ್ಟುಟ್ಬರ್ಗ್ ನಗರದ ಬಳಿಯ ಶಿಬಿರಕ್ಕೆ ರಾಬರ್ಟ್ನ ತಂಡವನ್ನು ನಿಯೋಜಿಸಲಾಯಿತು. ಸೇನೆಯಿಂದ ಬಿಡುಗಡೆಗೊಂಡ ನಂತರ, 1974ರಲ್ಲಿ ಎರಡು ವರ್ಷಗಳ ಅಂತರದ ನಂತರ ಎಂ.ಐ.ಟಿ ಸೇರಿದನು. ಇಲ್ಲಿ ಜಾನ್ ಜೊವನೊಪ್ಪಾಲಿಸನ್ ಮಾರ್ಗದರ್ಶನದಲ್ಲಿ ಸಿಲಿಕಾನ್ ಗಾಜು. ಪುಡಿರೂಪದ ಸೆಲೆನಿಯಂಗಳ ಮೇಲೆ ಹಲವಾರು ಪ್ರಯೋಗಗಳನ್ನು ಕೈಗೊಂಡನು. ಇಲ್ಲಿ ಕ್ಷ ಕಿರಣ ವಿವರ್ತನೆ (Diffraction), ನ್ಯೂಟ್ರಾನ್ ಚದುರಿಕೆ, ರಾಮನ್ ಚದುರಿಕೆ ,ಎಲೆಕ್ಟ್ರಾನ್ ಅನುರಣನಗಳಂತಹ ಘನಸ್ಥಿತಿ ಭೌತಶಾಸ್ತ್ರದ ಪ್ರಯೋಗಗಳಲ್ಲಿ ಮುಳುಗಿದನು. ಡಾಕ್ಟರೇಟ್ ಗಳಿಸಿದ ರಾಬರ್ಟ್ ಬೆಲ್ ಪ್ರಯೋಗಾಲಯದಿಂದ ವೃತ್ತಿ ಜೀವನ ಪ್ರಾರಂಭಿಸಿದನು. ಇಲ್ಲಿ ಅರೆ ವಾಹಕಗಳ ಬಗೆಗೆ ದಾಖಲಾಗಿದ್ದ ವಿಜ್ಞಾನ ವಿಸ್ತಾರರೂಪ ತಳೆಯಿತು. ಆದರೆ ರಾಬರ್ಟ್ಗೆ ಬೆಲ್ ಪ್ರಯೋಗಾಲಯದಲ್ಲಿ ಶಾಶ್ವತ ಕೆಲಸ ದೊರೆಯದ ಕಾರಣ ಜಾನ್ ಜೋವನಾಪ್ಪುಲಸ್ನ ಸಲಹೆಯ ಮೇರೆಗೆ ಮಾರ್ಕ್ ಕಾರ್ಡಿಲ್ಲೋ ನಡೆಸುತ್ತಿದ್ದ ಪ್ರಯೋಗಗಳ ಫಲಿತಾಂಶಗಳಿಗೆ ಸೈದ್ಧಾಂತಿಕ ವಿವರಣೆ ನೀಡುವ ಜವಾಬ್ದಾರಿ ವಹಿಸಿಕೊಂಡನು. ಇದಕ್ಕಿಂತಲೂ ಸ್ವಲ್ಪ ಮೊದಲು ಬೆಲ್ ಪ್ರಯೋಗಾಲಯದಲ್ಲಿದ್ದ ಕ್ಲಾವುಸ್ ವಾನ್ ಕ್ಲಿಟ್ಜಿಂಗ್ ಸಮಗ್ರ ಕ್ವಾಂಟಂ ಹಾಲ್ ಪರಿಣಾಮವನ್ನು ಬೆಳಕಿಗೆ ತಂದಿದ್ದನು. ಇದಕ್ಕೆ ಸರಿಯಾದ ಸೈದ್ಧಾಂತಿಕ ವಿವರಣೆ ಲಭ್ಯವಿರಲಿಲ್ಲ. ಈ ಸಮಸ್ಯೆಯನ್ನು ಕೈಗೆತ್ತಿಕೊಂಡ ರಾಬರ್ಟ್ ಸಮರ್ಪಕ ವಿವರಣೆ ನೀಡುವಲ್ಲಿ ಯಶಸ್ವಿಯಾದನು. ಇದಕ್ಕಾಗಿ 1998ರ ನೊಬೆಲ್ ಪ್ರಶಸ್ತಿ ಪಡೆದನು.
ಗೆರಾಡಸ್ ಟೆ ಹೂಪ್ಟ್ (1950--) 1999
Gerardus t' Hooft
ನೆದರ್ಲ್ಯಾಂಡ್-ಭೌತಶಾಸ್ತ್ರ- ಕ್ವಾಂಟಂ ವರ್ಣಗತಿಶಾಸ್ತ್ರದ ಮುಂದಾಳು.
ಹೂಪ್ಟ್, ಡೆನ್ಹೆಲ್ಡರ್ನಲ್ಲಿ ಜನಿಸಿ, ಹೇಗ್ನಲ್ಲಿ ಬಾಲ್ಯವನ್ನು ಕಳೆದನು. ಹೂಪ್ಟ್ನ ಹಿರಿಯ ಮಾವ ಫ್ರಿಟ್ಸ್ ಝೆರ್ನಿಕೆ 1953ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು. ಈತನ ಕುಟುಂಬದಲ್ಲಿ ಹಲವಾರು ಪ್ರಾಧ್ಯಾಪಕರು, ವಿಜ್ಞಾನಿಗಳು, ಖ್ಯಾತರು ಜನಿಸಿದ್ದರು. ಹೂಪ್ಟ್ನ ತಂದೆ ನೌಕೆಗಳ ಇಂಜಿನಿಯರ್ ಆಗಿದ್ದು ಮಾಸ್ ಡ್ಯಾಂ, ರಿಜೆನ್ ಡ್ಯಾಂನಂತಹ ಬೃಹತ್ ನೌಕೆಗಳ ನಿರ್ಮಾಣದಲ್ಲಿ ಪಾಲ್ಗೊಂಡಿದ್ದನು. ಹೂಪ್ಟ್ ಎಂಟು ವರ್ಷದವನಿರುವಾಗ ಅವನ ಕುಟುಂಬ ಲಂಡನ್ಗೆ ಹೋಯಿತು. ಇಲ್ಲಿ ಸಾರ್ವಜನಿಕ ಶಾಲೆ ಸೇರಿ, ಇಂಗ್ಲಿಷ್ನ್ನು ಕಲಿಯಲು ಪ್ರಾರಂಭಿಸುವ ಮೂಲಕ ಹೂಪ್ಟ್ ಪ್ರಾಥಮಿಕ ಶಿಕ್ಷಣ ಪೂರೈಸಿದನು. ನಂತರ ಹೇಗ್ನ ಡಾಲ್ಟನ್ ಲೈಸಿಯಂ ಪ್ರೌಢಶಾಲೆ ಸೇರಿದನು. ಹೂಪ್ಟ್ನ ತಂದೆ ರೇಡಿಯೋ ಒಂದನ್ನು ಕೊಡಿಸಿದನು. ಹೂಪ್ಟ್ ರೇಡಿಯೋ ಹೇಗೆ ಕೆಲಸ ಮಾಡುವುದೆಂದು ತಿಳಿಯಲು ನಾನಾ ಆಕರಗಳಿಂದ ರೇಡಿಯೋ ಬಗೆಗೆ ಅತ್ಯಧಿಕ ಮಾಹಿತಿಯನ್ನು ಸಂಗ್ರಹಿಸಿ, ಅರ್ಥೈಸಿಕೊಂಡನು. ಹೇಗ್ನ ಪ್ರೌಢಶಾಲೆಯಲ್ಲಿದ್ದ ವಿಜ್ಞಾನದ ಶಿಕ್ಷಕರಿಂದ ಹೂಪ್ಟ್ ಅದರಲ್ಲಿನ ಆಸಕ್ತಿ ವಿಸ್ತಾರವೂ, ಆಳವೂ ಆಗತೊಡಗಿತು. ಹದಿನಾರನೇ ವಯಸ್ಸಿನಲ್ಲಿ ಡಚ್ ಗಣಿತ ಒಲಿಂಪಿಕ್ನಲ್ಲಿ ಭಾಗವಹಿಸಿದ ಹೂಪ್ಟ್ ದ್ವೀತಿಯ ಪ್ರಶಸ್ತಿ ಗಳಿಸುವಲ್ಲಿ ಸಮರ್ಥನಾದನು. 1964ರಲ್ಲಿ ಉಟ್ರೆಕ್ಟ್ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿ ಮೆದು ಸ್ವಭಾವದವನಾಗಿದ್ದ ಹೂಪ್ಟ್ ಹಿರಿ ವಿದ್ಯಾರ್ಥಿಗಳಿಂದ ರ್ಯಾಗಿಂಗ್ಗೆ ತುತ್ತಾದನು. ಇಲ್ಲಿ ಸೈದ್ಧಾಂತಿಕ ಭೌತಶಾಸ್ತ್ರವನ್ನು ಆಯ್ಕೆಮಾಡಿಕೊಂಡು, ತನ್ನ ಮಾರ್ಗದರ್ಶಕನಾದ ವೆಲ್ಟ್ಮನ್ನಿಂದ ಕಠಿಣ ಪರೀಕ್ಷೆಗೊಳಗಾದನು. ವೆಲ್ಟ್ಮನ್ ಸಿದ್ಧಾಂತವೊಂದನ್ನು ಮಂಡಿಸಿದ್ದನು. ಇದರ ಪ್ರಕಾರ ತಟಸ್ಥ ಪೈಯಾನ್ಗಳು ಶೈಥಿಲ್ಯ ಹೊಂದಿ ಪ್ರೋಟಾನ್ಗಳಾಗಲಾರವು ಅದರಂತೆ ಬೀಟಾ ಕಣ ಶೈಥಿಲ್ಯ (Decay) ಹೊಂದಿ ಮೂರು ಪೈಯಾನ್ಗಳಾಗಲಾರದು. ಆದರೆ ಪ್ರಯೋಗಗಳು ಹೀಗಾಗುವುದನ್ನು ಖಚಿತಗೊಳಿಸಿದ್ದವು. ವೆಲ್ಟ್ಮನ್ ಈ ಸಿದ್ಧಾಂತದ ಅಧ್ಯಯನವನ್ನು ಹೂಪ್ಟ್ಗೆ ವಹಿಸಿದನು. ಮುಂದೆ ಗಣಿತದ ಮಾದರಿಯಲ್ಲಿದ್ದ ದೋಷದಿಂದ ಇಂತಹ ಸೈದ್ಧಾಂತಿಕ ತಪ್ಪು ನಿರ್ಧಾರಗಳಿಗೆ ವೆಲ್ಟ್ಮನ್ ಬಂದಿದ್ದನೆಂದು ತಿಳಿದು ಬಂದಿತು. 1969ರಲ್ಲಿ ಡಾಕ್ಟರೇಟ್ ಗಳಿಸಲು ಹೂಪ್ಟ್ ಅಧ್ಯಯನಕ್ಕೆ ಸೇರಿದನು. ಆ ಕಾಲದಲ್ಲಿ ಡಾಕ್ಟರೇಟ್ ಗಳಿಸುವುದು ಹಾಲೆಂಡ್ನಲ್ಲಿ ಬಹು ಪ್ರತಿಷ್ಟೆಯ ವಿಷಯವಾಗಿದ್ದು, ಅದನ್ನು ಗಳಿಸುವ ವೇಳೆಗೆ ವಿದ್ಯಾರ್ಥಿಗಳ ತಾರುಣ್ಯದ ಅರ್ಧ ಭಾಗ ಕಳೆದಿರುತ್ತಿದ್ದಿತು. ಹೂಪ್ಟ್ನ ಸಂಶೋಧನಾ ಮಾರ್ಗದರ್ಶಕನಾಗಿದ್ದ ವೆಲ್ಟ್ಮನ್ ಮೂಲ ಕಣಗಳ ಅರಿವಿಗೆ ಹೂಪ್ಟ್ ಅನುಸರಿಸುತ್ತಿದ್ದ ಮಾರ್ಗಗಳನ್ನು ಅನುಮೋದಿಸಿರಲಿಲ್ಲ ಪ್ರಬಲ ಬೈಜಿಕ ಬಲಗಳ ಕ್ಷೇತ್ರದಲ್ಲಿ ಯಾಂಗ್-ಮಿಲ್ಸ್ ಕಣಗಳೆಂದು ಪ್ರಸಿದ್ದವಾಗಿದ್ದ ಮೂಲ ಕಣಗಳನ್ನು ಅರಿಯಲು ಹೂಪ್ಟ್ ಈ ಮೊದಲು ಫೆಯ್ನಮನ್ ರೂಪಿಸಿದ್ದ ನಿಯಮಗಳನ್ನು ಬಳಸತೊಡಗಿ ಅದರಲ್ಲಿ ಯಶಸ್ಸನ್ನು ಕಾಣತೊಡಗಿದನು. ಇದನ್ನು ಗುರುತಿಸಿದ ವೆಲ್ಟ್ಮನ್ 1971ರಲ್ಲಿ ಆ್ಯಮ್ಸ್ಟರ್ಡ್ಯಾಂನಲ್ಲಿ ನಡೆದ ಕಣ ಭೌತಶಾಸ್ತ್ರದ ಸಮ್ಮೇಳನದಲ್ಲಿ ಈ ಫಲಿತಾಂಶಗಳನ್ನು ವಿವರಿಸಲು ಹೂಪ್ಟ್ಗೆ ಅವಕಾಶ ಕಲ್ಪಿಸಿದನು. ಇದರ ನಂತರ 1972ರಲ್ಲಿ ಡಾಕ್ಟರೇಟ್ ಸಹ ನೀಡಿದನು. ಇದರ ನಂತರ ಫೆಲೋಷಿಫ್ ಗಳಿಸಿ ಹೂಪ್ಟ್ ಜಿನೀವಾದಲ್ಲಿದ್ದ ಸಿ.ಇ.ಅರ್.ಎನ್ ಕೇಂದ್ರ ಸೇರಿದನು. ಇಲ್ಲಿಗೆ ವೆಲ್ಟ್ಮನ್ ಸಹ ಬಂದನು. 1971 ರಿಂದ ಇವರಿಬ್ಬರೂ ಯಾಂಗ್-ಮಿಲ್ಸ್ ಬೈಜಿಕ ಅಂತಕ್ರಿಯೆಗಳನ್ನು ಕುರಿತಾಗಿ ನೀಡಿದ್ದ ಸಿದ್ಧಾಂತದ ಎಲ್ಲಾ ಮಗ್ಗುಲುಗಳನ್ನು ಪ್ರಯೋಗಗಳಿಂದ ಪರೀಕ್ಷಿಸಿದರು. 1973ರಲ್ಲಿ ಡೇವಿಡ್ ಗ್ರಾಸ್,ಫ್ರಾಂಕ್ ಎಲ್ಕ್ಜೆಕ್ರ ಅಧ್ಯಯನ ಹಾಗೂ ಹೂಪ್ಟನ ಪರಿಶೋಧನೆಗಳಿಂದ ಯಾಂಗ್-ಮಿಲ್ಸ್ ಸಿದ್ಧಾಂತದಲ್ಲಿದ್ದ ಎಡರು ತೊಡರುಗಳು ಪರಿಹಾರಗೊಂಡು ಕ್ವಾಂಟಂ ವರ್ಣಗತಿಶಾಸ್ತ್ರವೆಂಬ (Chromodynamics) ಹೊಸ ಶಾಸ್ತ್ರದ ಉಗಮವಾಯಿತು. ಇದಕ್ಕಾಗಿ ಹೂಪ್ಟ್ ನೊಬೆಲ್ ಪ್ರಶಸ್ತಿ ಪಡೆದನು. 1974ರಲ್ಲಿ ಉಟೆರೆಕ್ಟ್ನಲ್ಲಿ ಸಹಾಯಕ ಪ್ರಾಧ್ಯಾಪಕನಾಗಿ, 1976ರಲ್ಲಿ ಹಾರ್ವರ್ಡ್ ವಿಶ್ವವಿದ್ಯಾಲಯದ ಅತಿಥಿ ಪ್ರಾಧ್ಯಾಪಕನಾಗಿಯೂ ಹೂಪ್ಟ್ ಸೇವೆ ಸಲ್ಲಿಸಿದನು. ಈಗ ನಿಸರ್ಗದ ನಾಲ್ಕು ಮೂಲ ಬಲಗಳಲ್ಲಿ ವೈದ್ಯುತ್ಕಾಂತೀಯ, ಕ್ಷೀಣ ಹಾಗೂ ಪ್ರಬಲ ಬೈಜಿಕ ಬಲಗಳನ್ನು ಐಕ್ಯಗೊಳಿಸುವುದು ಸಾಧ್ಯವಾಗಿದೆ. ಬಹು ದುರ್ಬಲವೆನಿಸುವ ಗುರುತ್ವದ ಬಲವನ್ನು ಇವುಗಳೊಂದಿಗೆ ಬೆಸೆದು ಐಕ್ಯತಾ ಸಿದ್ಧಾಂತ ರೂಪಿಸುವುದು ಈಗ ವಿಜ್ಞಾನಿಗಳ ಮುಂದಿರುವ ಸವಾಲು. ಈ ಸಮನ್ವಯ ಹುಡುಕಾಟದಲ್ಲಿ ಹೂಪ್ಟ್ ನಿರತನಾಗಿದ್ದಾನೆ.
ಮಾರ್ಟಿನಸ್ ,ಜೆ.ಟಿ ವೆಲ್ಟ್’ಮನ್ (1931--) 1999
Martinus , J.G.Veltman
ನೆದರ್’ಲ್ಯಾಂಡ್-ಭೌತಶಾಸ್ತ್ರ-ಭ ಕ್ವಾಂಟಂ ವರ್ಣಗತಿಶಾಸ್ತ್ರದ ಮುಂದಾಳು.
ವೆಲ್ಟ್’ಮನ್ 27 ಜೂನ್ 1931ರಂದು ವಾಲ್ ವಿರ್ಜೆರ್ ಎಂಬ ಹಳ್ಳಿಯಲ್ಲಿ ಜನಿಸಿದನು. ಈತನ ತಂದೆ ಶಾಲಾ ಉಪಾಧ್ಯಾಯನಾಗಿದ್ದನು. 1940ರಲ್ಲಿ ಹಾಲೆಂಡ್ ಜರ್ಮನಿಯ ವಶವಾಗಿ, ಜನ ಜೀವನ ನಿಗ್ರಹಕ್ಕೊಳಗಾಯಿತು. ಆಗ ವೆಲ್ಟ್’ಮನ್ ಪ್ರೌಢಶಾಲೆಯಲ್ಲಿದ್ದನು. ಯುದ್ದ ರಂಗದಲ್ಲಿ ಸಿಕ್ಕುವ ಅಳಿದುಳಿದ ಮದ್ದಿನ ಪುಡಿ ತಂದು ಸಿಡಿಸಿ ವೆಲ್ಟ್’ಮನ್ ಹಾಗೂ ಸ್ನೇಹಿತರು ಆನಂದಿಸುತ್ತಿದ್ದರು. ಯುದ್ದದಿಂದ ಬಸವಳಿದಿದ್ದ ಹಾಲೆಂಡ್ನಲ್ಲಿ ಶಾಲೆಗಳು ಸರಿಯಾಗಿ ನಡೆಯುತ್ತಿರಲಿಲ್ಲ. ವೆಲ್ಟ್’ಮನ್ , 1948ರಲ್ಲಿ ಪ್ರೌಢ ಶಿಕ್ಷಣ ಪೂರೈಸಿದನು. ರಜಾ ದಿನಗಳಲ್ಲಿ ರೇಡಿಯೋ ದುರಸ್ತಿ ಗೊತ್ತಿದ್ದ ಪ್ಲಂಬರ್ನೊಂದಿಗೆ ಕಳೆಯುತ್ತಿದ್ದ ವೆಲ್ಟ್ಮನ್ಗೆ ಎಲೆಕ್ಟ್ರಾನಿಕ್ಸ್ನಲ್ಲಿ ಅತ್ಯಾಸಕ್ತಿಯಿದ್ದಿತು. ಪ್ರೌಢಶಾಲೆಯಲ್ಲಿ ಉತ್ತಮ ದರ್ಜೆಯನ್ನು ಪಡೆಯದಿದ್ದ ವೆಲ್ಟ್ಮನ್ಗೆ ಇಂಜಿನಿಯರಿಂಗ್ ಪ್ರವೇಶ ಸಿಕ್ಕದೆ, ಭೌತಶಾಸ್ತ್ರದ ಪದವಿಗೆ ಸೇರಿದನು. ವೆಲ್ಟ್’ಮನ್ ನೆಲೆಸಿದ್ದ ವಾಲ್ ವಿಜಿಕ್ನಲ್ಲಿ ಕಾಲೇಜುಗಳಿಲ್ಲದಿದ್ದುದರಿಂದ ವಸತಿ ನಿಲಯಗಳಲ್ಲಿದ್ದು ಹಣ ಪಾವತಿ ಮಾಡುವಷ್ಟು ಆರ್ಥಿಕ ಸಾಮಥ್ರ್ಯವಿರದಿದ್ದುದರಿಂದ ದಿನನಿತ್ಯ ಊರಿನಿಂದ ಕಾಲೇಜಿಗೆ ರೈಲಿನಲ್ಲಿ ಹೋಗಬಹುದಾದ ಉಟ್ರೆಕ್ಟ್ ವಿಶ್ವವಿದ್ಯಾಲಯ ಸೇರಿದನು. ಎರಡನೇ ಜಾಗತಿಕ ಯುದ್ದದಿಂದಾಗಿ ಹಾಲೆಂಡ್ನ ಶಿಕ್ಷಣ ವ್ಯವಸ್ಥೆಯೇ ಕುಸಿದು ಬಿದ್ದಿದ್ದಿತು. ಉತ್ತಮ ಶಿಕ್ಷಕರು ಪರ ದೇಶಗಳಿಗೆ ವಲಸೆ ಹೋಗಿದ್ದರೆ, ಇನ್ನು ಕೆಲವರು ನಾಝಿಗಳಿಂದ ಹತರಾಗಿದ್ದರು. ಹೀಗಾಗಿ ಪದವಿ ಕಾಲದಲ್ಲಿ ವೆಲ್ಟ್ಮನ್ಗೆ ಯಾವುದೇ ವಿಷಯದಲ್ಲಿ ಆಸಕ್ತಿ ಮೂಡಲಿಲ್ಲ. ಆರ್ಥಿಕ ಸಂಕಷ್ಟದಿಂದ ಹೊರಬರಲು ಟೈಪಿಂಗ್ ಕೆಲಸಕ್ಕೆ ವೆಲ್ಟ್’ಮನ್ ಮೊರೆ ಹೋದನು. ಅದೆಷ್ಟೋ ವೇಳೆ ಅನ್ನ, ಆಹಾರಗಳಿಲ್ಲದೆ ಬರಿ ನೀರಿನಲ್ಲಿ ಕಾಲ ಕಳೆದನು. ಚಿಕ್ಕ ಪುಟ್ಟ ಗೃಹೋಪಕರಣ ಸಾಮಾನುಗಳನ್ನು ಮಾರಲು ಯತ್ನಿಸಿದನು. ಸುಳ್ಳು ಹೇಳುವುದನ್ನು ದ್ವೇಷಿಸುತ್ತಿದ್ದ ವೆಲ್ಟ್’ಮನ್ ಎಂದಿಗೂ ಯಾವುದೇ ಸಾಮಾನನ್ನು ಯಾರಿಗೂ ಮಾರುವಲ್ಲಿ ಸಫಲನಾಗಲಿಲ್ಲ. ವೆಲ್ಟ್ಮನ್ನ ನೇರ ಬಿಚ್ಚು ನುಡಿಗಳಿಂದ ಜನ ಬೆಚ್ಚುತ್ತಿದ್ದರು. ಪದವಿ ಮುಗಿಸಿ ಎರಡು ವರ್ಷಗಳ ನಂತರ ವೆಲ್ಟ್’ಮನ್ ಗಮನಾರ್ಹವಲ್ಲದ ಅಭ್ಯರ್ಥಿ ಪರೀಕ್ಷೆಯಲ್ಲಿ ತೇರ್ಗಡೆಯಾದನು. ಈ ಸಮಯದಲ್ಲಿ ಸಾಪೇಕ್ಷ ಸಿದ್ಧಾಂತದ ಪುಸ್ತಕ ದೊರೆಯಿತು. ಇದನ್ನು ಓದಿ ಪುಳಕಿತನಾದ ವೆಲ್ಟ್ಮನ್ಗೆ ಅರೆಕಾಲಿಕ ಉಪಾಧ್ಯಾಯನಾಗಿ ಸರ್ಕಾರಿ ಕೆಲಸ ಸಿಕ್ಕಿತು. ತೃಪ್ತಿ ನೀಡದ ಈ ಕೆಲಸದಲ್ಲಿದ್ದ ಮೆಲ್ಟಮನ್ 1955ರಲ್ಲಿ ಆ್ಯಮಸ್ಟರ್ಡ್ಯಾಂನ ವ್ಯಾನ್ಡೆರ್ ವಾಲ್ಸ್ ಪ್ರಯೋಗಾಲಯದಲ್ಲಿದ್ದ ವೆಲ್ಟ್’ಮನ್ 1959ರಲ್ಲಿ ವ್ಯಾನ್ ಹೂವೆನ್ನ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ ಗಳಿಸಲು ಊಟ್ರೆಕ್ಟ್ ವಿಶ್ವವಿದ್ಯಾಲಯ ಸೇರಿದನು. ಕಣ ಭೌತಶಾಸ್ತ್ರದಲ್ಲಿ ಆಸಕ್ತಿಯಿದ್ದ ವೆಲ್ಟ್ಮನ್ಗೆ ಇಲ್ಲಿ ಅದರ ಅಧ್ಯಯನಕ್ಕಾಗಿ ಅವಕಾಶಗಳಿರಲಿಲ್ಲ. ಆದ್ದರಿಂದ ಕಣ ಭೌತಶಾಸ್ತ್ರದಲ್ಲಿನ ಖ್ಯಾತರ ಉಪನ್ಯಾಸಗಳನ್ನು ಪರ ಊರುಗಳಿಗೆ ಹೋಗಿ ಕೇಳತೊಡಗಿದನು. 1960ರಲ್ಲಿ ವ್ಯಾನ್ ಹೂವೆನ್ ಜೀನೀವಾದ ಸಿಇಆರ್ಎನ್ ಪ್ರಯೋಗಾಲಯದ ನಿರ್ದೇಶಕನಾದನು. ಆತನೊಂದಿಗೆ ವೆಲ್ಟ್’ಮನ್ ಸಹ ಅಲ್ಲಿಗೆ ಹೋದನು. ಇಲ್ಲಿಗೆ ಹೋದ ನಂತರ ವೆಲ್ಟ್’ಮನ್ ತನಗೆ ಕಣಭೌತಶಾಸ್ತ್ರದಲ್ಲಿರುವ ಜ್ಞಾನ ತೀರ ಸಾಧಾರಣ ಮಟ್ಟದ್ದೆಂದು ಖಚಿತವಾಯಿತು. ನಂತರ ಫೆಯ್ನ್’ಮನ್ಶಿಷ್ಯನಾಗಿದ್ದ ಸ್ಯಾಮ್ಬರ್ಮನ್ ಕೈಕೆಳಗೆ ಕೆಲಸಮಾಡಿದನು. ಈತನ ಸಲಹೆಯ ಮೇರೆಗೆ ಅಸ್ಥಿರ ಕಣಗಳ ಕುರಿತಾಗಿ ಅಧ್ಯಯನ ನಡೆಸಿದನು. 1963ರಲ್ಲಿ ಸಿಇಆರ್ಎನ್ ನ್ಯೂಟ್ರಿನೋ ಪ್ರಯೋಗಗಳು ಪ್ರಾರಂಭವಾಗಿದ್ದವು. ಇದರಲ್ಲಿ ವೆಲ್ಟ್’ಮನ್ ಭಾಗಿಯಾದನು. 1966ರಲ್ಲಿ ಉಟ್ರೆಕ್ಟನಲ್ಲಿ ವ್ಯಾನ್ ಹೂವ್ನಿಂದ ತೆರನಾದ ಸೈದ್ಧಾಂತಿಕ ಭೌತಶಾಸ್ತ್ರ ಪ್ರಾಧ್ಯಾಪಕನ ಸ್ಥಾನ ತುಂಬಿದ ವೆಲ್ಟ್’ಮನ್, ಕಣ ಭೌತಶಾಸ್ತ್ರದ ಅಧ್ಯಯನ ಪ್ರಾರಂಭಿಸಿದನು. 1968ರಲ್ಲಿ ರಾಕ್ಫೆಲರ್ ವಿಶ್ವವಿದ್ಯಾಲಯಕ್ಕೆ ಭೇಟಿ ನೀಡಿದನು. ಉಟ್ರೆಕ್ಟ್ಗೆ ಮರಳಿದ ನಂತರ ವೆಲ್ಟ್’ಮನ್, ಮೂಲ ಕಣಗಳ ಸಂಶೋಧನೆಯಲ್ಲಿ ಗೆರಾಡಸ್ ಟಿ ಹೂಪ್ಟ್ಗೆ ಮಾರ್ಗದರ್ಶಕನಾಗಿದ್ದನು. ಇವರಿಬ್ಬರ ಮಧ್ಯೆ ಆಗಾಗ್ಗೆ ಭಿನ್ನಭಿಪ್ರಾಯಗಳು ತಲೆದೋರುತ್ತಿದ್ದವು. ಇವರು ಜಂಟಿಯಾಗಿ ನಡೆಸಿದ ಸಂಶೋಧನೆಗಳಿಂದ ಕ್ವಾಂಟಂ ವರ್ಣಗತಿಶಾಸ್ತ್ರದ (Chromodynamics)ಉಗಮವಾಯಿತು. ಇದಕ್ಕಾಗಿ 1999ರ ನೊಬೆಲ್ ಪ್ರಶಸ್ತಿ ಪಡೆದರು. 1979ರಲ್ಲಿ ಮಿಷಿಗನ್ ವಿಶ್ವವಿದ್ಯಾಲಯಕ್ಕೆ ಹೋಗಿ ಸೇರಿದ ವೆಲ್ಟ್’ಮನ್ 1981ರಲ್ಲಿ ತಾಯ್ನಾಡಿಗೆ ಮರಳಿದ ವಿಶ್ರಾಂತ ಜೀವನ ಸಾಗಿಸುತ್ತಿದ್ದಾನೆ.
ಹರ್ಬರ್ಟ್, ಕ್ರೊಯೆಮರ್ (1928--) 2000
Herbert , Kroemer
ಜರ್ಮನಿ -ಭೌತಶಾಸ್ತ್ರ- ಅಸಮ ರಾಚನಿಕ ಎಲೆಕ್ಟ್ರಾನಿಕ್ ಸಾಧನಗಳ ಕ್ರಾಂತಿಗೆ ಕಾರಣನಾದಾತ.
ಕ್ರೊಯೆಮರ್ 25 ಆಗಸ್ಟ್ 1928ರಂದು ವೀಮರ್ನಲ್ಲಿ ಜನಿಸಿದನು. ಈತನ ತಂದೆ ತಾಯಿಗಳು ಕುಶಲಕರ್ಮಿಗಳಾಗಿದ್ದು ತಮ್ಮಮಕ್ಕಳು ಅತ್ಯುತ್ತಮ ವಿದ್ಯಾಭ್ಯಾಸ ಹೊಂದಬೇಕೆಂದು ಹೆಬ್ಬಯಕೆ ಹೊಂದಿದ್ದರು. ಪಠ್ಯಕ್ರಮಗಳ ಏಕಾತನೆಯಿಂದ ಆಗಾಗ್ಗೆ ಬೇಸರಗೊಳ್ಳುತ್ತಿದ್ದ ಕ್ರೋಯೆಮರ್ ತುಂಟ ವಿದ್ಯಾರ್ಥಿಯೆಂದು ಶಾಲೆಯಲ್ಲಿ ಗುರುತಿಸಲ್ಪಟ್ಟಿದ್ದನು.
1947ರಲ್ಲಿ ಜೆನಾ ವಿಶ್ವವಿದ್ಯಾಲಯ ಸೇರಿದನು. ಬೇಸಿಗೆಯ ರಜಾ ದಿನಗಳಲ್ಲಿ ಬರ್ಲಿನ್ನ ಸೀಮೆನ್ಸ್ ಕಂಪನಿಯಲ್ಲಿ ಕೆಲಸ ಮಾಡಿದನು. ತನ್ನ ಪ್ರಾಧ್ಯಾಪಕರೊಬ್ಬರ ಶಿಫಾರಸ್ಸಿನ ಮೇರೆಗೆ ಗಟ್ಟಿಂಜೆನ್ನಲ್ಲಿದ್ದ ಮುಂದೆ 1989ರಲ್ಲಿ ನೊಬೆಲ್ ಪುರಸ್ಕೃತನಾದ ವೂಲ್ಫ್ ಗ್ಯಾಂಗ್ ಪೌಲ್ನನ್ನು ಬೇಟಿಯಾದನು. ಪೌಲ್, ಕನ್ನಡಿಯಲ್ಲಿ ಬಿಂಬ ಎಡ ಬಲವಾಗಿ ಬದಲಾಗುವುದೇ ಹೊರತು, ಮೇಲೆ ಕೆಳಗೆ ಏಕಲ್ಲ? ಎಂದು ಪ್ರಶ್ನಿಸಿದನು. ಇದಕ್ಕೆ ನಿಶ್ಚಿತ ಉತ್ತರ ಕ್ರೊಯೆಮರ್ಗೆ ತಿಳಿದಿರಲಿಲ್ಲ. ಇದರಿಂದ ಕ್ರೊಯೆಮರ್ಗೆ ತನ್ನ ಜ್ಞಾನದ ಇತಿಮಿತಿಗಳ ಅರಿವಾಯಿತು. ಆದರೆ ಕೆಲ ಸಮಯದ ನಂತರ ಪೌಲ್ನಿಂದ ಆಹ್ವಾನ ಬಂದಿತು. 1939ರಲ್ಲಿ ಘನದ ಮೇಲ್ಮೈಗಳ ವಾಹಕತೆ ಕುರಿತಾಗಿ ಸಂಶೋಧನೆ ನಡೆಸಿದನು. ಇಲ್ಲಿ ಕ್ರೋಯೆಮರ್ ಮಾರ್ಗದರ್ಶಕನಾಗಿದ್ದ ಸೌಟೆರ್ಗೆ ವಿದ್ಯಾರ್ಥಿಗಳು ದೀರ್ಘಕಾಲ ಯಾರೊಬ್ಬರ ಕೆಳಗೆ ಕೆಲಸ ಮಾಡುವುದನ್ನು ಒಪ್ಪುತ್ತಿರಲಿಲ್ಲ. ಸ್ವತಂತ್ರವಾಗಿ ಚಿಂತಿಸುವುದೇ ನಿಜವಾದ ವಿದ್ಯಾಭ್ಯಾಸವೆಂಬುದು ಸೌಟೆರ್ನ ಖಚಿತ ನಿಲುವಾಗಿದ್ದಿತು. ಆದ್ದರಿಂದ 24 ವರ್ಷ ತುಂಬುವುದರೊಳಗಾಗಿ ಕ್ರೊಯೆಮರ್ ಡಾಕ್ಟರೇಟ್ ಗಳಿಸಿದನು. 1952ರ ವೇಳೆಗೆ ಸೈದ್ಧಾಂತಿಕ ಭೌತಶಾಸ್ತ್ರಜ್ಞರಿಗೆ ವೃತ್ತಿಯ ಅವಕಾಶಗಳೇ ಇರಲಿಲ್ಲ. ಆದ್ದರಿಂದ ಕ್ರೊಯೆಮೆರ್ ಸೆಂಟ್ರಾಲ್ ಟೆಲೆಕಮ್ಯುನೀಕೇಷನ್ ಲ್ಯಾಬೋರೇಟರಿಯಲ್ಲಿ ಅರೆವಾಹಕಗಳ ಪರಿಣಿತನಾಗಿ ಸೇರಿದನು. ಈ ಸಂಸ್ಥೆಯಲ್ಲಿ ಎದುರಾಗುತ್ತಿದ್ದ ಸಮಸ್ಯೆಗಳಿಗೆ ಸೈದ್ಧಾಂತಿಕ ಪರಿಹಾರ ಒದಗಿಸುತ್ತಿದ್ದ ಕ್ರೊಯೆಮರ್ಗೆ ಅಸಮ ರಾಚನಿಕ ದ್ವಿಧೃವ ಟ್ರಾನ್ಸಿಸ್ಟರ್ ಪರಿಕಲ್ಪನೆ ಬಂದಿತು. 1954ರಲ್ಲಿ ಅಸಂಸಂ, ನ್ಯೂಜೆರ್ಸಿಯಲ್ಲಿ ಆರ್ಸಿಎ ಪ್ರಯೋಗಾಲಯ ಸೇರಿದನು. ಅಲ್ಲಿರುವಾಗ ಜರ್ಮೇನಿಯಂ, ಸಿಲಿಕಾನ್ ಮಿಶ್ರಲೋಹಗಳ ಉತ್ಸರ್ಜಕ ನಿರ್ಮಿಸಿದನು. 1963ರಲ್ಲಿ ಪೌಲೋ ಆಲ್ಟೋದಲ್ಲಿರುವ ವೇರಿಯನ್ ಅಸೋಸಿಯೇಟ್ಸ್ ಕಂಪನಿಯಲ್ಲಿ ಕೆಲಸ ಮಾಡಿದನು. ಈ ಸಮಯದಲ್ಲಿ ಸಾಮಾನ್ಯ ತಾಪಮಾನದಲ್ಲಿ ಹೊಸದಾಗಿ ಪ್ರಸ್ತಾವಿತಗೊಂಡಿರುವ ಡಯೋಡ್ ಲೇಸರ್ ಕಾರ್ಯನಿರ್ವಹಿಸದೆಂದು ಡಾ ಸಾಲ್ ಮಿಲ್ಲರ್ ವಿವರಿಸಿದನು. ಇದನ್ನು ಒಪ್ಪದ ಕ್ರೊಯೆಮರ್, ಲೇಖನವೊಂದನ್ನು ಪ್ರಕಟಿಸಿದನು. ಅಸಮ ರಾಚನಿಕ ಎಲೆಕ್ಟ್ರಾನಿಕ್ ಸಾಧನಗಳ ಕ್ರಾಂತಿಗೆ ಕ್ರೊಯೆಮರ್ ನೀಡಿದ ಕೊಡುಗೆಗಳಿಗಾಗಿ 2000ರಲ್ಲಿ ನೊಬೆಲ್ ಪ್ರಶಸ್ತಿಯಿಂದ ಪುರಸ್ಕರಿಸಲಾಯಿತು.
ಜಾಕ್, ಎಸ್. ಕಿಲ್ಬಿ (1923--) 2000
Jack , S. Kilby
ಅಸಂಸಂ-ಇಂಜಿನಿಯರ್-ಆಧುನಿಕ ಎಲೆಕ್ಟ್ರಾನಿಕ್ಸ್ ಕ್ರಾಂತಿಗೆ ಕಾರಣವಾದ ಸಮಗ್ರಗೊಳಿತ ಮಂಡಲಗಳನ್ನು ( Integradted Circuits) ಪರಿಚಯಿಸಿದಾತ.
ಅಕ್ರ್ಯಾನ್ಸೆನ್ ನದಿ ಬಾಗುವ ದಂಡೆಯ ಮೇಲಿರುವ ಪಟ್ಟಣವಾದ ಕ್ಯಾನ್ಸಾಸ್ನಲ್ಲಿ 1923ರಲ್ಲಿ ಕಿಲ್ವಿ ಜನಿಸಿದನು. ಕಿಲ್ವಿಯ ತಂದೆ ಹವ್ಯಾಸಿ ರೇಡಿಯೋ ಬಳಕೆದಾರನಾಗಿದ್ದನು. ಇದರಿಂದ ಕಿಲ್ವಿಗೆ ಎಲೆಕ್ಟ್ರಾನಿಕ್ಸ್ನಲ್ಲಿ ಆಸಕ್ತಿ ಮೂಡಿತು. ಪ್ರೌಢ ಶಿಕ್ಷಣ ಮುಗಿಸಿದ ಕಿಲ್ವಿ ಇಲಿನಾಯ್ “ವಿಶ್ವವಿದ್ಯಾಲಯದಲ್ಲಿ ವೈದ್ಯುತ್ ಇಂಜಿನಿಯರಿಂಗ್ ಪದವಿಗೆ ಸೇರಿದನು. 1947ರಲ್ಲಿ ಕಿಲ್ವಿ ಇಂಜಿನಿಯರಿಂಗ್ ಪದವಿಯೊಂದಿಗೆ ಹೊರ ಬಂದಾಗ, ಬೆಲ್ ಪ್ರಯೋಗಾಲಯ ಟ್ರಾನ್ಸಿಸ್ಟರ್ಗಳ ಉಪಜ್ಞೆಯನ್ನು ಸಾರಿ, ನಿರ್ವಾತ ನಳಿಕೆಗಳು (Vaccum Tubes) ಇಲ್ಲವಾಗುವ ದಿನಗಳನ್ನು ಸಾರಿತು. ವಿಸ್ಕಾನ್ಸಿನ್ನಲ್ಲಿನ ರೇಡಿಯೋ ತಯಾರಿಕಾ ಕಂಪನಿ ಸೇರಿ ಕಿಲ್ವಿ ವೃತ್ತಿ ಜೀವನ ಪ್ರಾರಂಭಿಸಿದನು. ವಿಸ್ಕಾನ್ಸಿನ್ ವಿಶ್ವವಿದ್ಯಾಲಯ ನಡೆಸುತ್ತಿದ್ದ ಸಂಜೆ ತರಗತಿಗಳಿಗೆ ಹಾಜರಾಗಿ ವೈದ್ಯುತ್ ಇಂಜಿನಿಯರಿಂಗ್ನಲ್ಲಿ ಸ್ನಾತಕೋತ್ತರ ಪದವಿ ಗಳಿಸಿದನು. ಟ್ರಾನ್ಸಿಸ್ಟರ್ಗಳಿಂದ ಸಮಗ್ರ ಮಂಡಲಗಳನ್ನು ರಚಿಸುವುದು ಸಾಧ್ಯವೆಂದು ತಿಳಿದು ಬಂದಿತು. ಮಿಲಿಟರಿ ಹಾಗೂ ಗಣಕ ತಯಾರಿಕೆ ಕಂಪನಿಗಳು ಈ ದಿಶೆಯಲ್ಲಿ ಕಾರ್ಯೋನ್ಮುಖವಾದವು. ಟೆಕ್ಸಾಸ್ ಇನ್ಸ್ಟ್ರುಮೆಂಟ್ ಸಂಸ್ಥೆ ಈ ಹೊಸ ಸಾಧ್ಯತೆಯನ್ನು ಹಲವಾರು ಕ್ಷೇತ್ರಗಳಿಗೆ ಹಿಗ್ಗಿಸುವ ಯೋಜನೆಯಲ್ಲಿದ್ದಿತು. ಇಲ್ಲಿ ಸೇರಿದ ಕಿಲ್ಬಿ ಜಗತ್ತಿನ ಮೊಟ್ಟ ಮೊದಲ ಕರಲೀನ ಕ್ಯಾಲ್ಕುಲೇಟರ್ (Handheld Calculator) ಹಾಗೂ ಶಾಖ ಮುದ್ರಕ (Thermal Printer) ಉಪಜ್ಞಾ ತಂಡದ ಸದಸ್ಯನಾಗಿ ಯಶಸ್ವಿಯಾದನು. 1970ರಲ್ಲಿ ಟೆಕ್ಸಾಸ್ ಇನ್ಸ್ಟ್ರುಮೆಂಟ್ ಕಂಪನಿಯಿಂದ ವೇತನರಹಿತ ರಜೆ ಪಡೆದ ಕಿಲ್ವಿ ಸಿಲಿಕಾನ್ ತಂತ್ರಜ್ಞಾನ ಬಳಸಿ ಸೂರ್ಯನ ಬಿಸಿಲಿನಿಂದ ವಿದ್ಯುತ್ ಉತ್ಪಾದಿಸುವ ನಿಟ್ಟಿನಲ್ಲಿ ಕಾರ್ಯೋನ್ಮುಖನಾದನು. 1978ರಿಂದ 1984 ರವರೆಗೆ ಟೆಕ್ಸಾಸ್ನ ಎ ಅಂಡ್ ಎಂ ವಿಶ್ವವಿದ್ಯಾಲಯದಲ್ಲಿ ವೈದ್ಯುತ್ ಇಂಜಿನಿಯರಿಂಗ್ನ ಪ್ರಾಧ್ಯಾಪಕನಾದನು. ಟ್ರಾನ್ಸಿಸ್ಟರ್ಗಳನ್ನು ಬಳಸಿ ಸಮಗ್ರ ಮಂಡಳಗಳನ್ನು ನಿರ್ಮಿಸಿ, ವಾಣಿಜ್ಯ ಮಟ್ಟದಲ್ಲಿ ಎಲೆಕ್ಟ್ರಾನಿಕ್ಸ್ ಕ್ರಾಂತಿಗೆ ಕಾರಣವಾದ ಅನ್ವಯಿಕ ಭೌತಶಾಸ್ತ್ರಕ್ಕೆ ಕಿಲ್ವಿ ನೀಡಿದ ಕೊಡುಗೆ ಗಮನಿಸಿ, ಜಾಕ್ ಕಿಲ್ಬಿಯನ್ನು 2000ರ ನೊಬೆಲ್ ಪ್ರಶಸ್ತಿಯಿಂದ ಪುರಸ್ಕರಿಸಲಾಯಿತು.
ಝೆರೆಸ್ ಐ ಅಲ್ಫೆರೊವ್ (1923--) 2000
Zhores , I. Alferov
ರಷ್ಯಾ-ಇಂಜಿನಿಯರ್-ಅರೆವಾಹಕಗಳ ಸಂಶೋಧನೆಯ ಮುಂಚೂಣಿಗ.
ಅಲ್ಫೆರೊವ್ನ ತಂದೆ ಹಾಗೂ ತಾಯಿ 1912ರಲ್ಲಿ ಬೈಲೋ ರಷ್ಯಾದಿಂದ ಸೇಂಟ್ ಪೀಟರ್ಸ್ಬರ್ಗ್ಗೆ ಬಂದು ನೆಲೆಸಿದ್ದರು. ಈತ ರಷ್ಯಾದ ಕ್ರಾಂತಿಯಲ್ಲಿ ಹಾಗೂ ಮೊದಲನೆ ಜಾಗತಿಕ ಯುದ್ದದಲ್ಲಿ ಭಾಗವಹಿಸಿದ್ದನು. 1935ರಲ್ಲಿ ಕೈಗಾರಿಕಾ ತರಬೇತು ಪಡೆದು ಸರ್ಕಾರಿ ನೌಕರಿಗಾಗಿ , ಊರಿಂದ ಊರಿಗೆ ವರ್ಗವಾಗುತ್ತಿರುವಾಗ ಅಲ್ಫೆರೊವ್ ಜನಿಸಿದನು. ಅಲ್ಫೆರೊವ್ ಅಣ್ಣ ಜೂನ್ 21, 1941ರಲ್ಲಿ ಪ್ರೌಢಶಿಕ್ಷಣ ಮುಗಿಸಿದನು. ಅದರ ಮರುದಿನವೇ ರಷ್ಯಾ ನಾಝಿಗಳ ಆಕ್ರಮಣಕ್ಕೊಳಗಾಯಿತು. ಆಗ ಅವನು ಸಿಡಿ ಮದ್ದಿನ ತಯಾರಿಕೆಯ ಕಾರ್ಖಾನೆಗೆ ಸೇರಿ ದೇಶದ ಸ್ವಾತಂತ್ರ್ಯ ರಕ್ಷಣೆಗಾಗಿ ಹೋರಾಡಿದನು. ಇದು ಅಲ್ಫೆರೊವ್ನ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿಯಿತು. ಯುದ್ದದಿಂದ ಜರ್ಝರಿತವಾಗಿದ್ದ ಮಿನ್ಸ್ಕ್ ಸಿಟಿಯಲ್ಲಿ ಅಲ್ಫೆರೊವ್ ಶಿಕ್ಷಣ ಮುಂದುವರೆಯಿತು. ನಂತರ ಲೆನಿನ್ಗ್ರ್ಯಾಡ್ನ ಉಲ್ ಯಾನೊವ್ ಎಲೆಕ್ಟ್ರೋಟೆಕ್ನಿಕಲ್ ಇನ್ಸ್ಟಿಟ್ಯೂಟ್ನಲ್ಲಿ ಎಲೆಕ್ಟ್ರಾನಿಕ್ಸ್ ಹಾಗೂ ರೇಡಿಯೋ ತಂತ್ರಜ್ಞಾನದಲ್ಲಿ ಶಿಕ್ಷಣ ಪಡೆಯಲು ಅಲ್ಫೆರೊವ್ ಪ್ರವೇಶ ಪಡೆದನು. ಇಲ್ಲಿ ಬಿಸ್ಮತ್ ಟೆಲ್ಯುರೈಡ್ ಸಂಯುಕ್ತಗಳ ದ್ಯುತಿಪಟುತ್ವವನ್ನು (Photoactivity) ಕುರಿತಾಗಿ ಅಲ್ಫೆರೊವ್ ಅಧ್ಯಯನ ನಡೆಸಿದನು. 1952ರಲ್ಲಿ ಫಿûಸಿಕೊ-ಟೆಕ್ನಿಕಲ್ ಇನ್ಸ್ಟಿಟಿಟ್ಯೂಟ್ ಸೇರಿ ಪಿ.ಎನ್ ಸಂಧಿಗಳಲ್ಲಿ (P-N junctions) ಟ್ರಾನ್ಸಿಸ್ಟರ್ ನಿರ್ಮಿಸುವ ತಂಡದ ಸದಸ್ಯನಾದನು. ಇಲ್ಲಿ ಅರೆವಾಹಕ ತಂತ್ರಜ್ಞಾನದಲ್ಲಿ ಖ್ಯಾತರಾಗಿದ್ದ ವಿಜ್ಞಾನಿಗಳ ದಂಡೇ ಇದ್ದಿತು. ಈ ತಂಡ ಟ್ರಾನ್ಸಿಸ್ಟರ್ ಆಧಾರಿತ ಎಲೆಕ್ಟ್ರಾನಿಕ್ ಮಂಡಲಗಳನ್ನು (Circuits) ಆ ಮೂಲಕ ಸಾಧನಗಳನ್ನು ನಿರ್ಮಿಸಿತು. ಅಲ್ಪ ಕಾಲದಲ್ಲೇ ಇವರು ಸೋವಿಯತ್ ರಷ್ಯಾದ ಮೊದಲ ಜರ್ಮೇನಿಯಂ ಶೋಧಕ (Germanium Filter) ಜರ್ಮೇನಿಯಂ ದ್ಯುತಿ ಡಯೋಡ್ಗಳನ್ನು (Filter/Rectifier) ನಿರ್ಮಿಸಿದರು. 1958ರಲ್ಲಿ ಸೋವಿಯತ್ ರಷ್ಯಾದ ಪರಮಾಣು ಚೈತನ್ಯ ಆಧಾರಿತ ಜಲಾಂತರ್ಗಾಮಿಯನ್ನು ನಿರ್ಮಿಸುವ ಯೋಜನೆಯನ್ನು ಕೈಗೊಳ್ಳಲಾಯಿತು. ಈ ಯೋಜನೆಗೆ ಫಿಸಿಕೋ ಟೆಕ್ನಿಕಲ್ ಇನ್ಸಿಟಿಟ್ಯೂಟ್ನಿಂದ ಆಲ್ಫೆರೊವ್ ಸದಸ್ಯನಾಗಿದ್ದ ತಂಡವನ್ನು ಎಲೆಕ್ಟ್ರಿಕಲ್ ನಿಯಂತ್ರಣ ಸಾಧನಗಳನ್ನು ವಿನ್ಯಾಸಿಸಲು ನಿಯೋಜಿಸಲಾಯಿತು. 1961ರಲ್ಲಿ ಆಲ್ಫೆರೊವ್ ಜರ್ಮೇನಿಯಂ ಅರೆವಾಹಕ ಟ್ರಾನ್ಸಿಸ್ಟರ್ಗಳ ಮೇಲೆ ಸಂಪ್ರಬಂಧ ಮಂಡಿಸಿ ಡಾಕ್ಟರೇಟ್ ಗಳಿಸಿದನು. ಅಲ್ಫೆರೊವ್ 1969ರ ವೇಳೆಗೆ ಫಿûಸಿಕೋಟೆಕ್ನಿಕಲ್ ಇನ್ಸ್ಟಿಟ್ಯೂಟ್ನಲ್ಲಿ ಹಿರಿಯ ಸಹಾಯಕ ಸಂಶೋಧಕವಾದನು. ಈ ಕಾಲದಲ್ಲೇ ಟ್ರಾನ್ಸಿಸ್ಟರ್ನ್ನು ಲೇಸರ್, ಸೌರಕೋಶ, ಲೇಸರ್ ಇತ್ಯಾದಿಗಳೊಂದಿಗೆ ಸಮನ್ವಯಗೊಳಿಸುವ ಕೆಲಸಗಳು ಯಶಸ್ಸನ್ನು ಕಂಡವು. 1969ರಲ್ಲಿ ಅಸಂಸಂಗಳಿಗೆ ಭೇಟಿ ನೀಡಿದ ಅಲ್ಫೆರೊವ್ ಡೆಲಾವರ್ನಲ್ಲಿ ನಡೆದ ಅಂತಾರಾಷ್ಟ್ರೀಯ ಸಮ್ಮೇಳನದಲ್ಲಿ ಸಾಮಾನ್ಯ ತಾಪಮಾನದಲ್ಲಿರುವ ಲೇಸರ್ ಉತ್ಪಾದನೆಯ ಬಗೆಗೆ ಭಾಷಣ ಮಾಡಿದನು. ನಂತರ ಬೆಲ್ ಪ್ರಯೋಗಾಲಯಗಳಿಗೆ ಭೇಟಿ ನೀಡಿದನು. ಇಲ್ಲಿ ರಷ್ಯಾ ಹಾಗೂ ಆಸಂಸಂದ ವಿಜ್ಞಾನಿಗಳ ಮಧ್ಯೆ ಇರುವ ಸಾಮ್ಯ, ವೈದೃಶ್ಯ ಹಾಗೂ ಸ್ಪರ್ದೆಗಳನ್ನು ಅರಿತನು. ದೃಗ್ ರಜ್ಜುವಿನಲ್ಲಿ ಬೆಳಕನ್ನು ಕಳಿಸುವ ವಿಧಾನಗಳಲ್ಲಿ ಅಲ್ಫೆರೊವ್ ತಂಡ ಗಮನಾರ್ಹ ಯಶಸ್ಸನ್ನು ಕಂಡಿತು. 1970-1971ರಲ್ಲಿ ಅಸಂಸಂ ಇಲಿನಾಯ್ ವಿಶ್ವವಿದ್ಯಾಲಯದಲ್ಲಿ ಅಲ್ಫೆರೊವ್, ಅರೆವಾಹಕಗಳನ್ನು ಕುರಿತಾಗಿ ಸಂಶೋಧನೆ ನಡೆಸಿದನು. ಇಲ್ಲಿ ನಿಕ್ ಹೋಲೊನ್ಯಾಕ್ನ ಸ್ನೇಹ ದಕ್ಕಿತು. ನಿಕ್ ಹೊಲೊನ್ಯಾಕ್ ದೃಗ್ಗೋಚರ ಅರೆವಾಹಕ ಲೇಸರ್ ಹಾಗೂ ದ್ಯುತಿ ಉತ್ಸರ್ಜಕ ಡಯೋಡ್ (Photo Emmitting Diode) ಉಪಜ್ಞಿಸಿದಾತ. ಇದೇ ವರ್ಷ ಅಲ್ಫೆರೊವ್ಗೆ ಅಸಂಸಂ ಫಾ್ರಂಕ್ಲಿನ್ ಸಂಸ್ಥೆಯ ಸ್ವರ್ಣ ಪದಕ ದಕ್ಕಿತು. 1972ರಲ್ಲಿ ಅಲ್ಫೆರೋವ್ ಹಾಗೂ ಸಂಗಡಿಗರಿಗೆ ಸೋಷಿಯತ್ ರಷ್ಯಾದ ಅತ್ಯುನ್ನತ ವಿಜ್ಞಾನ ಪ್ರಶಸ್ತಿಯಾದ ಲೆನಿನ್ ಪ್ರಶಸ್ತಿ ದಕ್ಕಿತು. ಮುಂದೆ ಕ್ವಾಂಟಂ ಬಿಂದು ರಚನೆಗಳ (Quantum Point Structures) ಅಧ್ಯಯನಕ್ಕೆ ಜಗತ್ತಿನಾದ್ಯಂತ ಒಲವು ಮೂಡಿತು. ಈ ಕ್ಷೇತ್ರದಲ್ಲಿ ಅಲ್ಫೆರೊವ್ ಹಾಗೂ ಶಿಷ್ಯಂದಿರು ಗಮನಾರ್ಹ ಸಾಧನೆ ಮಾಡಿದ್ದಾರೆ. ಅರೆ ವಾಹಕಗಳ ಕ್ಶೇತ್ರದಲ್ಲಿನ ಅಲ್ಫೆರೊವ್ ಸಾಧನೆಗಾಗಿ 2000ರಲ್ಲಿ ನೊಬೆಲ್ ಪ್ರಶಸ್ತಿ ನೀಡಲಾಯಿತು.
Pierre - Gilles de Gennes
ಫ್ರಾನ್ದ್-ಇಂಜಿನಿಯರ್-ಸಮತಲಗಳ ಅಂತಕ್ರಿಯೆ , ಸಂಲಗ್ನತೆ, ಸಂಸ್ನಿಗ್ಧತೆಗಳನ್ನು ಕುರಿತಾಗಿ ಸಂಶೊಧಿಸಿದಾತ.
ಪೀರೆ 1932ರಲ್ಲಿ ಪ್ಯಾರಿಸ್ನಲ್ಲಿ ಜನಿಸಿದನು. 1955ರಲ್ಲಿ ಎಕೊಲೆ ನಾರ್ಮಲೆಯಿಂದ ಪದವಿ ಗಳಿಸಿದನು. 1959ರಿಂದ 1959ರವರೆಗೆ ಸಾಕ್ಲೆಯಲ್ಲಿರುವ ಪರಮಾಣು ಚೈತನ್ಯ ವಿಭಾಗದಲ್ಲಿ ಸಂಶೋಧಕ ಇಂಜಿನಿಯರ್ ಆಗಿದ್ದನು. ಇಲ್ಲಿ ಕಾಂತತ್ವ ಹಾಗೂ ನ್ಯೂಟ್ರಾನ್ ಚದುರಿಕೆಯನ್ನು ಕುರಿತಾಗಿ ಅಧ್ಯಯನ ಮಾಡಿದನು. 1959ರಲ್ಲಿ ಬಕ್ರ್ಲೆಯಲ್ಲಿ ಕೆಲಸ ಮಾಡಿದನು. ಇದಾದ ನಂತರ ಫ್ರಾನ್ಸ್’ಗೆ ಮರಳಿ, ಸುಮಾರು ಎರಡು ವರ್ಷಗಳ ಕಾಲ ಫ್ರೆಂಚ್ ನೌಕಾದಳದಲ್ಲಿ ಸೇವೆ ಸಲ್ಲಿಸಿದನು. 1961ರಲ್ಲಿ ಓರ್ಸೆಯಲ್ಲಿ ಸಹಾಯಕ ಪ್ರಾಧ್ಯಾಪಕನಾದ ಪೀರೆ ಕೆಲ ಕಾಲದಲ್ಲೇ ಓರ್ಸೆ ಸಂಘ ಸ್ಥಾಪಿಸಿ, ಅತಿರಿಕ್ತ ವಾಹಕಗಳ (Hyper Conductors) ಅಧ್ಯಯನ ನಡೆಸಿದನು. 1968ರಲ್ಲಿ ದ್ರವ ಸ್ಪಟಿಕಗಳ ಸಂಶೋಧನೆಗೆ ತೊಡಗಿದನು. 1971ರಲ್ಲಿ ಕಾಲೇಜೆ ಡೆ ಫ್ರಾನ್ಸ್’ನಲ್ಲಿ ಪ್ರಾಧ್ಯಾಪಕನಾದನು. 1980ರಿಂದ, ಸಮತಲಗಳ ಅಂತಕ್ರಿಯೆ, ಅವುಗಳು ಒದ್ದೆಯಾಗುವ ವಿದ್ಯಾಮಾನ, ಅಂಟುವ ಕ್ರಿಯೆಯ ಹಿಂದಿರುವ ಭೌತಿಕ ಹಾಗೂ ರಾಸಾಯನಿಕ ಕಾರಣಗಳತ್ತ ಆಕರ್ಷಿತನಾದನು. ಬ್ರಿಟಿಷ್ ಹಾಗೂ ಫ್ರೆಂಚ್ ಫಿಸಿಕಲ್ ಸೊಸೈಟಿಗಳ ಜಂಟಿಯಾದ ಹೊಲ್ವೆಕ್ ಪ್ರಶಸ್ತಿ ಪಡೆದ ಪೀರೆ, ಫ್ರೆಂಚ್ ಅಕಾಡೆಮಿ ಆಫ್ ಸೈನ್ಸಸ್ ಸ್ವರ್ಣ ಪದಕ ಸಹ ಪಡೆದನು. 1976ರಿಂದ 2000ರವರೆಗೆ ಪೀರೆ ಎಕೊಲೆ ಡೆ ಫಿಸಿಕ್ ಎಟ್ ಷಾಮಿಯ ನಿರ್ದೇಶಕನಾದನು. ಈ ಸಂಸ್ಥೆ ಇಂಜಿನಿಯರ್ಗಳನ್ನು ಭೌತ ಹಾಗೂ ರಸಾಯನಶಾಸ್ತ್ರದಲ್ಲಿ ಸಂಶೋಧನೆ ಮಾಡಲು ಉತ್ತೇಜಿಸುತ್ತದೆ. ಪೀರೆ, ಮೇಲೈ ಹಾಗೂ ಸಮತಲಗಳ ಅಂತಕ್ರಿಯೆ ಸಂಲಗ್ನತೆ (Cohesion), ಸಂಸ್ನಿಗ್ಧತೆಗಳ (Viscosity) ಮೇಲೆ ನಡೆಸಿದ ಸಂಶೋಧನೆಗಳು ಜೀವಶಾಸ್ತ್ರದಲ್ಲಿ, ಕೋಶಗಳ ಕಾರ್ಯವಿಧಾನ ಅರಿಯಲು ನೆರವಾದವು. ಇದಕ್ಕಾಗಿ ಪೀರೆ 1991ರಲ್ಲಿ ನೊಬೆಲ್ ಪ್ರಶಸ್ತಿಗೆ ಪಾತ್ರವಾದನು. ಪೀರೆ, ಈಗ ಪ್ಯಾರಿಸ್ನಲ್ಲಿರುವ ಅಂತರ್ ಶಿಸ್ತೀಯ ಕೇಂದ್ರ ಹಾಗೂ ಕ್ಯಾನ್ಸರ್ ಆಸ್ಪತ್ರೆ ಹೊಂದಿರುವ ಕ್ಯೂರಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾನೆ. ಪ್ರೌಢಶಾಲೆಗಳಿಗೆ ಹೋಗಿ, ಬಾಲಕರಲ್ಲಿ ವಿಜ್ಞಾನದ ಬಗೆಗೆ ಆಸಕ್ತಿ ಮೂಡುವಂತಹ ಕಾರ್ಯಕ್ರಮಗಳನ್ನು ನೀಡುವುದು ಪೀರೆಯ ನೆಚ್ಚಿನ ಹವ್ಯಾಸವಾಗಿದೆ.ಲೇಖಕರು : ಎನ್.ಶಂಕರಪ್ಪ ತೋರಣಗಲ್ಲು
ಜಾರ್ಜ್, ಚಾರ್ಪಾಕ್ (1946--) 1992
Georgges , Charpak
ಪೋಲೆಂಡ್-ಭೌತಶಾಸ್ತ್ರ- ಕಣಗಳ ಪತ್ತೆ ಹಚ್ಚುವ ತಂತ್ರಗಳ ಅಭಿವೃದ್ಧಿಗೆ ಶ್ರಮಿಸಿದಾತ.
ಜಾರ್ಜ್ 1 ಆಗಸ್ಟ್ 1924ರಲ್ಲಿ ಡೆಬ್ರೊವಿಕಾ ಪಟ್ಟಣದಲ್ಲಿ ಜನಿಸಿದನು. ಫ್ರಾನ್ಸ್’ನ ಲೈಸಿಸೇಂಟ್ ಲೂಯಿಸ್ ಹಾಗೂ ಲೈಸೀ ಡೆ ಮೌಂಟ್ ಪೆಲ್ಲರ್ಗಳಲ್ಲಿ ಶಿಕ್ಷಣ ಗಳಿಸಿ, ಪ್ಯಾರಿಸ್ನ ಎಕೊಲೆ ಡೇ ಮೈನ್ಸ್ನಿಂದ 1948ರಲ್ಲಿ ಪದವಿ ಗಳಿಸಿದನು. 1946ರಲ್ಲಿ ಫ್ರಾನ್ಸ್’ನ ನಾಗರಿಕನಾದನು. ಇದಾದ ನಂತರ ಕಾಲೇಜ್ ಡೆ ಫ್ರಾನ್ಸ್’ನಲ್ಲಿ ಸಂಶೋಧಕನಾಗಿ ಸೇರಿ, ಬೈಜಿಕ ಭೌತಶಾಸ್ತ್ರದಲ್ಲಿ ವಿಸ್ತೃತ ಅಧ್ಯಯನ ನಡೆಸಿ, ಡಾಕ್ಟರೇಟ್ ಗಳಿಸಿದನು. 1960ರಲ್ಲಿ ಮ್ಯುಯಾನ್ನ ಕಾಂತೀಂಯ ಭ್ರಾಮ್ಯತೆಯನ್ನು (Magnetic Moment) ಅಳೆಯಲು ರೂಪಿಸಿದ್ದ ಮೊಟ್ಟ ಮೊದಲ ಪ್ರಯೋಗದಲ್ಲಿ ಭಾಗಿಯಾದನು. ಜಾರ್ಜ್ ಕ್ಷ ಕಿರಣ ವಿವರ್ತನ ನೆರವಿನಿಂದ ಗೋಳೀಯ ಪಲ್ಲಟ ಕೋಠಿಯಲ್ಲಿ ಪೆÇ್ರೀಟೀನ್ಗಳ ರಾಚನಿಕ ಸ್ವರೂಪ ನಿರ್ಧರಿಸುವ ಹೊಸ ವಿಧಾನ ಪರಿಚಯಿಸಿದನು. 1979 ರಿಂದ 1989ರ ದಶಕದ ಅವಧಿಯಲ್ಲಿ ಅಯಾನೀಕರಣಗೊಂಡ ವಿಕರಣತೆಯ ಬಿಂಬ ಪಡೆಯಲು ಪ್ರೋಟಾನ್ ಎಣಿಕೆಕಾರಗಳನ್ನು (Counter) ಬಳಸಿದನು. ನಂತರ ಜೀವ ವೈದ್ಯಕೀಯ ಸಂಶೋಧನೆಗಾಗಿ ಸ್ಪಷ್ಟವಾದ ಬಿಂಬಗಳನ್ನು ಪಡೆಯುವ ತಂತ್ರಗಳನ್ನು ಪರಿಚಯಿಸುವಲ್ಲಿ ಗಣನೀಯ ಪಾತ್ರ ವಹಿಸಿದನು. ಕಣಗಳ ಪತ್ತೆ ಹಚ್ಚುವ ತಂತ್ರಗಳ ಅಭಿವೃದ್ಧಿಯಲ್ಲಿನ ಸಾಧನೆಗಾಗಿ 1992ರಲ್ಲಿ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿ, ಜಾರ್ಜ್ಗೆ ನೀಡಲಾಯಿತು.
ಜೋಸೆಫ್. ಎಚ್ ಟೇಲರ್ (1941--) 1993
Joseph , H.Taylor
ಅಸಂಸಂ-ಖಗೋಳಶಾಸ್ತ್ರ-ರೇಡಿಯೋ ಖಗೋಳ ಶಾಸ್ತ್ರದಲ್ಲಿ ಹೊಸ ತಂತ್ರಗಳನ್ನು ಪರಿಚಯಿಸಿದಾತ.
ಜೋಸೆಫ್29 ಮಾರ್ಚ್ 1941ರಂದು ಪೆನ್ಸಿಲ್ವೇನಿಯಾದ ಫಿಲೆಡೆಲ್ಫಿಯಾದಲ್ಲಿ ಜನಿಸಿದನು. ಜೋಸೆಫ್ಏಳು ವರ್ಷದವನಿರುವಾಗ ಆತನ ಕುಟುಂಬ ನ್ಯೂಜರ್ಸಿಯ ಸಿನ್ನಾಮಿನ್ಸನ್ ಪಟ್ಟಣಕ್ಕೆ ಹೋಗಿ ನೆಲೆಸಿತು. ಇಲ್ಲಿ ಡೆಲಾವೇರ್ ನದಿ ದಂಡೆಯ ತಾತನ ತೋಟದಲ್ಲಿ ಜೋಸೆಫ್ಹಾಗೂ ಇನ್ನಿತರ ಎಂಟು ಜನ ದಾಯಾದಿಗಳು ಮುಕ್ತ ವಾತಾವರಣದಲ್ಲಿ ಬೆಳೆದರು. ಬಾಲಕನಾಗಿದ್ದ ಜೋಸೆಫ್ಅಣ್ಣಂದಿರೊಂದಿಗೆ ಹವ್ಯಾಸಿ ರೇಡಿಯೋ ಕೇಂದ್ರ ಸ್ಥಾಪಿಸಿದ್ದನು. ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಮೂರ್ಸಟಾನ್ ಫೆ್ರಂಡ್ಸ್ ಸ್ಕೂಲ್ನಲ್ಲಿ ಪೂರ್ಣಗೊಳಿ¸, ಹೇವರ್ ಫೋರ್ಡ್ ಕಾಲೇಜನ್ನು ಸೇರಿದನು. ಹಿಎಯ ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಯೋಗಗಳನ್ನು ಗಮನಿಸಿದ ಜೋಸೆಫ್ತನ್ನದೇ ಆದ ರೂಕ್ಷ ರೇಡಿಯೋ ದೂರದರ್ಶಕ ನಿರ್ಮಿಸಿಕೊಂಡಿದ್ದನು. ಮುಂದೆ ಹಾವರ್ಡ್ನ ಖಗೋಳಶಾಸ್ತ್ರ, ವಿಭಾಗ ಸೇರಿ ಅಲ್ಲಿ ಅಲ್ಯನ್ ಮಾಕ್ಸಾವೇಲ್ನ ಮಾರ್ಗದರ್ಶನದಲ್ಲಿ ರೇಡಿಯೋ ಖಗೋಳಶಾಸ್ತ್ರ ಒಳ ಹೊರಗುಗಳನ್ನು ಅರಿತನು. ಎಂ.ಐ.ಟಿ ಹಾಗೂ ಪ್ರಿನ್ಸ್ಟನ್ನಲ್ಲಿ ಖ್ಯಾತ ಖಗೋಳಶಾಸ್ತ್ರದೊಂದಿಗೆ ಕೆಲಸಮಾಡುವ ಅವಕಾಶ ಜೋಸೆಫ್’ಗೆ ದಕ್ಕಿತು. ಇಲ್ಲಿ ಜೋಸೆಫ್ರೇಡಿಯೋ ಖಗೋಳಶಾಸ್ತ್ರದ ತತ್ವ , ದತ್ತ ಸಂಕೇತಗಳ ವಿಶ್ಲೇಷಣೆ, ಗಣಿತೀಯ ಅರ್ಥೈಸಿಕೆಯಲ್ಲಿ ಪರಿಣಿತಿ ಗಳಿಸಿದನು. ಪಲ್ಸಾರ್ ತಾರೆಗಳಿಂದ ದಕ್ಕಿದ ಸಂಜ್~ಗಳ ಪರಿಷ್ಕರಣೆಯಲ್ಲಿ ಮತ್ತು ಪಲ್ಸಾರ್ಗಳನ್ನು ಅರಿಯುವಲ್ಲಿ ಜೋಸೆಫ್ಪರಿಚಯಿಸಿದ ತಂತ್ರಗಳು ಮನ್ನಣೆ ಗಳಿಸಿದವು. ಇದಕ್ಕಾಗಿ ಜೋಸೆಫ್ 1993ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು. ಈಗಿನ ಯುವಕರು ಸಂಶೋಧನೆಗಳಿಗಿಂತಲೂ ತಮ್ಮ ಭವಿಷ್ಯ , ತಾವು ಕೆಲಸ ಮಾಡುವ ಸಂಸ್ಥೆಯ ಪ್ರತಿಷ್ಟಿತತೆ, ಮಾರ್ಗದರ್ಶಕರ ಖ್ಯಾತಿಯನ್ನು ಗಂಭೀರವಾಗಿ ಪರಿಗಣಿಸುತ್ತಿರುವರೆಂಬ ವಿಷಾದ ವ್ಯಕ್ತಪಡಿಸಿದ್ದಾನೆ.
ರಸೆಲ್, ಹಲ್ಸ್ (1950--) 1993
Russel , Hulse
ಅಸಂಸಂ-ಭೌತಶಾಸ್ತ್ರ-ಹೊಸ ಬಗೆಯ ಪಲ್ಸಾರ್ಗಳ ಹಾಗೂ ಗುರುತ್ವದ ವಿಕಿರಣತೆಯ ಅನಾವರಣಗೊಳಿಸಿದಾತ.
ಹಲ್ಸ್, 28 ನವೆಂಬರ್ 1950ರಲ್ಲಿ ನ್ಯೂಯಾರ್ಕ್ನಲ್ಲಿ ಜನಿಸಿದನು. ಚಿಕ್ಕಂದಿನಿಂದಲೇ ಬಾಹ್ಯ ಜಗತ್ತನ್ನು ಕುರಿತಾಗಿ ಹಲ್ಸ್ ಅಪಾರ ಕುತೂಹಲ ಹೊಂದಿದ್ದನು. ಈತನ ವೈಜ್ಞಾನಿಕ ಹಂಬಲಕ್ಕೆ ತಂದೆ, ತಾಯಿಯ ಪ್ರೋತ್ಸಾಹ ದಕ್ಕಿತು. ಹಲ್ಸ್ ಪ್ರೌಢಶಾಲೆಗೆ ಬರುವ ವೇಳೆಗೆ ಭೌತ, ರಸಾಯನ, ಜೀವಶಾಸ್ತ್ರ ಗಣಿತಗಳಲ್ಲಿ ಅಪಾರ ಆಸಕ್ತಿ ಹೊಂದಿದ್ದನು. ಇಂತಹ ಕುತೂಹಲ, ಹೊಂದಿದ್ದ ಹಲ್ಸಗೆ ಶಾಲಾ ಪಠ್ಯಕ್ರಮ, ಚಟುವಟಿಕೆ ಆಕರ್ಷಕವಾಗಿ ಕಾಣುತ್ತಿರಲಿಲ್ಲ. ತಂದೆ ತಾಯಿಗಳಿಗೆ ಆರ್ಥಿಕ ಹೊರೆಯಾಗದಂತಹ ಕಾಲೇಜನ್ನು ಆರಿಸಿಕೊಂಡ ಹಲ್ಸ್ ಶುಲ್ಕರಹಿತವಾದ ಕೂಪರ್ ಯೂನಿಯನ್ ಕಾಲೇಜನ್ನು ಸೇರಿದನು. ಇಲ್ಲಿ ಐಬಿಎಂ-1620 ಗಣಕ ಲಭ್ಯವಿದ್ದಿತು. ಫೋರ್ಟ್ರಾನ್ (ForTran=Formula TRANslation) ಕ್ರಮವಿಧಿ ಭಾಷೆ ಕಲಿತ ಹಲ್ಸ್ ಸಮಸ್ಯೆಗಳ ಪರಿಹಾರಕ್ಕೆ ಗಣಕ ಬಳಸುವ ಅನುಕೂಲ ಕಂಡುಕೊಂಡನು. ಭೌತಶಾಸ್ತ್ರದ ಅಧ್ಯಯನಕ್ಕಾಗಿ 1970ರಲ್ಲಿ ಮೆಸಾಚುಸೆಟ್ಸ್ ವಿಶ್ವವಿದ್ಯಾಲಯ ಸೇರಿ ರೇಡಿಯೋ ಖಗೋಳಶಾಸ್ತ್ರದಲ್ಲಿ ಪರಿಶ್ರಮಿಸಬೇಕೆಂದು ಬಯಸಿದನಾದರೂ ಮೂಲ ಸೌಕರ್ಯಗಳ ಕೊರತೆಯಿಂದ ಅದು ಸಾಧ್ಯವಾಗದೇ ಹೋಂiತು. 1975ರಲ್ಲಿ ಡಾಕ್ಟರೇಟ್ ಗಳಿಸಿದ ಹಲ್ಸ್, ವರ್ಜೀನಿಯಾದ ಚಾರ್ಲೊಟ್ಸ್ವಿಲ್ಲೆಯಲ್ಲಿರುವ ರೇಡಿಯೋ ಅಸ್ಟ್ರಾನಮಿ ಅಬ್ಸರ್ವೇಟರಿ ಸೇರಿ ಪಲ್ಸಾರ್ಗಳ ಅಧ್ಯಯನದತ್ತ ಗಮನವನ್ನು ಕೇಂದ್ರೀಕರಿಸಿದನು. 1977ರಲ್ಲಿ ಪ್ರಿನ್ಸ್’ಟನ್ ವಿಶ್ವವಿದ್ಯಾಲಯದ ಪ್ಲಾಸ್ಮಾ ಫಿಸಿಕ್ಸ್ ಲ್ಯಾಬೋರೇಟರಿಯಲ್ಲಿನ ಸೈದ್ಧಾಂತಿಕ ಸಂಶೋಧನಾ ತಂಡ ಸೇರಿದನು. ಇಲ್ಲಿ ಔಷ್ಣಿಕಬೈಜಿಕ ಸದಳನ (ThermoNuclear Fusion) , ಅಧಿಕ ತಾಪಮಾನ ಪ್ಲಾಸ್ಮಾದಲ್ಲಿನ ಕಲುಷಿತಗಳ ನಿವಾರಣೆ ಕುರಿತಾಗಿ ಪರಿಶ್ರಮಿಸಿದನು. ಇದರಫಲವಾಗಿ ತಟಸ್ಥ ಜಲಜನಕ ಮತ್ತು ಆವಿಷ್ಟಿತ ಅಯಾನ್ಗಳ ಮಧ್ಯದ ಪ್ರತಿಕ್ರಿಯೆಗಳನ್ನು ಅರಿಯಲು ಗಣಕ ಕ್ರಮವಿಧಿಗಳನ್ನು ತಯಾರಿಸಿದನು. ಈ ಕ್ರಮ ವಿಧಿಯನ್ನು ಈಗ ಅಂತಾರಾಷ್ಟ್ರೀಯ ಪರಮಾಣು ಚೈತನ್ಯ ಸಂಸ್ಥೆ ಶಿಷ್ಟ ಮಾದರಿಯಾಗಿ ಅಂಗೀಕರಿಸಿದೆ. ಹಲ್ಸ್ ಪ್ಯೂರ್ಟೋರಿಕೊದಲ್ಲಿರುವ ಅರೆಸಿಬೋ ವೀಕ್ಷಣಾಲಯದಲ್ಲಿ ಟೇಲರ್ ಸಾಂಗತ್ಯದಲ್ಲಿ ಪಲ್ಸಾರ್ಗಳ ವ್ಯಾಪಕ ಸರ್ವೆ ನಡೆಸಿದನು. ಈ ಕಾರ್ಯದಿಂದಾಗಿ 1974ರಲ್ಲಿ ದ್ವಿಕಾಯ ಪಲ್ಸಾರ್ (Binary Pulsar) ಪಿಎಸ್ಅರ್ಬಿ 1913+16 ಪತ್ತೆಯಾಯಿತು. ಈ ಪಲ್ಸಾರ್ ಜೋಡಿ ಕಾಯಗಳಿಂದಾಗಿದೆ. ಇದರಲ್ಲಿ ಪಲ್ಸಾರ್ನೊಂದಿಗೆ ದೃಗ್ಗೋಚರವಾಗದ ಕಪ್ಪು ತಾರೆಯೊಂದು ಸಮ್ಮಿಳಿತಗೊಂಡಿದೆ. ಪಲ್ಸಾರ್ನೊಂದಿಗೆ ಸಮ್ಮಿಳಿತಗೊಂಡಿರುವ ಈ ಕಪ್ಪು ನ್ಯೂಟ್ರಾನ್ ತಾರೆಯ ಆವರ್ತನೆಯಿಂದ ನಿರ್ದಿಷ್ಟಾವಧಿಯಲ್ಲಿ ರೇಡಿಯೋ ತರಂಗಗಳ ವ್ಯಾಪ್ತಿಯ ಉತ್ಸರ್ಜನೆಗಳು (Emissions) ಸಾಂದ್ರಿತ ವಲಯದ ಸನಿಹದಲ್ಲಾಗುತ್ತಿದೆ. ಈ ದ್ವಿಕಾಯ ಪಲ್ಸಾರ್ಗಳ ಮೇಲೆ ಬಹು ನಿಖರವಾದ ಪರೀಕ್ಷೆಗಳನ್ನು ನಡೆಸಿ ಹಲ್ಸ್ ಹಾಗೂ ಟೇಲರ್ ಸಾಮಾನ್ಯ ಸಾಪೇಕ್ಷ ಸಿದ್ಧಾಂತ ಮುನ್ನುಡಿದಂತೆ ಗುರುತ್ವ ವಿಕಿರಣತೆಯನ್ನು ಗುರುತಿಸಿದ್ದಾರೆ. 1918ರಲ್ಲಿ ಇಂತಹ ಸ್ಥಿತಿಗಳ ಕಾಯದಿಂದ ಗುರುತ್ವ ವಿಕಿರಣಗಳು ಹೊರ ಹೊಮ್ಮುವುದೆಂದು ತನ್ನ ಸಾಪೇಕ್ಷ ಸಿದ್ಧಾಂತದಲ್ಲಿ ಐನ್ಸ್ಟೀನ್ ವಿವರಿಸಿದ್ದನು. 1979ರಲ್ಲಿ ಇತರ ವಿಜ್ಞಾನಿಗಳು ಈ ಬಗೆಯ ಪಲ್ಸಾರ್ ಕಕ್ಷೆಗಳಲ್ಲಿನ ಚಲನೆಗಳಲ್ಲಿ ಅಲ್ಪ ವೇಗೋತ್ಕರ್ಷಗಳನ್ನು ಗುರುತಿಸಿ ಇವುಗಳು ಗುರುತ್ವದ ಅಲೆಗಳನ್ನು ಹೊಮ್ಮಿಸುವುದೆಂದು ಖಚಿತಪಡಿಸಿದ್ದಾರೆ. ಹೊಸ ಬಗೆಯ ಪಲ್ಸಾರ್ಗಳ ಹಾಗೂ ಗುರುತ್ವದ ವಿಕಿರಣತೆಯ ಅನಾವರಣಕ್ಕಾಗಿ ಹಲ್ಸ್ 1993ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಬೆರ್’ಟ್ರ್ಯಾಮ್, ಎನ್ ಬ್ರೊಕ್ಹೌಸ್ (1918--) 1994
Bertram,N. Brockhouse (PHY.) 1994
ಕೆನಡಾ-ಭೌತಶಾಸ್ತ್ರ
ಬೆರ್’ಟ್ರ್ಯಾಮ್ 15 ಜುಲೈ 1918ರಂದು ಅಲ್ಯೆಟ್ಟಾ ಪ್ರಾಂತದ ಲೆಥೆ ಬ್ರಿಜ್ನಲ್ಲಿ ಜನಿಸಿದನು. ಬೆರ್’ಟ್ರ್ಯಾಮ್ ಕುಟುಂಬ ಕೃಷಿ ಹಾಗೂ ಜಾನುವಾರು ಸಾಕಣೆಯಲ್ಲಿ ನಿರತವಾಗಿದ್ದಿತು. ತಮ್ಮ ಹೊಲದಿಂದ ಒಂದೆರಡು ಕಿ,ಮೀ ದೂರದಲ್ಲಿದ್ದ ಏಕಕೊಠಡಿ ಶಾಲೆಗೆ ಬೆರ್’ಟ್ರ್ಯಾಮ್ ಸೇರಿದನು. ಓದಿನಲ್ಲಿ ಓರಗೆಯವರಿಗಿಂತ ಹಿಂದುಳಿದಿದ್ದ ಬೆರ್’ಟ್ರ್ಯಾಮ್ ಪ್ರಾಥಮಿಕ ಶಿಕ್ಷಣ ಪೂರೈಸುವ ವಯಸ್ಸಿಗೆ ಸ್ವಲ್ಪ ಸುಧಾರಿಸಿ, ಪ್ರೌಢಶಾಲೆಗೆ ಬಂದಾಗ ಸಾಮಾನ್ಯ ಮಟ್ಟಕ್ಕೇರಿದನು. ಬೆರ್’ಟ್ರ್ಯಾಮ್ ಕುಟುಂಬ ಆರ್ಥಿಕ ಸಂಕಷ್ಟದಲ್ಲಿದ್ದುದರಿಂದ, ವೃತ್ತ ಪತ್ರಿಕೆಯನ್ನು ಹಾಕುವ ಕೆಲಸಕ್ಕೆ ಸೇರಿದನು. 1935ರಲ್ಲಿ ಕಾಣಿಸಿಕೊಂಡ ಆರ್ಥಿಕ ಖಿನ್ನತೆಯ ಸ್ಥಿತಿಯಿಂದ ಪಾರಾಗಲು ಬೆರ್’ಟ್ರ್ಯಾಮ್ ಕುಟುಂಬ ಚಿಕಾಗೋಗೆ ಪ್ರಯಾಣ ಮಾಡಿತು. ಇಲ್ಲಿ ಈಗ ರೂಸ್ವೆಲ್ಟ್ ವಿಶ್ವವಿದ್ಯಾಲಯವಾಗಿರುವ ಆಗಿನ ವೈಎಂಸಿಎ ಕಾಲೇಜಿನಲ್ಲಿ ಸಾಯಂಕಾಲದ ತರಗತಿಗಳಿಗೆ ಬೆರ್’ಟ್ರ್ಯಾಮ್ ಹಾಜರಾದನು. ಇಲ್ಲಿ ರೇಡಿಯೋ ದುರಸ್ತಿಯಲ್ಲಿ ಪರಿಣಿತಿ ಗಳಿಸಿದನು. ಚಿಕಾಗೋದಲ್ಲಿನ ಆಲ್ಬರ್ಟ್ ಕಂಟ್ರೋಲ್ ಕಾಪೆರ್Çೀರೇಷನ್ ಹೆಸರಿನ ಸಣ್ಣ ಸಂಸ್ಥೆಯಲ್ಲಿ ಪ್ರಯೋಗಾಲಯದ ಸಹಾಯಕನಾದನು. 1937ರ ಆರ್ಥಿಕ ಸಂಕಷ್ಟದ ದಿನಗಳಲ್ಲಿ ಈ ಕಂಪೆನಿ ಮುಚ್ಚಿತು. ಅಸಂಸಂಗಳಲ್ಲಿ ಹೆಚ್ಚಿನ ಸಮೃದ್ಧಿ, ಕಾಣದೆ ಬೆರ್’ಟ್ರ್ಯಾಮ್ ಕುಟುಂಬ 1938ರಲ್ಲಿ ಕೆನಡಾದ ವ್ಯಾಂಕೋವರ್ಗೆ ಮರಳಿತು. ಇಲ್ಲಿ ಈ ಕುಟುಂಬ ಚಿಕ್ಕ ದಿನಸಿ ಅಂಗಡಿ ತೆರೆದರೆ ಬೆರ್’ಟ್ರ್ಯಾಮ್ ರೇಡಿಯೋ ದುರಸ್ತಿ ಅಂಗಡಿ ಪ್ರಾರಂಭಿಸಿದನು. ಇವು ವ್ಯಾಪಾರದಲ್ಲಿ ಯಶಸ್ಸನ್ನು ಕಾಣಲಿಲ್ಲ. ಈ ಸ್ಥಿತಿಯಲ್ಲಿ ಬೆರ್’ಟ್ರ್ಯಾಮ್ ಕಮ್ಯುನಿಸ್ಟ್ ಪಕ್ಷದ ಸ್ವಯಂ ಸೇವಕನಾದನು. ಚಾಲ್ಕ್ ಪ್ರಯೋಗಾಲಯ ಸೇರಿದ ನಂತರ ಸರ್ಕಾರಿ ನೌಕರಿಯಲ್ಲಿದ್ದು, ಯಾವುದೇ ಪಕ್ಷದ ಸಿದ್ಧಾಂತದತ್ತ ವಾಲುವುದು ಅನೈತಿಕವಾದುದೆಂದು ತಟಸ್ಥ ರಾಜಕೀಯ ಧೋರಣೆ ತಳೆಯುವುದೇ ಸರಿಯಾದ ಮಾರ್ಗವೆಂದು ನಿರ್ಧರಿಸಿದನು. ಸರ್ವಾಧಿಕಾರದ ವಿರೋಧಿಯಾಗಿದ್ದ ಬೆರ್’ಟ್ರ್ಯಾಮ್, ಎರಡನೇ ಜಾಗತಿಕ ಯುದ್ದದಲ್ಲಿ ರಾಯಲ್ ಕೆನಡಿಯನ್ ನೌಕಾದಳ ಸೇರಿ, ರೇಡಿಯೋ ಟೆಲಿಗ್ರಾಫರ್ ಆದನು.
1944ರಲ್ಲಿ ನೋವಾಸ್ಕೋಷಿಯಾದ ತಾಂತ್ರಿಕ ಕಾಲೇಜಿನಲ್ಲಿ ವೈದ್ಯುತ್ ಇಂಜಿನಿಯರಿಂಗ್ನಲ್ಲಿ ತರಬೇತಿ ಹೊಂದಿದನು. ಎರಡನೇ ಜಾಗತಿಕ ಯುದ್ದ ಕೊನೆಗೊಂಡಾಗ ನೌಕಾದಳ ಸೇವೆಯಿಂದ ಹೊರಬಂದ ಬೆರ್’ಟ್ರ್ಯಾಮ್ ಗಣಿತ ಹಾಗೂ ಭೌತಶಾಸ್ತ್ರದಲ್ಲಿ ಹೆಚ್ಚಿನ ಶಿಕ್ಷಣ ಗಳಿಸಲು ಬ್ರಿಟೀಷ್ ಕೊಲಂಬಿಯಾ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿಯೂ ನಾನಾ ತೊಂದರೆಗಳಿಂದ ಪದವಿ ಪೂರೈಸಿ ರಾಷ್ಟ್ರೀಯ ಸಂಶೋಧನಾ ಸಮಿತಿಯ ಪ್ರಯೋಗಾಲಯ ಸೇರಿದನು. ಇದಾದ ಕೆಲ ಕಾಲದಲ್ಲೇ ಟೊರಂಟೋದ ನಿಮ್ನ ತಾಪಮಾನ ಪ್ರಯೋಗಾಲಯ ಸೇರಿದನು. ಇಲ್ಲಿ ಹಫ್ ಗ್ರೇಸನ್ ಸ್ಮಿತ್ ಹಾಗೂ ಜೇಮ್ಸ್ ರೀಕಿಯ ಮಾರ್ಗದರ್ಶನದಲ್ಲಿ ಒತ್ತಾಯ ಹಾಗೂ ತಾಪಮಾನಗಳು ಫೆರೋ ಕಾಂತೀಯತೆಯ ಮೇಲೆ ಬೀರುವ ಪರಿಣಾಮಗಳನ್ನು ಅಭ್ಯಸಿಸಿ ಸ್ನಾತಕೋತ್ತರ ಪದವಿ ಗಳಿಸಿದನು. ಇಲ್ಲಿ ಬೆರ್’ಟ್ರ್ಯಾಮ್ ಮಾರ್ಗದರ್ಶಕರಾಗಿದ್ದವರು, ಉನ್ನತ ಹುದ್ದೆಗಳ ಅಹ್ವಾನದ ಮೇರೆಗೆ, ಬೇರೆ ವಿಶ್ವವಿದ್ಯಾಲಯಗಳಿಗೆ ತೆರಳಿದರೆ, ಅದೇ ಕಾಲಕ್ಕೆ ಭೂಕಾಂತತ್ವದಲ್ಲಿ ಖ್ಯಾತಿವೆತ್ತ ಎಡ್ವರ್ಡ್ ಬುಲ್ಲಾರ್ಡ್, ಪ್ರಾಧ್ಯಾಪಕ ಹಾಗೂ ಮುಖ್ಯಸ್ಥನಾಗಿ ಬಂದನು. ಈತನ ಕೈ ಕೆಳಗೆ ಡಾಕ್ಟರೇಟ್ ಗಳಿಸಿದ ಬೆರ್’ಟ್ರ್ಯಾಮ್ ಹಲವಾರು ಸಂಸ್ಥೆಗಳಲ್ಲಿ ಕೆಲಸ ಮಾಡಿ 1951ರಲ್ಲಿ ಮರಳಿ ಜಾಕ್ ರಿವರ್ ಪ್ರಾಯೋಗಾಲಯಕ್ಕೆ ಬಂದನು. ಇಲ್ಲಿ ಅಧಿಕ ಹೀರಿಕೆಯ ಧಾತುಗಳಿಂದಾಗುವ ನ್ಯೂಟ್ರಾನ್ ಚದುರಿಕೆಯನ್ನು ಕುರಿತಾಗಿ ಮೈಯರ್ಬೂಮ್, ಹಾಗೂ ಡಿ.ಜಿ ಹಟ್ರ್ಸ್ರೊಂದಿಗೆ ಸಂಶೋಧನೆ ಪ್ರಾರಂಭಿಸಿದನು. 1956ರಲ್ಲಿ ಮೂರು ಅಕ್ಷದ ಸ್ಪಟಿಕ ರೋಹಿತ ಮಾಪಕದ ನಿರ್ಮಾಣ ಪೂರ್ಣಗೊಳಿಸಿದ ಬೆರ್’ಟ್ರ್ಯಾಮ್ ಹಾಗೂ ಸಂಗಡಿಗರು, 1958ರಲ್ಲಿ ಸ್ಥಿರ ಕ್ಯು-ವಿಧಾನ ರೂಪಿಸಿದರು. 1962ರಲ್ಲಿ ಒಂಟೋರಿಯಾದ ಮೆಕ್ ಮಾಸ್ಟರ್ ವಿಶ್ವವಿದ್ಯಾಲಯದಲ್ಲಿ ಪ್ರಾಧ್ಯಾಪಕನಾದನು. ಬೆರ್’ಟ್ರ್ಯಾಮ್ ದೀರ್ಘವಾದ ವೈಯಕ್ತಿಕ ಹಾಗೂ ವೈಜ್ಞಾನಿಕ ಸಂಶೋಧನೆಗಳೆರಡೂ ಏಳು ಬೀಳಿನ ಹಾದಿಯಲ್ಲಿ ಸಾಗಿದವು. 1994ರಲ್ಲಿ ಬೆರ್’ಟ್ರ್ಯಾಮ್ ಕ್ಲಿಫರ್ಡ್ ಜಿ.ಷುಲ್ನೊಂದಿಗೆ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಕ್ಲಿಫರ್ಡ್ ಜಿ. ಷುಲ್ –(1915-2001) 1994
Clifford ,G. Schull
ಅಸಂಸಂ-ಭೌತಶಾಸ್ತ್ರ-ನ್ಯೂಟ್ರಾನ್ ರೂಪಕ್ರಮಗಳನ್ನು ಗುರುತಿಸಿದಾತ
ಕ್ಲಿಫರ್ಡ್ 23 ಸೆಪ್ಟಂಬರ್ 1915ರಂದು ಪೆನ್ಸೆಲ್ವೇನಿಯಾದ ಪಿಟ್ಸ್ಬರ್ಗ್ನಲ್ಲಿ ಜನಿಸಿದನು. ಕ್ಲಿಫರ್ಡ್ ತಂದೆ ಸಣ್ಣ ಕೃಷಿಕನಾಗಿದ್ದು ಹಳ್ಳಿಯಿಂದ ಪಿಟ್ಸ್ಬರ್ಗ್ಗೆ ಹೋಗಿ ಚಿಕ್ಕದಾದ ವ್ಯಾಪಾರ ಪ್ರಾರಂಭಿಸಿದನು. ಪ್ರೌಢಶಾಲೆಯಲ್ಲಿರುವಾಗ ವಿಜ್ಞಾನದ ಉಪಾಧ್ಯಾಯನಾಗಿದ್ದ ಪೌಲ್ ಡೆಸಟ್ರನ ಬೊಧನೆಯಿಂದ ಭೌತಶಾಸ್ತ್ರದಲ್ಲಿ ಆಸಕ್ತಿ ಹೊಂದಿದನು. ವಾಯುಗತಿ ಇಂಜಿನಿಯರಿಂಗ್ನಲ್ಲಿ ಕುತೂಹಲವೂ ಇದರೊಂದಿಗೆ ಬೆರೆತಿತು. ಕಾರ್ನೆಗಿ ಮೆಲ್ಲನ್ ವಿಶ್ವವಿದ್ಯಾಲಯ ಸೇರಿದ ಕ್ಲಿಫರ್ಡ್, ಭೌತಶಾಸ್ತ್ರವನ್ನು ಪ್ರಮುಖವಾಗಿ ಆರಿಸಿಕೊಂಡನು. ಇಲ್ಲಿ ಭೌತಶಾಸ್ತ್ರದ ಮುಖ್ಯಸ್ಥನಾಗಿದ್ದ ಹ್ಯಾರ್ ಓವರ್ ಪ್ರಭಾವಕ್ಕೊಳಗಾಗಿ, ದೃಗ್ಗೋಪಕರಣಗಳಲ್ಲಿ ಪರಿಣಿತಿ ಗಳಿಸಿದನು. ಮುಂದೆ ನ್ಯೂಯಾರ್ಕ್ ವಿಶ್ವವಿದ್ಯಾಲಯ ಸೇರಿದ ಕ್ಲಿಫರ್ಡ್, ಅಲ್ಲಿ ಪ್ರಯೋಗಾಲಯ ಹಾಗೂ ಬೋಧನಾ ಸಹಾಯಕನಾದನು. ಇಲ್ಲಿ ಫ್ರಾಂಕ್ ಮೇಯರ್ ಹಾಗೂ ರಾಬರ್ಟ್ ಹಂಬೂನ್ಸ್ ನೇತೃತ್ವದಲ್ಲಿ ಡ್ಯುಟೆರಾನ್ಗಳ ವೇಗೋತ್ಕರ್ಷಣೆಗಾಗಿ 220ಕೆವಿ ಸಾಮಥ್ರ್ಯದ ಕಾಕ್ರಾಫ್ಟ್-ವಾಲ್ಟನ್ ವಿದ್ಯುಜ್ಜನಕದ ನಿರ್ಮಾಣದಲ್ಲಿ ಕ್ಲಿಫರ್ಡ್ ಭಾಗಿಯಾದನು. ಅದಾದ ಎರಡು ವರ್ಷಗಳ ನಂತರ ನ್ಯೂಯಾರ್ಕ್ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ವಿಭಾಗ ಎಲೆಕ್ಟ್ರಾನ್ಗಳ ವೇಗೋತ್ಕರ್ಷನೆಗಾಗಿ ಹೊಸ ವಿದ್ಯುಜ್ಜನಕವನ್ನು ನಿರ್ಮಿಸುವ ಹೊಣೆಯನ್ನು ಫ್ರಾಂ ಮೇಯರ್’ಗೆ ವಹಿಸಿತು. ಈತ ಕ್ಲಿಪರ್ಡ್ನನ್ನು ತನ್ನ ಸಹಾಯಕನಾಗಿ ಸೇರಿಸಿಕೊಂಡನು. ಇಲ್ಲಿ ಕ್ಲಿಫರ್ಡ್ ಎಲೆಕ್ಟ್ರಾನ್ ದ್ವಿ ಚದುರಿಕೆಯನ್ನು ಕುರಿತಾಗಿ ಸಂಶೋಧನೆ ಮಾಡಿ ಸಂಪ್ರಬಂಧ ಮಂಡಿಸಿ 1941ರಲ್ಲಿ ಡಾಕ್ಟರೇಟ್ ಗಳಿಸಿದನು. ಇದಾದ ನಂತರ ಟೆಕ್ಸಾಸ್ ಮೂಲದ , ನ್ಯೂಯಾರ್ಕ್ನಲ್ಲಿ ಕಛೇರಿ ಹೊಂದಿದ್ದ ಪೆಟ್ರೋಲಿಯಂ ಇಂಧನ ಸಂಸ್ಕರಣ ಸಂಸ್ಥೆಯ ಪ್ರಯೋಗಾಲಯವನ್ನು ಕ್ಲಿಫರ್ಡ್ ಸೇರಿದನು. ಇಲ್ಲಿ ಪೆಟ್ರೋಲಿಯಂ ಹಾಗೂ ವಾಹನ ಸ್ನೇಹಕಗಳ ಸ್ವರೂಪವನ್ನು ಅನಿಲ ಹೀರಿಕೆಯನ್ನು ಕ್ಷ ಕಿರಣ ವಿವರ್ತನ ಹಾಗೂ ಚದುರಿಕೆ ಮೂಲಕ ನಿರ್ಧರಿಸುವ ಹೊಣೆ ಕ್ಲಿಫರ್ಡ್ ಹಾಗೂ ಸಂಗಡಿಗರ ಹೆಗಲೇರಿತು. ಇಂಧನಗಳ ಕ್ಷಮತೆಯನ್ನು ಸುಧಾರಿಸುವ ವೇಗವರ್ಧಕಗಳ ಸಂಶೋಧನೆಯೂ ಇದರಲ್ಲಿ ಸೇರಿತು. 1941ರ ಡಿಸೆಂಬರ್ನಲ್ಲಿ ಅಸಂಸಂ ಎರಡನೇ ಜಾಗತಿಕ ಯುದ್ದವನ್ನು ಪ್ರವೇಶಿಸಿತು. ಪರಮಾಣು ಅಸ್ತ್ರ ತಯಾರಿಕೆಗಾಗಿ ಮ್ಯಾನ್ಹಟ್ಟನ್ ಯೋಜನೆಯನ್ನು ಅಸಂಸಂಗಳ ಸರ್ಕಾರ ಕೈಗೆತ್ತಿಕೊಂಡಿತು. ಇದಕ್ಕಾಗಿ ಅಸಂಸಂಗಳಲ್ಲಿದ್ದ ಸಹಸ್ರಾರು ವಿಜ್ಞಾನಿಗಳಿಗೆ ಆಹ್ವಾನ ನೀಡಲÁಯಿತು. ಕ್ಲಿಫರ್ಡ್ ಸಹ ಇದರಲ್ಲಿ ಪಾಲ್ಗೊಳ್ಳಲು ಯತ್ನಿಸಿದನು. ಆದರೆ ಟೆಕ್ಸಾಸ್ ಕಂಪನಿ, ನ್ಯಾಯಾಲಯದ ಮೆಟ್ಟಲೇರಿ ಕ್ಲಿಫರ್ಡ್ನನ್ನು ತನ್ನಲೇ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಯಿತು. ಟೆಕ್ಸಾಸ್ ಕಂಪನಿಯ ಪ್ರಯೋಗಾಲಯದಲ್ಲಿ ಘನಸ್ಥಿತಿ ಭೌತಶಾಸ್ತ್ರ, ಕ್ಷ ಕಿರಣ ವಿವರ್ತನ (Diffraction) ಸ್ಪಟಿಕ ಶಾಸ್ತ್ರದಲ್ಲಿ ಕ್ಲಿಫರ್ಡ್ ಅಪಾರ ಜ್ಞಾನ ಗಳಿಸಿದನು. 1946ರಲ್ಲಿ ಈಗ ಓಕ್ಲ್ಯಾಂಡ್ ರಿಜ್ ನ್ಯಾಷನಲ್ ಲ್ಯಾಬೋರೇಟರಿ ಎಂದು ಹೆಸರಿಸಲಾಗಿರುವ ಆಗಿನ, ಟೆನಸ್ಸಿ ಕ್ಲಿಂಟನ್, ಪ್ರಯೋಗಾಲಯ ಸೇರಿದನು. ಇಲ್ಲಿ ಅರ್ನೆಸ್ಟ್ ವುಲನ್ ಜೊತೆಗೆ ನೂಟ್ರಾನ್ ರೂಪಕ್ರಮಗಳನ್ನು (Pattern) ಕ್ಷ-ಕಿರಣಗಳ ಫಲಿತಾಂಶಗಳೊಂದಿಗೆ ತಾಳೆ ನೋಡುವ ಸಾಧ್ಯತೆಯತ್ತ ಗಮನ ಹರಿಸಿದನು. ಸುಮಾರು ಒಂಬತ್ತು ವರ್ಷಗಳ ಕಾಲ ಇವರಿಬ್ಬರ ಸಂಶೋಧನಾ ಸಾಂಗತ್ಯ ಮುಂದುವರೆಯಿತು. ಬೆರ್ಟ್ರ್ಯಾಮ್ ಬಾರ್ಕ್ಹೌಸ್ನೊಂದಿಗೆ ಕ್ಲಿಫರ್ಡ್ 1994ರ ನೊಬೆಲ್ ಪ್ರಶಸ್ತಿ, ಸ್ವೀಕರಿಸುವಾಗ, ಅರ್ನೆಸ್ಟ್ ವುಲನ್ಗೂ ಸಹ ಈ ಗೌರವ ದಕ್ಕ ಬೇಕಾಗಿದ್ದಿತೆಂದು ಭಾವಿಸಿದ್ದನು. ಅದರೆ ಅರ್ನೆಸ್ಟ್ ವುಲನ್ 1984ರಲ್ಲಿಯೇ ಮೃತನಾಗಿದ್ದನು. 1956ರಲ್ಲಿ ಎಂ ಐಟಿ ಸೇರಿ ಪ್ರಾಧ್ಯಾಪಕನಾದ ಕ್ಲಿಫರ್ಡ್ ಇಲ್ಲಿ ತನ್ನ ಸಂಶೋಧಕ ವಿದ್ಯಾರ್ಥಿಗಳೊಂದಿಗೆ ಸ್ಪಟಿಕಗಳ ಆಂತರಿಕ ಕಾಂತೀಕರಣ, ಧೃವೀಕೃತ ದೂಲ ತಂತ್ರಜ್ಞಾನ ಅಭಿವೃದ್ಧಿ ಪರಿಶುದ್ದ ಸ್ಪಟಿಕಗಳಲ್ಲಿ ಗತಿಶೀಲ ಚದುರಿಕೆ, ನ್ಯೂಟ್ರಾನ್ಗಳ ಮೂಲ ಗುಣಗಳನ್ನು ಕುರಿತಾಗಿ ಸಂಶೋಧನೆ ನಡೆಸಿದನು.
ಫ್ರೆಡರಿಕ್, ರೀನೆಸ್ (1918--) 1995
Frederick , Reins
ಅಸಂಸಂ-ಭೌತಶಾಸ್ತ್ರ-ಪ್ರತಿನ್ಯೂಟ್ರಿನೋ ವೀಕ್ಷಿಸಿದಾತ-ಕಣ ಸಂಶೋಧನೆಯ ಮುಂದಾಳು.
ಫ್ರೆಡರಿಕ್ 16 ಮಾರ್ಚ್ 1918 ರಂದು ನ್ಯೂಜೆರ್ಸಿಯ ಪ್ಯಾಟರ್ಸನ್ನಲ್ಲಿ ಜನಿಸಿದನು. ಈತನ ತಂದೆ ರಷ್ಯಾದಿಂದ ಅಸಂಸಂಗಳಿಗೆ ವಲಸೆ ಬಂದಿದ್ದನು. ಫ್ರೆಡರಿಕ್ ನ್ಯೂಜೆರ್ಸಿಯ ಯೂನಿಯನ್ ಹೈ ಸ್ಕೂಲ್ನಲ್ಲಿ ಪ್ರೌಢ ಶಿಕ್ಷಣ ಮುಗಿಸಿದನು. ಈ ಶಾಲೆ ವಿಜ್ಞಾನಕ್ಕಿಂತಲೂ ಕಲೆ ಹಾಗೂ ಮಾನವಿಕಗಳಲ್ಲಿ ಪ್ರಸಿದ್ದಿ ಹೊಂದಿದ್ದಿತು. ಇಲ್ಲಿ ಸಾಹಿತ್ಯ , ಕಲೆಗಳಲ್ಲಿ ಅಭಿರುಚಿ ತಳೆದ ಫ್ರೆಡರಿಕ್ಗೆ ವಿಜ್ಞಾನದ ಅಧ್ಯಯನದಲ್ಲಿ ಅಸಕ್ತಿ ಇರಲಿಲ್ಲ. ಭೌತಶಾಸ್ತ್ರ ಹಾಗೂ ಗಣಿತದ ಅಧ್ಯಾಪಕರಿಂದಾಗಿಫ್ರೆಡರಿಕ್ ವಿಜ್ಞಾನದತ್ತ ಸಾಕಷ್ಟು ಆಕರ್ಷಿತನಾದನು. ಸ್ಟೀವೆನ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಸೇರಿದಫ್ರೆಡರಿಕ್ 1939 ರಲ್ಲಿ ಇಂಜಿನಿಯರಿಂಗ್ ಪದವಿ ಗಳಿಸಿದನು. 1941ರಲ್ಲಿ ಗಣಿತೀಯ ಭೌತಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದನು. ನ್ಯೂಯಾರ್ಕ್ ವಿಶ್ವವಿದ್ಯಾಲಯದಲ್ಲಿ ವಿದ್ಯಾಭ್ಯಾಸ ಮುಂದುವರೆಸಿ, ಎಸ್.ಎ.ಕೊರ್ಫ್ ಮಾರ್ಗದರ್ಶನದಲ್ಲಿ ವಿಶ್ವಕಿರಣ ಭೌತಶಾಸ್ತ್ರದ ಬಗೆಗೆ ಸಂಶೋಧನೆ ನಡೆಸಿ 1944 ವೇಳೆಗೆ ಸಂಪ್ರಬಂಧ ಸಿದ್ದ ಪಡಿಸಿದನು. ಡಾಕ್ಟರೇಟ್ ಪದವಿ ಪೂರ್ಣಗೊಳ್ಳುವ ಮೊದಲೇ ಲಾಸ್ ಅಲ್ಮೋಸ್ನಲ್ಲಿ ಪ್ರಾರಂಭವಾಗಿದ್ದ ಮ್ಯಾನ್ಹಟ್ಟನ್ ಯೋಜನೆಯಲ್ಲಿ ರಿಚರ್ಡ್ ಫೆಯ್ನ್’ಮನ್ ಸಹಾಯಕನಾಗಿ ಸೈದ್ದಾಂತಿಕ ಭೌತಶಾಸ್ತ್ರ ವಿಭಾಗಕ್ಕೆ ನೇಮಕಗೊಂಡನು. ಇಲ್ಲಿಂದ ಮುಂದೆ ಹದಿನೈದು ವರ್ಷಗಳ ಕಾಲ ಜಗದ್ವಿಖ್ಯಾತ ವಿಜ್ಞಾನಿಗಳೊಂದಿಗೆ ಕೆಲಸ ಮಾಡುವ ಅವಕಾಶ ಫ್ರೆಡರಿಕ್ಗೆ ದಕ್ಕಿತು. ಫ್ರೆಡರಿಕ್ ಪರಮಾಣು ಅಸ್ತ್ರ ಸಮಿತಿಯ ಸದಸ್ಯನಾಗಿ ಪರಮಾಣು ಅಸ್ತ್ರದ ನಂತರದ ಪರಿಣಾಮಗಳನ್ನು ಕುರಿತಾದ ಅಧ್ಯಯನ ನಡೆಸಿದನು. 1958ರಲ್ಲಿ ಜಿನೇವಾದಲ್ಲಿ ಶಾಂತಿಗಾಗಿ ಪರಮಾಣು ಶಕ್ತಿಯನ್ನು ಕುರಿತಾದ ಅಂತರಾಷ್ಟೀಯ ಸಮ್ಮೇಳನದಲ್ಲಿ ಭಾಗವಹಿಸಿದನು. 1951ರಿಂದ ನ್ಯೂಟ್ರಿನೋ ವೀಕ್ಷಿಸುವ ಪ್ರಯತ್ನದಲ್ಲಿಫ್ರೆಡರಿಕ್ ತಲ್ಲೀನನಾದನು. ಕ್ಲೈಡ್ ಕೊವನ್ ಸಂಗಡ ಹ್ಯಾನ್’ಪೋರ್ಡ್ ಸ್ಥಾವರದಲ್ಲಿ ಹಲವಾರು ಪ್ರಯೋಗ ಕೈಗೊಂಡ ಫ್ರೆಡರಿಕ್ಗೆ 1953ರ ವೇಳೆಗೆ ಅಶಾದಾಯಕಫಲಿತಾಂಶಗಳು ದಕ್ಕತೊಡಗಿದವು. ಈ ಕಾಲಕ್ಕೆ ದಕ್ಷಿಣ ಕೆರೋಲಿನಾದ ಸವನ್ನಾ ನದಿ ತೀರದ ಪ್ರತಿಕ್ರಿಯಾಕಾರಕ (Reactor) ಸಿದ್ದಗೊಂಡಿತು. 1955ರಿಂದ ಈ ಸ್ಥಾವರದಲ್ಲಿಫ್ರೆಡರಿಕ್ ಹಾಗೂ ಕ್ಲೈಡ್ ಕೊವೆನ್, ನ್ಯೂಟ್ರಿನೋ ಹುಡುಕಾಟ ಮುಂದುವರೆಸಿದರು. 1956ರಲ್ಲಿ ಇವರು ಎಲೆಕ್ಟ್ರಾನ್ ಪ್ರತಿ ನ್ಯೂಟ್ರಿನೋ ವೀಕ್ಷಿಸುವಲ್ಲಿ ಯಶಸ್ಸನ್ನು ಕಂಡರು. ಇದಾದ ಮೇಲೆ ಅಲ್ಪಾವಧಿಯಲ್ಲೇ ಕ್ಲೈಡ್ ಕೊವೆನ್ ಲಾಸ್ ಅಲ್ಮಾಸ್ಗೆ ವರ್ಗಾವಣೆಗೊಂಡನು. ಇದಾದ ಮೇಲೆಫ್ರೆಡರಿಕ್ ಒಂಟಿಯಾಗಿ ನ್ಯೂಟ್ರಿನೋಗಳ ಗುಣಗಳ ಅಧ್ಯಯನಕ್ಕೆ ತೊಡಗಿದನು. 1959ರಲ್ಲಿ ಕ್ಲೀವ್ಲ್ಯಾಂಡ್ನಲ್ಲಿರುವ ಈಗ ಭೌತಶಾಸ್ತ್ರ ವಿಭಾಗವೆಂದು ಕರೆಯಲಾಗುತ್ತಿರುವ ಆಗಿನ ಕೇಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಪ್ರಾಧ್ಯಾಪಕನಾದನು. ಇಲ್ಲಿ ಏಳು ವರ್ಷಗಳ ಸೇವೆ ಸಲ್ಲಿಸಿದಫ್ರೆಡರಿಕ್, ಇಲ್ಲಿ ನ್ಯೂಟ್ರಿನೋ ಭೌತಶಾಸ್ತ್ರ, ದ್ವಿ ಬೀಟಾ ಶೈಥಿಲ್ಯ (Decay) ಎಲೆಕ್ಟ್ರಾನ್ನ ಅಸ್ತಿತ್ವದ ಅವಧಿ, ನ್ಯೂಕ್ಲಿಯಾನ್ ಶೈಥಿಲ್ಯಗಳನ್ನು ಕುರಿತಾಗಿ ಹಲವು ಹತ್ತಾರು ಪ್ರಯೋಗಗಳನ್ನು ಕೈಗೊಂಡನು. ನ್ಯೂಕ್ಲಿಯಾನ್ಗಳ ಶೈಥಿಲ್ಯದ ವೀಕ್ಷಣೆಗಾಗಿಫ್ರೆಡರಿಕ್ ತಂಡ, ದಕ್ಷಿಣ ಆಫಿû್ರಕಾದ ಚಿನ್ನದ ಗಣಿಯ ಆಳ ಸುರಂಗವನ್ನು ಆಯ್ದಕೊಂಡಿತು. ಇಲ್ಲಿ ಮೊಟ್ಟ ಮೊದಲ ಬಾರಿಗೆ ವಾತಾವರಣವನ್ನು ಪ್ರವೇಶಿಸುವ ವಿಶ್ವ ಕಿರಣಗಳಿಂದ ಉತ್ಪನ್ನವಾಗುವ ನ್ಯೂಟ್ರಿನೋಗಳನ್ನು ಗುರುತಿಸಿದರು. ಫ್ರೆಡರಿಕ್ ತಂಡ ನೆಲದಾಳದ ಪ್ರಯೋಗಗಳಿಗಾಗಿ ಅಲ್ಪ ಕಾಲದಲ್ಲೇ ವಿಶ್ವ ವಿಖ್ಯಾತವಾಯಿತು. ಮೂಲಕಣಗಳ ಪತ್ತೆಗಾಗಿ ಈ ತಂಡ ಬೃಹತ್ ದ್ರವ ಮಿನುಗುಕಾರಕ (Liquid Scintillator) ಅಭಿವೃದ್ಧಿಗೊಳಿಸಿತು. 1966ರಲ್ಲಿ ಕ್ಯಾಲಿಫೋರ್ನಿಯಾವಿಶ್ವವಿದ್ಯಾಲಯದ ಇರ್ವಿನ್ ಆವರಣದಲ್ಲಿನ ಭೌತಶಾಸ್ತ್ರದ ಶಾಲೆಯ ಪ್ರಾರಂಭಕ್ಕೆ ಕಾರಣನಾಗಿ, ಅದರ ಪ್ರಥಮ ಮುಖ್ಯಸ್ಥನಾಗಿ ನೇಮಕಗೊಂಡ ಫ್ರೆಡರಿಕ್ 1974ರಲ್ಲಿ ಅಲ್ಲಿಂದ ನಿವೃತ್ತನಾದನು. ಫ್ರೆಡರಿಕ್ನಿಂದ ಪ್ರೇರಿತವಾದ ವಿಜ್ಞಾನಿಗಳ ತಂಡ ಮೂಲ ಕಣಗಳನ್ನು ಅರಿಯುವ ನೂರಾರು ಪ್ರಯೋಗಗಳನ್ನು ರೂಪಿಸಿ ನಿರ್ವಹಿಸಿತು. ಈ ತಂಡ ಮೊದಲ ಬಾರಿಗೆ ದ್ವಿ-ಬೀಟಾ ಶೈಥಿಲ್ಯವನ್ನು ಪ್ರಯೋಗಾಲಯದಲ್ಲಿ ಗುರುತಿಸಿತು. ಸೂಪರ್ ನೋವಾ 1987-ಎಯಿಂದ ಹೊಮ್ಮಿದ ನ್ಯೂಟ್ರಿನೋಗಳನ್ನು ಜಪಾನ್ನ ಕಾಮಿಯೋ ಕಾಂಡೆಯೊಂದಿಗೆ ಮೊದಲ ಬಾರಿಗೆ ವೀಕ್ಷಿಸಿ, ವರದಿ ಮಾಡಿದುದ್ದನ್ನು ಗುರುತಿಸಿ, ಅಮೆರಿಕಾದ ಖಗೋಳಶಾಸ್ತ್ರ ಸಮಾಜ 1989ರಲ್ಲಿ ಬ್ರುನೋ ರಸ್ಸಿ ಪ್ರಶಸ್ತಿ ನೀಡಿ ಗೌರವಿಸಿತು. ಪ್ರೋಟಾನ್ಗೆ ಬದಲು ನ್ಯೂಟ್ರಿನೋ ಮರುಸ್ಥಾನ ಹೊಂದಾಣಿಕೆಯಾಗುವ ನ್ಯೂಟ್ರಿನೋ ಮೋಸ್ಬೌವರ್ ಪರಿಣಾಮದಿಂದಾದ ಉಳಿಕೆ ನ್ಯೂಟ್ರಿನೋಗಳನ್ನು ಪತ್ತೆ ಹಚ್ಚುವ ಪ್ರಯತ್ನದಲ್ಲಿಫ್ರೆಡರಿಕ್ ಶ್ರಮಿಸಿದನು. ಗುರುತ್ವಾಕರ್ಷಣೆಯ ವಿಶ್ವ ಸ್ಥಿರಾಂಕದ ಖಚಿತ ನಿರ್ಧಾರ, ಗೋಳೀಯ ಮಸೂರ ಹೊಂದಿದ ಮೂರು ಆಯಾಮದ ದೂರದರ್ಶಕನಂತಹ ಹಲವಾರು ವಿಷಯಗಳಲ್ಲಿಫ್ರೆಡರಿಕ್ ಪ್ರಯತ್ನಗಳು ಸಾಗಿದವು.ಫ್ರೆಡರಿಕ್ 1995 ರಲ್ಲಿ ಮಾರ್ಟಿನ್ ಪರ್ಲ್ನೊಂದಿಗೆ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಮಾರ್ಟಿನ್, ಪರ್ಲ್ (1920--) 1995
Martin , Perl
ಅಸಂಸಂ-ಭೌತಶಾಸ್ತ್ರ-ಕಣ ಭೌತಶಾಸ್ತ್ರಕ್ಕೆ ಗಮನಾರ್ಹ ಕೊಡುಗೆ ನೀಡಿದಾತ.
ಮಾರ್ಟಿನ್ ತಂದೆ ತಾಯಿ ರಷ್ಯಾ ಹಿಡಿತದಲ್ಲಿದ್ದ ಪೋಲೆಂಡ್ ಮೂಲದವರಾಗಿದ್ದು 1900 ಸುಮಾರಿಗೆ ಉತ್ತಮ ಜೀವನವನ್ನು ಅರಸಿ ಅಸಂಸಂಗಳಿಗೆ ಬಂದು ನೆಲೆಸಿದ್ದರು. ಯಹೂದಿಗಳಾಗಿದ್ದ ಇವರು ನ್ಯೂಯಾರ್ಕ್ನ ಬಹು ಹಿಂದುಳಿದ ಪ್ರದೇಶದಲ್ಲಿ ಉಳಿದರು. ಹೇಗಾದರೂ ತಾವು ಮಧ್ಯಮವರ್ಗದ ಮಟ್ಟಕ್ಕೇರಬೇಕೆಂದು ಇವರು ಸದಾ ಶ್ರಮಿಸುತ್ತಿದ್ದರು. ಇದರ ಫಲವಾಗಿ ಮಾರ್ಟಿನ್ ಬೇರೆ ಯಹೋದಿಗಳಿಗಿಂತ ಭಿನ್ನವಾಗಿ ಯಾವುದೇ ಆಡಚಣೆಯಿಲ್ಲದೆ ಶಾಲಾ ವಿದ್ಯಾಭ್ಯಾಸ ಮಾಡುವಂತಾಯಿತು. ಮಾರ್ಟಿನ್ ತಂದೆ ತಾಯಿಗಳು ಶಿಕ್ಷಣಕ್ಕೆ ಭಾರಿ ಮಹತ್ವ ನೀಡಿದ್ದರಲ್ಲದೆ ಉಪಾಧ್ಯಾಯರುಗಳನ್ನು ಅತ್ಯುಚ್ಛ ಮಟ್ಟದಲ್ಲಿ ಪರಿಗಣಿಸುತ್ತಿದ್ದರು. ಮಾರ್ಟಿನ್ ಶಾಲಾ ಜೀವನದುದ್ದಕ್ಕೂ ಪುಸ್ತಕ ಪ್ರೇಮಿಯಾಗಿದ್ದನು. ಕಾವ್ಯ, ಕಥೆ, ವಿಜ್ಞಾನ, ಹಾಸ್ಯ ಎಲ್ಲವುದರಲ್ಲೂ ಅಭಿರುಚಿ ಬೆಳೆಸಿಕೊಂಡನು. ಗ್ರಂಥಾಲಯದಲ್ಲಿ ಕಾಲ ಕಳೆಯುವುದು ಆತನ ನೆಚ್ಚಿನ ಹವ್ಯಾಸವಾಗಿದ್ದಿತು. ಮಾರ್ಟಿನ್ಗೆ ಎಂದೂ ವಿಜ್ಞಾನಿಯಾಗಬೇಕೆಂಬ ಹಂಬಲವಿರಲಿಲ್ಲ. ಉತ್ತಮ ಪದವಿ ಗಳಿಸಿ ಆಕರ್ಷಕ ಸಂಬಳ ಪಡೆಯುವುದು ಆತನ ಗುರಿಯಾಗಿದ್ದಿತು. ಹೀಗಾಗಿ ಮಾರ್ಟಿನ್ ರಾಸಾಯನಿಕ ಇಂಜಿನಿಯರಿಂಗ್ನಲ್ಲಿ ಪದವಿಗೆ ಸೇರಲು ನಿರ್ಧರಿಸಿದನು. ವಿದ್ಯಾಭ್ಯಾಸ ಮುಗಿಸಿದ ನಂತರ ಜನರಲ್ ಎಲೆಕ್ಟ್ರಿಕ್ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿದನು. ಇಲ್ಲಿ ಅಲ್ಪ ಕಾಲವಿದ್ದ ಮಾರ್ಟಿನ್ಗೆ ಭೌತಶಾಸ್ತ್ರದಲ್ಲಿ ಆಸಕ್ತಿ ಮೂಡ ತೊಡಗಿತು. 1950ರಲ್ಲಿ ಕೊಲಂಬಿಯಾ ವಿಶ್ವವಿದ್ಯಾಲಯದಲ್ಲಿ ಭೌತಶಾಸ್ತ್ರದ ಅಧ್ಯಯನಕ್ಕೆ ಸೇರಿದನು. ಇಲ್ಲಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ಲಭ್ಯವಿರಲಿಲ್ಲ. ಒಂದೇ ವರ್ಷದಲ್ಲಿ ಮಾರ್ಟಿನ್ಗೆ ತಾನು ಭೌತಶಾಸ್ತ್ರದಲ್ಲಿ ಮುಂದುವರೆಯಲಾರನೆಂದು, ಅದು ಐನ್ಸ್ಟೀನ್ರಂತಹುವರಿಗೆ ಮಾತ್ರ ಸಾಧ್ಯವೆಂದು ತೀರ್ಮಾನಿಸಿ ಮನೆಗೆ ಮರಳಿದನು. ಮಾರ್ಟಿನ್ ತಂದೆ ತಾಯಿ, ಐನ್ಸ್ಟೀನ್ಗೆ ಸಾಧ್ಯವಾದುದು ಮಾರ್ಟಿನ್ಗೆ ಏಕಾಗದೆಂದು ಪ್ರಶ್ನಿಸಿ ಹಿಂದಕ್ಕೆ ಕಾಲೇಜಿಗೆ ಕಳಿಸಿದರು. ಇಲ್ಲಿ ನೊಬೆಲ್ ಪ್ರಶಸ್ತಿ ವಿಜೇತನಾದ ರಬಿಯ ಮಾರ್ಗದರ್ಶನ ದಕ್ಕಿತು. 1955ರಲ್ಲಿ ಡಾಕ್ಟರೇಟ್ ಪಡೆದ ಮಾರ್ಟಿನ್ ಮಿಷಿಗನ್ ವಿಶ್ವ ವಿದ್ಯಾಲಯದ ಭೌತಶಾಸ್ತ್ರ ವಿಭಾಗದ ಬೋಧಕನಾದನು. ಇಲ್ಲಿ ಡೊನಾಲ್ಡ್ ಗ್ಲೇಸರ್ನೊಂದಿಗೆ ಕೆಲಕಾಲ ಗುಳ್ಳೆ ಕೋಠಿಯಲ್ಲಿ (Bubble Chamber)ಕಾರ್ಯ ನಿರ್ವಹಿಸಿದನು. ಕಣ ಭೌತಶಾಸ್ತ್ರದಲ್ಲಿ ಮಾರ್ಟಿನ್ ಗಮನಾರ್ಹ ಸಂಶೋಧನೆಗಲನ್ನು ಮಾಡಿದ್ದಾನೆ. ಇದಕ್ಕಾಗಿ 1995ರಲ್ಲಿ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿ ಮಾರ್ಟಿನ್ಗೆ ದಕ್ಕಿತು.
ಡೇವಿಡ್ ,ಎಂ. ಲೀ (1931--) 1996
David , M. Lee (PHY.) 1996
ಅಸಂಸಂ-ಭೌತಶಾಸ್ತ್ರ-ನಿಮ್ನ ತಾಪಮಾನ, ಅತಿಪ್ರವಾಹಿತತೆಯ ಸಂಶೋಧನೆಗಳ ಮುಂದಾಳು.
ಇಂಗ್ಲೆಂಡ್ ಹಾಗೂ ಲಿಥುವೇನಿಯಾ ಮೂಲದ ಯಹೂದಿ ವಲಸೆಗಾರ ಕುಟುಂಬದ ಇಂಜಿನಿಯರ್ ತಂದೆ, ಶಿಕ್ಷಕಿ ತಾಯಿಯರ ಮಗನಾಗಿ 20 ಜನವರಿ 1931 ರಂದು ನ್ಯೂಯಾರ್ಕ್ ಬಳಿಯ ಸಣ್ಣ ಹಳ್ಳಿಯಲ್ಲಿ ಡೇವಿಡ್ ಜನಿಸಿದನು. ಡೇವಿಡ್ ಬಾಲ್ಯ ಮನೆ ಸನಿಹದಲ್ಲಿದ್ದ ಸಮುದ್ರ ತೀರದಲ್ಲಿ ಕಪ್ಪೆ ಚಿಪ್ಪು, ಶಂಖು ಹಾಗೂ ಬಗೆ ಬಗೆಯ ಜೀವಿ, ಸಸ್ಯಗಳನ್ನು ಸಂಗ್ರಹದಲ್ಲಿ ಕಳೆಯಿತು. ರೈಲುಗಳ ಬಗೆಗೆ ಬಹು ಕುತೂಹಲ ಹೊಂದಿದ್ದ ಡೇವಿಡ್, ಬಾಲಕನಾಗಿದ್ದಾಗಲೇ ನೂರಾರು ರೈಲು ಬರುವ ಹಾಗೂ ಬಿಡುವ ವೇಳೆಗಳನ್ನು ಜ್ಞಾಪಕದಲ್ಲಿಟ್ಟುಕೊಂಡಿದ್ದನು. ಪ್ರೌಢಶಾಲೆಗೆ ಬಂದಾಗ ಹವಾಗುಣ, ಹವಾಮಾನಗಳ ಬಗೆಗೆ ಅಸಕ್ತಿ ಹೊಂದಿದ್ದನು. ಮಳೆ ಬಿಸಿಲುಗಳನ್ನು ಸೂಚಿಸುವ ತನ್ನದೇ ದಾಖಲೆಗಳನ್ನು ಹೊಂದಿದ್ದನು. ಡೇವಿಡ್ ಪ್ರೌಢಶಾಲೆಯಲ್ಲಿದ್ದಾಗ ಗ್ರಂಥಾಲಯದಿಂದ ಸರ್ ಜೇಮ್ಸ್ ಜೀನ್ಸ್ನ ದಿ ಮಿಸ್ಟೀರಿಯಸ್ ಯೂನಿವರ್ಸ್ನ ಪುಸ್ತಕವನ್ನು ತಂದುಕೊಡುವಂತೆ ಕೇಳಿದನು. ಈ ಪುಸ್ತಕವನ್ನು ಬಹು ಜನ ಓದಿರುವರಾದರೂ, ಅದನ್ನು ಅರ್ಥಮಾಡಿಕೊಂಡಿರುವವರು, ಕಡಿಮೆ ಜನವೆಂದು ಹೇಳಿದ ಆತನ ತಂದೆ, ಡೇವಿಡ್ನ ಆಸೆಯನ್ನು ಮೊಟಕುಗೊಳಿಸಲಿಲ್ಲ. ಡೇವಿಡ್ ಈ ಪುಸ್ತಕ ಓದಿ ಆಗಿನ ಆಧುನಿಕ ಬ್ರಹ್ಮಾಂಡ ವಿಜ್ಞಾನದ ರೂಪು ರೇಷೆಗಳನ್ನು ಅರಿತನು. 1948ರಲ್ಲಿ ಪ್ರೌಢಶಿಕ್ಷಣ ಮುಗಿಸಿ, ಹಾರ್ವರ್ಡ್ ವಿಶ್ವವಿದ್ಯಾಲಯ ಸೇರಿ ಪ್ರಮುಖವಾಗಿ ಭೌತಶಾಸ್ತ್ರವನ್ನು ಆರಿಸಿಕೊಂಡನು. ವೈದ್ಯನಾಗಬೇಕೆಂದು ಕೆಲಕಾಲ ಆಶಿಸಿದ ಡೇವಿಡ್, ಕೆಲ ಕಾಲ ಇದರಲ್ಲಿ ತರಬೇತಿ ಹೊಂದಿದನಾದರೂ, ನಂತರ ಇದರಲ್ಲಿ ಪೂರ್ಣ ಅಭಿರುಚಿ ಹೊಂದದೆ ದೂರ ಉಳಿದನು. 1952ರಲ್ಲಿ ಹಾರ್ವರ್ಡ್ನಿಂದ ಪದವಿ ಗಳಿಸಿದ ಡೇವಿಡ್, ಅಸಂಸಂ ಸೇನೆಗೆ ಸೇರಿ 22 ತಿಂಗಳುಗಳ ಕಾಲ ಸೇವೆ ಸಲ್ಲಿಸಿದನು. ಉತ್ತರ ಕೊರಿಯಾದ ಯುದ್ದದ ಅಂತಿಮ ಘಟ್ಟಗಳಲ್ಲಿ ಭಾಗವಹಿಸಿದ್ದನು. ಸೇನೆಯಲ್ಲಿರುವಾಗ ಹರ್ಬಟ್ ಬ್ರೌನ್ ಎಂಬ ಸೈನಿಕನ ಪರಿಚಯವಾಯಿತು. ಈತ ಕನೆಕ್ಟಿಕಟ್ ವಿಶ್ವವಿದ್ಯಾಲಯದಲ್ಲಿ ಪೌಲ್ ಜಿಲ್ಸೆಲ್ ಕೆಳಗೆ ಅತಿ ಪ್ರವಾಹಿತ್ವದ (Superfluidity) ಬಗೆಗೆ ವಿಶೇಷ ಅಧ್ಯಯನ ನಡೆಸಿದ್ದನು. ಇವರಿಬ್ಬರು ವಿಜ್ಞಾನ ಕುರಿತಾಗಿ ಬಹು ಫಲಪ್ರಧ ಚರ್ಚೆ ಸಾಗಿಸುತ್ತಿದ್ದರು. ಮುಂದೆ ಹರ್ಬರ್ಟ್ ಬ್ರೌನ್ ವಿಶ್ವವಿದ್ಯಾಲಯದಲ್ಲಿ ಸೈದ್ಧಾಂತಿಕ ಭೌತಶಾಸ್ತ್ರದ ಪ್ರಾಧ್ಯಾಪಕನಾದನು. 1954ರಲ್ಲಿ ಸೇನೆಯ ಸೇವೆ ಪೂರ್ಣಗೊಳಿಸಿದ ಡೇವಿಡ್ ಕನೆಕ್ಟಿಕಟ್ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿ ಪ್ರಯೋಗಶೀಲ ಭೌತಶಾಸ್ತ್ರದ ಮೂಲ ತತ್ತ್ವಗಳನ್ನು ಕಲಿತನು. ಇಲ್ಲಿ ಪ್ರಾಧ್ಯಾಪಕನಾಗಿದ್ದ ಎಡ್ಗರ್ ಎವರ್ಹಾರ್ಟ್ ನಿರ್ಮಿಸುತ್ತಿದ್ದ ಕಾಕ್ರಾಫ್ಟ್-ವಾಲ್ಟನ್ ವೇಗೋತ್ಕರ್ಷಕಕ್ಕೆ (Accelerator) ಅಯಾನೀಕರಣ ಮಾಪಕ ವಿನ್ಯಾಸಗೊಳಿಸುವ ಹೊಣೆ ಡೇವಿಡ್ಗೆ ಬಂದಿತು. ಇದೇ ವಿಶ್ವವಿದ್ಯಾಲಯದಲ್ಲಿದ್ದ ಪ್ರಾಧ್ಯಾಪಕ ರೆನಾಲ್ಡ್ಸ್ನಿಂದಾಗಿ ಅತಿದ್ರಾವಕತೆ, ನಿಮ್ನ ತಾಪಮಾನಗಳ, ಭೌತಶಾಸ್ತ್ರದತ್ತ ಒಲವು ಬೆಳೆಯಿತು. ಇಲ್ಲಿರುವಾಗಲೇ ಪ್ರಯೋಗ ಪರಿಣಿತನಾದ ಜಾನ್ ರೆಪ್ಟ್ನ ಸ್ನೇಹ ದಕ್ಕಿತು. ಈ ಸ್ನೇಹ ಅತ್ಯಂತ ಫಲಪ್ರದವಾದುದ್ದಾಗಿದ್ದಿತು. ಜಾನ್ ರೆಪ್ಟ್, ಅತ್ಯುತ್ತಮ ಪರ್ವತಾರೋಹಿಯಾಗಿದ್ದು, ಡೇವಿಡ್ ಸಹ ಅದರಲ್ಲಿ ಗಮಾನಾರ್ಹವಾಗಿ ತೊಡಗಿಕೊಳ್ಳುವಂತೆ ಮಾಡಿದನು. ಕನೆಕ್ಟಿನಟ್ನಲ್ಲಿ ಸ್ನಾತಕೋತ್ತರ ಪದವಿ ಮುಗಿಸಿದ ಡೇವಿಡ್ 1955ರಲ್ಲಿ ಯೇಲ್ ವಿಶ್ವವಿದ್ಯಾಲಯದಲ್ಲಿ ಡಾಕ್ಟರೇಟ್ ಗಳಿಕೆಗೆ ನೊಂದಾಯಿಸಿಕೊಂಡನು. ಯೇಲ್ ವಿಶ್ವವಿದ್ಯಾಲಯದಲ್ಲಿ ನಿರ್ಮಾಣ ಹಂತದಲ್ಲಿದ್ದ ಭಾರ ಆಯಾನ್ ಸರೇಖೀಯ ವೇಗೋತ್ಕರ್ಷಕದಲ್ಲಿ ಅಯಾನ್ನಿಂದ ಎಲೆಕ್ಟ್ರಾನ್ಗಳನ್ನು ಹೊರತೆಗೆಯುವ ವಿಧಾನದ ಅಧ್ಯಯನಕ್ಕೆ ಡೇವಿಡ್ ನಿಯೋಜಿತನಾದನು. ಅಯಾನ್ಗಳಿಂದ, ಹೆಚ್ಚು ಎಲೆಕ್ಟ್ರಾನ್ಗಳನ್ನು ತೆಗೆದಂತೆಲ್ಲಾ, ನಿವ್ವಳ ಆವಿಷ್ಟವನ್ನು ಹೆಚ್ಚಿಸಿ ಅವುಗಳನ್ನು ವೇಗವರ್ಧನೆಗೊಳಿಸಿ ಅಧಿಕ ಚೈತನ್ಯ ಗಳಿಸುವಂತೆ ಮಾಡಬಹುದು. ಈ ಕಾರ್ಯದಲ್ಲಿ ಡೇವಿಡ್ಗೆ ಗಮನಾರ್ಹ ಯಶಸ್ಸು ಲಭಿಸಿತು. ಯೇಲ್ನಲ್ಲಿ ಹಿರಿಯ ಸಂಶೋಧಕ ವಿದ್ಯಾರ್ಥಿಯಾಗಿದ್ದ ರಸೆಲ್ ಡೊನೆಲ್ನ ಪರಿಚಯವಾಗಿ, ಆತನಿಗೆ ಪ್ರಯೋಗಗಳಲ್ಲಿ ನೆರವಾಗುತ್ತ ನಿಮ್ನ ತಾಪಮಾನ ಭೌತಶಾಸ್ತ್ರದಲ್ಲಿ ಡೇವಿಡ್ ತನ್ನ ಭವಿಷ್ಯವನ್ನು ಗುರುತಿಸಿಕೊಂಡನು. 1959ರಲ್ಲಿ ಡಾಕ್ಟರೇಟ್ ಗಳಿಸಿದ ಡೇವಿಡ್, ಕಾರ್ನೆಲ್ ವಿಶ್ವವಿದ್ಯಾಲಯದಲ್ಲಿ ಅಧ್ಯಾಪಕನಾದನು. ಇಲ್ಲಿ ಹೀಲಿಯಂ ದ್ರವಕಾರಕದ ನಿರ್ಮಾಣಕ್ಕೆ ಕಾರಣನಾದನು. ಡೇವಿಡ್ ಹಾಗೂ ಆತನ ವಿದ್ಯಾರ್ಥಿಗಳ ಪ್ರಯೋಗಗಳಿಂದ , ಘನಗಳಲ್ಲಿ ಪ್ರತಿ,ಫೆರೋ ಕಾಂತೀಯ ಕ್ರಮಗಳು ಅನಾವರಣಗೊಳಿಸಲ್ಪಟ್ಟವು. ಹೀಲಿಯಂನ ಅತಿ ದ್ರಾವಕತೆಯ (Superliquidity) ಬಗೆಗೆ ಡೇವಿಡ್ ಹಾಗೂ ಸಂಗಡಿಗರಿಂದ ನೂರಾರು ಪ್ರಯೋಗಗಳು ರೂಪುಗೊಂಡು ಹೊಸ ವಿದ್ಯಾಮಾನಗಳನ್ನು ಬೆಳಕಿಗೆ ತಂದವು. ಡೇವಿಡ್ ಹಾಗೂ ಜಾನ್ ರೆಪ್ಟ್ ಅಸಂಸಂದ ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್ ಆಯ್ಕೆಯಾದರು. ನಿಮ್ನ ತಾಪಮಾನ ಭೌತಶಾಸ್ತ್ರದಲ್ಲಿನ ಸಾಧನೆಗಾಗಿ ಡೇವಿಡ್ 1996ರ ನೊಬೆಲ್ ಪ್ರಶಸ್ತಿ ಗಳಿಸಿದನು.
ಡಗ್ಲಾಸ್. ಡಿ ಒಷೆರಾಫ್ 1996
Douglass , D.Oshoroff
ಅಸಂಸಂ-ಭೌತಶಾಸ್ತ್ರ-ಅತಿಪ್ರವಾಹಿತ್ವ ಅಧ್ಯಯನದ ಮುಂದಾಳು.
ಒಷೆರಾಫ್ ತಂದೆ ರಷ್ಯಾ ಮೂಲದವನಾಗಿದ್ದರೆ ತಾಯಿ ಸ್ಲೊವಾಕಿಯದವಳು . ಇವರು ಇಪ್ಪತ್ತನೇ ಶತಮಾನದ ಆದಿಯಲ್ಲಿ ಅಸಂಸಂಗಳಿಗೆ ವಲಸೆ ಬಮ್ದು ನೆಲೆಸಿದ್ದರು. ಒಷೆರ ತಂದೆ ವೈದ್ಯನಾಗಿದ್ದರೆ ತಾಯಿ ದಾದಿಯಾಗಿದ್ದಳು. ಇವರ ಐದು ಮಕ್ಕಳಲಿ ಎರಡನೆಯವಾದ ಒಷೆರಾ¥sóï, ವಾಷಿಂಗ್ಟನ್ ಸನಿಹದ ಅಬೆರ್ಡೀನ್ ಪಟ್ಟಣದಲ್ಲಿ ಬಾಲ್ಯವನ್ನು ಕಳೆದನು. ತಂದೆ ವೈದ್ಯನಾಗಿದ್ದರೂ ರಕ್ತ, ಮಾಂಸಗಳೆಂದರೆ ಒಷೆರಾ¥sóï ಹಿಂಜರಿಯುತ್ತಿದ್ದನು. ಪ್ರೌಢಶಾಲೆಗೆ ಬರುವ ವೇಳೆಗೆ ನಾನಾ ತರದ ಯಾಂತ್ರಿಕ ಉಪಕರಣಗಳನ್ನು ಸಂಗ್ರಹಿಸುವುದು ತಾನೇ ಸ್ವಯಂ ಜೋಡಿಸುವುದು ನಿರ್ಮಿಸುವುದು ಒಷೆರಾಫ್ನ ನೆಚ್ಚಿನ ಹವ್ಯಾಸವಾಗಿದ್ದಿತು. ಒಷೆರಾಪ್ಫ಼ ಭೌತಶಾಸ್ತ್ರದ ಪದವಿಗಾಗಿ ಕ್ಯಾಲ್ಟೆಕ್ ವಿಶ್ವ ವಿದ್ಯಾಲಯ ಸೇರಿದನು. ಇಲ್ಲಿ ಖ್ಯಾತ ವಿಜ್ಞಾನಿ ಮುಂದೆ ನೊಬೆಲ್ ಪ್ರಶಸ್ತಿ ವಿಜೇತನಾದ ಫೆಯ್ನಮನ್ ಉಪನ್ಯಾಸ ನೀಡುತ್ತಿದ್ದನು. ಫೆಯ್ನ್ಮನ್ ಒಡ್ಡುತ್ತಿದ್ದ ಭೌತಶಾಸ್ತ್ರದ ಸಮಸ್ಯೆಗಳಿಗೆ ಪರಿಹಾರಗಳನ್ನು ಚಿಂತಿಸುತ್ತಾ ಒಷೆರಾಫ್ ಪದವಿಯಲ್ಲಿ ಮುಂದುವರೆದನು. ಇದೇ ಸಮಯದಲ್ಲಿ ಡಾನ್ ಮೆಕ್ಕಾಲ್ಮ್ ಮತ್ತು ವಾಲ್ಟರ್ ಒಗಿಯರ್, ಅತಿನಿಮ್ನ ತಾಪಮಾನ ಗಳಿಸಿ ಹೀಲಿಯಂನ್ನು 0.5 ಕೆಲ್ವಿನ್ ತಾಪಮಾನಕ್ಕಿಳಿಸಲು ಪ್ರಯೋಗಗಳನ್ನು ಹಮ್ಮಿಕೊಂಡಿದ್ದರು. ಒಷೆರಾಫ್ ಇವರ ತಂಡ ಸೇರಿ ನಿಮ್ನ ತಾಪಮಾನದ ಬಗೆಗೆ ಗಮನಾರ್ಹ ಜ್ಞಾನ ಸಂಪಾದಿಸಿದನು. ಪದವಿಯ ನಂತರ ಕಾರ್ನೆಲ್ ವಿಶ್ವವಿದ್ಯಾಲಯ ಸೇರಿದ ಒಷೆರಾಫ್ ಇಲ್ಲಿ ಡೇವಿಡ್ ಲೀಯೊಂದಿಗೆ ನಿಮ್ನ ತಾಪಮಾನ ಸಂಶೋಧನಾ ತಂಡ ಸೇರಿದನು. ನಂತರ ಬೆಲ್ ಪ್ರಯೋಗಾಲಯದಲ್ಲಿ ಹೀಲಿಯಂ ಅತಿಪ್ರವಾಹಿತತೆಯ (Superfluidity) ಸಂಶೋಧನೆಗೆ ನಿಯೋಜಿತನಾದನು. 1974ರ ಅವಧಿಯಲ್ಲಿ ಒಷೆರಾಫ್ ಹಾಗೂ ಸಂಗಡಿಗರು ಕ್ರಮಭಂಗಿತ (Disordered) ಘನ 3Heನಲ್ಲಿ ಪ್ರತಿಫೆರೋಕಾಂತೀಯ ಅನುರಣನವಿರುವುದನ್ನು ಪತ್ತೆ ಹಚ್ಚಿದರು. ಇದೇ ವಿದ್ಯಾಮಾನವನ್ನು ಫ್ಲೊರಿಡಾ ವಿಶ್ವ ವಿದ್ಯಾಲಯದ ವಿಜ್ಞಾನಿಗಳು ಸಹ ಗುರುತಿಸಿದ್ದರು. ಒಷೆರಾಫ್ 1987ರಲ್ಲಿ ಬೆಲ್ ಪ್ರಯೋಗಾಲಯ ತೊರೆದು ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದ ಭೌತಶಾಸ್ತ್ರ ವಿಭಾಗ ಸೇರಿದನು. ಇಲ್ಲಿ ನಡೆಸಿದ ಪ್ರಯೋಗಗಳಿಂದ 3He ಅತಿಪ್ರವಾಹಿತ್ವದ ಸಂಪೂರ್ಣ ಸ್ವರೂಪ ತಿಳಿದು ಬಂದಿತು. ಇದಕ್ಕಾಗಿ ಒಷೆರಾಫ್ 1996ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ರೊಲ್ಫ್ ,ಎಂ. ಝಿಂಕರೇಂಜೆಲ್ (1944--) 1996
Rolf . M. Zinckerangel
ಸ್ವಿಟ್ಸಲ್ರ್ಯಾಂಡ್-ವೈದ್ಯಕೀಯ-
ರೋಲ್ಫ್ ಬೇಸೆಲ್ ಹತ್ತಿರದ ರೀಹೆನ್ ಹಳ್ಳಿಯಲ್ಲಿ 1944 ರಂದು ಜನಿಸಿದನು. ತನ್ನ ಜೀವನದ ಮೊದಲ 25 ವರ್ಷಗಳನ್ನು ಇಲ್ಲಿಯೇ ಕಳೆದನು. ರೋಲ್ಫ್ನ ಪೂರ್ವಜರು ಮೂಲತ ಜರ್ಮನಿಯವರಾಗಿದ್ದು 1918ರಲ್ಲಿ ಬೇಸಲ್ಗೆ ಬಂದು ನೆಲೆಸಿದ್ದರು. ರೋಲ್ಫ್ನ ತಂದೆ ಬೇಸಲ್ನಲ್ಲಿದ್ದು ಖ್ಯಾತ ಔಷಧಿ ಕಂಪನಿ ಜೆ.ಅರ್.ಗೀಗೈ ಕಂಪನಿಯಲ್ಲಿ ಡಾಕ್ಟರೇಟ್ ಹೊಂದಿ ಕೆಲಸಕ್ಕೆ ಸೇರಿದ ಪ್ರಥಮ ವ್ಯಕ್ತಿಯೆಂದು ದಾಖಲಾಗಿದ್ದಾನೆ. 1968ರಲ್ಲಿ ರೋಲ್ಫ್ ವೈದ್ಯಕೀಯ ಪದವಿ ಗಳಿಸಿದನು. ಇದೇ ವರ್ಷ ತನ್ನ ಸಹ ಪಾಠಿಯಾಗಿದ್ದ ವೈದ್ಯ ಕ್ಯಾಥರಿನ್ಳನ್ನು ಮದುವೆಯಾದನು. ಕುಷ್ಟರೋಗ ಕುರಿತು ಹೆಚ್ಚಿನ ಸಂಶೋಧನೆಗಾಗಿ ಆಫ್ರಿಕಾ ಖಂಡಕ್ಕೆ ಹೋಗಬೇಕೆಂದು ಈ ದಂಪತಿಗಳು, ವಿಶ್ವ ಸಂಸ್ಥೆಯ ಆರೋಗ್ಯ ಇಲಾಖೆಗೆ ಹಾಗೂ ಇತರ ಅಂತರಾಷ್ಟ್ರೀಯ ಅರೋಗ್ಯ ಸಂಸ್ಥೆಗಳಿಗೆ ಅರ್ಜಿ ಸಲ್ಲಿಸಿದರು. ಆದರೆ ಇವರ ಅನನುಭವದಿಂದ ಎಲ್ಲಿಯೂ ಕೆಲಸ ದಕ್ಕಲಿಲ್ಲ. 1969ರಿಂದ ರೋಲ್ಫ್ ಬೇಸೆಲ್ನ ಆಸ್ಪತ್ರೆಯೊಂದರಲ್ಲಿ ವೈದ್ಯನಾಗಿ ವೃತ್ತಿ ಜೀವನ ಪ್ರಾರಂಭಿಸಿದನು. ಅಲ್ಪಾವಧಿಯಲ್ಲೇ ಝೂರಿಕ್ ವಿಶ್ವವಿದ್ಯಾಲಯದಲ್ಲಿ ಪ್ರಾಯೋಗಿಕ ವೈದ್ಯಕೀಯದಲ್ಲಿ ಸ್ನಾತಕೋತ್ತರ ಪದವಿಗೆ ಸೇರಿದನು. ಇಲ್ಲಿರುವಾಗಲೇ ಅಣ್ವಯಿಕ ಜೀವಶಾಸ್ತ್ರ, ಜೀವ ರಸಾಯನಶಾಸ್ತ್ರ, ತಳಿಶಾಸ್ತ್ರ ನರಜೀವಶಾಸ್ತ್ರ, ರೋಗರೋಧಶಾಸ್ತ್ರದಲ್ಲಿನ ಮೂಲ ಅಂಶಗಳು ರಾಲ್ಫ್’ಗೆ ಮನದಟ್ಟಾದವು. 1970ರಲ್ಲಿ ತೌಸೆನೆ “ವಿಶ್ವವಿದ್ಯಾಲಯದಲ್ಲಿ ಜೀವ ರಸಾಯನಶಾಸ್ತ್ರದಲ್ಲಿ ಹೆಚ್ಚಿನ ವ್ಯಾಸಂಗ ಮುಂದುವರೆಸಿದನು. ಅತಿಥೇಯ ಕೋಶಗಳ ರೋಗರೋಧಕ ಶಕ್ತಿ ವ್ಯತ್ಯಯಕ್ಕೆ ಕಾರಣಗಳ ಹುಡುಕಾಟದಲ್ಲಿ ಕೋಶಗಳನ್ನು ರೇಡಿಯೋ ಸಮಸ್ಥಾನಿಗಳಿಂದ (Isotope) ಗುರುತಿಸಿ ಹಲವಾರು ಪ್ರಯೋಗಗಳನ್ನು ನಡೆಸಿದನು. ಆದರೆ ಇವುಗಳಿಂದ ಯಾವುದೇ ನಿರ್ಣಾಯಕ ಫಲಿತಾಂಶಗಳು ದಕ್ಕಲಿಲ್ಲ. ರೋಗ ರೋಧತ್ವದ (Immunity) ಕ್ರಿಯಾಶೀಲತೆಯ ಬಗೆಗೆ ಹೆಚ್ಚಿನ ಅಧ್ಯಯನ ಹಾಗೂ ಸಂಶೋಧನೆ ಬಯಸಿ ರಾಲ್ಫ್ ದಂಪತಿಗಳು ಜಗತ್ತಿನಾದ್ಯಂತ ಐವತ್ತಕ್ಕೂ ಹೆಚ್ಚು ಕಡೆ ಪ್ರವೇಶ ಬಯಸಿದರಾದರೂ ಅವರಿಗೆ ನಿರಾಶೆ ಕಾದಿದ್ದಿತು. ರಾಲ್ಫ್ 1972ರಲ್ಲಿ ಕ್ಯಾನ್ಬೆರಾದ ಸೂಕ್ಷ್ಮ ಜೀವಿ ವಿಭಾಗದಲ್ಲಿ ಕೋಶ ಮೂಲದ ಹಾಗೂ ಪ್ರತಿಕಾಯ (Antibody) ಮೂಲದ ಮೇಲೆ ಅವಲಂಬಿತವಾಗಿರುವ ರೋಗರೋಧ ವ್ಯವಸ್ಥೆಗಳ ತೌಲನಿಕ ಅಧ್ಯಯನ ಪ್ರಾರಂಭಿಸಿದನು. ಇಲ್ಲಿನ ಜಾನ್ ಕುಟಿನ್ ಶಾಲಾ ವಿಭಾಗದಲ್ಲಿದ್ದು ಪೀಟರ್ ಡೊಹೆರ್ತಿ ಸೆಮ್ಲಿಕಿ ಕಾಡಿನ ವೈರಸ್ ಪೀಡಿತ ಇಲಿಗಳ ಮೆದುಳಿನಲ್ಲಿನ ಊತಕಗಳನ್ನು ಕುರಿತಾಗಿ ಸಂಶೋಧನೆ ನಡೆಸಿದ್ದನು. ರೋಲ್ಫ್ ಈತನೊಂದಿಗೆ ಸೇರಿದನು. ಇವರಿಬ್ಬರು ಸೇರಿ ಇಲಿಯ ಮೆದುಳು ಬಳ್ಳಿಯ ರಸವನ್ನು ಸಂಗ್ರಹಿಸಿ ಮೆದುಳಿನ ಊತಕದ ರೋಗರೋಧಕಾರಣಗಳ ವಿಶ್ಲೇಷಣೆ ಪ್ರಾರಂಭಿಸಿದರು. ರೋಲ್ಫ್ ಮುಂದೆ ಹಲವಾರು ಜನ ಬೇರೆಯ ವಿಜ್ಞಾನಿಗಳೊಂದಿಗೆ ವೈರಸ್ ಸೋಂಕಿತ ಅತಿಥೇಯದ ರೋಗ ರೋಧವ್ಯವಸ್ಥೆ, ಅದರ ಕ್ರಿಯಾಶೀಲತೆ ವೈರಸ್ನ ಆಕ್ರಮಣ ವ್ಯವಸ್ಥೆಯೊಂದಿಗೆ ಹೇಗೆ ವಿಕಸಿಸಿದೆಯೆಂದು ಅರಿಯಲು ವಿಸ್ತೃತವಾದ ಸಂಶೋಧನೆ ನಡೆಸಿದನು. ಇದಕ್ಕಾಗಿ 1996ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ರಾಬರ್ಟ್, ಸಿ. ರಿಚರ್ಡ್ಸನ್ –(1937--) 1996
Robert , C.Richardson
ಅಸಂಸಂ-ಇಂಜಿನಿಯರ್-ಭೌತಶಾಸ್ತ್ರ-ನಿಮ್ನ ತಾಪಮಾನದ ಸಂಶೋಧನಾ ಮುಂದಾಳು.
ರಿಚರ್ಡ್ಸನ್ 26 ಜೂನ್ 1937ರಂದು ವಾಷಿಂಗ್ಟನ್ನಲ್ಲಿ ಜನಿಸಿದನು. ರಿಚರ್ಡ್ಸನ್ ತಂದೆ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದನು. ತಾಯಿ ಅನಾಥಳಾಗಿ ಬೆಳೆದು ಕಾಲೇಜಿಗೆ ಸೇರುವ ಮುನ್ನ ಕೇವಲ ಒಂದು ವರ್ಷದ ಔಪಚಾರಿಕ ಶಿಕ್ಷಣ ಪೂರೈಸಿದ್ದಳು. ಆದರೆ ಮುಂದೆ ತನ್ನ ಸ್ವಂತ ಪರಿಶ್ರಮದಿಂದ ಆಕೆ ಕಾಲೇಜು ವಿದ್ಯಾಭ್ಯಾಸವನ್ನು ಸಹ ಪೂರೈಸಿದ್ದಳು. ರಿಚರ್ಡ್ಸನ್ ತಂದೆ, ಎರಡನೇ ಜಾಗತಿಕ ಯುದ್ದ ಹಾಗೂ ಕೊರಿಯಾ ಯುದ್ದಗಳಲ್ಲಿ ಭಾಗಿಯಾದುದರಿಂದ, ಸೇನೆಯಿಂದ ಲಭಿಸಿದ ಸವಲತ್ತುಗಳನ್ನು ಬಳಸಿಕೊಂಡು, 1955ರಲ್ಲಿ ಮೇರಿಲ್ಯಾಂಡ್ ವಿಶ್ವವಿದ್ಯಾಲಯದಿಂದ ಪದವಿ ಪಡೆದನು. ರಿಚರ್ಡ್ಸನ್ ಪ್ರಾಥಮಿಕ ಶಿಕ್ಷಣ ಮುಗಿಸಿ, ಪ್ರೌಧಶಾಲೆಗೆ ಸೇರಿದಾಗ ಸ್ಕಾಟ್ ದಳಕ್ಕೆ ಸೇರಿದನು. ಸ್ಕೌಟ್ ಶಿಬಿರಾರ್ಥಿಯಾಗಿ ಮೇರಿಲ್ಯಾಂಡ್ನ ವಿಶಾಲ ಜಾಗಗಳಲ್ಲಿ ಪ್ರಾಣಿ, ಪಕ್ಷಿ , ವೈವಿದ್ಯಗಳನ್ನು ಕಂಡು, ಅವುಗಳ ಬಗೆಗೆ ಕುತೂಹಲ ತಳೆದಿದ್ದನು. ನೂರಾರು ಹಕ್ಕಿಗಳ ವಸತಿ, ಜೀವನ ವಿಧಾನ, ಕಲರವಗಳು ರಿಚರ್ಡ್ಸನ್ಗೆ ಚಿರಪರಿತವಾಗಿದ್ದವು. ವಾಷಿಂಗ್ಟನ್ ಲೀ ಹೈ ಪ್ರೌಢಶಾಲೆಯಲ್ಲಿದ್ದಾಗ ರಿಚರ್ಡ್ಸನ್ಗೆ ವಿಜ್ಞಾನದಲ್ಲಿ ಅಂತಹ ಉತ್ತಮವಾದ ಶಿಕ್ಷಣವೇನೂ ಸಿಗಲಿಲ್ಲ. 1953ರಲ್ಲಿ ಆ ಶಾಲೆಯಲ್ಲಿನ ಕೆಲ ಉಪಾಧ್ಯಾಯರು ಪ್ರೋಟಾನ್ನ ಪರಿಕಲ್ಪನೆಯನ್ನು ವಿವಾದಾಸ್ಪದವೆಂದು ಪರಿಗಣಿಸಿದ್ದರು. 1954ರಲ್ಲಿ ವರ್ಜೀನಿಯಾ ಪಾಲಿಟೆಕ್ನಿಕ್ ಇನ್ಸ್ಟಿಟ್ಯೂಟ್ನಲ್ಲಿ ವೈದ್ಯುತ್ ಇಂಜಿನಿಯರಿಂಗ್ ಕಲಿಯಲು ಸೇರಿದನು. ಅತ್ಯಲ್ಪಕಾಲದಲ್ಲೇ ಇಂಜಿನಿಯರಿಂಗ್ ಡ್ರಾಯಿಂಗ್ನಿಂದ ಬೇಸರಗೊಂಡು ಆಸಕ್ತಿ ಕಳೆದುಕೊಂಡು, ರಸಾಯನಶಾಸ್ತ್ರಕ್ಕೆ ವರ್ಗಾವಣೆ ಪಡೆದನು. ಇಲ್ಲಿ ರಿಚರ್ಡ್ಸನ್ಗೆ ಎದುರಾದ ತೊಂದರೆಗಳು ಹಲವಾರು ಪ್ರಯೋಗಗಳಲ್ಲಿ ಅಗತ್ಯಕ್ಕಿಂತಲೂ ಹೆಚ್ಚಾಗಿ ಆಮ್ಲಗಳನ್ನು ಬೆರೆಸಿದನು, ವರ್ಣಗುರುಡಿನಿಂದಾಗಿ, ರಾಸಾಯನಿಕ ಕ್ರಿಯೆ ಪೂರ್ತಿಗೊಂಡಿದೆಯೇ ಇಲ್ಲವೋ ಎಂದು ನಿರ್ಧರಿಸಲಾರದ ಸ್ಥಿತಿಗೆ ಬಂದನು. ಹೀಗಾಗಿ ರಿಚರ್ಡ್ಸನ್ , ಭೌತಶಾಸ್ತ್ರ ವಿಭಾಗ ಸೇರಿದನು. ಇಲ್ಲಿಯೂ ಅಂತಹ ಉತ್ತಮ ವಿದ್ಯಾರ್ಥಿಯೆನಿಸಿಕೊಳ್ಳದೆ ಎರಡನೇ ಶ್ರೇಣಿ ಪಡೆದನು. ಕಾಲೇಜಿನಲ್ಲಿರುವಾಗ ಬೇಸಿಗೆ ರಜಾ ದಿನಗಳನ್ನು ಕಳೆಯಲು ನ್ಯಾಷನಲ್ ಬ್ಯೂರೋ ಆಫ್ ಸ್ಟ್ಯಾಂಡರ್ಡ್ರ್ಸ್ ಸೇರಿದನು. ಇಲ್ಲಿ ತಪಾಸಣೆಗಾಗಿ ಬರುತ್ತಿದ್ದ ವೈದ್ಯುತ್ ಉಪಕರಣಗಳನ್ನು ಪರಿಶೀಲಿಸುವ ಕೆಲಸಕ್ಕೆ ನಿಯೋಜಿತನಾದನು. ಅತ್ಯಲ್ಪ ಕಾಲದಲ್ಲೇ ಇದರಲ್ಲಿ ಆಸಕ್ತಿ ಮೂಡಿ, ಬಿಡುವಿನ ವೇಳೆಯಲ್ಲಿ ವೈದ್ಯುತ್ ಇಂಜಿನಿಯರಿಂಗ್ ತತ್ತ್ವಗಳನ್ನು ಓದಿ ಅರಗಿಸಿಕೊಂಡನು. ಪದವಿ ಮುಗಿದ ಮೇಲೆ ದೊಡ್ಡ ವ್ಯಾಪಾರಸ್ಥನಾಗಬೇಕೆಂದು ಬಯಸಿದನು. ಸ್ವಲ್ಪ ದಿನಗಳಲ್ಲೇ ಇನ್ನೂ ವಿದ್ಯಾಭ್ಯಾಸ ಮುಂದುವರೆಸಿ, ಸ್ನಾತಕೋತ್ತರ ಪದವಿ ಪಡೆಯುವ ಆಸೆಯೂ ರಿಚರ್ಡ್ಸನ್ ತಲೆಯಲ್ಲಿ ಮಿಂಚಿ ಮಾಯವಾಯಿತು. ಮಿಲಿಟರಿ ಸೇರಿ, ಅಲ್ಲಿನ ಹಲವಾರು ಕಾರ್ಯಕ್ರಮಗಳಲ್ಲಿ ರಿಚರ್ಡ್ಸನ್ ಭಾಗಿಯಾದನು. ಇಲ್ಲಿನ ತರಬೇತಿಯಿಂದಾಗಿ, ವೃತ್ತಿ ತೃಪ್ತಿ ದಕ್ಕದೆ ಜುಗುಪ್ಸೆಗೊಂಡನು. ಇವೆಲ್ಲವನ್ನೂ ಹಿಂದಿಟ್ಟು 1960ರಲ್ಲಿ ಹಾಸ್ರ್ಟ್ ಮೇಯರ್ನ ಕೆಳಗೆ ಸಂಶೋಧನಾ ವಿದ್ಯಾರ್ಥಿಯಾಗಿ ಡ್ಯೂಕ್ ವಿಶ್ವವಿದ್ಯಾಲಯ ನಿಮ್ನ ತಾಪಮಾನದ ವಿಭಾಗದಲ್ಲಿ ಅಧ್ಯಯನ ಪ್ರಾರಂಭಿಸಿದನು. ಇಲ್ಲಿಗೆ ಸಂಶೋಧನಾ ಸಹಾಯಕನಾಗಿ ಸೇರಿದ ಅರ್ಲ್ ಹಂಟ್ನಿಂದ, ಬೈಜಿಕ ಕಾಂತೀಯ ಅನುರಣನ (Nuclear Magnetic Resonance) ವಿದ್ಯಾಮಾನದ ಪರಿಚಯವಾಯಿತು. ಘನ ಹೀಲಿಯಂನಲ್ಲಿನ ಅಂತಕ್ರಿಯೆಗಳನ್ನು ಕುರಿತಾಗಿ ಸಂಪ್ರಬಂಧ ಮಂಡಿಸಿ 1965ರಲ್ಲಿ ಡಾಕ್ಟರೇಟ್ ಗಳಿಸಿದನು. 1966ರಲ್ಲಿ ಕಾರ್ನೆಲ್ ವಿಶ್ವವಿದ್ಯಾಲಯದ ಪರಮಾಣು ಹಾಗೂ ಘನಸ್ಥಿತಿ ಭೌತಶಾಸ್ತ್ರದ ಪ್ರಯೋಗಾಲಯ ಸೇರಿ, ಡೇವ್ ಲೀ ಮತ್ತು ಜಾನ್ ರೆಪ್ಪಿಯವರೊಂದಿಗೆ ನಿಮ್ನ ತಾಪಮಾನ ಭೌತಶಾಸ್ತ್ರದಲ್ಲಿ ಸಂಶೋಧನೆಯಲ್ಲಿ ಶ್ರಮಿಸಿದನು. ಈ ಮೂವರು ಸೇರಿ, ಅತ್ಯಲ್ಪ ತಾಪಮಾನದಲ್ಲಿರುವ ಹೀಲಿಯಂನ ಗುಣ ಸ್ವಭಾವಗಳನ್ನು ವಿಶದಪಡಿಸಿದರು ಇದಕ್ಕಾಗಿ ರಿಚರ್ಡ್ಸನ್ 1996ರ ನೊಬೆಲ್ ಪ್ರಶಸ್ತಿ ಪಡೆದನು.
ಕ್ಲಾಯುಡೆ, ಕೊಹೆನ್ ತನ್ನಡ್ಜಿ –(1933--) 1997
Claude , Cohen-Tannoudji
ಫ್ರಾನ್ಸ್–ಅಲ್ಜಿರಿಯಾ -ಭೌತಶಾಸ್ತ್ರ-ನಿಮ್ನ ತಾಪಮಾನ ಶಾಸ್ತ್ರ-ನ್ಯಾನೋ ಕೆಲ್ವಿನ್ ತಾಪಮಾನ ಸಾಧಿಸಿದಾತ.
ಕ್ಲಾಯುಡೆ 1 ಏಪ್ರಿಲ್ 1933 ರಂದು ಆಗಫ್ರಾನ್ಸ್’ನಲ್ಲಿದ್ದ ಈಗಿನ ಆಲ್ಜಿರಿಯಾದ ಕಾನ್ಸ್ಟ್ಯಾಟಿನ್ನಲ್ಲಿ ಜನಿಸಿದನು. ಕ್ಲಾಯುಡೆಯದು ಕೆಳ ಮಧ್ಯಮ ವರ್ಗದ ಕುಟುಂಬವಾಗಿದ್ದರೂ ಆತನ ತಂದೆ ತಾಯಿಗಳು ವಿದ್ಯಾಭ್ಯಾಸಕ್ಕಾಗಿ ಬಹು ಪ್ರಾಮುಖ್ಯತೆ ನೀಡಿದ್ದರು. 1942ರಲ್ಲಿ ಆಲ್ಜೀರಿಯಾ ನಾಝಿಗಳ ವಶವಾಗಿ, ಯಹೂದಿಗಳು ಅಪಾಯದಲ್ಲಿ ಸಿಲುಕಿದರು. ಆದರೆ ಸಕಾಲಕ್ಕೆ ಆಗಮಿಸಿದ ಅಸಂಸಂಗಳ ಸೇನೆಯಿಂದ ಕ್ಲಾಯುಡೆ ಕುಟುಂಬ ನಿರ್ನಾಮವಾಗದೆ ಉಳಿಯಿತು. ಈ ಕಾಲದಲ್ಲಿ ಕ್ಲಾಯುಡೆ ಪ್ರೌಢಶಾಲಾ ಶಿಕ್ಷಣ ಮುಗಿಸಿದ್ದನು. ಎರಡನೇ ಜಾಗತಿಕ ಯುದ್ದ ಮುಗಿಯಿತಾದರೂ ಫ್ರಾನ್ಸ್’ನಿಂದ ಆಲ್ಜಿರಿಯಾದ ಬಿಡುಗಡೆಗಾಗಿ ಹೋರಾಟಗಳು ಮುಂದುವರೆದಿದ್ದವು. ಇದಎಂದಾಗಿ 1953ರಲ್ಲಿ ಕ್ಲಾಯುಡೆ ಕುಟುಂಬ ಸುರಕ್ಷಿತ ತಾಣವೆಂದು ಪ್ಯಾರಿಸ್ಗೆ ಹೋಗಿ ನೆಲೆಸಿತು. ಸುಮಾರು ಇನ್ನೂರು ವರ್ಷಗಳ ಹಿಂದೆ ಫ್ರೆಂಚ್ ಕ್ರಾಂತಿಯ ಸಂದರ್ಭದಲ್ಲಿ ಸ್ಥಾಪನೆಗೊಂಡಿದ್ದ ಪ್ಯಾರಿಸ್ನ ಎಕೊಲೆ ನಾರ್ಮಲೆಗೆ ಸೇರಲು ಕ್ಲಾಯುಡೆ ಯತ್ನಿಸಿದನು. ಅತ್ಯುತ್ತಮರಾದ ವಿದ್ಯಾರ್ಥಿಗಳಿಗೆ ಮಾತ್ರ ಇಲ್ಲಿ ಪ್ರವೇಶ ದೊರೆಯುತ್ತಿತ್ತು. 1953ರಿಂದ 1957ರವರೆಗೆ ಇಲ್ಲಿ ವ್ಯಾಸಂಗ ಮಾಡಿದ ಕ್ಲಾಯುಡೆ ಹೆನ್ರಿ ಕಾರ್ಟನ್, ಲೌರೆಂಟ್ ಷ್ಯಾಟ್ರ್ಸ್, ಆಲ್ಫ್ರೆಡ್ ಕ್ಯಾಸ್ಟ್ಲರ್ನಂತಹ ಖ್ಯಾತ ವಿಜ್ಞಾನಿಗಳಿಂದ ಭೌತಶಾಸ್ತ್ರ, ಗಣಿತದ ಪಾಠಗಳನ್ನು ಕಲಿತನು. 1955ರಲ್ಲಿ ಕ್ಯಾಸ್ಟ್ಲರ್ ಕೆಳಗೆ ಡಿಪ್ಲೊಮಾ ಪಡೆಯಲು ಕ್ಲಾಯುಡೆ ನೋಂದಾಯಿಸಿಕೊಂಡನು. ವಾರಾಂತ್ಯದಲ್ಲಿ ಸಕ್ಲೆಯಲ್ಲಿ ಅಲ್ಬರ್ಟ್ ಮೆಸಾಯ್ ಕ್ವಾಂಟಂ ಭೌತಶಾಸ್ತ್ರ, ಆಂಟೋಲೆ ಅಬ್ರಹಂ ಬೈಜಿಕ ಪ್ರಯೋಗ ವಿಧಾನ, ಕ್ಲಾಡೆ ಬ್ಲಾಖ್ ಬೈಜಿಕ ಭೌತಶಾಸ್ತ್ರದಲ್ಲಿ ನೀಡುತ್ತಿದ್ದ ಉಪನ್ಯಾಸಗಳಿಂದ ಕ್ಲಾಯುಡೆ ಪ್ರಭಾವಿತನಾದನು. ಫ್ರಾನ್ಸ್’ನಲ್ಲಿ ಸೈದ್ಧಾಂತಿಕ ಭೌತಶಾಸ್ತ್ರಕ್ಕೆ ಅಡಿಗಲ್ಲು ಹಾಕಿದ ಲೆ ಹೌಕೆಸ್ ಸಮ್ಮರ್ ಸ್ಕೂಲ್ನಲ್ಲಿ ಎರಡು ತಿಂಗಳಿದ್ದ ಕ್ಲಾಯುಡೆ, ಆಧುನಿಕ ಭೌತಶಾಸ್ತ್ರದ ಸ್ವರೂಪವನ್ನು ಸ್ಪಷ್ಟವಾಗಿ ಗ್ರಹಿಸಲು ಸಾಧ್ಯವಾಯಿತು. ಎಕೊಲೆ ನಾರ್ಮಲೆಯಿಂದ ಪದವಿ ಪಡೆದು,ಫ್ರಾನ್ಸ್ಹಾಗೂ ಆಲ್ಜಿರಿಯಾಗಳ ನಡುವೆ ನಡೆದ ಕದನದಲ್ಲಿ ಸುಮಾರು 28 ತಿಂಗಳು ಕಾಲ ಕಳೆದನು. ಇಲ್ಲಿ ಸೂರ್ಯಾಸ್ತದ ವೇಳೆಯಲ್ಲಿ ಬಲೂನ್ನಿಂದ ಸೋಡಿಯಂ ಧೂಳನ್ನು ಹಾರಿಸಿ ಅವುಗಳ ಪರಮಾಣುಗಳು ಸೂರ್ಯನಿಂದ ಚದುರಿಸಲ್ಪಟ್ಟು ಪ್ರದೀಪ್ತಗೊಳ್ಳುವುದನ್ನು ಅಳೆದು ಭೂಮಿಯಿಂದ ವಿವಿಧ ಔನ್ಯತ್ಯಗಳಲ್ಲಿರುವ ಹಲವಾರು ಪ್ರಾಚಲಗಳನ್ನು (Parameters) ಅರಿಯುವ ಪ್ರಯೋಗ ನಡೆಸುತ್ತಿದ್ದರು. 1960ರಲ್ಲಿ ಕ್ಯಾಸ್ಟಲರ್ನ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ ಗಳಿಸಲು ಫ್ರಾನ್ಸ್’ನ ವೈಜ್ಞಾನಿಕ ಸಂಶೋಧನಾ ಕೇಂದ್ರವನ್ನು ಕ್ಲಾಯುಡೆ ಸೇರಿದನು. ಇಲ್ಲಿ ನಡೆಸಿದ ಕೆಲ ಪ್ರಯೋಗಗಳಲ್ಲಿ ಝೀಮನ್ ಉಪಮಟ್ಟಗಳಲ್ಲಿ ನಿರೀಕ್ಷೆಗೆ ಹೊರತಾದ ದ್ಯುತಿ ಪಲ್ಲಟಗಳು ವೀಕ್ಷಣೆಯಾಗಿದ್ದವು. ಇವುಗಳಿಗೆ ಕಾರಣ ಹುಡುಕಿದ ಕ್ಲಾಯುಡೆ 1962ರಲ್ಲಿ ಡಾಕ್ಟರೇಟ್ ಗಳಿಸಿದನು. ಇದಾದ ನಂತರ ಪ್ಯಾರಿಸ್ “ವಿಶ್ವವಿದ್ಯಾಲಯದಲ್ಲಿ ಬೋಧಕನಾದನು. ಇಲ್ಲಿ ಕ್ಲಾಯುಡೆ ತನ್ನ ವಿದ್ಯಾರ್ಥಿಗಳೊಂದಿಗೆ ಪರಮಾಣು ಪೆÇ್ರೀಟಾನ್ ಅಂತಕ್ರಿಯೆಯನ್ನು ವಿವರಿಸಿದನು. 1984ರಲ್ಲಿ ಅಲೇಸ್ ಆ್ಯಸ್ಪೆಕ್ಟ್ನೊಂದಿಗೆ ಲೇಸರ್ ತಂಪಿಸಿಕೆ ಹಾಗೆ ಸೆರೆ ಹಿಡಿಕೆಯನ್ನು ಕುರಿತಾಗಿ ಸಂಶೋಧನೆ ನಡೆಸತೊಡಗಿದನು. ಇವರು ಕ್ವಾಂಟಂ ವ್ಯತಿಕರಣ (Quantum Interference) ವಿಧಾನ ಬಳಸಿ, ಪರಮಾಣುಗಳನ್ನು ಅವುಗಳ ಎಲ್ಲಾ ಚಲನ ಚೈತನ್ಯ ನಷ್ಟವಾಗುವಂತಹ ಅವುಗಳ ಹಿಂಪುಟಿತ ಸ್ಥಿತಿಗಿಂತಲೂ ಕೆಳಗಿನ ಅತ್ಯಲ್ಪ ತಾಪಮಾನಕ್ಕೆ ಇಳಿಸಿದ ಮೊದಲಿಗರೆನಿಸಿದರು. ಇದು ಪರಮಾಣುಗಳನ್ನು ನ್ಯಾನೋಕೆಲ್ವಿನ್ ತಾಪಮಾನಕ್ಕೆ ಇಳಿಸುವ ಸಾಧ್ಯತೆ, ಭೌತಶಾಸ್ತ್ರದ ಹೊಸ ಚಿಂತನೆಗಳಿಗೆ ಕಾರಣವಾಯಿತು. ಈ ಸಾಧನೆಗಾಗಿ 1997ರಲ್ಲಿ ಕ್ಲಾಯುಡೆ ನೊಬೆಲ್ ಪ್ರಶಸ್ತಿಗೆ ಪಾತ್ರನಾದನು.
ವಿಲಿಯಂ , ಡಿ ಫಿಲೆಪ್ಸ್ (1948--) 1997
William , D. Phillips
ಅಸಂಸಂ-ಭೌತಶಾಸ್ತ್ರ-
ವಿಲಿಯಂ ಪೆನ್ಸೆಲ್ವೇನಿಯಾದ ವಿಲ್ಕ ಸ್ ಬ್ಯಾರೆಯಲ್ಲಿ 5 ನವಂಬರ್ 1948 ರಂದು ಜನಿಸಿದನು. ಈತನ ತಂದೆ ತಾಯಿಗಳು ಇಟಲಿಯಿಂದ ಅಸಂಸಂಗಳಿಗೆ ವಲಸೆ ಬಂದು ನೆಲೆಸಿದ್ದನು. ಈತನ ತಂದೆ, ತಾಯಿಯಿಬ್ಬರೂ ವೃತ್ತಿ ಪರ ಸಾಮಾಜಿಕ ಕಾರ್ಯಕರ್ತರಾಗಿದ್ದರು. ಇವರು ತಮ್ಮ ಮಕ್ಕಳಿಗೆ ವಿದ್ಯಾಭ್ಯಾಸದ ಮಹತ್ವವನ್ನು ವಿವರಿಸಿ, ಓದಲು ಉತ್ತೇಜಿಸುತ್ತಿದ್ದರು. ವಿಜ್ಞಾನ, ಟೆನಿಸ್ ಆಟ ವಿಲಿಯಂನ ನೆಚ್ಚಿನ ಆಸಕ್ತಿ ಹಾಗೂ ಹವ್ಯಾಸಗಳಾಗಿದ್ದವು. ಪದವಿ ಪೂರ್ವ ಕಾಲೇಜಿನಲ್ಲಿರುವಾಗ ಭೌತಶಾಸ್ತ್ರದ ಅಧ್ಯಾಪಕ ಖ್ಯಾತ ವಿಜ್ಞಾನಿ ಫೆಯ್ನ್’ಮನ್ ಭೌತಶಾಸ್ತ್ರದ ಬಗೆಗೆ ನೀಡಿದ ಉಪನ್ಯಾಸಗಳ ಸಾಕ್ಷ್ಯ ಚಿತ್ರಗಳನ್ನು ಪ್ರದರ್ಶಿಸುತ್ತಿದ್ದನು. ಇದನ್ನು ಕೇಳಿದ ನಂತರ ವಿಲಿಯಂಗೆ ಭೌತಶಾಸ್ತ್ರದಲ್ಲಿ ಆಸಕ್ತಿ ಮೂಡತೊಡಗಿತು. 1970ರಲ್ಲಿ ಮೆಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಭೌತಶಾಸ್ತ್ರ ವಿಭಾಗದಲ್ಲಿ ಫೆ್ರಡ್ ವಾಲ್ಟರ್ನ ಮಾರ್ಗದರ್ಶನದಲ್ಲಿ ಜಲಜನಕದ ಮೇಸರ್, ಕ್ಷ-ಕಿರಣ ಕಾಂತೀಯ ಅನುರಣನ ರೋಹಿತದರ್ಶಕದಲ್ಲಿ (Magnetic Resonance Spectroscopy ) ಪರಿಣಿತಿ ಗಳಿಸಿದನು. ನಂತರ ನೀರಿನಲ್ಲಿರುವ ಪ್ರೋಟಾನ್ ಕಣದ ಕಾಂತೀಯ ಭ್ರಾಮ್ಯತೆಯನ್ನು (Magnetic Moment) ಅಳೆದನು. 1976ರಲ್ಲಿ ಲೇಸರ್ ಸಂಘಾತದಿಂದ ಉದ್ರಿಕ್ತಗೊಂಡ ಪರಮಾಣುಗಳನ್ನು ಕುರಿತಾದ ಸಂಶೋಧನೆ ಪ್ರಾರಂಭಿಸಿದನು. ಡ್ಯಾನ್ ಹಾಗೂ ಟಾಮ್ ಗ್ರೆಯ್ಟರ್ರೊಂದಿಗೆ ಗಿರಕಿ ಧೃವೀಕೃತ (Spin Polarised) ಜಲಜನಕದಲ್ಲಿ ಬೋಸ್-ಐನ್ಸ್ಟೀನ್ ಸಾಂದ್ರೀಕರಣದ (ಅoಟಿಜeಟಿsಚಿಣioಟಿ) ಕುರಿತಾದ ಪ್ರಯೋಗಗಳನ್ನು ಕೈಗೊಂಡನು. ರಾಷ್ಟ್ರೀಯ ಮಾನಕ ಬ್ಯೂರೋದಲ್ಲಿ ನೇವಲ್ ಸಂಶೋಧನಾ ಸಂಸ್ಥೆಯ ನೆರವಿನೊಂದಿಗೆ ಲೇಸರ್ ತಂಪಿಸಿಕೆಯ ಯೋಜನೆಯಲ್ಲಿ ಭಾಗಿಯಾದನು. ಇಲ್ಲಿಯೇ ಲೇಸರ್ ಬೆಳಕಿನಿಂದ, ತಂಪಿಸಿ, ಪರಮಾಣುಗಳನ್ನು ಸೆರೆಹಿಡಿಯುವ ವಿಧಾನವನ್ನು ಅಭಿವೃದ್ಧಿಗೊಳಿಸಿದನು. ಇದಕ್ಕಾಗಿ 1997ರಲ್ಲಿ ನೊಬೆಲ್ ಪ್ರಶಸ್ತಿ ಪಡೆದನು.
ಸ್ಟೆವೆನ್ ಚು –(1933--) 1997
Steven , Chu
ಅಸಂಸಂ-ಭೌತಶಾಸ್ತ್ರ-ಪರಮಾಣುಗಳನ್ನು ಬೆಳಕಿನ ಕಿರಣಗಳಿಂದ ಸೆರೆ ಹಿಡಿದಾತ -–ಒಂಟಿ ಡಿಎನ್ಎ ಅಣು ವೀಕ್ಷಿಸಿದಾತ.
ಸ್ಟೆವೆನ್ ಚು ತಂದೆ ಜು ಚಿನ್ ಚು 1943ರಲ್ಲಿ ರಾಸಾಯನಿಕ ಇಂಜಿನಿಯರಿಂಗ್ನಲ್ಲಿ ವಿದ್ಯಾಭ್ಯಾಸ ಮುಂದುವರಿಸಲು ಎಂಐಟಿಗೆ ಬಂದು ಸೇರಿದನು. ಈತನ ತಂದೆ, ಕಾರ್ನೆಲ್ “ವಿಶ್ವವಿದ್ಯಾಲಯದಿಂದ ಸಿವಿಲ್ ಇಂಜಿನಿಯರಿಂಗ್ನಲ್ಲಿ ಪದವಿ ಗಳಿಸಿ, ತಾಯ್ನಾಡಿಗೆ ಮರಳಿದ್ದನು. 1945ರಲ್ಲಿ ಚೀನಾದಲ್ಲಿ ರಾಜಕೀಯ ಅಸ್ಥಿರತೆ ತಲೆದೋರಿದ್ದರಿಂದ, ಜು ಚಿನ್ ಚು ಚೀನಾಕ್ಕೆ ಹಿಂದುರುಗಲಿಲ್ಲ. ಸ್ಟೆವೆನ್, 1948ರಲ್ಲಿ ಸೇಂಟ್ ಲೂಯಿಯಲ್ಲಿ ಜನಿಸಿದನು. 1950ರಲ್ಲಿ ಸ್ಟೆವೆನ್ ಕುಟುಂಬ ನ್ಯೂಯಾರ್ಕ್ ಸನಿಹದ ಗಾರ್ಡನ್ ಸಿಟಿಯಲ್ಲಿ ನೆಲೆಸಿತು. ಸ್ಟೆವೆನ್ ತಾತ, ಕಿರಿತಾತ, ತಂದೆ , ಚಿಕ್ಕಪ್ಪ, ಹಾಗೂ ಇನ್ನಿತರು ಅತ್ಯುನ್ನತ ವಿದ್ಯಾಭ್ಯಾಸ ಮಾಡಿ, ಹೆಚ್ಚಿನವರು ಡಾಕ್ಟರೇಟ್ ಗಳಿಸಿದ್ದರು. ಇದೇ ಮಟ್ಟದ ಸಾಧನೆಯನ್ನು ಇವರು ಸ್ಟೆವೆನ್ನಿಂದ ನಿರೀಕ್ಷಿಸಿದರು. ಆದರೆ ಅವರಿಗೆ ನಿರಾಸೆಯಾಗುವಂತೆ ಸ್ಟೆವೆನ್ ಪದವಿ ಪೂರ್ಣಗೊಳಿಸಿದ ನಂತರ ವಿದ್ಯಾಭ್ಯಾಸ ಮುಂದುವರೆಸಲಿಲ್ಲ. ಆದರೆ ಸ್ಟೆವೆನ್ ತನ್ನ ವಿಜ್ಞಾನದ ಅಧ್ಯಾಪಕರುಗಳಿಂದ, ಮೂಲ ತತ್ತ್ವಗಳನ್ನು ಬಳಸಿಕೊಂಡು ಹೇಗೆ ಸ್ವತಂತ್ರವಾಗಿ ಚಿಂತಿಸುವುದೆಂದು ಕಲಿತಿದ್ದನು. ಮುಕ್ತವಾಗಿ ಚಿಂತಿಸಲು ಪ್ರೇರಣೆ ನೀಡುತ್ತಿದ್ದ ಗಣಿತ ಸ್ಟೆವೆನ್ಗೆ ಪ್ರಿಯವೆನಿಸಿತು. ರೊಚೆಸ್ಟರ್ “ವಿಶ್ವವಿದ್ಯಾಲಯದಲ್ಲಿರುವಾಗ ಫೆಯ್ನ್ಮನ್ನಿಂದ ಕೊಡಲ್ಪಟ್ಟ ಭೌತಶಾಸ್ತ್ರದ ಉಪನ್ಯಾಸಗಳು ಸ್ಟೆವೆನ್ಗೆ ವಿಜ್ಞಾನದ ಅಂತರಂಗದ ದರ್ಶನ ಮಾಡಿಸಿದವು. ಅಲ್ಪಕಾಲದಲ್ಲೇ ನ್ಯೂಟನ್, ಮಾಕ್ಸ್ವೆಲ್, ಐನ್ಸ್ಟೀನ್,ಫೆಯ್ನ್’ಮನ್, ಸ್ಟೆವೆನ್ನ ಆದರ್ಶ ವ್ಯಕ್ತಿಗಳಾದರು. ಸೈದ್ಧಾಂತಿಕ ಭೌತಶಾಸ್ತ್ರದಲ್ಲಿನ ಶಿಕ್ಷಣ ಮುಂದುವರೆಸಲು ಸ್ಟೆವೆನ್ 1970ರಲ್ಲಿ ಬಕ್ರ್ಲೆ ವಿಶ್ವವಿದ್ಯಾಲಯ ಸೇರಿದನು. ಆದರೆ ಅಲ್ಪ ಕಾಲದಲ್ಲೇ ಪ್ರಯೋಗಶೀಲ ಭೌತಶಾಸ್ತ್ರವೇ ತನಗೆ ಸೂಕ್ತವೆಂದು ಭಾವಿಸಿ, ತನ್ನ ಮಾರ್ಗದರ್ಶಕರಿಗೆ ತಿಳಿಸಿದರು. ಇದಕ್ಕೆ ಒಪ್ಪಿಗೆ ಸಿಕ್ಕು ಸ್ಟೆವೆನ್ ಜಲಜನಕದಂತಹ ಅಯಾನುಗಳಲ್ಲಿನ ಲ್ಯಾಂಬ್ ಪಲ್ಲಟ ಅಳೆಯಲು ಯತ್ನಿಸಿದನು. 1974ರಲ್ಲಿ ಕ್ಲೌಡೆ ಹಾಗೂ ಮಾರಿ ಬುಖಾರೆಟ್ ಪರಮಾಣ್ವಿಕ ಸ್ಥಿತ್ಯಂತರಗಳಲ್ಲಿ ಸಾಮ್ಯತೆ ಭಂಗವಾಗುವುದೆಂದು ತಿಳಿಸಿದ್ದರು. ವೀನ್ಬರ್ಗ್, ಅಬ್ದಸ್ ಸಲಾಂ ಹಾಗೂ ಗ್ಲಾಷೋ, ಕ್ಷೀಣ ಬೈಜಿಕ ಕ್ರಿಯೆಗಳು ಜರುಗುವಾಗ, ಸಧ್ಯಕ್ಕೆ ಗೊತ್ತಿರುವ ಅವಿಷ್ಟಿತ ಬಲಗಳಲ್ಲದೆ ತಟಸ್ಥ ಮಧ್ಯವರ್ತಿ ಬಲಗಳಿರುವುವೆಂದು ಸೂಚಿಸಿ ವೈದ್ಯುತ್ ಕಾಂತೀಯ ಹಾಗೂ ಕ್ಷೀಣ ಬೈಜಿಕ ಬಲಗಳ ಐಕ್ಯತಾ ಸಿದ್ಧಾಂತ ಮಂಡಿಸಿದ್ದರು. ಇಂತಹ ಮಧ್ಯವರ್ತಿ ಬಲದಿಂದಾಗಿ ಕಾಂತೀಯ ದ್ವಿ ಧೃವ ಸ್ಥಿತ್ಯಂತರದಲ್ಲಿ (Bipole Transition), ಎಡ ಹಾಗೂ ಬಲ ದಿಶೆಯ ಧೃವೀಕೃತ ಬೆಳಕಿನ ಹೀರಿಕೆ ಅಸಮಾಂಗೀಯವಾಗಿರುವುದೆಂದು (Unsymmetrical), ಸೂಚಿಸಿದ್ದರು. ಇದಕ್ಕಾಗಿ ಸ್ಟೆವೆನ್ ಚು ಹಾಗೂ ಇತರರು ಹಲವಾರು ಪ್ರಯೋಗಗಳನ್ನು ಕೈಗೊಂಡರು. ಆದರೆ ಇದೇ ವೇಳೆಗೆ ಸ್ಟ್ಯಾನ್’ಫೋರ್ಡ್’ ವಿಶ್ವವಿದ್ಯಾಲಯದಲ್ಲಿದ್ದ ಸರೇಖೀಯ ಸಂಘಟ್ಟಕದಲ್ಲಿ ಕ್ಷೀಣ ಬೈಜಿಕ ಅಂತಕ್ರಿಯೆಗಳಲ್ಲಿ (Weak Nuclear Interactions), ಪಾಲ್ಗೊಳ್ಳುವ ಮಧ್ಯವರ್ತಿ ತಟಸ್ಥ ಬಲದ ಅಸ್ತಿತ್ವವನ್ನು ಸಾರುವ ಫಲಿತಾಂಶಗಳು ದೊರೆತವು. 1978ರಲ್ಲಿ ಸ್ಟೆವೆನ್ ಚು ಬಕ್ರ್ಲೆಯಲ್ಲಿ ಸಹಾಯಕ ಪ್ರಾಧ್ಯಾಪಕನಾದನು. ಇದೇ ವರ್ಷ ಬೆಲ್ ಪ್ರಯೋಗಾಲಯಗಳಿಗೆ ಆಯ್ಕೆಯಾಗಿ, ಎಲೆಕ್ಟ್ರಾನ್ ಹಾಗೂ ಅದರ ಪ್ರತಿಕಣದ ಸಂಯೋಜಿತ ಪಾಸಿಟ್ರಾನ್ ಕಣವನ್ನು ಹುಡುಕುವ ಪ್ರಯತ್ನಗಳನ್ನು ಪ್ರಾರಂಭಿಸಿದನು.1950ರಲ್ಲಿ ಪರಮಾಣುಗಳ ಆವಿಷ್ಕಾರವಾದ ನಂತರ ಅಸ್ತಿತ್ವದಲ್ಲಿರಬಹುದಾದ ಇಂತಹ ಕಣದ ಚೈತನ್ಯವನ್ನು ನಿಖರವಾಗಿ ನಿರ್ಧರಿಸಲು ಹಲವಾರು ಜನ ಯತ್ನಿಸಿದ್ದರು. ಪಾಸಿಟ್ರಾನ್ ಪರಮಾಣುವಿನ ಸನಿಹಕ್ಕೆ ಬಂದ 14x10-9 ಸೆಕೆಂಡ್ಗಳಲ್ಲಿ ಗಾಮಾ ವಿಕಿರಣಗಳಾಗಿ ನಿರ್ಮೂಲನಗೊಳ್ಳುತ್ತದೆ. ಅಷ್ಟೇ ಅಲ್ಲದೆ ಪ್ರಯೋಗಾಲಯದಲ್ಲಿ ಪರಿಶೀಲನೆಗೆ ಬೇಕಾದಷ್ಟು ಪಾಸಿಟ್ರಾನ್ಗಳನ್ನು, ಉತ್ಪಾದಿಸುವುದೂ ಸಹ ಕಠಿಣ. ಸ್ಟುವೆನ್ ಚು ಈ ದಿಶೆಯಲ್ಲಿ ಪ್ರಯತ್ನ ನಡೆಸುವುದಕ್ಕಿಂತ ಮುಂಚೆ 12 ವಿಫಲ ಪ್ರಯೋಗಗಳಾಗಿದ್ದವು. ಎರಡು ವರ್ಷಗಳ ಸತತ ಪರಿಶ್ರಮ, ಪ್ರಯೋಗಗಳ ನಂತರವೂ ಸ್ಟೆವೆನ್ಗೆ ಯಾವ ಫಲಿತಾಂಶಗಳೂ ದಕ್ಕದೆ, ಬೆಲ್ ಪ್ರಯೋಗಾಲಯದ ಆಡಳಿತ ಮಂಡಳಿ, ಸಂಶೋಧನೆಯನ್ನು ಮೊಟಕುಗಳಿಸುವಂತೆ ಸೂಚಿಸಿತು. ಛಲ ಬಿಡದ ಸ್ಟೆವೆನ್ ಅಲೆನ್ಸ್ ಮಿಲ್ನ ಜೊತೆಗೂಡಿ, ಕ್ವಾಂಟಂ ಮಟ್ಟದ ವೈದ್ಯುತ್ಗತೀಯ ಕ್ರಿಯೆಗಳನ್ನು ಕರಾರುವಕ್ಕಾಗಿ ಅಳೆಯುವ ಸಾಧನ ತಯಾರಿಸಿನು. 1983ರಲ್ಲಿ ಬೆಲ್ ಪ್ರಯೋಗಾಲಯದ ಕ್ವಾಂಟಂ ಎಲೆಕ್ಟ್ರಾನಿಕ್ಸ್ ಸಂಶೋಧನಾ ವಿಭಾಗದ ಮುಖ್ಯಸ್ಥನಾಗಿ ಬಡ್ತಿ ಹೊಂದಿದ ಸ್ಟೆವೆನ್ನ್ನು ನ್ಯೂಜೆರ್ಸಿಯ ಹೋಮ್ಡೆಲ್ಗೆ ವರ್ಗಾಯಿಸಲಾಯಿತು. ಇಲ್ಲಿ ಎಲೆಕ್ಟ್ರಾನ್ ರೋಹಿತ ಮಾಪಕ (Electron Spectometer), ನಿರ್ಮಿಸಿದ ಸ್ಟೆವೆನ್ಗೆ ಆರ್ಟ್ ಆ್ಯಸ್ಟಿನ್ನ ಪರಿಚಯವಾಯಿತು. ಆರ್ಟ್ ಬೆಳಕಿನ ಕಿರಣಗಳಿಂದ ಪರಮಾಣುಗಳನ್ನು ಸೆರೆ ಹಿಡಿಯುವ ಯೋಜನೆಯಲ್ಲಿದ್ದನು. ಬೆಲ್ ಆಡಳಿತ ಮಂಡಳಿ ಇದಕ್ಕೆ ನಾಲ್ಕು ವರ್ಷಗಳ ಹಿಂದೆಯೇ ಇಂತಹ ಯೋಜನೆಯನ್ನು ನಿಲ್ಲಿಸುವಂತೆ ಹೇಳಿದ್ದಿತು. ಪರಮಾಣುಗಳನ್ನು ಲೇಸರ್ ಮೂಲಕ ಪೂರ್ಣವಾಗಿ ತಂಪಿರಿಸಿದರೆ ಮಾತ್ರ ಇದು ಸಾಧ್ಯವೆಂದು ಸ್ಟೆವೆನ್ಗೆ ಮನದಟ್ಟಾಯಿತು. ಹೊಲ್ಬರ್ಗ್ ,ಅಲೆಕ್ಸ್ ಕೇಬಲ್ರ ನೆರವಿನೊಂದಿಗೆ ಸ್ಟೆವೆನ್ ಇದರಲ್ಲಿ ಯಶಸ್ಸನ್ನು ಗಳಿಸಿ 1997ರಲ್ಲಿ ನೊಬೆಲ್ ಪ್ರಶಸ್ತಿಗೆ ಪಾತ್ರನಾದನು. ಸ್ಟೆವನ್ ಚು ಇಂದಿಗೂ ಲೇಸರ್ ತಂಪಿರಿಸಿಕೆಯ ಮೂಲಕ ಪರಮಾಣುಗಳನ್ನು ಸೆರೆ ಹಿಡಿಯುವ ನಾನಾ ಪ್ರಯೋಗಗಳಲ್ಲಿ ನಿರತನಾಗಿದ್ದಾನೆ. 1986ರಲ್ಲಿ ಆರ್ಟ್ ಆ್ಯಸ್ಟಿನ್ ಬೆಲ್ ಪ್ರಯೋಗಾಲಯದಲ್ಲಿ ಬೆಳಕಿನಿಂದ, ಪರಮಾಣು ಸೆರೆ ಹಿಡಿದುದನ್ನು ಪ್ರದರ್ಶಿಸಿದನು . 1987ರಲ್ಲಿ ಸ್ಟೆವೆನ್ ಚು ಸ್ಟ್ಯಾನ್’ಫೋರ್ಡ್ಗೆ ಬಂದು ಸೇರಿದನು. ವೈದ್ಯಕೀಯ ವಿಜ್ಞಾನದಲ್ಲಿ ಡಾಕ್ಟರೇಟ್ ಗಳಿಸಿದ್ದ ಸ್ಟೀವ್ಕ್ರೋನ್ನಿಂದ ಸ್ಟೆವೆನ್ಗೆ ಅಣ್ವಯಿಕ ಭೌತಶಾಸ್ತ್ರದ ಪರಿಚಯವಾಯಿತು. 1990ರಲ್ಲಿ ಪ್ರದೀಪ್ತಿಯಿಂದ ಎದ್ದು ಕಾಣುವಂತೆ ಮಾಡಿದ ಒಂಟಿ ಡಿಎನ್ಎ ಅಣುವನ್ನು ಸ್ಟೆವೆನ್ ಹಾಗೂ ಸ್ಟೀವ್ಕ್ರೋನ್ ವೀಕ್ಷಿಸಿದರು. ಇದರಿಂದ ಡಿಎನ್ಎಯಂತಹ ಬೈಜಿಕ ಅಣುವನ್ನು , ಪ್ರತ್ಯೇಕಿಸಿ ವೀಕ್ಷಿಸುವ ಹಾಗೂ ಅದನ್ನು ಮಾರ್ಪಡಿಸುವ ಹೊಸ ಸಾಧ್ಯತೆಗಳು ದಕ್ಕಿದವು. ದಶಕಗಳಿಂದ ಪಾಲಿಮರ್ ಗತಿಶಾಸ್ತ್ರದಲ್ಲಿ ಅಪರಿಹಾರ್ಯವಾಗದೇ ಉಳಿದಿದ್ದ ಪ್ರಶ್ನೆಗಳಿಗೆ ಈ ಮೂಲಕ ಉತ್ತರ ಕಂಡು ಕೊಳ್ಳುವುದು ಸಾಧ್ಯವಾಯಿತು.
ಡೇನಿಯಲ್-ಸಿ ಸುಯಿ ಆಚಿಟಿ 1998
Daniel C. Tsui (PHY.) 1998
ಚೀನಾದ ಕುಗ್ರಾಮದಲ್ಲಿ ಬರಪೀಡಿತ ಬಾಲ್ಯ, ಹಾಂಗ್ಕಾಂಘ್ನಲ್ಲಿನ ವಿದ್ಯಾರ್ಥಿ ಜೀವನ ಮತ್ತು ಕಾಲೇಜು ಶಿಕ್ಷಣದ ನಂತರ ಅಸಂಸಂಗಳ ಅವಕಾಶಪೂರಿತ ನೆನಪುಗಳಿಂದ ನನ್ನ ಜೀವನ ಸಾಗಿ ಬಂದಿದೆಯೆಂದು ಸಿ-ಸುಯಿ ಹೇಳಿದ್ದಾನೆ. ಅಕ್ಷರಜ್ಞಾನದಿಂದ ವಂಚಿತರಾಗಿದ್ದ ಸುಯಿಯ ತಂದೆ ತಾಯಿಗಳು ತಮ್ಮ ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ಕೊಡಿಸಲು ಹೆಣಗಿದರು. 1958ರಲ್ಲಿ ಉನ್ನತ ವಿಧ್ಯಾಭ್ಯಾಸಕ್ಕಾಗಿ ಅಸಂಸಂಗಳ ಚಿಕಾಗೊ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿಂದ ಭೌತಶಾಸ್ತ್ರದಲ್ಲಿ ಡಾಕ್ಟರೇಟ್ ಗಳಿಸಿದನು . 1968ರಲ್ಲಿ ಸಿ-ಸುಯಿ ಬೆಲ್ ಲ್ಯಾಬೊರೇಟರೀಸ್ ಸೇರಿದನು. ಇಲ್ಲಿ ಅರೆವಾಹಕಳ ವಾಹಕತ್ವ ಕುರಿತಾಗಿ ನಡೆಸಿದ ಸಂಶೋಧನೆಗಳಿಂದ ಅಂಶಿಕ ಕ್ವಾಂಟಂ ಹಾಲ್ ಪರಿಣಾಮಗಳ ಅನಾವರನ ಮಾಡಿದನು. ಇದಕ್ಕಾಗಿ ಸಿ-ಸುಯಿ 1998ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು.
ಹೊರ್ಸ್ಟ್ ಎಲ್ ಸ್ಟೋರ್ಮರ್ (19490--) 1998
Horst , L.Störmer
ಜರ್ಮನಿ-ಭೌತಶಾಸ್ತ್ರ-ಅಂಶಿಕ ಕ್ವಾಂಟಂ ಹಾಲ್ ಪರಿಣಾಮ ಅನಾವರಣಗೊಳಿಸಿದಾತ.
ಸ್ಟೊರ್ಮರ್ 6 ಏಪ್ರಿಲ್ 1949ರಂದು ಫ್ರಾಂಕ್ಫರ್ಟ್ನಲ್ಲಿ ಜನಿಸಿದನು. ಸ್ಟೊರ್ಮರ್ ಹುಟ್ಟಿದಾಗ ಹೊಕ್ಕಳಬಳ್ಳಿ ತಲೆಯನ್ನು ಬಿಗಿದಿದ್ದರಿಂದ ಮಗ ಮುಂದೆ ವಿಕಲಮತಿಯಾಗುವ ಭಯ ಆತನ ತಂದೆ ತಾಯಿಗಳಿಗಿದ್ದಿತು. ಸ್ಟೊರ್ಮರ್ನ ಪೂರ್ವಿಕರು ಕೃಷಿ , ಕಮ್ಮಾರಿಕೆ, ಮರಗೆಲಸಗಳಲ್ಲಿ ಪ್ರವೀಣರಾಗಿದ್ದರು. ಸ್ಟ್ರೆಂಡ್ಲಿನ್ಜೆನ್ ಎಂಬ ಸಣ್ಣ ಪಟ್ಟಣದಲ್ಲಿ ಬೆಳೆದ ಸ್ಟೊರ್ಮರ್ ಅಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪೂರೈಸಿದನು. ಸ್ಟೊರ್ಮರ್ ಪೂರ್ವಿಕರಲ್ಲಿ ಯಾರೂ ಪ್ರೌಢಶಾಲೆಯ ಮೆಟ್ಟಿಲನ್ನೇ ಹತ್ತಿರದ ಕಾರಣ ತಮ್ಮ ಮಗನು ಹೆಚ್ಚಿನ ವಿದ್ಯಾಭ್ಯಾಸ ಮಾಡುವನೋ ಇಲವೋ ಎಂ¨ ಚಿಂತೆ ಸ್ಟೊರ್ಮರ್ನ ತಾಯಿ ತಂದೆಯನ್ನು ಕಾಡಿತು. ಸಾಮಾಜಿಕವಾಗಿ ಆರ್ಥಿಕವಾಗಿ ಮುಂದುವರೆಯಲು ಶಿಕ್ಷಣದಂತಹ ಬೇರೊಂದು ಮಾರ್ಗವಿಲ್ಲವೆಂದು ಅವರು ಅರಿತಿದ್ದರು. ಪ್ರವೇಶ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ ಸ್ಟೊರ್ಮರ್ ನ್ಯೂ ಐಸೆನ್ಬರ್ಗ ಸನಿಹದ ಗೊಥೆ ಜೆಮ್ನಾಷಿಯಂ ಸೇರಿದನು. ಸ್ಟೊರ್ಮರ್ ಅಂತಹ ಉತ್ತಮ ವಿದ್ಯಾರ್ಥಿಯಾಗಿರದಿದ್ದುದರಿಂದ ಅಲ್ಲಿನ ಶಿಕ್ಷಣ ಮಟ್ಟ ಅವನಿಗೆ ಕಠಿಣವೆನಿಸಿತು. ಇಲ್ಲಿ ಗಣಿತ, ವಿಜ್ಞಾನವನ್ನು ಹೇಗೋ ನಿಭಾಯಿಸಿದ ಸ್ಟೊರ್ಮರ್ಗೆ ಜರ್ಮನ್, ಫ್ರೆಂಚ್ ಹಾಗೂ ಇಂಗ್ಲೀಷ್ ಭಾಷೆಗಳು ಕಬ್ಬಿಣದ ಕಡಲೆಯಾಗಿದ್ದವು. ಇವುಗಳಿಂದ ಹಲವಾರು ಸಲ ಓದಿದ ತರಗತಿಯಲ್ಲೇ ಮತ್ತೊಮ್ಮೆ ಓದಬೇಕಾದ ಪರಿಸ್ಥಿತಿ ಅಗಾಗ ಎದುರಾಗುತ್ತಿದ್ದಿತು. ಒಂದು ವಿಷಯದಲ್ಲಿ ಬಂದ ಹೆಚ್ಚಿನ ಅಂಕಗಳನ್ನು ಇನ್ನೊಂದು ಅಲ್ಪ ಗಳಿಕೆಯ ವಿಷಯಕ್ಕೆ ಸೇರಿಸುವ ಪರಿಸ್ಥಿತಿಯಿಂದಾಗಿ ಸ್ಟೊರ್ಮರ್ ಶಿಕ್ಷಣ ಮುಂದೆ ಸಾಗಿತು. ಪ್ರೌಢಶಾಲೆಯಲ್ಲಿರುವಾಗ ರೇಡಿಯೋ ನಿರ್ಮಾಣ ಕಲಿತ ಸ್ಟೊರ್ಮರ್ ಘನ ಇಂಧನ ಬಳಸಿ ತಯಾರಿಸಿದ ರಾಕೆಟ್ ಮಾದರಿ ಸಿಡಿದು ಹೆಬ್ಬೆರಳನ್ನು ಕಳೆದುಕೊಂಡನು. ವಾಸ್ತುಶಿಲ್ಪಶಾಸ್ತ್ರಕ್ಕೆ ನೋಂದಾಯಿಸಿಕೊಂಡ ಸ್ಟೊರ್ಮರ್ ಇಂಜಿನಿಯರಿಂಗ್ ಡ್ರಾಯಿಂಗ್ನಲ್ಲಿ ಪರಿಣಿತನಿದ್ದರೂ ಮುಕ್ತ ಚಿತ್ರಗಳನ್ನು ಬರೆಯುವುದರಲ್ಲಿ ಎಂದಿಗೂ ಯಶಸ್ಸನ್ನು ಕಾಣಲಿಲ್ಲ. ಈ ಕಾರಣದಿಂದಾಗಿ 1968ರಲ್ಲಿ ಭೌತಶಾಸ್ತ್ರದ ಅಧ್ಯಯನಕ್ಕೆ ಸ್ಟೊರ್ಮರ್ ಬದಲಾಯಿಸಿಕೊಂಡನು. ಇದೇ ವರ್ಷ ವಿದ್ಯಾರ್ಥಿಗಳು ಜರ್ಮನಿಯಾದ್ಯಂತ ಮುಷ್ಕರ ಪ್ರಾರಂಭಿಸಿದರು. ಜರ್ಮನಿಯ ವಿಶ್ವವಿದ್ಯಾಲಯ, ಬೋಧಕ ಸಿಬ್ಬಂದಿ, ಸರ್ಕಾರದ ಆಸ್ತಿಪಾಸ್ತಿಗಳು ವಿದ್ಯಾರ್ಥಿಗಳ ಕೆಂಗಣ್ಣಿಗೆ ಗುರಿಯಾದವು. ಮುಂದೆ ಇದು ಶಿಕ್ಷಣ ಪದ್ದತಿಯ ಸುಧಾರಣೆಗೆ ನಾಂದಿ ಹಾಡಿತು. ಕಾಲೇಜಿನಲ್ಲಿ ಭೌತಶಾಸ್ತ್ರದಲ್ಲಿ ಎ ಶ್ರೇಣಿ ಪಡೆದ ಸ್ಟೊರ್ಮರ್ ರಸಾಯನಶಾಸ್ತ್ರದಲ್ಲಿ ಯಾವಾಗಲೂ ಹಿಂದಿರುತ್ತಿದ್ದನು. ನೂರಾರು ರಾಸಾಯನಿಕ ಸೂತ್ರಗಳನ್ನು ನೆನಪಿನಲ್ಲಿರಿಸಿಕೊಳ್ಳುವುದು ಅವುಗಳ ಗುಣ ಲಕ್ಷಣಗಳನ್ನು ವಿವರಿಸುವುದು ಅಸಂಬದ್ಧವೆಂದು ಸ್ಟೊರ್ಮರ್ಗೆ ಭಾಸವಾಗುತ್ತಿದ್ದಿತು. ಆದರೆ ಮುಂದೆ ಭೌತಶಾಸ್ತ್ರದಲ್ಲಿ ಕ್ವಾಂಟಂ ಬಲವಿಜ್ಞಾನ ಕಲಿತ ನಂತರ ಇದರ ಪ್ರಾಮುಖ್ಯತೆ ಸ್ಟೊರ್ಮರ್ಗೆ ಮನದಟ್ಟಾಯಿತು. ಪದವಿ ಪೂರೈಸಿದ ನಂತರ ಡಾಕ್ಟರೇಟ್ ಗಳಿಸಲು ಸ್ಟೊರ್ಮರ್ ಪ್ರೊಫೆಸರ್ ವೆರ್ನರ್ ಮಾರ್ಟಿಯೆನ್ಸನ್ ಫಿûಸಿಕಲ್ ಇನ್ಸ್ಟಿಟ್ಯೂಟ್ ಸೇರಿದನು. ಇಲ್ಲಿ ಎಕ್ ಹಾರ್ಡಲ್ ಹೋನಿ ಮಾರ್ಗದರ್ಶನದಲ್ಲಿ ಬಹು ಸೂಕ್ಷ್ಮ ಸಂವೇದನಾಶೀಲವಾದ ಪತ್ತೆಕಾರಕಗಳನ್ನು (Detector) ಬಳಸಿ ಹಲವಾರು ಪ್ರಯೋಗಗಳನ್ನು ಕೈಗೊಂಡನು. ಹಿಮೋಗ್ಲೋಬಿನ್ ಆಮ್ಲಜನಕದೊಂದಿಗೆ ಹೊಂದಿರುವ ಬಂಧದ ನಿರ್ಧಾರವನ್ನು ಅದರ ಕಾಂತೀಯ ಗುಣಗಳ ಮೂಲಕ ಅರಿಯುವ ಹೊಣೆ ಸ್ಟೊರ್ಮರ್ ಹೆಗಲಿಗೆ ಬಂದಿತು. ಇದರೊಂದಿಗೆ ನಿಮ್ನ ತಾಪಮಾನದ ತಂತ್ರಗಳು ಸ್ಟೊರ್ಮರ್ ಕೈವಶವಾದವು. ಮುಂದೆ ಒಂದು ವರ್ಷದ ಪ್ರಯತ್ನದ ನಂತರವೂ ಹಿಮೋಗ್ಲೋಬಿನ್ ಮೇಲೆ ನಡೆಸಿದ ಪ್ರಯೋಗಗಳು ಫಲ ಪ್ರಧವಾಗಲಿಲ್ಲ. ಹಾಗಾಗಿ ಸ್ಟೊರ್ಮರ್ ಕಬ್ಬಿಣದ ಕಲುಷಿತಗಳ (Dopes) ಕಾಂತೀಯ ಅಸಮದೈಶಿಕತೆಯ (Anisotropy) ಮೇಲೆ ಸಂಪ್ರಂಬಂಧ ಬರೆದು ಡಾಕ್ಟರೇಟ್ ಗಳಿಸಿದನು. ಸ್ಟುರ್ಟ್ಗರ್ಟ್ನಿಂದ ಡಾಕ್ಟರೇಟ್ ಗಳಿಸಿ ಜೊತೆಗೆ ಫ್ರೆಂಚ್ ಭಾಷೆಯನ್ನು ಸಹಕಲಿತನು. ಸ್ಟೊರ್ಮರ್ಗೆ ಮಾರ್ಗದರ್ಶಕನಾಗಿದ್ದ ಕ್ವೇಸರ್, ಅಸಂಸಂದ ಬೆಲ್ ಪ್ರಯೋಗಾಲಯಗಳಿಗೆ ಹೋಗಿ ಸಂಶೋಧನೆ ಮಾಡಬೇಕೆಂದು ಸ್ಟೊರ್ಮರ್ಗೆ ಒತ್ತಾಯಿಸಿದನು. ಇಲ್ಲಿ ಅಂಶಿಕ ಕ್ವಾಂಟಂ ಹಾಲ್ ಪರಿಣಾಮವನ್ನು ಸ್ಟೊರ್ಮರ್ ಹಾಗೂ ಸಂಗಡಿಗರು ಅನಾವರಣಗೊಳಿಸಿದರು. ಇವರ ಕಾರ್ಯಚಟುವಟಿಕೆಗಳು ಸೂಕ್ಷ್ಮಾತಿಸೂಕ್ಷ್ಮವಾದ ಭೌತ ವಿದ್ಯಾಮಾನಗಳನ್ನು ಅರಿಯಲು ನೆರವಾದವು. ಇದಕ್ಕಾಗಿ ಸ್ಟೊರ್ಮರ್ 1998ರಲ್ಲಿ ನೊಬೆಲ್ ಪ್ರಶಸ್ತಿ ಗಳಿಸಿದನು.
ರಾಬರ್ಟ್ ಬಿ. ಲಾಘ್ಲಿನ್ (1950--) 1998
Robert B.Laughlin
ಅಸಂಸಂ-ಭೌತಶಾಸ್ತ್ರ-ಸಮಗ್ರ ಕ್ವಾಂಟಂ ಹಾಲ್ ಪರಿಣಾಮಕ್ಕೆ ಸೈದ್ಧಾಂತಿಕ ವಿವರಣೆ ನೀಡಿದಾತ.
ರಾಬರ್ಟ್ ನವೆಂಬರ್ 1950 ರಂದು ಕ್ಯಾಲಿಫ್ಲೋರ್ನಿಯಾದ ವಿಸಾಲಿಯ ಹಳ್ಳಿಯಲ್ಲಿ ಜನಿಸಿದನು. ಈತನ ತಂದೆ ವಕೀಲನಾಗಿದ್ದನು. ಬಾಲ್ಯದಿಂದಲೇ ತಂದೆಯಿಂದ, ವೈಚಾರಿಕ ನಿಲುವು, ಗಣಿತದಲ್ಲಿನ ಆಸಕ್ತಿಗಳನ್ನು ಬಳುವಳಿಯಾಗಿ ಪಡೆದನು. ಪ್ರೌಢ ಶಿಕ್ಷಣ ಮುಗಿಸಿ, ವೈದ್ಯುತ್ ಇಂಜಿನಿಯರಿಂಗ್ನಲ್ಲಿ ಪದವಿ ಗಳಿಸಲು ರಾಬರ್ಟ್ ಬಕ್ರ್ಲೆ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿ ಈ ಹಿಂದೆ , ಹಲವಾರು ಜಗದ್ವಿಖ್ಯಾತ ಭೌತಶಾಸ್ತ್ರಜ್ಞರು ಇದ್ದುದನ್ನು ಅರಿತ ರಾಬರ್ಟ್ ಅವರಂತೆಯೇ ತಾನಾಗಬೇಕೆಂದು ಕನಸು ಕಂಡನು. ಇಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತರಾದ ಚಾಲ್ರ್ಸ್ ಟೌನೆಸ್, ಓವೆನ್ ಛೇಂಬರ್ಲಿನ್ರಂತಹವರನ್ನು ಕಾಣುವ ಅವರ ಉಪನ್ಯಾಸಗಳನ್ನು ಕೇಳುವ ಅವಕಾಶಗಳು ರಾಬರ್ಟ್ಗೆ ಬಂದೊದಗಿದವು. ಪ್ರತಿಪ್ರೋಟಾನ್ ಅಸ್ತಿತ್ವವನ್ನು ಅನಾವರಣಗೊಳಿಸಿ, ನೊಬೆಲ್ ಪ್ರಶಸ್ತಿ ಗಳಿಸಿದ್ದ ಎಮಿಲೋ ಸೆಗ್ರೆಯಿಂದಲೂ ರಾಬರ್ಟ್ ಪ್ರಭಾವಿತನಾದನು. ವಿಯೆಟ್ನಾಂ ಯುದ್ದ ಪ್ರಾರಂಭವಾಗಿ, ಅದು ಅಸಂಸಂದಲ್ಲಿನ ವಿದ್ಯಾರ್ಥಿಗಳ ಜೀವನದ ಮೇಲೂ ಅಪಾರ ಪರಿಣಾಮ ಬೀರಿತು. ಚಿಂತಕರನ್ನೂ, ಸ್ವತಂತ್ರ ವಿಚಾರಧಾರೆ ಹೊಂದಿದ್ದ ವಿದ್ಯಾರ್ಥಿಗಳನ್ನು ವಿಯೆಟ್ನಾಂ ಯುದ್ದದಲ್ಲಿ ಸರ್ಕಾರವನ್ನು ಬೆಂಬಲಿಸಬೇಕೆ ? ಅಥವಾ ಬೇಡವೇ ಎಂಬ ತುಮುಲ ಕಾಡಿತು. ಇಂತಹ ಸಂದಿಗ್ಥದಲ್ಲಿ ಮುಳುಗಿದ ರಾಬರ್ಟ್ಗೆ ವಿದ್ಯಾಭ್ಯಾಸದಲ್ಲಿ ಗಮನಾರ್ಹ ಸಾಧನೆ ಮಾಡಲಾಗಲಿಲ್ಲ. ವಿಯೆಟ್ನಾಂ ಯುದ್ದ ಪಡೆಯಲ್ಲಿ ಕೆಳ ಹಂತದಲ್ಲಿ ನೇಮಕಗೊಂಡ ರಾಬರ್ಟ್ ಸೈದ್ಧಾಂತಿಕ ಭೌತಶಾಸ್ತ್ರಜ್ಞನಾಗಿದ್ದರೂ, ಗಣಕ, ದೂರವಾಣಿ, ರೇಡಿಯೋದಂತಹ ಉಪಕರಣಗಳನ್ನು ಬಳಸುವ ಅನುಮತಿಯಿರಲಿಲ್ಲ. ಕೆಲಕಾಲದ ನಂತರ ಕ್ಷಿಪಣಿ ದಳಗಳಿಗೆ ರಾಬರ್ಟ್ ವರ್ಗಾವಣೆಗೊಂಡನು. ಇಲ್ಲಿ ಯುದ್ದ, ಸರ್ಕಾರದ ರೀತಿ, ನೀತಿ, ಶಿಸ್ತು , ಏಕತೆ, ವರ್ಣ ದ್ವೇಷಗಳ ನಿಕಟ, ದಟ್ಟ ಪರಿಚಯವಾಗಿ ರಾಬರ್ಟ್ನ ಅನುಭವ ಕೋಶ ಹಿಗ್ಗಿತು. ಇಲ್ಲಿಂದ ಜರ್ಮನಿಯ ಸ್ಟುಟ್ಬರ್ಗ್ ನಗರದ ಬಳಿಯ ಶಿಬಿರಕ್ಕೆ ರಾಬರ್ಟ್ನ ತಂಡವನ್ನು ನಿಯೋಜಿಸಲಾಯಿತು. ಸೇನೆಯಿಂದ ಬಿಡುಗಡೆಗೊಂಡ ನಂತರ, 1974ರಲ್ಲಿ ಎರಡು ವರ್ಷಗಳ ಅಂತರದ ನಂತರ ಎಂ.ಐ.ಟಿ ಸೇರಿದನು. ಇಲ್ಲಿ ಜಾನ್ ಜೊವನೊಪ್ಪಾಲಿಸನ್ ಮಾರ್ಗದರ್ಶನದಲ್ಲಿ ಸಿಲಿಕಾನ್ ಗಾಜು. ಪುಡಿರೂಪದ ಸೆಲೆನಿಯಂಗಳ ಮೇಲೆ ಹಲವಾರು ಪ್ರಯೋಗಗಳನ್ನು ಕೈಗೊಂಡನು. ಇಲ್ಲಿ ಕ್ಷ ಕಿರಣ ವಿವರ್ತನೆ (Diffraction), ನ್ಯೂಟ್ರಾನ್ ಚದುರಿಕೆ, ರಾಮನ್ ಚದುರಿಕೆ ,ಎಲೆಕ್ಟ್ರಾನ್ ಅನುರಣನಗಳಂತಹ ಘನಸ್ಥಿತಿ ಭೌತಶಾಸ್ತ್ರದ ಪ್ರಯೋಗಗಳಲ್ಲಿ ಮುಳುಗಿದನು. ಡಾಕ್ಟರೇಟ್ ಗಳಿಸಿದ ರಾಬರ್ಟ್ ಬೆಲ್ ಪ್ರಯೋಗಾಲಯದಿಂದ ವೃತ್ತಿ ಜೀವನ ಪ್ರಾರಂಭಿಸಿದನು. ಇಲ್ಲಿ ಅರೆ ವಾಹಕಗಳ ಬಗೆಗೆ ದಾಖಲಾಗಿದ್ದ ವಿಜ್ಞಾನ ವಿಸ್ತಾರರೂಪ ತಳೆಯಿತು. ಆದರೆ ರಾಬರ್ಟ್ಗೆ ಬೆಲ್ ಪ್ರಯೋಗಾಲಯದಲ್ಲಿ ಶಾಶ್ವತ ಕೆಲಸ ದೊರೆಯದ ಕಾರಣ ಜಾನ್ ಜೋವನಾಪ್ಪುಲಸ್ನ ಸಲಹೆಯ ಮೇರೆಗೆ ಮಾರ್ಕ್ ಕಾರ್ಡಿಲ್ಲೋ ನಡೆಸುತ್ತಿದ್ದ ಪ್ರಯೋಗಗಳ ಫಲಿತಾಂಶಗಳಿಗೆ ಸೈದ್ಧಾಂತಿಕ ವಿವರಣೆ ನೀಡುವ ಜವಾಬ್ದಾರಿ ವಹಿಸಿಕೊಂಡನು. ಇದಕ್ಕಿಂತಲೂ ಸ್ವಲ್ಪ ಮೊದಲು ಬೆಲ್ ಪ್ರಯೋಗಾಲಯದಲ್ಲಿದ್ದ ಕ್ಲಾವುಸ್ ವಾನ್ ಕ್ಲಿಟ್ಜಿಂಗ್ ಸಮಗ್ರ ಕ್ವಾಂಟಂ ಹಾಲ್ ಪರಿಣಾಮವನ್ನು ಬೆಳಕಿಗೆ ತಂದಿದ್ದನು. ಇದಕ್ಕೆ ಸರಿಯಾದ ಸೈದ್ಧಾಂತಿಕ ವಿವರಣೆ ಲಭ್ಯವಿರಲಿಲ್ಲ. ಈ ಸಮಸ್ಯೆಯನ್ನು ಕೈಗೆತ್ತಿಕೊಂಡ ರಾಬರ್ಟ್ ಸಮರ್ಪಕ ವಿವರಣೆ ನೀಡುವಲ್ಲಿ ಯಶಸ್ವಿಯಾದನು. ಇದಕ್ಕಾಗಿ 1998ರ ನೊಬೆಲ್ ಪ್ರಶಸ್ತಿ ಪಡೆದನು.
ಗೆರಾಡಸ್ ಟೆ ಹೂಪ್ಟ್ (1950--) 1999
Gerardus t' Hooft
ನೆದರ್ಲ್ಯಾಂಡ್-ಭೌತಶಾಸ್ತ್ರ- ಕ್ವಾಂಟಂ ವರ್ಣಗತಿಶಾಸ್ತ್ರದ ಮುಂದಾಳು.
ಹೂಪ್ಟ್, ಡೆನ್ಹೆಲ್ಡರ್ನಲ್ಲಿ ಜನಿಸಿ, ಹೇಗ್ನಲ್ಲಿ ಬಾಲ್ಯವನ್ನು ಕಳೆದನು. ಹೂಪ್ಟ್ನ ಹಿರಿಯ ಮಾವ ಫ್ರಿಟ್ಸ್ ಝೆರ್ನಿಕೆ 1953ರಲ್ಲಿ ನೊಬೆಲ್ ಪ್ರಶಸ್ತಿ ಪುರಸ್ಕೃತನಾದನು. ಈತನ ಕುಟುಂಬದಲ್ಲಿ ಹಲವಾರು ಪ್ರಾಧ್ಯಾಪಕರು, ವಿಜ್ಞಾನಿಗಳು, ಖ್ಯಾತರು ಜನಿಸಿದ್ದರು. ಹೂಪ್ಟ್ನ ತಂದೆ ನೌಕೆಗಳ ಇಂಜಿನಿಯರ್ ಆಗಿದ್ದು ಮಾಸ್ ಡ್ಯಾಂ, ರಿಜೆನ್ ಡ್ಯಾಂನಂತಹ ಬೃಹತ್ ನೌಕೆಗಳ ನಿರ್ಮಾಣದಲ್ಲಿ ಪಾಲ್ಗೊಂಡಿದ್ದನು. ಹೂಪ್ಟ್ ಎಂಟು ವರ್ಷದವನಿರುವಾಗ ಅವನ ಕುಟುಂಬ ಲಂಡನ್ಗೆ ಹೋಯಿತು. ಇಲ್ಲಿ ಸಾರ್ವಜನಿಕ ಶಾಲೆ ಸೇರಿ, ಇಂಗ್ಲಿಷ್ನ್ನು ಕಲಿಯಲು ಪ್ರಾರಂಭಿಸುವ ಮೂಲಕ ಹೂಪ್ಟ್ ಪ್ರಾಥಮಿಕ ಶಿಕ್ಷಣ ಪೂರೈಸಿದನು. ನಂತರ ಹೇಗ್ನ ಡಾಲ್ಟನ್ ಲೈಸಿಯಂ ಪ್ರೌಢಶಾಲೆ ಸೇರಿದನು. ಹೂಪ್ಟ್ನ ತಂದೆ ರೇಡಿಯೋ ಒಂದನ್ನು ಕೊಡಿಸಿದನು. ಹೂಪ್ಟ್ ರೇಡಿಯೋ ಹೇಗೆ ಕೆಲಸ ಮಾಡುವುದೆಂದು ತಿಳಿಯಲು ನಾನಾ ಆಕರಗಳಿಂದ ರೇಡಿಯೋ ಬಗೆಗೆ ಅತ್ಯಧಿಕ ಮಾಹಿತಿಯನ್ನು ಸಂಗ್ರಹಿಸಿ, ಅರ್ಥೈಸಿಕೊಂಡನು. ಹೇಗ್ನ ಪ್ರೌಢಶಾಲೆಯಲ್ಲಿದ್ದ ವಿಜ್ಞಾನದ ಶಿಕ್ಷಕರಿಂದ ಹೂಪ್ಟ್ ಅದರಲ್ಲಿನ ಆಸಕ್ತಿ ವಿಸ್ತಾರವೂ, ಆಳವೂ ಆಗತೊಡಗಿತು. ಹದಿನಾರನೇ ವಯಸ್ಸಿನಲ್ಲಿ ಡಚ್ ಗಣಿತ ಒಲಿಂಪಿಕ್ನಲ್ಲಿ ಭಾಗವಹಿಸಿದ ಹೂಪ್ಟ್ ದ್ವೀತಿಯ ಪ್ರಶಸ್ತಿ ಗಳಿಸುವಲ್ಲಿ ಸಮರ್ಥನಾದನು. 1964ರಲ್ಲಿ ಉಟ್ರೆಕ್ಟ್ ವಿಶ್ವವಿದ್ಯಾಲಯ ಸೇರಿದನು. ಇಲ್ಲಿ ಮೆದು ಸ್ವಭಾವದವನಾಗಿದ್ದ ಹೂಪ್ಟ್ ಹಿರಿ ವಿದ್ಯಾರ್ಥಿಗಳಿಂದ ರ್ಯಾಗಿಂಗ್ಗೆ ತುತ್ತಾದನು. ಇಲ್ಲಿ ಸೈದ್ಧಾಂತಿಕ ಭೌತಶಾಸ್ತ್ರವನ್ನು ಆಯ್ಕೆಮಾಡಿಕೊಂಡು, ತನ್ನ ಮಾರ್ಗದರ್ಶಕನಾದ ವೆಲ್ಟ್ಮನ್ನಿಂದ ಕಠಿಣ ಪರೀಕ್ಷೆಗೊಳಗಾದನು. ವೆಲ್ಟ್ಮನ್ ಸಿದ್ಧಾಂತವೊಂದನ್ನು ಮಂಡಿಸಿದ್ದನು. ಇದರ ಪ್ರಕಾರ ತಟಸ್ಥ ಪೈಯಾನ್ಗಳು ಶೈಥಿಲ್ಯ ಹೊಂದಿ ಪ್ರೋಟಾನ್ಗಳಾಗಲಾರವು ಅದರಂತೆ ಬೀಟಾ ಕಣ ಶೈಥಿಲ್ಯ (Decay) ಹೊಂದಿ ಮೂರು ಪೈಯಾನ್ಗಳಾಗಲಾರದು. ಆದರೆ ಪ್ರಯೋಗಗಳು ಹೀಗಾಗುವುದನ್ನು ಖಚಿತಗೊಳಿಸಿದ್ದವು. ವೆಲ್ಟ್ಮನ್ ಈ ಸಿದ್ಧಾಂತದ ಅಧ್ಯಯನವನ್ನು ಹೂಪ್ಟ್ಗೆ ವಹಿಸಿದನು. ಮುಂದೆ ಗಣಿತದ ಮಾದರಿಯಲ್ಲಿದ್ದ ದೋಷದಿಂದ ಇಂತಹ ಸೈದ್ಧಾಂತಿಕ ತಪ್ಪು ನಿರ್ಧಾರಗಳಿಗೆ ವೆಲ್ಟ್ಮನ್ ಬಂದಿದ್ದನೆಂದು ತಿಳಿದು ಬಂದಿತು. 1969ರಲ್ಲಿ ಡಾಕ್ಟರೇಟ್ ಗಳಿಸಲು ಹೂಪ್ಟ್ ಅಧ್ಯಯನಕ್ಕೆ ಸೇರಿದನು. ಆ ಕಾಲದಲ್ಲಿ ಡಾಕ್ಟರೇಟ್ ಗಳಿಸುವುದು ಹಾಲೆಂಡ್ನಲ್ಲಿ ಬಹು ಪ್ರತಿಷ್ಟೆಯ ವಿಷಯವಾಗಿದ್ದು, ಅದನ್ನು ಗಳಿಸುವ ವೇಳೆಗೆ ವಿದ್ಯಾರ್ಥಿಗಳ ತಾರುಣ್ಯದ ಅರ್ಧ ಭಾಗ ಕಳೆದಿರುತ್ತಿದ್ದಿತು. ಹೂಪ್ಟ್ನ ಸಂಶೋಧನಾ ಮಾರ್ಗದರ್ಶಕನಾಗಿದ್ದ ವೆಲ್ಟ್ಮನ್ ಮೂಲ ಕಣಗಳ ಅರಿವಿಗೆ ಹೂಪ್ಟ್ ಅನುಸರಿಸುತ್ತಿದ್ದ ಮಾರ್ಗಗಳನ್ನು ಅನುಮೋದಿಸಿರಲಿಲ್ಲ ಪ್ರಬಲ ಬೈಜಿಕ ಬಲಗಳ ಕ್ಷೇತ್ರದಲ್ಲಿ ಯಾಂಗ್-ಮಿಲ್ಸ್ ಕಣಗಳೆಂದು ಪ್ರಸಿದ್ದವಾಗಿದ್ದ ಮೂಲ ಕಣಗಳನ್ನು ಅರಿಯಲು ಹೂಪ್ಟ್ ಈ ಮೊದಲು ಫೆಯ್ನಮನ್ ರೂಪಿಸಿದ್ದ ನಿಯಮಗಳನ್ನು ಬಳಸತೊಡಗಿ ಅದರಲ್ಲಿ ಯಶಸ್ಸನ್ನು ಕಾಣತೊಡಗಿದನು. ಇದನ್ನು ಗುರುತಿಸಿದ ವೆಲ್ಟ್ಮನ್ 1971ರಲ್ಲಿ ಆ್ಯಮ್ಸ್ಟರ್ಡ್ಯಾಂನಲ್ಲಿ ನಡೆದ ಕಣ ಭೌತಶಾಸ್ತ್ರದ ಸಮ್ಮೇಳನದಲ್ಲಿ ಈ ಫಲಿತಾಂಶಗಳನ್ನು ವಿವರಿಸಲು ಹೂಪ್ಟ್ಗೆ ಅವಕಾಶ ಕಲ್ಪಿಸಿದನು. ಇದರ ನಂತರ 1972ರಲ್ಲಿ ಡಾಕ್ಟರೇಟ್ ಸಹ ನೀಡಿದನು. ಇದರ ನಂತರ ಫೆಲೋಷಿಫ್ ಗಳಿಸಿ ಹೂಪ್ಟ್ ಜಿನೀವಾದಲ್ಲಿದ್ದ ಸಿ.ಇ.ಅರ್.ಎನ್ ಕೇಂದ್ರ ಸೇರಿದನು. ಇಲ್ಲಿಗೆ ವೆಲ್ಟ್ಮನ್ ಸಹ ಬಂದನು. 1971 ರಿಂದ ಇವರಿಬ್ಬರೂ ಯಾಂಗ್-ಮಿಲ್ಸ್ ಬೈಜಿಕ ಅಂತಕ್ರಿಯೆಗಳನ್ನು ಕುರಿತಾಗಿ ನೀಡಿದ್ದ ಸಿದ್ಧಾಂತದ ಎಲ್ಲಾ ಮಗ್ಗುಲುಗಳನ್ನು ಪ್ರಯೋಗಗಳಿಂದ ಪರೀಕ್ಷಿಸಿದರು. 1973ರಲ್ಲಿ ಡೇವಿಡ್ ಗ್ರಾಸ್,ಫ್ರಾಂಕ್ ಎಲ್ಕ್ಜೆಕ್ರ ಅಧ್ಯಯನ ಹಾಗೂ ಹೂಪ್ಟನ ಪರಿಶೋಧನೆಗಳಿಂದ ಯಾಂಗ್-ಮಿಲ್ಸ್ ಸಿದ್ಧಾಂತದಲ್ಲಿದ್ದ ಎಡರು ತೊಡರುಗಳು ಪರಿಹಾರಗೊಂಡು ಕ್ವಾಂಟಂ ವರ್ಣಗತಿಶಾಸ್ತ್ರವೆಂಬ (Chromodynamics) ಹೊಸ ಶಾಸ್ತ್ರದ ಉಗಮವಾಯಿತು. ಇದಕ್ಕಾಗಿ ಹೂಪ್ಟ್ ನೊಬೆಲ್ ಪ್ರಶಸ್ತಿ ಪಡೆದನು. 1974ರಲ್ಲಿ ಉಟೆರೆಕ್ಟ್ನಲ್ಲಿ ಸಹಾಯಕ ಪ್ರಾಧ್ಯಾಪಕನಾಗಿ, 1976ರಲ್ಲಿ ಹಾರ್ವರ್ಡ್ ವಿಶ್ವವಿದ್ಯಾಲಯದ ಅತಿಥಿ ಪ್ರಾಧ್ಯಾಪಕನಾಗಿಯೂ ಹೂಪ್ಟ್ ಸೇವೆ ಸಲ್ಲಿಸಿದನು. ಈಗ ನಿಸರ್ಗದ ನಾಲ್ಕು ಮೂಲ ಬಲಗಳಲ್ಲಿ ವೈದ್ಯುತ್ಕಾಂತೀಯ, ಕ್ಷೀಣ ಹಾಗೂ ಪ್ರಬಲ ಬೈಜಿಕ ಬಲಗಳನ್ನು ಐಕ್ಯಗೊಳಿಸುವುದು ಸಾಧ್ಯವಾಗಿದೆ. ಬಹು ದುರ್ಬಲವೆನಿಸುವ ಗುರುತ್ವದ ಬಲವನ್ನು ಇವುಗಳೊಂದಿಗೆ ಬೆಸೆದು ಐಕ್ಯತಾ ಸಿದ್ಧಾಂತ ರೂಪಿಸುವುದು ಈಗ ವಿಜ್ಞಾನಿಗಳ ಮುಂದಿರುವ ಸವಾಲು. ಈ ಸಮನ್ವಯ ಹುಡುಕಾಟದಲ್ಲಿ ಹೂಪ್ಟ್ ನಿರತನಾಗಿದ್ದಾನೆ.
ಮಾರ್ಟಿನಸ್ ,ಜೆ.ಟಿ ವೆಲ್ಟ್’ಮನ್ (1931--) 1999
Martinus , J.G.Veltman
ನೆದರ್’ಲ್ಯಾಂಡ್-ಭೌತಶಾಸ್ತ್ರ-ಭ ಕ್ವಾಂಟಂ ವರ್ಣಗತಿಶಾಸ್ತ್ರದ ಮುಂದಾಳು.
ವೆಲ್ಟ್’ಮನ್ 27 ಜೂನ್ 1931ರಂದು ವಾಲ್ ವಿರ್ಜೆರ್ ಎಂಬ ಹಳ್ಳಿಯಲ್ಲಿ ಜನಿಸಿದನು. ಈತನ ತಂದೆ ಶಾಲಾ ಉಪಾಧ್ಯಾಯನಾಗಿದ್ದನು. 1940ರಲ್ಲಿ ಹಾಲೆಂಡ್ ಜರ್ಮನಿಯ ವಶವಾಗಿ, ಜನ ಜೀವನ ನಿಗ್ರಹಕ್ಕೊಳಗಾಯಿತು. ಆಗ ವೆಲ್ಟ್’ಮನ್ ಪ್ರೌಢಶಾಲೆಯಲ್ಲಿದ್ದನು. ಯುದ್ದ ರಂಗದಲ್ಲಿ ಸಿಕ್ಕುವ ಅಳಿದುಳಿದ ಮದ್ದಿನ ಪುಡಿ ತಂದು ಸಿಡಿಸಿ ವೆಲ್ಟ್’ಮನ್ ಹಾಗೂ ಸ್ನೇಹಿತರು ಆನಂದಿಸುತ್ತಿದ್ದರು. ಯುದ್ದದಿಂದ ಬಸವಳಿದಿದ್ದ ಹಾಲೆಂಡ್ನಲ್ಲಿ ಶಾಲೆಗಳು ಸರಿಯಾಗಿ ನಡೆಯುತ್ತಿರಲಿಲ್ಲ. ವೆಲ್ಟ್’ಮನ್ , 1948ರಲ್ಲಿ ಪ್ರೌಢ ಶಿಕ್ಷಣ ಪೂರೈಸಿದನು. ರಜಾ ದಿನಗಳಲ್ಲಿ ರೇಡಿಯೋ ದುರಸ್ತಿ ಗೊತ್ತಿದ್ದ ಪ್ಲಂಬರ್ನೊಂದಿಗೆ ಕಳೆಯುತ್ತಿದ್ದ ವೆಲ್ಟ್ಮನ್ಗೆ ಎಲೆಕ್ಟ್ರಾನಿಕ್ಸ್ನಲ್ಲಿ ಅತ್ಯಾಸಕ್ತಿಯಿದ್ದಿತು. ಪ್ರೌಢಶಾಲೆಯಲ್ಲಿ ಉತ್ತಮ ದರ್ಜೆಯನ್ನು ಪಡೆಯದಿದ್ದ ವೆಲ್ಟ್ಮನ್ಗೆ ಇಂಜಿನಿಯರಿಂಗ್ ಪ್ರವೇಶ ಸಿಕ್ಕದೆ, ಭೌತಶಾಸ್ತ್ರದ ಪದವಿಗೆ ಸೇರಿದನು. ವೆಲ್ಟ್’ಮನ್ ನೆಲೆಸಿದ್ದ ವಾಲ್ ವಿಜಿಕ್ನಲ್ಲಿ ಕಾಲೇಜುಗಳಿಲ್ಲದಿದ್ದುದರಿಂದ ವಸತಿ ನಿಲಯಗಳಲ್ಲಿದ್ದು ಹಣ ಪಾವತಿ ಮಾಡುವಷ್ಟು ಆರ್ಥಿಕ ಸಾಮಥ್ರ್ಯವಿರದಿದ್ದುದರಿಂದ ದಿನನಿತ್ಯ ಊರಿನಿಂದ ಕಾಲೇಜಿಗೆ ರೈಲಿನಲ್ಲಿ ಹೋಗಬಹುದಾದ ಉಟ್ರೆಕ್ಟ್ ವಿಶ್ವವಿದ್ಯಾಲಯ ಸೇರಿದನು. ಎರಡನೇ ಜಾಗತಿಕ ಯುದ್ದದಿಂದಾಗಿ ಹಾಲೆಂಡ್ನ ಶಿಕ್ಷಣ ವ್ಯವಸ್ಥೆಯೇ ಕುಸಿದು ಬಿದ್ದಿದ್ದಿತು. ಉತ್ತಮ ಶಿಕ್ಷಕರು ಪರ ದೇಶಗಳಿಗೆ ವಲಸೆ ಹೋಗಿದ್ದರೆ, ಇನ್ನು ಕೆಲವರು ನಾಝಿಗಳಿಂದ ಹತರಾಗಿದ್ದರು. ಹೀಗಾಗಿ ಪದವಿ ಕಾಲದಲ್ಲಿ ವೆಲ್ಟ್ಮನ್ಗೆ ಯಾವುದೇ ವಿಷಯದಲ್ಲಿ ಆಸಕ್ತಿ ಮೂಡಲಿಲ್ಲ. ಆರ್ಥಿಕ ಸಂಕಷ್ಟದಿಂದ ಹೊರಬರಲು ಟೈಪಿಂಗ್ ಕೆಲಸಕ್ಕೆ ವೆಲ್ಟ್’ಮನ್ ಮೊರೆ ಹೋದನು. ಅದೆಷ್ಟೋ ವೇಳೆ ಅನ್ನ, ಆಹಾರಗಳಿಲ್ಲದೆ ಬರಿ ನೀರಿನಲ್ಲಿ ಕಾಲ ಕಳೆದನು. ಚಿಕ್ಕ ಪುಟ್ಟ ಗೃಹೋಪಕರಣ ಸಾಮಾನುಗಳನ್ನು ಮಾರಲು ಯತ್ನಿಸಿದನು. ಸುಳ್ಳು ಹೇಳುವುದನ್ನು ದ್ವೇಷಿಸುತ್ತಿದ್ದ ವೆಲ್ಟ್’ಮನ್ ಎಂದಿಗೂ ಯಾವುದೇ ಸಾಮಾನನ್ನು ಯಾರಿಗೂ ಮಾರುವಲ್ಲಿ ಸಫಲನಾಗಲಿಲ್ಲ. ವೆಲ್ಟ್ಮನ್ನ ನೇರ ಬಿಚ್ಚು ನುಡಿಗಳಿಂದ ಜನ ಬೆಚ್ಚುತ್ತಿದ್ದರು. ಪದವಿ ಮುಗಿಸಿ ಎರಡು ವರ್ಷಗಳ ನಂತರ ವೆಲ್ಟ್’ಮನ್ ಗಮನಾರ್ಹವಲ್ಲದ ಅಭ್ಯರ್ಥಿ ಪರೀಕ್ಷೆಯಲ್ಲಿ ತೇರ್ಗಡೆಯಾದನು. ಈ ಸಮಯದಲ್ಲಿ ಸಾಪೇಕ್ಷ ಸಿದ್ಧಾಂತದ ಪುಸ್ತಕ ದೊರೆಯಿತು. ಇದನ್ನು ಓದಿ ಪುಳಕಿತನಾದ ವೆಲ್ಟ್ಮನ್ಗೆ ಅರೆಕಾಲಿಕ ಉಪಾಧ್ಯಾಯನಾಗಿ ಸರ್ಕಾರಿ ಕೆಲಸ ಸಿಕ್ಕಿತು. ತೃಪ್ತಿ ನೀಡದ ಈ ಕೆಲಸದಲ್ಲಿದ್ದ ಮೆಲ್ಟಮನ್ 1955ರಲ್ಲಿ ಆ್ಯಮಸ್ಟರ್ಡ್ಯಾಂನ ವ್ಯಾನ್ಡೆರ್ ವಾಲ್ಸ್ ಪ್ರಯೋಗಾಲಯದಲ್ಲಿದ್ದ ವೆಲ್ಟ್’ಮನ್ 1959ರಲ್ಲಿ ವ್ಯಾನ್ ಹೂವೆನ್ನ ಮಾರ್ಗದರ್ಶನದಲ್ಲಿ ಡಾಕ್ಟರೇಟ್ ಗಳಿಸಲು ಊಟ್ರೆಕ್ಟ್ ವಿಶ್ವವಿದ್ಯಾಲಯ ಸೇರಿದನು. ಕಣ ಭೌತಶಾಸ್ತ್ರದಲ್ಲಿ ಆಸಕ್ತಿಯಿದ್ದ ವೆಲ್ಟ್ಮನ್ಗೆ ಇಲ್ಲಿ ಅದರ ಅಧ್ಯಯನಕ್ಕಾಗಿ ಅವಕಾಶಗಳಿರಲಿಲ್ಲ. ಆದ್ದರಿಂದ ಕಣ ಭೌತಶಾಸ್ತ್ರದಲ್ಲಿನ ಖ್ಯಾತರ ಉಪನ್ಯಾಸಗಳನ್ನು ಪರ ಊರುಗಳಿಗೆ ಹೋಗಿ ಕೇಳತೊಡಗಿದನು. 1960ರಲ್ಲಿ ವ್ಯಾನ್ ಹೂವೆನ್ ಜೀನೀವಾದ ಸಿಇಆರ್ಎನ್ ಪ್ರಯೋಗಾಲಯದ ನಿರ್ದೇಶಕನಾದನು. ಆತನೊಂದಿಗೆ ವೆಲ್ಟ್’ಮನ್ ಸಹ ಅಲ್ಲಿಗೆ ಹೋದನು. ಇಲ್ಲಿಗೆ ಹೋದ ನಂತರ ವೆಲ್ಟ್’ಮನ್ ತನಗೆ ಕಣಭೌತಶಾಸ್ತ್ರದಲ್ಲಿರುವ ಜ್ಞಾನ ತೀರ ಸಾಧಾರಣ ಮಟ್ಟದ್ದೆಂದು ಖಚಿತವಾಯಿತು. ನಂತರ ಫೆಯ್ನ್’ಮನ್ಶಿಷ್ಯನಾಗಿದ್ದ ಸ್ಯಾಮ್ಬರ್ಮನ್ ಕೈಕೆಳಗೆ ಕೆಲಸಮಾಡಿದನು. ಈತನ ಸಲಹೆಯ ಮೇರೆಗೆ ಅಸ್ಥಿರ ಕಣಗಳ ಕುರಿತಾಗಿ ಅಧ್ಯಯನ ನಡೆಸಿದನು. 1963ರಲ್ಲಿ ಸಿಇಆರ್ಎನ್ ನ್ಯೂಟ್ರಿನೋ ಪ್ರಯೋಗಗಳು ಪ್ರಾರಂಭವಾಗಿದ್ದವು. ಇದರಲ್ಲಿ ವೆಲ್ಟ್’ಮನ್ ಭಾಗಿಯಾದನು. 1966ರಲ್ಲಿ ಉಟ್ರೆಕ್ಟನಲ್ಲಿ ವ್ಯಾನ್ ಹೂವ್ನಿಂದ ತೆರನಾದ ಸೈದ್ಧಾಂತಿಕ ಭೌತಶಾಸ್ತ್ರ ಪ್ರಾಧ್ಯಾಪಕನ ಸ್ಥಾನ ತುಂಬಿದ ವೆಲ್ಟ್’ಮನ್, ಕಣ ಭೌತಶಾಸ್ತ್ರದ ಅಧ್ಯಯನ ಪ್ರಾರಂಭಿಸಿದನು. 1968ರಲ್ಲಿ ರಾಕ್ಫೆಲರ್ ವಿಶ್ವವಿದ್ಯಾಲಯಕ್ಕೆ ಭೇಟಿ ನೀಡಿದನು. ಉಟ್ರೆಕ್ಟ್ಗೆ ಮರಳಿದ ನಂತರ ವೆಲ್ಟ್’ಮನ್, ಮೂಲ ಕಣಗಳ ಸಂಶೋಧನೆಯಲ್ಲಿ ಗೆರಾಡಸ್ ಟಿ ಹೂಪ್ಟ್ಗೆ ಮಾರ್ಗದರ್ಶಕನಾಗಿದ್ದನು. ಇವರಿಬ್ಬರ ಮಧ್ಯೆ ಆಗಾಗ್ಗೆ ಭಿನ್ನಭಿಪ್ರಾಯಗಳು ತಲೆದೋರುತ್ತಿದ್ದವು. ಇವರು ಜಂಟಿಯಾಗಿ ನಡೆಸಿದ ಸಂಶೋಧನೆಗಳಿಂದ ಕ್ವಾಂಟಂ ವರ್ಣಗತಿಶಾಸ್ತ್ರದ (Chromodynamics)ಉಗಮವಾಯಿತು. ಇದಕ್ಕಾಗಿ 1999ರ ನೊಬೆಲ್ ಪ್ರಶಸ್ತಿ ಪಡೆದರು. 1979ರಲ್ಲಿ ಮಿಷಿಗನ್ ವಿಶ್ವವಿದ್ಯಾಲಯಕ್ಕೆ ಹೋಗಿ ಸೇರಿದ ವೆಲ್ಟ್’ಮನ್ 1981ರಲ್ಲಿ ತಾಯ್ನಾಡಿಗೆ ಮರಳಿದ ವಿಶ್ರಾಂತ ಜೀವನ ಸಾಗಿಸುತ್ತಿದ್ದಾನೆ.
ಹರ್ಬರ್ಟ್, ಕ್ರೊಯೆಮರ್ (1928--) 2000
Herbert , Kroemer
ಜರ್ಮನಿ -ಭೌತಶಾಸ್ತ್ರ- ಅಸಮ ರಾಚನಿಕ ಎಲೆಕ್ಟ್ರಾನಿಕ್ ಸಾಧನಗಳ ಕ್ರಾಂತಿಗೆ ಕಾರಣನಾದಾತ.
ಕ್ರೊಯೆಮರ್ 25 ಆಗಸ್ಟ್ 1928ರಂದು ವೀಮರ್ನಲ್ಲಿ ಜನಿಸಿದನು. ಈತನ ತಂದೆ ತಾಯಿಗಳು ಕುಶಲಕರ್ಮಿಗಳಾಗಿದ್ದು ತಮ್ಮಮಕ್ಕಳು ಅತ್ಯುತ್ತಮ ವಿದ್ಯಾಭ್ಯಾಸ ಹೊಂದಬೇಕೆಂದು ಹೆಬ್ಬಯಕೆ ಹೊಂದಿದ್ದರು. ಪಠ್ಯಕ್ರಮಗಳ ಏಕಾತನೆಯಿಂದ ಆಗಾಗ್ಗೆ ಬೇಸರಗೊಳ್ಳುತ್ತಿದ್ದ ಕ್ರೋಯೆಮರ್ ತುಂಟ ವಿದ್ಯಾರ್ಥಿಯೆಂದು ಶಾಲೆಯಲ್ಲಿ ಗುರುತಿಸಲ್ಪಟ್ಟಿದ್ದನು.
1947ರಲ್ಲಿ ಜೆನಾ ವಿಶ್ವವಿದ್ಯಾಲಯ ಸೇರಿದನು. ಬೇಸಿಗೆಯ ರಜಾ ದಿನಗಳಲ್ಲಿ ಬರ್ಲಿನ್ನ ಸೀಮೆನ್ಸ್ ಕಂಪನಿಯಲ್ಲಿ ಕೆಲಸ ಮಾಡಿದನು. ತನ್ನ ಪ್ರಾಧ್ಯಾಪಕರೊಬ್ಬರ ಶಿಫಾರಸ್ಸಿನ ಮೇರೆಗೆ ಗಟ್ಟಿಂಜೆನ್ನಲ್ಲಿದ್ದ ಮುಂದೆ 1989ರಲ್ಲಿ ನೊಬೆಲ್ ಪುರಸ್ಕೃತನಾದ ವೂಲ್ಫ್ ಗ್ಯಾಂಗ್ ಪೌಲ್ನನ್ನು ಬೇಟಿಯಾದನು. ಪೌಲ್, ಕನ್ನಡಿಯಲ್ಲಿ ಬಿಂಬ ಎಡ ಬಲವಾಗಿ ಬದಲಾಗುವುದೇ ಹೊರತು, ಮೇಲೆ ಕೆಳಗೆ ಏಕಲ್ಲ? ಎಂದು ಪ್ರಶ್ನಿಸಿದನು. ಇದಕ್ಕೆ ನಿಶ್ಚಿತ ಉತ್ತರ ಕ್ರೊಯೆಮರ್ಗೆ ತಿಳಿದಿರಲಿಲ್ಲ. ಇದರಿಂದ ಕ್ರೊಯೆಮರ್ಗೆ ತನ್ನ ಜ್ಞಾನದ ಇತಿಮಿತಿಗಳ ಅರಿವಾಯಿತು. ಆದರೆ ಕೆಲ ಸಮಯದ ನಂತರ ಪೌಲ್ನಿಂದ ಆಹ್ವಾನ ಬಂದಿತು. 1939ರಲ್ಲಿ ಘನದ ಮೇಲ್ಮೈಗಳ ವಾಹಕತೆ ಕುರಿತಾಗಿ ಸಂಶೋಧನೆ ನಡೆಸಿದನು. ಇಲ್ಲಿ ಕ್ರೋಯೆಮರ್ ಮಾರ್ಗದರ್ಶಕನಾಗಿದ್ದ ಸೌಟೆರ್ಗೆ ವಿದ್ಯಾರ್ಥಿಗಳು ದೀರ್ಘಕಾಲ ಯಾರೊಬ್ಬರ ಕೆಳಗೆ ಕೆಲಸ ಮಾಡುವುದನ್ನು ಒಪ್ಪುತ್ತಿರಲಿಲ್ಲ. ಸ್ವತಂತ್ರವಾಗಿ ಚಿಂತಿಸುವುದೇ ನಿಜವಾದ ವಿದ್ಯಾಭ್ಯಾಸವೆಂಬುದು ಸೌಟೆರ್ನ ಖಚಿತ ನಿಲುವಾಗಿದ್ದಿತು. ಆದ್ದರಿಂದ 24 ವರ್ಷ ತುಂಬುವುದರೊಳಗಾಗಿ ಕ್ರೊಯೆಮರ್ ಡಾಕ್ಟರೇಟ್ ಗಳಿಸಿದನು. 1952ರ ವೇಳೆಗೆ ಸೈದ್ಧಾಂತಿಕ ಭೌತಶಾಸ್ತ್ರಜ್ಞರಿಗೆ ವೃತ್ತಿಯ ಅವಕಾಶಗಳೇ ಇರಲಿಲ್ಲ. ಆದ್ದರಿಂದ ಕ್ರೊಯೆಮೆರ್ ಸೆಂಟ್ರಾಲ್ ಟೆಲೆಕಮ್ಯುನೀಕೇಷನ್ ಲ್ಯಾಬೋರೇಟರಿಯಲ್ಲಿ ಅರೆವಾಹಕಗಳ ಪರಿಣಿತನಾಗಿ ಸೇರಿದನು. ಈ ಸಂಸ್ಥೆಯಲ್ಲಿ ಎದುರಾಗುತ್ತಿದ್ದ ಸಮಸ್ಯೆಗಳಿಗೆ ಸೈದ್ಧಾಂತಿಕ ಪರಿಹಾರ ಒದಗಿಸುತ್ತಿದ್ದ ಕ್ರೊಯೆಮರ್ಗೆ ಅಸಮ ರಾಚನಿಕ ದ್ವಿಧೃವ ಟ್ರಾನ್ಸಿಸ್ಟರ್ ಪರಿಕಲ್ಪನೆ ಬಂದಿತು. 1954ರಲ್ಲಿ ಅಸಂಸಂ, ನ್ಯೂಜೆರ್ಸಿಯಲ್ಲಿ ಆರ್ಸಿಎ ಪ್ರಯೋಗಾಲಯ ಸೇರಿದನು. ಅಲ್ಲಿರುವಾಗ ಜರ್ಮೇನಿಯಂ, ಸಿಲಿಕಾನ್ ಮಿಶ್ರಲೋಹಗಳ ಉತ್ಸರ್ಜಕ ನಿರ್ಮಿಸಿದನು. 1963ರಲ್ಲಿ ಪೌಲೋ ಆಲ್ಟೋದಲ್ಲಿರುವ ವೇರಿಯನ್ ಅಸೋಸಿಯೇಟ್ಸ್ ಕಂಪನಿಯಲ್ಲಿ ಕೆಲಸ ಮಾಡಿದನು. ಈ ಸಮಯದಲ್ಲಿ ಸಾಮಾನ್ಯ ತಾಪಮಾನದಲ್ಲಿ ಹೊಸದಾಗಿ ಪ್ರಸ್ತಾವಿತಗೊಂಡಿರುವ ಡಯೋಡ್ ಲೇಸರ್ ಕಾರ್ಯನಿರ್ವಹಿಸದೆಂದು ಡಾ ಸಾಲ್ ಮಿಲ್ಲರ್ ವಿವರಿಸಿದನು. ಇದನ್ನು ಒಪ್ಪದ ಕ್ರೊಯೆಮರ್, ಲೇಖನವೊಂದನ್ನು ಪ್ರಕಟಿಸಿದನು. ಅಸಮ ರಾಚನಿಕ ಎಲೆಕ್ಟ್ರಾನಿಕ್ ಸಾಧನಗಳ ಕ್ರಾಂತಿಗೆ ಕ್ರೊಯೆಮರ್ ನೀಡಿದ ಕೊಡುಗೆಗಳಿಗಾಗಿ 2000ರಲ್ಲಿ ನೊಬೆಲ್ ಪ್ರಶಸ್ತಿಯಿಂದ ಪುರಸ್ಕರಿಸಲಾಯಿತು.
ಜಾಕ್, ಎಸ್. ಕಿಲ್ಬಿ (1923--) 2000
Jack , S. Kilby
ಅಸಂಸಂ-ಇಂಜಿನಿಯರ್-ಆಧುನಿಕ ಎಲೆಕ್ಟ್ರಾನಿಕ್ಸ್ ಕ್ರಾಂತಿಗೆ ಕಾರಣವಾದ ಸಮಗ್ರಗೊಳಿತ ಮಂಡಲಗಳನ್ನು ( Integradted Circuits) ಪರಿಚಯಿಸಿದಾತ.
ಅಕ್ರ್ಯಾನ್ಸೆನ್ ನದಿ ಬಾಗುವ ದಂಡೆಯ ಮೇಲಿರುವ ಪಟ್ಟಣವಾದ ಕ್ಯಾನ್ಸಾಸ್ನಲ್ಲಿ 1923ರಲ್ಲಿ ಕಿಲ್ವಿ ಜನಿಸಿದನು. ಕಿಲ್ವಿಯ ತಂದೆ ಹವ್ಯಾಸಿ ರೇಡಿಯೋ ಬಳಕೆದಾರನಾಗಿದ್ದನು. ಇದರಿಂದ ಕಿಲ್ವಿಗೆ ಎಲೆಕ್ಟ್ರಾನಿಕ್ಸ್ನಲ್ಲಿ ಆಸಕ್ತಿ ಮೂಡಿತು. ಪ್ರೌಢ ಶಿಕ್ಷಣ ಮುಗಿಸಿದ ಕಿಲ್ವಿ ಇಲಿನಾಯ್ “ವಿಶ್ವವಿದ್ಯಾಲಯದಲ್ಲಿ ವೈದ್ಯುತ್ ಇಂಜಿನಿಯರಿಂಗ್ ಪದವಿಗೆ ಸೇರಿದನು. 1947ರಲ್ಲಿ ಕಿಲ್ವಿ ಇಂಜಿನಿಯರಿಂಗ್ ಪದವಿಯೊಂದಿಗೆ ಹೊರ ಬಂದಾಗ, ಬೆಲ್ ಪ್ರಯೋಗಾಲಯ ಟ್ರಾನ್ಸಿಸ್ಟರ್ಗಳ ಉಪಜ್ಞೆಯನ್ನು ಸಾರಿ, ನಿರ್ವಾತ ನಳಿಕೆಗಳು (Vaccum Tubes) ಇಲ್ಲವಾಗುವ ದಿನಗಳನ್ನು ಸಾರಿತು. ವಿಸ್ಕಾನ್ಸಿನ್ನಲ್ಲಿನ ರೇಡಿಯೋ ತಯಾರಿಕಾ ಕಂಪನಿ ಸೇರಿ ಕಿಲ್ವಿ ವೃತ್ತಿ ಜೀವನ ಪ್ರಾರಂಭಿಸಿದನು. ವಿಸ್ಕಾನ್ಸಿನ್ ವಿಶ್ವವಿದ್ಯಾಲಯ ನಡೆಸುತ್ತಿದ್ದ ಸಂಜೆ ತರಗತಿಗಳಿಗೆ ಹಾಜರಾಗಿ ವೈದ್ಯುತ್ ಇಂಜಿನಿಯರಿಂಗ್ನಲ್ಲಿ ಸ್ನಾತಕೋತ್ತರ ಪದವಿ ಗಳಿಸಿದನು. ಟ್ರಾನ್ಸಿಸ್ಟರ್ಗಳಿಂದ ಸಮಗ್ರ ಮಂಡಲಗಳನ್ನು ರಚಿಸುವುದು ಸಾಧ್ಯವೆಂದು ತಿಳಿದು ಬಂದಿತು. ಮಿಲಿಟರಿ ಹಾಗೂ ಗಣಕ ತಯಾರಿಕೆ ಕಂಪನಿಗಳು ಈ ದಿಶೆಯಲ್ಲಿ ಕಾರ್ಯೋನ್ಮುಖವಾದವು. ಟೆಕ್ಸಾಸ್ ಇನ್ಸ್ಟ್ರುಮೆಂಟ್ ಸಂಸ್ಥೆ ಈ ಹೊಸ ಸಾಧ್ಯತೆಯನ್ನು ಹಲವಾರು ಕ್ಷೇತ್ರಗಳಿಗೆ ಹಿಗ್ಗಿಸುವ ಯೋಜನೆಯಲ್ಲಿದ್ದಿತು. ಇಲ್ಲಿ ಸೇರಿದ ಕಿಲ್ಬಿ ಜಗತ್ತಿನ ಮೊಟ್ಟ ಮೊದಲ ಕರಲೀನ ಕ್ಯಾಲ್ಕುಲೇಟರ್ (Handheld Calculator) ಹಾಗೂ ಶಾಖ ಮುದ್ರಕ (Thermal Printer) ಉಪಜ್ಞಾ ತಂಡದ ಸದಸ್ಯನಾಗಿ ಯಶಸ್ವಿಯಾದನು. 1970ರಲ್ಲಿ ಟೆಕ್ಸಾಸ್ ಇನ್ಸ್ಟ್ರುಮೆಂಟ್ ಕಂಪನಿಯಿಂದ ವೇತನರಹಿತ ರಜೆ ಪಡೆದ ಕಿಲ್ವಿ ಸಿಲಿಕಾನ್ ತಂತ್ರಜ್ಞಾನ ಬಳಸಿ ಸೂರ್ಯನ ಬಿಸಿಲಿನಿಂದ ವಿದ್ಯುತ್ ಉತ್ಪಾದಿಸುವ ನಿಟ್ಟಿನಲ್ಲಿ ಕಾರ್ಯೋನ್ಮುಖನಾದನು. 1978ರಿಂದ 1984 ರವರೆಗೆ ಟೆಕ್ಸಾಸ್ನ ಎ ಅಂಡ್ ಎಂ ವಿಶ್ವವಿದ್ಯಾಲಯದಲ್ಲಿ ವೈದ್ಯುತ್ ಇಂಜಿನಿಯರಿಂಗ್ನ ಪ್ರಾಧ್ಯಾಪಕನಾದನು. ಟ್ರಾನ್ಸಿಸ್ಟರ್ಗಳನ್ನು ಬಳಸಿ ಸಮಗ್ರ ಮಂಡಳಗಳನ್ನು ನಿರ್ಮಿಸಿ, ವಾಣಿಜ್ಯ ಮಟ್ಟದಲ್ಲಿ ಎಲೆಕ್ಟ್ರಾನಿಕ್ಸ್ ಕ್ರಾಂತಿಗೆ ಕಾರಣವಾದ ಅನ್ವಯಿಕ ಭೌತಶಾಸ್ತ್ರಕ್ಕೆ ಕಿಲ್ವಿ ನೀಡಿದ ಕೊಡುಗೆ ಗಮನಿಸಿ, ಜಾಕ್ ಕಿಲ್ಬಿಯನ್ನು 2000ರ ನೊಬೆಲ್ ಪ್ರಶಸ್ತಿಯಿಂದ ಪುರಸ್ಕರಿಸಲಾಯಿತು.
ಝೆರೆಸ್ ಐ ಅಲ್ಫೆರೊವ್ (1923--) 2000
Zhores , I. Alferov
ರಷ್ಯಾ-ಇಂಜಿನಿಯರ್-ಅರೆವಾಹಕಗಳ ಸಂಶೋಧನೆಯ ಮುಂಚೂಣಿಗ.
ಅಲ್ಫೆರೊವ್ನ ತಂದೆ ಹಾಗೂ ತಾಯಿ 1912ರಲ್ಲಿ ಬೈಲೋ ರಷ್ಯಾದಿಂದ ಸೇಂಟ್ ಪೀಟರ್ಸ್ಬರ್ಗ್ಗೆ ಬಂದು ನೆಲೆಸಿದ್ದರು. ಈತ ರಷ್ಯಾದ ಕ್ರಾಂತಿಯಲ್ಲಿ ಹಾಗೂ ಮೊದಲನೆ ಜಾಗತಿಕ ಯುದ್ದದಲ್ಲಿ ಭಾಗವಹಿಸಿದ್ದನು. 1935ರಲ್ಲಿ ಕೈಗಾರಿಕಾ ತರಬೇತು ಪಡೆದು ಸರ್ಕಾರಿ ನೌಕರಿಗಾಗಿ , ಊರಿಂದ ಊರಿಗೆ ವರ್ಗವಾಗುತ್ತಿರುವಾಗ ಅಲ್ಫೆರೊವ್ ಜನಿಸಿದನು. ಅಲ್ಫೆರೊವ್ ಅಣ್ಣ ಜೂನ್ 21, 1941ರಲ್ಲಿ ಪ್ರೌಢಶಿಕ್ಷಣ ಮುಗಿಸಿದನು. ಅದರ ಮರುದಿನವೇ ರಷ್ಯಾ ನಾಝಿಗಳ ಆಕ್ರಮಣಕ್ಕೊಳಗಾಯಿತು. ಆಗ ಅವನು ಸಿಡಿ ಮದ್ದಿನ ತಯಾರಿಕೆಯ ಕಾರ್ಖಾನೆಗೆ ಸೇರಿ ದೇಶದ ಸ್ವಾತಂತ್ರ್ಯ ರಕ್ಷಣೆಗಾಗಿ ಹೋರಾಡಿದನು. ಇದು ಅಲ್ಫೆರೊವ್ನ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿಯಿತು. ಯುದ್ದದಿಂದ ಜರ್ಝರಿತವಾಗಿದ್ದ ಮಿನ್ಸ್ಕ್ ಸಿಟಿಯಲ್ಲಿ ಅಲ್ಫೆರೊವ್ ಶಿಕ್ಷಣ ಮುಂದುವರೆಯಿತು. ನಂತರ ಲೆನಿನ್ಗ್ರ್ಯಾಡ್ನ ಉಲ್ ಯಾನೊವ್ ಎಲೆಕ್ಟ್ರೋಟೆಕ್ನಿಕಲ್ ಇನ್ಸ್ಟಿಟ್ಯೂಟ್ನಲ್ಲಿ ಎಲೆಕ್ಟ್ರಾನಿಕ್ಸ್ ಹಾಗೂ ರೇಡಿಯೋ ತಂತ್ರಜ್ಞಾನದಲ್ಲಿ ಶಿಕ್ಷಣ ಪಡೆಯಲು ಅಲ್ಫೆರೊವ್ ಪ್ರವೇಶ ಪಡೆದನು. ಇಲ್ಲಿ ಬಿಸ್ಮತ್ ಟೆಲ್ಯುರೈಡ್ ಸಂಯುಕ್ತಗಳ ದ್ಯುತಿಪಟುತ್ವವನ್ನು (Photoactivity) ಕುರಿತಾಗಿ ಅಲ್ಫೆರೊವ್ ಅಧ್ಯಯನ ನಡೆಸಿದನು. 1952ರಲ್ಲಿ ಫಿûಸಿಕೊ-ಟೆಕ್ನಿಕಲ್ ಇನ್ಸ್ಟಿಟಿಟ್ಯೂಟ್ ಸೇರಿ ಪಿ.ಎನ್ ಸಂಧಿಗಳಲ್ಲಿ (P-N junctions) ಟ್ರಾನ್ಸಿಸ್ಟರ್ ನಿರ್ಮಿಸುವ ತಂಡದ ಸದಸ್ಯನಾದನು. ಇಲ್ಲಿ ಅರೆವಾಹಕ ತಂತ್ರಜ್ಞಾನದಲ್ಲಿ ಖ್ಯಾತರಾಗಿದ್ದ ವಿಜ್ಞಾನಿಗಳ ದಂಡೇ ಇದ್ದಿತು. ಈ ತಂಡ ಟ್ರಾನ್ಸಿಸ್ಟರ್ ಆಧಾರಿತ ಎಲೆಕ್ಟ್ರಾನಿಕ್ ಮಂಡಲಗಳನ್ನು (Circuits) ಆ ಮೂಲಕ ಸಾಧನಗಳನ್ನು ನಿರ್ಮಿಸಿತು. ಅಲ್ಪ ಕಾಲದಲ್ಲೇ ಇವರು ಸೋವಿಯತ್ ರಷ್ಯಾದ ಮೊದಲ ಜರ್ಮೇನಿಯಂ ಶೋಧಕ (Germanium Filter) ಜರ್ಮೇನಿಯಂ ದ್ಯುತಿ ಡಯೋಡ್ಗಳನ್ನು (Filter/Rectifier) ನಿರ್ಮಿಸಿದರು. 1958ರಲ್ಲಿ ಸೋವಿಯತ್ ರಷ್ಯಾದ ಪರಮಾಣು ಚೈತನ್ಯ ಆಧಾರಿತ ಜಲಾಂತರ್ಗಾಮಿಯನ್ನು ನಿರ್ಮಿಸುವ ಯೋಜನೆಯನ್ನು ಕೈಗೊಳ್ಳಲಾಯಿತು. ಈ ಯೋಜನೆಗೆ ಫಿಸಿಕೋ ಟೆಕ್ನಿಕಲ್ ಇನ್ಸಿಟಿಟ್ಯೂಟ್ನಿಂದ ಆಲ್ಫೆರೊವ್ ಸದಸ್ಯನಾಗಿದ್ದ ತಂಡವನ್ನು ಎಲೆಕ್ಟ್ರಿಕಲ್ ನಿಯಂತ್ರಣ ಸಾಧನಗಳನ್ನು ವಿನ್ಯಾಸಿಸಲು ನಿಯೋಜಿಸಲಾಯಿತು. 1961ರಲ್ಲಿ ಆಲ್ಫೆರೊವ್ ಜರ್ಮೇನಿಯಂ ಅರೆವಾಹಕ ಟ್ರಾನ್ಸಿಸ್ಟರ್ಗಳ ಮೇಲೆ ಸಂಪ್ರಬಂಧ ಮಂಡಿಸಿ ಡಾಕ್ಟರೇಟ್ ಗಳಿಸಿದನು. ಅಲ್ಫೆರೊವ್ 1969ರ ವೇಳೆಗೆ ಫಿûಸಿಕೋಟೆಕ್ನಿಕಲ್ ಇನ್ಸ್ಟಿಟ್ಯೂಟ್ನಲ್ಲಿ ಹಿರಿಯ ಸಹಾಯಕ ಸಂಶೋಧಕವಾದನು. ಈ ಕಾಲದಲ್ಲೇ ಟ್ರಾನ್ಸಿಸ್ಟರ್ನ್ನು ಲೇಸರ್, ಸೌರಕೋಶ, ಲೇಸರ್ ಇತ್ಯಾದಿಗಳೊಂದಿಗೆ ಸಮನ್ವಯಗೊಳಿಸುವ ಕೆಲಸಗಳು ಯಶಸ್ಸನ್ನು ಕಂಡವು. 1969ರಲ್ಲಿ ಅಸಂಸಂಗಳಿಗೆ ಭೇಟಿ ನೀಡಿದ ಅಲ್ಫೆರೊವ್ ಡೆಲಾವರ್ನಲ್ಲಿ ನಡೆದ ಅಂತಾರಾಷ್ಟ್ರೀಯ ಸಮ್ಮೇಳನದಲ್ಲಿ ಸಾಮಾನ್ಯ ತಾಪಮಾನದಲ್ಲಿರುವ ಲೇಸರ್ ಉತ್ಪಾದನೆಯ ಬಗೆಗೆ ಭಾಷಣ ಮಾಡಿದನು. ನಂತರ ಬೆಲ್ ಪ್ರಯೋಗಾಲಯಗಳಿಗೆ ಭೇಟಿ ನೀಡಿದನು. ಇಲ್ಲಿ ರಷ್ಯಾ ಹಾಗೂ ಆಸಂಸಂದ ವಿಜ್ಞಾನಿಗಳ ಮಧ್ಯೆ ಇರುವ ಸಾಮ್ಯ, ವೈದೃಶ್ಯ ಹಾಗೂ ಸ್ಪರ್ದೆಗಳನ್ನು ಅರಿತನು. ದೃಗ್ ರಜ್ಜುವಿನಲ್ಲಿ ಬೆಳಕನ್ನು ಕಳಿಸುವ ವಿಧಾನಗಳಲ್ಲಿ ಅಲ್ಫೆರೊವ್ ತಂಡ ಗಮನಾರ್ಹ ಯಶಸ್ಸನ್ನು ಕಂಡಿತು. 1970-1971ರಲ್ಲಿ ಅಸಂಸಂ ಇಲಿನಾಯ್ ವಿಶ್ವವಿದ್ಯಾಲಯದಲ್ಲಿ ಅಲ್ಫೆರೊವ್, ಅರೆವಾಹಕಗಳನ್ನು ಕುರಿತಾಗಿ ಸಂಶೋಧನೆ ನಡೆಸಿದನು. ಇಲ್ಲಿ ನಿಕ್ ಹೋಲೊನ್ಯಾಕ್ನ ಸ್ನೇಹ ದಕ್ಕಿತು. ನಿಕ್ ಹೊಲೊನ್ಯಾಕ್ ದೃಗ್ಗೋಚರ ಅರೆವಾಹಕ ಲೇಸರ್ ಹಾಗೂ ದ್ಯುತಿ ಉತ್ಸರ್ಜಕ ಡಯೋಡ್ (Photo Emmitting Diode) ಉಪಜ್ಞಿಸಿದಾತ. ಇದೇ ವರ್ಷ ಅಲ್ಫೆರೊವ್ಗೆ ಅಸಂಸಂ ಫಾ್ರಂಕ್ಲಿನ್ ಸಂಸ್ಥೆಯ ಸ್ವರ್ಣ ಪದಕ ದಕ್ಕಿತು. 1972ರಲ್ಲಿ ಅಲ್ಫೆರೋವ್ ಹಾಗೂ ಸಂಗಡಿಗರಿಗೆ ಸೋಷಿಯತ್ ರಷ್ಯಾದ ಅತ್ಯುನ್ನತ ವಿಜ್ಞಾನ ಪ್ರಶಸ್ತಿಯಾದ ಲೆನಿನ್ ಪ್ರಶಸ್ತಿ ದಕ್ಕಿತು. ಮುಂದೆ ಕ್ವಾಂಟಂ ಬಿಂದು ರಚನೆಗಳ (Quantum Point Structures) ಅಧ್ಯಯನಕ್ಕೆ ಜಗತ್ತಿನಾದ್ಯಂತ ಒಲವು ಮೂಡಿತು. ಈ ಕ್ಷೇತ್ರದಲ್ಲಿ ಅಲ್ಫೆರೊವ್ ಹಾಗೂ ಶಿಷ್ಯಂದಿರು ಗಮನಾರ್ಹ ಸಾಧನೆ ಮಾಡಿದ್ದಾರೆ. ಅರೆ ವಾಹಕಗಳ ಕ್ಶೇತ್ರದಲ್ಲಿನ ಅಲ್ಫೆರೊವ್ ಸಾಧನೆಗಾಗಿ 2000ರಲ್ಲಿ ನೊಬೆಲ್ ಪ್ರಶಸ್ತಿ ನೀಡಲಾಯಿತು.